ಪ್ರಭಾಸ್ (Actor Prabhas) ಸಹನಟರು ಮತ್ತು ಸಹೋದ್ಯೋಗಿಗಳಿಗೆ ವಿಶೇಷ ಭೋಜನ ವ್ಯವಸ್ಥೆ ಮಾಡುತ್ತಲೇ ಇರುತ್ತಾರೆ ‘ಫೌಜಿ’ ಚಿತ್ರದ ನಾಯಕಿ ಇಮಾನ್ವಿ (Imanvi) ಅವರಿಗೆ ಪ್ರಭಾಸ್ ಭರ್ಜರಿ ಊಟ ಕಳುಹಿಸಿದ್ದು, ನಟಿ ಸಾಮಾಜಿಕ ಜಾಲತಾಣದಲ್ಲಿ ಧನ್ಯವಾದ ತಿಳಿಸಿ ತಮ್ಮ ಖುಷಿಯನ್ನು ಹಂಚಿಕೊಂಡಿದ್ದಾರೆ.
ನಟಿ ಇಮಾನ್ವಿ, ಪ್ರಭಾಸ್ ಕಳುಹಿಸಿದ ಊಟದ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. "ಹೃದಯ ಮತ್ತು ಹೊಟ್ಟೆ ಯಾವಾಗಲೂ ತುಂಬಿದೆ ಧನ್ಯವಾದಗಳು ಪ್ರಭಾಸ್ ಎಂದು ಬರೆದುಕೊಂಡಿದ್ದಾರೆ. ಈ ಪೋಸ್ಟ್ ಅವರಿಬ್ಬರ ನಡುವಿನ ಒಳ್ಳೆಯ ಸಂಬಂಧವನ್ನು ತೋರಿಸುತ್ತದೆ.ಪ್ರಭಾಸ್ ಆಹಾರ ಪ್ರೀತಿಸುವವನು ಮತ್ತು ಸಿನಿಮಾ ಸೆಟ್‌ನಲ್ಲಿ ಎಲ್ಲರಿಗೂ ಮನೆಯ ಊಟ ಕೊಡುವುದು ಪ್ರಭಾಸ್ ರೂಢಿ.
ಶೂಟಿಂಗ್ ಸಮಯದಲ್ಲಿ ಮತ್ತು ವಿಶೇಷ ಸಂದರ್ಭಗಳಲ್ಲಿ ಊಟದ ವ್ಯವಸ್ಥೆ ಮಾಡುತ್ತಲೇ ಇರುತ್ತಾರೆ ಪ್ರಭಾಸ್. ಈ ಹಿಂದೆ ದೀಪಿಕಾ ಪಡುಕೋಣೆ, ಶ್ರದ್ಧಾ ಕಪೂರ್, ಪೂಜಾ ಹೆಗ್ಡೆ ಹಾಗೂ ನಿಧಿ ಅಗರ್ವಾಲ್ ಸೇರಿದಂತೆ ಹಲವು ನಾಯಕಿಯರು ಪ್ರಭಾಸ್ ಕಳುಹಿಸಿದ ರಾಜಭೋಜನದ ರುಚಿಯನ್ನು ಸವಿದಿದ್ದಾರೆ. ಪ್ರಭಾಸ್ ಅವರ ಈ ಪ್ರೀತಿಯ ಸತ್ಕಾರವು ಈಗ ಸಿನಿಮಾ ರಂಗದಲ್ಲಿ ಸಖತ್ ಚರ್ಚೆಗೆ ಗ್ರಾಸವಾಗಿದೆ.
ಇದನ್ನೂ ಓದಿ: Bigg Boss Kannada 13: ಗಾನವಿನ ನಂಬಿ ಕೆಟ್ರಾ ಒಂಟಿ ಪಂಟರ್ಸ್?
ವೃತ್ತಿಪರವಾಗಿ, ಪ್ರಭಾಸ್ ಮತ್ತು ಇಮಾನ್ವಿ ಹನು ರಾಘವಪುಡಿ ನಿರ್ದೇಶನದ ಫೌಜಿ ಎಂಬ ಕಾಲದ ಆಕ್ಷನ್ ಡ್ರಾಮಾದಲ್ಲಿ ಕಾಣಿಸಿಕೊಳ್ಳುತ್ತಾರೆ. ಇದು ಇಮಾನ್ವಿಗೆ ದೊಡ್ಡ ಸಿನಿಮಾ. ಸಿನಿಮಾದ ಕಥೆ ಇನ್ನೂ ರಹಸ್ಯವಾಗಿದೆ. .ಫೌಜಿಯ ಜೊತೆಗೆ ಪ್ರಭಾಸ್‌ಗೆ ಇನ್ನೂ ಹಲವು ದೊಡ್ಡ ಸಿನಿಮಾಗಳಿವೆ. ಸಂದೀಪ್ ರೆಡ್ಡಿ ವಂಗಾ ನಿರ್ದೇಶನದ ಸ್ಪಿರಿಟ್ ಇದೆ.
ಇದನ್ನೂ ಓದಿ: Bigg Boss Kannada 13: ಕ್ಯಾಪ್ಟನ್ಸಿ ಓಟದಿಂದ ಔಟ್‌; ಆಸಿಯಾ ಪರ ನಿಂತ ಸೌಂದರ್ಯ!
‘ಫೌಜಿ’ ಸಿನಿಮಾದ ಶೂಟಿಂಗ್ ಕೆಲಸಗಳು ಪ್ರಸ್ತುತ ನಿಧಾನವಾಗಿ ಸಾಗುತ್ತಿವೆ. ನಿರ್ಮಾಪಕರು ಡಿಸೆಂಬರ್ 4ರಂದು ಬಿಡುಗಡೆ ದಿನಾಂಕವನ್ನು ನಿಗದಿಪಡಿಸಿದ್ದರು. ಆದರೆ ಸದ್ಯ ಆ ದಿನಾಂಕವನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲು ನಿರ್ಧರಿಸಿದ್ದಾರೆ. ಕಲ್ಕಿ ೨೮೯೮ ಎಡಿ ಸೀಕ್ವೆಲ್‌ನಲ್ಲಿಯೂ ಪ್ರಭಾಸ್ ಇದ್ದಾರೆ.