ಕಮಲ್ ಹಾಸನ್ ಕಳೆದ 7 ವರ್ಷಗಳಿಂದ ಬಿಗ್ ಬಾಸ್ (Bigg Boss Tamil) ಕಾರ್ಯಕ್ರಮವನ್ನು ಆಯೋಜಿಸುತ್ತಿದ್ದರೆ, ಅವರ ನಿರ್ಗಮನದ ನಂತರ, ವಿಜಯ್ ಸೇತುಪತಿ 8 ಮತ್ತು 9 ನೇ ಸೀಸನ್‌ಗಳನ್ನು ಆಯೋಜಿಸಿದ್ದರು . ಪ್ರಸ್ತುತ 10 ನೇ ಸೀಸನ್ ಅನ್ನು ಸಹ ಆಯೋಜಿಸುವುದನ್ನು ಮುಂದುರಿವರೆಸಿದರು. ಸದ್ಯ 49ನೇ ದಿನಕ್ಕೆ ಹೊಸ್ಟ್ (Host) ಬದಲಾಗಿದ್ದಾರೆ. ರಮ್ಯಾ ಕೃಷ್ಣ ಎಂಟ್ರಿ ಕೊಟ್ಟಿದ್ದಾರೆ.. ಈ ಬಾರಿಯ ಸೀಸನ್‌ನಲ್ಲಿ ಸ್ಪರ್ಧೆಗಳು ಕೂಡ ಸ್ಮಾರ್ಟ್‌ ಆಗಿ ಆಟ ಆಡುತ್ತಿದ್ದಾರೆ. ದಿನಕ್ಕೊಂದು ಹೊಸ ತಿರುವುಗಳನ್ನು ಪಡೆದುಕೊಳ್ಳುತ್ತದೆ ಬಿಗ್ ಬಾಸ್ ಶೋ. ಎಂದಿನಂತೆ ಎರಡು ತಂಡಗಳಾಗಿ ಸ್ಪರ್ಧಿಗಳು ಆಟ ಆಡಿದರು.
ಈ ಮಧ್ಯೆ, ಈ ವಾರಾಂತ್ಯದ ಸಂಚಿಕೆಗಳನ್ನು ವಿಜಯ್ ಸೇತುಪತಿ ಬದಲಿಗೆ ಜನಪ್ರಿಯ ಹಿರಿಯ ನಟಿ ರಮ್ಯಾ ಕೃಷ್ಣನ್ ನಿರೂಪಣೆ ಮಾಡಲಿದ್ದಾರೆ ಎಂದು ಅಧಿಕೃತವಾಗಿ ಘೋಷಿಸಲಾಗಿದೆ. ಈ ನಿಟ್ಟಿನಲ್ಲಿ ವಿಜಯ್ ಟಿವಿ ಈಗ ಆಕ್ಷನ್-ಪ್ಯಾಕ್ಡ್ ಪ್ರೋಮೋ ವಿಡಿಯೋವನ್ನು ಬಿಡುಗಡೆ ಮಾಡಿದೆ. ಚಲನಚಿತ್ರೋದ್ಯಮ ವಲಯಗಳಲ್ಲಿ ನಿರೂಪಕರ ಹಠಾತ್ ಬದಲಾವಣೆಗೆ ಕಾರಣವನ್ನು ವಿಚಾರಿಸಿದಾಗ, ನಟ ವಿಜಯ್ ಸೇತುಪತಿ ಕಳೆದ ಎರಡು ವಾರಗಳಿಂದ ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದಾರೆ ಎಂದು ತಿಳಿದುಬಂದಿದೆ.
ಇದನ್ನೂ ಓದಿ: Bigg Boss Kannada 13: ಅದ್ಭುತವಾಗಿ ಆಟ ಆಡಿದ ಸೌಂದರ್ಯಾ ಈ ವಾರದ ಕ್ಯಾಪ್ಟನ್‌, ʻಉತ್ತಮʼ ಪಟ್ಟ; ಕಿಚ್ಚನ ಚಪ್ಪಾಳೆ ಯಾರಿಗೆ?
ವೈದ್ಯರ ಸಲಹೆಯ ಮೇರೆಗೆ ವಿಶ್ರಾಂತಿ ಪಡೆಯಬೇಕಾಗಿದ್ದರಿಂದ ಅವರು ಈ ವಾರ ಹಾಜರಾಗಲು ಸಾಧ್ಯವಾಗಲಿಲ್ಲ. ಈ ಕಾರಣದಿಂದಾಗಿ, ತಾತ್ಕಾಲಿಕ ವ್ಯವಸ್ಥೆಯಾಗಿ ರಮ್ಯಾ ಕೃಷ್ಣನ್ ಅವರನ್ನು ನಿರೂಪಕರಾಗಿ ಕರೆತರಲಾಗಿದೆ.
ಬಿಗ್ ಬಾಸ್ ಸೀಸನ್ 5 ರ ಸಮಯದಲ್ಲಿ, ಕಮಲ್ ಹಾಸನ್ ಅವರಿಗೆ ಕೊರೊನಾ ಸೋಂಕು ತಗುಲಿರುವುದು ಪತ್ತೆಯಾದಾಗ, ರಮ್ಯಾ ಕೃಷ್ಣನ್ ತಾತ್ಕಾಲಿಕವಾಗಿ ಕೆಲವು ವಾರಗಳ ಕಾಲ ಕಾರ್ಯಕ್ರಮವನ್ನು ಆಯೋಜಿಸಿ ಅಭಿಮಾನಿಗಳಿಂದ ಪ್ರಶಂಸೆ ಪಡೆದರು ಎಂಬುದು ಗಮನಾರ್ಹ.
ಸಾಮಾನ್ಯವಾಗಿ ಬಿಗ್ ಬಾಸ್ ಕಾರ್ಯಕ್ರಮದ ಅಂತಿಮ ವಾರಗಳಲ್ಲಿ ಮಾತ್ರ ನೀಡಲಾಗುವ ಕಠಿಣ ಸ್ಪರ್ಧೆಗಳು ಮತ್ತು ಟಾಸ್ಕ್‌ಗಳನ್ನು ಈ 10 ನೇ ಸೀಸನ್ ಆರಂಭದಿಂದಲೂ ಪ್ರತಿದಿನ ನೀಡಲಾಗುತ್ತಿದೆ ಎಂದು ಅಭಿಮಾನಿಗಳು ಕಾಮೆಂಟ್ ಮಾಡುತ್ತಿದ್ದಾರೆ.
ಇದನ್ನೂ ಓದಿ: Bigg Boss Kannada 13: ತಾಂಡವ್‌ ಗೆಳೆತನಕ್ಕೆ ಅರ್ಹರಲ್ಲ ಗಗನ್‌; ನೇರವಾಗಿ ಹೇಳಿದ ಕಿಚ್ಚ
ಈ ಉದ್ವಿಗ್ನ ಪರಿಸ್ಥಿತಿಯಲ್ಲಿ, "ರಾಜಮಾತೆ" ರಮ್ಯಾ ಕೃಷ್ಣನ್ ಆಗಮನವು ಈ ವಾರದ ಎಲಿಮಿನೇಷನ್ ಮತ್ತು ಪಂಚಾಯತ್ ಸಂಚಿಕೆಗಳನ್ನು ಮತ್ತಷ್ಟು ಬಿಸಿ ಮಾಡುವ ನಿರೀಕ್ಷೆಯಿದೆ. ಕನ್ನಡ ಬಿಗ್ ಬಾಸ್ ಶೋ ಹೊರತು ಪಡೆಸಿ, ಬಹುತೇಕ ಭಾಷೆಗಳಲ್ಲಿ ಹೋಸ್ಟ್‌ಗಳು ಬದಲಾಗಿದ್ದಾರೆ.