ಬಿಗ್ ಬಾಸ್ ಸೀಸನ್‌ 12ರಲ್ಲಿ (Bigg Boss Kannada 12) ನಗಿಸೋ ಸ್ಪರ್ಧಿ ಅಂದರೆ ಅದುವೇ ಗಿಲ್ಲಿ (Gilli). ಶನಿವಾರ ಸಂಚಿಕೆಯಲ್ಲಿ ಸುದೀಪ್ (Sudeep) ಅವರು ಸ್ಪರ್ಧಿಗಳಿಗೆ ಕ್ಲಾಸ್‌ ತೆಗೆದುಕೊಳ್ಳುತ್ತಿದ್ದರೆ, ಭಾನುವಾರ ಅಷ್ಟೇ ಎಲ್ಲರನ್ನೂ ನಗಿಸುತ್ತಾರೆ. ಆದರೆ ನಿನ್ನೆಯ ಎಪಿಸೋಡ್‌ನಲ್ಲಿ ಗಿಲ್ಲಿಯ ಅನುಕರಣೆಗೆ (Imitate) ವೀಕ್ಷಕರು ಖುಷಿ ವ್ಯಕ್ತಪಡಿಸುತ್ತಿದ್ದಾರೆ. ನಿನ್ನೆ ಗಿಲ್ಲಿ ಅವರು ಸುದೀಪ್ ಆಗಿದ್ರೆ, ಸುದೀಪ್ ಅವರು ಗಿಲ್ಲಿ ಆಗಿದ್ರು. ಸುದೀಪ್ ಅವರು ಗಿಲ್ಲಿ ಅವರು ಕಾವ್ಯ ಆಗುವ ರೀತಿ, ಕಾವ್ಯ ಅವರು ಗಿಲ್ಲಿ ರೀತಿ ಇಮಿಟೇಟ್‌ ಮಾಡಲು ಹೇಳಿದರು. ಹೇಗಿತ್ತು ಗಿಲ್ಲಿಯ ತಮಾಷೆ?
ಮೊದಲಿಗೆ ಕಾಕ್ರೋಚ್ ಸುಧಿ ಅವರು ಸುದೀಪ್ ಅವರ ರೀತಿ ಮಿಮಿಕ್ರಿ ಮಾಡಿದರು. ಸುದೀಪ್ ಅವರಂತೆ ಇರಲು ಸಾಕಷ್ಟು ಪ್ರಯತ್ನ ಕೂಡ ಮಾಡಿದರು. ಬಳಿಕ ಗಿಲ್ಲಿಯ ಸರದಿ. ರಘು ಅವರಿಂದ ಮೊದಲು ಚೈನ್ ಹಿಡಿದುಕೊಂಡು ಸುದೀಪ್ ಅವರಂತೆ ನಟಿಸಲು ಆರಂಭಿಸಿದರು. ಧ್ರುವಂತ್, ರಾಶಿಕಾ, ರಿಶಾ ಇತರೆ ಅವರುಗಳನ್ನು ಸುದೀಪ್ ಅವರಂತೆಯೇ ಮಾತನಾಡಿಸಿದರು.
ಇದನ್ನೂ ಓದಿ: Bigg Boss Kannada 12: ಬಿಗ್ ಬಾಸ್ ಮನೆಯ ಯಾರ ಜರ್ನಿ ಎಂಡ್‌? ಈ ಸ್ಪರ್ಧಿಯೇ ಔಟ್‌?
ಗಿಲ್ಲಿಯ ಡೈಲಾಗ್‌ ಹೇಗಿತ್ತು?
ʻನೋಡಿ ರಿಷಾ ಅವರೇ ಈ ಮನೆಯಲ್ಲಿ ಕೂಗಾಡಿದ್ರೆ ಮಾತ್ರ ಪ್ಲಾಬ್ಲಂ ಆಗಲ್ಲ, ವಾಂತಿ ಮಾಡಿದ್ರೂ ಆಗತ್ತೆʼ ಎಂದು ಡೈಲಾಗ್‌ಹೇಳಿದರು. ಕಾವ್ಯ ಅವರಿಗೆ ಗಿಲ್ಲಿ ಕವನ ಮೂಲಕ ಡೈಲಾಗ್‌ ಕೊಟ್ಟರು. ʻಬಿಗ್ ಬಾಸ್ ಮನೆಯಲ್ಲಿ ನಾನು ಒಂಥರ ಅಪ್ಸರಾ. ಅವಳ ಕಣ್ಣುಗಳ ನೋಡೋದಕ್ಕೆ ಸುಂದರʼ ಎಂದು ಹೇಳಿದ್ದಾರೆ. ಅದಕ್ಕೆ ಸುದೀಪ್ ಅವರು, ʻನಾನು ಹೇಳಿದ ಹಾಗೇ ಇಲ್ವಲ್ಲʼ ಎಂದು ಗಿಲ್ಲಿ ಕಾಳೆಲದರು. ಆದ್ರೆ ಗಿಲ್ಲಿ ಸುದೀಪ್ ಅವರ ಡೈಲಾಗ್‌ನಂತೆ, ʻಕೊನೆಯಲ್ಲಿ ಹೇಳಬೇಕು ಅನ್ನಿಸಿತು ಹೇಳ್ದೆʼ ಎಂದಿದ್ದಾರೆ. ಹೀಗೆ ಹೇಳುತ್ತಲೇ ಕಿಚ್ಚ ನಕ್ಕಿದ್ದಾರೆ.
,ಸರಿ ಈಗ ಗಿಲ್ಲಿಗೆ ಏನಾದರೂ ಹೇಳಿ ಎಂದು, ಈಗ ನಾನೇ ಗಿಲ್ಲಿ ಆಗುತ್ತೇನೆ, ನೀವು ಸುದೀಪ್, ನನ್ನನ್ನು ನೋಡಿಕೊಂಡೇ ಹೇಳಿ ಎಂದರು. ಅಲ್ಲದೆ, ನಾನು ಬೇಕಾದರೆ ಬನಿಯನ್ ಅನ್ನು ಹಾಕಿಕೊಂಡು ಬೇಕಾದರೆ ಬರುತ್ತೇನೆ ಎಂದರು. ಆದರೆ ಸುದೀಪ್ ಅವರು ಗಿಲ್ಲಿ ರೀತಿ ನಟನೆ ಮಾಡಿದ್ದು ಸ್ವತಃ ಗಿಲ್ಲಿ ಗಾಬರಿ ಆದರು.
ಗಿಲ್ಲಿ ಬಟ್ಟೆ ವಾಶ್‌ ಮಾಡೋದು ಹೇಗೆ ಗೊತ್ತಾ?
ಸುದೀಪ್ ಅವರು ಕೊನೆಯಲ್ಲಿ ಗಿಲ್ಲಿ ಅವರ ಬಳಿ ಬಟ್ಟೆ ಎಲ್ಲ ವಾಶ್‌ ಆಗಿದೆಯಾ? ಎಂದು ಪ್ರಶ್ನೆ ಇಟ್ಟರು. ಅದಕ್ಕೆ ಗಿಲ್ಲಿ ಅವರು ಸ್ವಲ್ಪ ಇನ್ನೂ ಉಳಿದಿದೆ ಎಂದಿದ್ದಾರೆ. ಈ ಬಾರಿ ಯಾರು ಯಾರು ನಿಮ್ಮ ಬಟ್ಟೆಗಳನ್ನು ಗಿಲ್ಲಿ ಕೈಯಿಂದ ಒಗೆಸಿಕೊಳ್ಳಬೇಕು ಎಂಬ ಆಸೆಯಿದೆ ಎಂದು ಕೇಳಿದರು. ಅದಕ್ಕೆ ಹಲವು ಕೈ ಎತ್ತಿದರು. ಆದರೆ ಕಾವ್ಯಾ ಕೈ ಎತ್ತಲಿಲ್ಲ. ಈ ಬಗ್ಗೆ ವಿಟಿ ಕೂಡ ಪ್ಲೇ ಮಾಡಿಸಿದರು. ಗಿಲ್ಲಿ ಅವರು ಬಕೆಟ್‌ನಲ್ಲಿ ಬಟ್ಟೆಗಳನ್ನು ಹಾಕಿ ಕಾಲಲ್ಲಿ ತೊಳೆಯುವ ದೃಶ್ಯ ನೋಡಿ ಮನೆಮಂದಿ ಶಾಕ್‌ ಆಗಿದ್ದಾರೆ. ಇದನ್ನ ನೋಡಿ ತಮ್‌ ಬಟ್ಟೆಗಳನ್ನ ತಾವೇ ತೊಳೆದುಕೊಳ್ಳುವುದಾಗಿ ಹೇಳಿದ್ದಾರೆ.
ಇದನ್ನೂ ಓದಿ: Bigg Boss Kannada 12: ಬಿಗ್ಬಾಸ್ ಮನೆಯಿಂದ ಕಾಕ್ರೋಚ್ ಸುಧಿ ಔಟ್‌; ʻಸೂಪರ್‌ ಪವರ್‌ʼ ಸುಧಿಯ ಜರ್ನಿ ಹೇಗಿತ್ತು?
ಕಾವ್ಯ ಆದ ಗಿಲ್ಲಿ, ಗಿಲ್ಲಿ ಆದ ಕಾವ್ಯ
ಸುದೀಪ್ ಅವರು ಗಿಲ್ಲಿ ಅವರು ಕಾವ್ಯ ಆಗುವ ರೀತಿ, ಕಾವ್ಯ ಅವರು ಗಿಲ್ಲಿ ರೀತಿ ಇಮಿಟೇಟ್‌ ಮಾಡಲು ಹೇಳಿದರು. ಗಿಲ್ಲಿ ಅವರು ಕಾವ್ಯ ಕೈ ಹಿಡಿದು ಕೊಂಡು ಥೇಟ್‌ ಕಾವ್ಯ ರೀತಿಯೇ ಮಿಮಿಕ್ರಿ ಮಾಡಿದ್ದಾರೆ. ಕಾವ್ಯ ಕೂಡ ಓಂ ಸಿನಿಮಾದ ಹಾಡನ್ನು ಹೇಳಿ , ಗಿಲ್ಲಿ ಕಾಳೆಳಿದ್ದಾರೆ. ಒಟ್ಟಾರೆ, ನಿನ್ನೆ ಇಡೀ ಮನೆಯೇ ಸಂತಸದಿಂದ ಇತ್ತು.