ಇತ್ತೀಚೆಗೆ ಮುಂಬೈನಲ್ಲಿ ನಡೆದ ನಟರ ಸಭೆಯಲ್ಲಿ ನಟಿ ಡೈಸಿ ಶಾ (Daisy Shah ) ತಮ್ಮ ವೃತ್ತಿಜೀವನದ ಆರಂಭಿಕ ಘಟನೆಯನ್ನು ಮೆಲುಕು ಹಾಕಿದರು. ಜೈ ಹೋ (2014) ಚಿತ್ರದಲ್ಲಿ ಸಲ್ಮಾನ್ ಖಾನ್ (Salman Khan) ಜೊತೆಗೆ ಬಾಲಿವುಡ್ಗೆ (Bollywood) ಪದಾರ್ಪಣೆ ಮಾಡಿದ ನಟಿ ಡೈಸಿ ಶಾ , ಸಂದರ್ಶನವೊಂದರಲ್ಲಿ ತಮ್ಮ ಅನುಭವವನ್ನು ಹಂಚಿಕೊಂಡರು.
ಪ್ರಜ್ವಲ್ ದೇವರಾಜ್ ಅಭಿನಯದ ''ಭದ್ರ''.. ಜಗ್ಗೇಶ್ ಅಭಿನಯದ ''ಬಾಡಿಗಾರ್ಡ್''.. ''ಗಜೇಂದ್ರ''.. ಹೀಗೆ ಒಂದಾದ ಮೇಲೊಂದು 3 ಕನ್ನಡ ಚಿತ್ರಗಳನ್ನು ಕೂಡ ಮಾಡಿದ್ದರು ಡೈಸಿ ಶಾ. . ದಕ್ಷಿಣದ ನಿರ್ದೇಶಕರೊಬ್ಬರು ನನಗೆ ಕೆಟ್ಟದಾಗಿ ಮುಟ್ಟಿದರು ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Karna Serial: ಅರ್ಜುನ ಎದುರು ನಿಧಿ; ಕರ್ಣನ ಮನದಲ್ಲಿ ತಳಮಳ!
ಅಸಭ್ಯವಾಗಿ ನನ್ನನ್ನು ಮುಟ್ಟಿದರು
ಈ ಕುರಿತು ''ದಿ ಫ್ರೀ ಪ್ರೆಸ್ ಜರ್ನಲ್''ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡಿರುವ ಡೈಸಿ ಶಾ, ಮುಂಬೈಗೆ ದಕ್ಷಿಣದ ನಿರ್ದೇಶಕರೊಬ್ಬರು ತಮ್ಮ ಚಿತ್ರಕ್ಕೆ ಪಾತ್ರಧಾರಿಗಳನ್ನು ಆಯ್ಕೆ ಮಾಡಲು ಬಂದಿದ್ದರು ಎಂದು ಹೇಳಿದ್ದಾರೆ. ಅವರು ಬರುತ್ತಿರುವ ಹಿನ್ನೆಲೆ ನಾವು 6-7 ಹುಡುಗಿಯರು ಅವರನ್ನು ಭೇಟಿ ಮಾಡಲು ಹೋಗಿದ್ದೆವು ಎಂದು ಹೇಳಿರುವ ಡೈಸಿ ಶಾ ಅವರಿ ಎಲ್ಲರನ್ನೂ ಒಬ್ಬೊಬ್ಬರನ್ನಾಗಿಯೇ ಕರೆದು ವೈಯಕ್ತಿಕವಾಗಿ ಭೇಟಿ ಮಾಡುತ್ತಿದ್ದರು ಎಂದು ಹೇಳಿದ್ದಾರೆ.
ನನ್ನ ಸರದಿ ಬಂದಾಗ ನಾನು ಹೋದೆ, ಆ ಸಮಯದಲ್ಲಿ ಅವರು ತುಂಬಾ ಅಸಭ್ಯವಾಗಿ ನನ್ನನ್ನು ಮುಟ್ಟಿದರು ಎಂದು ಹೇಳಿರುವ ಡೈಸಿ ಶಾ ನನ್ನ ಕೈಯನ್ನು ಅವರು ಹಿಡಿದುಕೊಂಡರು ಎಂದು ಹೇಳಿದ್ದಾರೆ. ಅವರ ಆ ವರ್ತನೆ ನನಗೆ ಇಷ್ಟವಾಗಲಿಲ್ಲ. ನನಗೆ ಸಾಮಾನ್ಯವಾಗಿ ಯಾರಾದರೂ ಮುಟ್ಟಿದರೆ ಇಷ್ಟ ಆಗುವುದಿಲ್ಲ. ಇದೇ ಕಾರಣಕ್ಕೆ ನಾನು ಮಸಾಜ್ ಕೂಡ ಮಾಡಿಸಿಕೊಳ್ಳುವುದಿಲ್ಲ ಎಂದು ಹೇಳಿದ್ದಾರೆ. ನನಗೆ ಅವರ ಆ ವರ್ತನೆಯಿಂದ ತುಂಬಾ ಬೇಸರವಾಯ್ತು ಎಂದು ಹೇಳಿದ್ದಾರೆ. ಆದರೆ ಆ ನಿರ್ದೇಶಕ ಯಾರು ಅಂತ ನಟಿ ಹೆಸರನ್ನು ಹೇಳಲಿಲ್ಲ.
ಡೈಸಿ ಶಾ ನೃತ್ಯ ನಿರ್ದೇಶಕ ಗಣೇಶ್ ಆಚಾರ್ಯ ಅವರ ಸಹಾಯಕರಾಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಜೈ ಹೋ ಚಿತ್ರದ ಮೂಲಕ ಬಾಲಿವುಡ್ನಲ್ಲಿ ಖ್ಯಾತಿಯನ್ನು ಗಳಿಸಿದರು ಮತ್ತು ನಂತರ ಹೇಟ್ ಸ್ಟೋರಿ 3 (2015) ನಲ್ಲಿ ಕಾಣಿಸಿಕೊಂಡರು. ನಟನೆಯ ಜೊತೆಗೆ, ಅವರು ನೃತ್ಯ ರಿಯಾಲಿಟಿ ಶೋಗಳಲ್ಲಿ ಭಾಗವಹಿಸಿದ್ದಾರೆ ಮತ್ತು ವಿವಿಧ ದೂರದರ್ಶನ ಕಾರ್ಯಕ್ರಮಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಇತ್ತೀಚೆಗೆ, ಡೈಸಿ ಅಮಿತ್ ಗೌರ್, ಅನುಜ್ ಸಚ್ದೇವ, ರೀನಾ ಅಗರ್ವಾಲ್ ಮತ್ತು ರೀವಾ ಚೌಧರಿ ಅವರೊಂದಿಗೆ ಅಮ್ಜದ್ ಖಾನ್ ಅವರ ವೆಬ್ ಸರಣಿ ರೆಡ್ ರೂಮ್ನಲ್ಲಿ ಕಾಣಿಸಿಕೊಂಡರು . ಹೆಚ್ಚುವರಿಯಾಗಿ, ಅವರು ಯೂಟ್ಯೂಬ್ನಲ್ಲಿ ಸಕ್ರಿಯರಾಗಿದ್ದಾರೆ.
ಇದನ್ನೂ ಓದಿ: Amruthadhaare Serial: ಗೌತಮ್- ಜೈದೇವ್ ಜಟಾಪಟಿ ಅಂತ್ಯ? ಸೀರಿಯಲ್ ಮುಗಿಯೋ ಟೈಂ ಬಂದೇ ಬಿಡ್ತಾ?
ಭವಿಷ್ಯದಲ್ಲಿ, ಪಲಾಶ್ ಮುಚ್ಚಲ್ ನಿರ್ದೇಶನದ , ಶ್ರೇಯಸ್ ತಲ್ಪಡೆ ನಟಿಸುತ್ತಿರುವ ಮುಂಬರುವ ಥ್ರಿಲ್ಲರ್ ಚಿತ್ರದಲ್ಲಿ ಡೈಸಿ ನಾಯಕಿಯಾಗಿ ನಟಿಸಲಿದ್ದಾರೆ .