ರಾಜ್‌ಕೋಟ್‌, ಜ.15,2025: ಪ್ರವಾಸಿ ಐರ್ಲೆಂಡ್‌(India Women vs Ireland Women) ವಿರುದ್ಧದ ಅಂತಿಮ ಏಕದಿನ ಪಂದ್ಯಲ್ಲಿ ಟೀಮ್‌ ಇಂಡಿಯಾದ ಎಡಗೈ ಆರಂಭಿಕ ಬ್ಯಾಟರ್‌ ಸ್ಮೃತಿ ಮಂಧಾನ(Smriti Mandhana) ಬಿರುಸಿನ ಬ್ಯಾಟಿಂಗ್‌ ಮೂಲಕ ಶತಕ ಬಾರಿಸಿ ಮಿಂಚಿದ್ದಾರೆ. ಇದೇ ವೇಳೆ ಭಾರತೀಯ ದಾಖಲೆಯೊಂದನ್ನು ನಿರ್ಮಿಸಿದ್ದಾರೆ. ಏಕದಿನದಲ್ಲಿ ಅತಿ ವೇಗದ ಶತಕ ಸಿಡಿಸಿದ ಮೊದಲ ಭಾರತೀಯ ಆಟಗಾರ್ತಿ ಎನಿಸಿಕೊಂಡರು.

ಮಂಧಾನಗೂ ಮುನ್ನ ಈ ದಾಖಲೆ ನಾಯಕಿ ಹರ್ಮನ್‌ಪ್ರೀತ್‌ ಕೌರ್‌ ಹೆಸರಿನಲ್ಲಿತ್ತು. ಕೌರ್‌ ಕಳೆದ ವರ್ಷ ಬೆಂಗಳೂರಿನಲ್ಲಿ ನಡೆದಿದ್ದ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ 87 ಎಸೆತದಲ್ಲಿ ಶತಕ ಬಾರಿಸಿದ್ದರು. ಇದೀಗ ಮಂಧಾನ 70 ಎಸೆತದಲ್ಲಿ ಶತಕ ಪೂರೈಸಿವು ಮೂಲಕ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡರು.

ಒಟ್ಟು 80 ಎಸೆತ ಎದುರಿಸಿದ ಮಂಧಾನ 12 ಬೌಂಡರಿ ಮತ್ತು 7 ಸಿಕ್ಸರ್‌ ನೆರವಿನಿಂದ 135 ರನ್‌ ಚಚ್ಚಿದರು. ಇದು ಅವರ 10ನೇ ಏಕದಿನ ಶತಕವಾಗಿದೆ. ಆರಂಭಿಕ ಆಟಗಾರ್ತಿ ಪ್ರತೀಕಾ ರಾವಲ್ ಈ ಪಂದ್ಯದಲ್ಲಿ ಅಬ್ಬರದ ಬ್ಯಾಟಿಂಗ್‌ ನಡೆಸಿ ಶತಕ ಬಾರಿಸಿದರು. ಹೊಡಿ ಬಡಿ ಆಟದ ಮೂಲಕ 154 ರನ್‌ ಬಾರಿಸಿದರು. ಸಿಡಿದದ್ದು 20 ಬೌಂಡರಿ ಮತ್ತು ಒಂದು ಸಿಕ್ಸರ್‌. ಉಭಯ ಆಟಗಾರ್ತಿಯ ಈ ಸಿಡಿಲಬ್ಬರದ ಬ್ಯಾಟಿಂಗ್‌ ನೆರವಿನಿಂದ ಭಾರತ ತಂಡ ನಿಗದಿತ 50 ಓವರ್‌ಗಳಲ್ಲಿ 5 ವಿಕೆಟ್‌ಗೆ 435 ರನ್‌ ಬಾರಿಸಿತು. ಗುರಿ ಬೆನ್ನಟ್ಟಿದ ಐರ್ಲೆಂಡ್‌ 31.4 ಓವರ್‌ಗಳಲ್ಲಿ 131 ರನ್‌ಗೆ ಸರ್ವಪತನ ಕಂಡು 304 ರನ್‌ ಸೋಲಿಗೆ ತುತ್ತಾಯಿತು.

ಏಕದಿನ ಕ್ರಿಕೆಟ್‌ನಲ್ಲಿ ಅತಿ ವೇಗದ ಅರ್ಥಶತಕ ಬಾರಿಸಿದ ದಾಖಲೆ ಆಸ್ಟ್ರೇಲಿಯಾದ ಮಾಜಿ ಆಟಗಾರ್ತಿ ಮೆಗ್‌ ಲ್ಯಾನಿಂಗ್‌ ಹೆಸರಿನಲ್ಲಿದೆ. ಅವರು 2012ರಲ್ಲಿ ನ್ಯೂಜಿಲ್ಯಾಂಡ್‌ ವಿರುದ್ಧ ಕೇವಲ 45 ಎಸೆತದಲ್ಲಿ ಶತಕ ಬಾರಿಸಿದ್ದರು.

Jasprit Bumrah: ಕಪಿಲ್‌, ಇಶಾಂತ್‌ ದಾಖಲೆ ಮುರಿದ ಬುಮ್ರಾ