Oscars 2025: ಆಸ್ಕರ್ ಪ್ರಶಸ್ತಿ ಪ್ರದಾನ ಸಮಾರಂಭ ; ಯಾರಿಗೆಲ್ಲ ಒಲಿದಿದೆ ಅವಾರ್ಡ್‌?

ವಾಷಿಂಗ್ಟನ್:‌ ಮಾರ್ಚ್​ 3 ರಂದು ಲಾಸ್‌ ಏಂಜಲೀಸ್‌ನಲ್ಲಿ 97ನೇ ಆಸ್ಕರ್ (Oscars 2025) ಅವಾರ್ಡ್ ಪ್ರದಾನ ಕಾರ್ಯಕ್ರಮ ನಡೆಯುತ್ತಿದೆ. ಈ ಹಿಂದೆ ಆತಿಥ್ಯವಹಿಸಿದ್ದ ಕೊನನ್ ಒ ಬ್ರೈನ್​ ಈ ಬಾರಿಯೂ ಕೂಡ ಹೋಸ್ಟ್ ಮಾಡಿದ್ದಾರೆ. ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದಿರುವ ಎಮಿಲಿಯಾ ಪರೇಜ್ ಸುಮಾರು 13 ನಾಮಿನೇಷನ್​ಗಳಲ್ಲಿದ್ದಾರೆ. ಇನ್ನು ವಿಕೆಡ್​ ಸಿನಿಮಾದ ನಟಿ ಅರೈನಾ ಗ್ರಾಂಡೆ ವಿವಿಧ ಬಗೆಯ ವಿಭಾಗದಲ್ಲಿ 10 ನಾಮಿನೇಷನ್​ಗಳಲ್ಲಿ ಹೆಸರನ್ನು ಹೊಂದಿದ್ದಾರೆ. 2024ರಲ್ಲಿ ಬಿಡುಗಡೆಯಾದ ಬ್ರ್ಯೂಟಾಲಿಸ್ಟ್​ ಮತ್ತು ವಿಕೆಡ್​ ಸಿನಿಮಾಗಳು 10 ವಿಭಾಗಗಳಲ್ಲಿ ನಾಮಿನೇಷನ್​ಗೊಂಡಿವೆ.

ಇನ್ನು ನಟನೆಯ ವಿಚಾರದಲ್ಲಿ ಟಿಮೊಥಿ ಚಲಾಮೇಟ್​, ಆ್ಯಂಡ್ರಯನ್ ಬಾಡಿ, ಅರೈನಾ ಗ್ರಾಂಡೇ, ಸೆಬಾಸ್ಟಿಯನ್ ಸ್ಟಾನ್ ಮತ್ತು ಜೆರೆಮಿ ಸ್ಟ್ರಾಂಗ್, ಕೈರನ್ ಕಲ್ಕಿನ್, ಡೆಮಿ ಮೋರ್​ ಇವರೆಲ್ಲರೂ ಕೂಡ ಬೆಸ್ಟ್ ಆ್ಯಕ್ಟರ್ ಹಾಗೂ ಬೆಸ್ಟ್ ಸಪೋರ್ಟಿಂಗ್ ಆ್ಯಕ್ಟರ್ ವಿಭಾಗದಲ್ಲಿ ನಾಮಿನೇಟ್ ಆಗಿದ್ದಾರೆ.

2025 ರ ಆಸ್ಕರ್‌ನಲ್ಲಿ, ಕೀರನ್ ಕಲ್ಕಿನ್ ಎ ರಿಯಲ್ ಪೇನ್‌ನಲ್ಲಿನ ಅಭಿನಯಕ್ಕಾಗಿ ಪೋಷಕ ಪಾತ್ರದಲ್ಲಿ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಪಡೆದರು. ಅನಿಮೇಟೆಡ್ ವಿಭಾಗಗಳಲ್ಲಿ, ಫ್ಲೋ ಅತ್ಯುತ್ತಮ ಅನಿಮೇಟೆಡ್ ಚಲನಚಿತ್ರವನ್ನು ಗೆದ್ದರೆ, ಇನ್ ದಿ ಶಾಡೋಸ್ ಆಫ್ ದಿ ಸೈಪ್ರೆಸ್ ಅತ್ಯುತ್ತಮ ಅನಿಮೇಟೆಡ್ ಕಿರುಚಿತ್ರಕ್ಕಾಗಿ ಪ್ರಶಸ್ತಿಯನ್ನು ಪಡೆದಿದೆ.

ಈ ಸುದ್ದಿಯನ್ನೂ ಓದಿ: Laapataa Ladies: ಆಸ್ಕರ್‌ ಪ್ರ‍ಶಸ್ತಿ ರೇಸ್‌ನಿಂದ ಹೊರಬಿದ್ದ ಲಾಪತಾ ಲೇಡೀಸ್

ವಿಕ್ಟೋರಿಯಾ ವಾರ್ಮರ್‌ಡ್ಯಾಮ್ ಮತ್ತು ಟ್ರೆಂಟ್ ಅವರ ಐ ಆಮ್ ನಾಟ್ ಎ ರೋಬೋಟ್, ಪ್ರಿಯಾಂಕಾ ಚೋಪ್ರಾ ಮತ್ತು ಗುಣೀತ್ ಮೊಂಗಾ ಅವರ ಅನುಜಾವನ್ನು ಸೋಲಿಸುವ ಮೂಲಕ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ತಿಮೋತಿ ಚಲಮೆಟ್ ಮತ್ತು ಝೆಂಡಾಯಾ ಅವರ ಡ್ಯೂನ್: ಭಾಗ ಎರಡು ಅತ್ಯುತ್ತಮ ಧ್ವನಿಗಾಗಿ ಆಸ್ಕರ್ ಪ್ರಶಸ್ತಿಯನ್ನು ಪಡೆಯಿತು. ಬೆಸ್ಟ್ ಎಡಿಟಿಂಗ್ ವಿಭಾಗದಲ್ಲಿ ಅನೋರಾ ದಿ ಬ್ರ್ಯೂಟಲಿಸ್ಟ್​ ಸಿನಿಮಾಗೆ ಆಸ್ಕರ್ ಅವಾರ್ಡ್ ಪಡೆದಿದ್ದಾರೆ. ಇನ್ನು ಬೆಸ್ಟ್ ಮೇಕಪ್ ಮತ್ತು ಬೆಸ್ಟ್​ ಹೇರ್​​ಸ್ಟೈಲ್​​ಗೆ ದಿ ಸಬ್​ಸ್ಟ್ಯಾನ್ಸ್​ ಸಿನಿಮಾದ ಡೆಮಿ ಮೂರೆಗೆ ಪ್ರಶಸ್ತಿ ಒಲಿದಿದೆ. ಎಮಿಲಿಯಾ ಪೆರೆಜ್‌ಗಾಗಿ ಜೋಯ್ ಸಲ್ಡಾನಾ ಅತ್ಯುತ್ತಮ ಪೋಷಕ ನಟಿ, ವಿಕೆಡ್ ಚಿತ್ರಕ್ಕಾಗಿ ಅತ್ಯುತ್ತಮ ವಸ್ತ್ರ ವಿನ್ಯಾಸಕ್ಕಾಗಿ ಪಾಲ್ ಟೇಜ್‌ವೆಲ್ ಅವರು ಪ್ರಶಸ್ತಿಯನ್ನು ಬಾಚಿಕೊಂಡರು.