ವಿಡಿಯೋ ಫೋಟೋ ಗ್ಯಾಲರಿ ಫ್ಯಾಷನ್​ ಕ್ರೈಂ ಧಾರ್ಮಿಕ ವಿಶ್ವವಾಣಿ ಪ್ರಾಪರ್ಟಿ ಪ್ರವಾಸಿ ಪ್ರಪಂಚ ವಿದೇಶ ಸಂಪಾದಕೀಯ ಉದ್ಯೋಗ

Shruti Haasan: ಬೇರ್ಪಟ್ಟರೂ ಅಪ್ಪ-ಅಮ್ಮನ ನಡುವೆ ಪ್ರೀತಿ ಗಾಢವಾಗಿತ್ತು! ಶ್ರುತಿ ಹಾಸನ್ ಮುಕ್ತ ಮಾತು

Shruti Haasan: ದಕ್ಷಿಣ ಭಾರತದ ಖ್ಯಾತ ನಟ ಕಮಲ್ ಹಾಸನ್ (Kamal Haasan) ಮತ್ತು ನಟಿ ಸಾರಿಕಾ ಅವರು 1988ರಲ್ಲಿ ವಿವಾಹವಾಗಿದ್ದರು. ಆದರೆ ವೈಯಕ್ತಿಕ ಕಾರಣಗಳಿಂದಾಗಿ 2002ರಲ್ಲಿ ಬೇರೆಯಾಗಲು ನಿರ್ಧರಿಸಿ, 2004ರಲ್ಲಿ ವಿಚ್ಛೇದನ ಪಡೆದರು. ಈ ದಂಪತಿಗೆ ಶ್ರುತಿ ಹಾಸನ್ ಮತ್ತು ಅಕ್ಷರಾ ಹಾಸನ್ ಎಂಬ ಇಬ್ಬರು ಪುತ್ರಿಯರಿದ್ದಾರೆ. ಇದೀಗ ನಟಿ ಹಾಗೂ ಗಾಯಕಿ ಶ್ರುತಿ ಹಾಸನ್ ತಮ್ಮ ತಂದೆ-ತಾಯಿಯ ಸಂಬಂಧದ ಕುರಿತು ಮನಬಿಚ್ಚಿ ಮಾತನಾಡಿದ್ದಾರೆ.

ಶ್ರುತಿ ಹಾಸನ್

ದಕ್ಷಿಣ ಭಾರತದ ಖ್ಯಾತ ನಟ ಕಮಲ್ ಹಾಸನ್ (Kamal Haasan) ಮತ್ತು ನಟಿ ಸಾರಿಕಾ ಅವರು 1988ರಲ್ಲಿ ವಿವಾಹವಾಗಿದ್ದರು. ಆದರೆ ವೈಯಕ್ತಿಕ ಕಾರಣಗಳಿಂದಾಗಿ 2002ರಲ್ಲಿ ಬೇರೆಯಾಗಲು ನಿರ್ಧರಿಸಿ, 2004ರಲ್ಲಿ ವಿಚ್ಛೇದನ ಪಡೆದರು. ಈ ದಂಪತಿಗೆ ಶ್ರುತಿ ಹಾಸನ್ ಮತ್ತು ಅಕ್ಷರಾ ಹಾಸನ್ ಎಂಬ ಇಬ್ಬರು ಪುತ್ರಿಯರಿದ್ದಾರೆ. ಇದೀಗ ನಟಿ ಹಾಗೂ ಗಾಯಕಿ ಶ್ರುತಿ ಹಾಸನ್ ತಮ್ಮ ತಂದೆ-ತಾಯಿಯ ಸಂಬಂಧದ ಕುರಿತು ಮನಬಿಚ್ಚಿ ಮಾತನಾಡಿದ್ದಾರೆ.

ಎಸ್‌ಎಸ್ ಪಾಡ್‌ಕಾಸ್ಟ್‌ನ ಇತ್ತೀಚಿನ ಸಂದರ್ಶನದಲ್ಲಿ, ಬಾಲ್ಯದಲ್ಲಿ ತಂದೆ-ತಾಯಿಯ ಸಂಬಂಧದಿಂದ ತಾವು ಏನನ್ನು ಕಲಿತಿದ್ದೀರಿ ಎಂಬ ಪ್ರಶ್ನೆಗೆ ಶ್ರುತಿ ಉತ್ತರಿಸಿದ್ದಾರೆ.

“ನನ್ನ ತಂದೆ-ತಾಯಿ ಈಗ ಜೊತೆಯಾಗಿಲ್ಲ ಎಂಬುದು ಎಲ್ಲರಿಗೂ ಗೊತ್ತಿದೆ. ಆದರೆ ಅವರು ಒಟ್ಟಿಗೆ ಇದ್ದಾಗ ಅವರ ನಡುವೆ ಅಪಾರ ಪ್ರೀತಿ ಇತ್ತು. ಒಬ್ಬರನ್ನೊಬ್ಬರು ತುಂಬಾ ಪ್ರೀತಿಸುತ್ತಿದ್ದರು. ಜೊತೆಯಾಗಿ ಸಮಯ ಕಳೆಯುವುದನ್ನು, ಕೆಲಸ ಮಾಡುವುದನ್ನು ಆನಂದಿಸುತ್ತಿದ್ದರು. ಇಬ್ಬರೂ ಒಬ್ಬರಿಗೊಬ್ಬರು ಸೃಜನಶೀಲ ಕೆಲಸಗಳಲ್ಲಿ ಸಹಕಾರ ನೀಡುತ್ತಿದ್ದರು. ನಾನು ದೊಡ್ಡವಳಾದ ಮೇಲೆ ನನಗೂ ಒಬ್ಬ ಗೆಳೆಯ ಅಥವಾ ಪತಿ ಇದ್ದರೆ, ನಾವಿಬ್ಬರೂ ಒಟ್ಟಿಗೆ ಕೆಲಸ ಮಾಡಬೇಕು, ಹೊಸ ಹೊಸ ವಿಚಾರಗಳನ್ನು ಜೊತೆಯಾಗಿ ನಿರ್ಮಿಸಬೇಕು ಎಂದು ಬಾಲ್ಯದಲ್ಲೇ ಅಂದುಕೊಂಡಿದ್ದೆ” ಎಂದು ಶ್ರುತಿ ಹೇಳಿದ್ದಾರೆ.

ಇದನ್ನೂ ಓದಿ: Bigg Boss Kannada 13: ಹೇಳಿದ್ದೇನು? ಮಾಡಿದ್ದೇನು?ಮಂಜುಗೆ ಕಿಚ್ಚನ ಖಡಕ್ ಕ್ಲಾಸ್

ಮಗಳನ್ನು ಶಿಸ್ತಿನಿಂದ ಬೆಳೆಸಿದ ಕಮಲ್ ಹಾಸನ್

ತಂದೆ-ತಾಯಿ ತಮ್ಮನ್ನು ಬೆಳೆಸಿದ ರೀತಿಯ ಬಗ್ಗೆಯೂ ಶ್ರುತಿ ಮಾತನಾಡಿದ್ದಾರೆ. ತಾವು ಖ್ಯಾತ ನಟರ ಮಗಳಾಗಿದ್ದರೂ, ಬಾಲ್ಯದಲ್ಲಿ ಅತಿಯಾದ ಮುದ್ದಿನಿಂದ ಹಾಳಾಗಬಾರದು ಎಂಬ ಉದ್ದೇಶದಿಂದ ಪೋಷಕರು ಸಾಕಷ್ಟು ಎಚ್ಚರಿಕೆ ವಹಿಸಿದ್ದರು ಎಂದು ತಿಳಿಸಿದ್ದಾರೆ.

ಶಾಲೆಯಲ್ಲಿ ಓದುತ್ತಿದ್ದ ಸಮಯದಲ್ಲಿ ತಾವು ಕೇಳಿದ ಎಲ್ಲವನ್ನೂ ತಂದೆ ಕಮಲ್ ಹಾಸನ್ ಕೊಡಿಸುತ್ತಿರಲಿಲ್ಲ. ಆಗ ಅದು ಅರ್ಥವಾಗದಿದ್ದರೂ, ಈಗ ಬೆಳೆದು ದೊಡ್ಡವಳಾದ ಬಳಿಕ ತಂದೆಯ ಆ ನಿರ್ಧಾರದ ಹಿಂದಿನ ಉದ್ದೇಶ ಅರ್ಥವಾಗಿದೆ. ತಮ್ಮನ್ನು ಶಿಸ್ತಿನಿಂದ ಬೆಳೆಸಿದ ತಂದೆಯ ಬಗ್ಗೆ ಈಗ ಹೆಮ್ಮೆ ಇದೆ ಎಂದು ಶ್ರುತಿ ಹೇಳಿದ್ದಾರೆ.

ಮದುವೆ ಬಗ್ಗೆ ಶ್ರುತಿ ಹಾಸನ್ ಅವರ ಅಭಿಪ್ರಾಯವೇನು?

ಶ್ರುತಿ ಹಾಸನ್ ಹಲವು ವರ್ಷಗಳಿಂದ ಮದುವೆಯ ಬಗ್ಗೆ ತಮ್ಮ ವಿಭಿನ್ನ ಅಭಿಪ್ರಾಯವನ್ನು ವ್ಯಕ್ತಪಡಿಸುತ್ತಾ ಬಂದಿದ್ದಾರೆ. ಕಲಾವಿದ ಶಾಂತನು ಹಜಾರಿಕಾ ಅವರೊಂದಿಗೆ ಶ್ರುತಿ ಪ್ರೀತಿಯಲ್ಲಿದ್ದರು ಎನ್ನಲಾಗಿತ್ತು. ಸುಮಾರು ನಾಲ್ಕು ವರ್ಷಗಳ ಸಂಬಂಧದ ಬಳಿಕ 2024ರಲ್ಲಿ ವೈಯಕ್ತಿಕ ಭಿನ್ನಾಭಿಪ್ರಾಯಗಳಿಂದ ಇಬ್ಬರೂ ಪರಸ್ಪರ ಒಪ್ಪಿಗೆಯೊಂದಿಗೆ ದೂರವಾಗಿದ್ದಾರೆ ಎಂದು ವರದಿಯಾಗಿತ್ತು. ಬಳಿಕ ತಾವು ಸಿಂಗಲ್ ಆಗಿದ್ದು, ಸದ್ಯ ವೃತ್ತಿಜೀವನ ಹಾಗೂ ವೈಯಕ್ತಿಕ ಬೆಳವಣಿಗೆಯತ್ತ ಗಮನ ಹರಿಸುತ್ತಿರುವುದಾಗಿ ಶ್ರುತಿ ಸ್ಪಷ್ಟಪಡಿಸಿದ್ದರು.

ಕಳೆದ ವರ್ಷ ಸೋಹಾ ಅಲಿ ಖಾನ್ ಅವರ ಪಾಡ್‌ಕಾಸ್ಟ್‌ನಲ್ಲಿ ಮಾತನಾಡಿದ್ದ ಶ್ರುತಿ, ಮದುವೆಯ ಬಗ್ಗೆ ತಮ್ಮ ನಿಲುವನ್ನು ಹಂಚಿಕೊಂಡಿದ್ದರು.

“ನನಗೆ ಒಡನಾಟ ಮತ್ತು ಸಂಗಾತಿತನ ತುಂಬಾ ಇಷ್ಟ. ಆದರೆ ನನ್ನ ಜೀವನದುದ್ದಕ್ಕೂ ಯಾವುದೇ ಒಂದು ಚೌಕಟ್ಟಿನೊಳಗೆ ಹೊಂದಿಕೊಳ್ಳದೆ ಬದುಕಿದ್ದೇನೆ. ಕೆಲವು ವಿಚಾರಗಳಲ್ಲಿ ನಾನು ತುಂಬಾ ಸಾಂಪ್ರದಾಯಿಕವಾಗಿದ್ದೇನೆ. ಇನ್ನು ಕೆಲವು ವಿಚಾರಗಳಲ್ಲಿ ನನ್ನದೇ ಆದ ವಿಭಿನ್ನ ನಿಲುವುಗಳಿವೆ. ಯಾರೂ ನನ್ನ ಮೇಲೆ ಯಾವುದನ್ನೂ ಹೇರಿಲ್ಲ. ಮದುವೆಯ ನೋಂದಣಿ, ಅದಕ್ಕಾಗಿ ಮಾಡುವ ಅದ್ಧೂರಿ ಖರ್ಚು, ಆಡಂಬರ ಇವೆಲ್ಲವನ್ನೂ ಯೋಚಿಸಿದಾಗ, ‘ನಾವು ಇದೆಲ್ಲವನ್ನೂ ಯಾರಿಗಾಗಿ ಮಾಡುತ್ತಿದ್ದೇವೆ?’ ಎಂಬ ಪ್ರಶ್ನೆ ಮೂಡುತ್ತದೆ” ಎಂದು ಹೇಳಿದ್ದರು.

ಶ್ರುತಿ ಹಾಸನ್ ಅವರ ಇತ್ತೀಚಿನ ಸಿನಿಮಾಗಳು ಮತ್ತು ಸಂಗೀತ ಪಯಣ

ವೃತ್ತಿಜೀವನದ ವಿಚಾರಕ್ಕೆ ಬಂದರೆ, ಶ್ರುತಿ ಹಾಸನ್ ಕೊನೆಯದಾಗಿ 2025ರಲ್ಲಿ ಲೋಕೇಶ್ ಕನಕರಾಜ್ ನಿರ್ದೇಶನದ, ಸೂಪರ್‌ಸ್ಟಾರ್ ರಜನಿಕಾಂತ್ ನಟನೆಯ ‘ಕೂಲಿ’ ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದರು.

ಈ ಬಹುತಾರಾಗಣದ ಚಿತ್ರದಲ್ಲಿ ನಾಗಾರ್ಜುನ ಅಕ್ಕಿನೇನಿ, ಸೌಬಿನ್ ಶಾಹಿರ್, ಉಪೇಂದ್ರ, ಸತ್ಯರಾಜ್ ಮತ್ತು ರಚಿತಾ ರಾಮ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದರು. ಆಮಿರ್ ಖಾನ್ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರೆ, ಪೂಜಾ ಹೆಗ್ಡೆ ವಿಶೇಷ ಹಾಡೊಂದರಲ್ಲಿ ಮಿಂಚಿದ್ದರು. ಚಿತ್ರವು ವಿಶ್ವಾದ್ಯಂತ ಸುಮಾರು ₹518 ಕೋಟಿ ಗಳಿಕೆ ಮಾಡಿತ್ತು. ಆದರೆ ವಿಮರ್ಶಕರಿಂದ ಮಿಶ್ರ ಪ್ರತಿಕ್ರಿಯೆ ಪಡೆದುಕೊಂಡಿತ್ತು.

ಇದನ್ನೂ ಓದಿ: shine shetty: ಶೈನ್​ ಶೆಟ್ಟಿ ನಟನೆಯ 'ಶಂಕರಾಭರಣ' ನವೆಂಬರ್ 20ರಂದು ರಿಲೀಸ್‌!

ಇತ್ತೀಚೆಗೆ ಶ್ರುತಿ ಹಾಸನ್ ಅವರು ಸಾಯಿ ಅಭ್ಯಂಕರ್ ಅವರೊಂದಿಗೆ ‘ಪವಳ ಮಲ್ಲಿ’ ಹಾಡನ್ನು ಹಾಡಿದ್ದಾರೆ. ಅಲ್ಲದೆ, ರಾಮ್ ಚರಣ್ ನಟನೆಯ ‘ಪೆದ್ದಿ’ ಸಿನಿಮಾದಲ್ಲಿಯೂ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.

Yashaswi Devadiga

View all posts by this author