The Devil Movie: `ಡೆವಿಲ್‌' ಸಿನಿಮಾದಲ್ಲಿ ಗಿಲ್ಲಿ ನಟನ ಪರ್ಫಾರ್ಮೆನ್ಸ್ ಹೇಗಿದೆ? ನಟ ಚಂದು ಗೌಡ ಮನದಾಳದ ಮಾತು!

ʻದಿ ಡೆವಿಲ್‌ʼ (The Devil Movie) ಸಿನಿಮಾದಲ್ಲಿ ʻಬಿಗ್‌ ಬಾಸ್‌ ಕನ್ನಡ ಸೀಸನ್‌ 12’ರ (Bigg Boss Kannada 12) ಸ್ಪರ್ಧಿಯಾಗಿರುವ ಗಿಲ್ಲಿ ನಟ ಮುಖ್ಯ ಪಾತ್ರವೊಂದರಲ್ಲಿ ಕಾಣಿಸಿಕೊಂಡಿದ್ದಾರೆ. ಕಾಮಿಡಿಗೆ ಹೆಸರುವಾಸಿಯಾಗಿರುವ ಗಿಲ್ಲಿ, ʻಬಿಗ್‌ ಬಾಸ್‌ʼ ಮನೆಯಲ್ಲೂ ಬೆಸ್ಟ್‌ ಎಂಟರ್‌ಟೈನರ್‌ ಆಗಿದ್ದಾರೆ. ಸಿನಿಮಾದಲ್ಲಿ ದರ್ಶನ್‌ (Darshan) ಅವರ ಡಾರ್ಕ್‌ ಲುಕ್‌, ಇಂಟೆನ್ಸ್‌ ಆಕ್ಷನ್‌ ಸೀನ್‌ಗಳು ಅಭಿಮಾನಿಗಳನ್ನ ಆಕರ್ಷಿಸಿದೆ. ಕಿರುತೆರೆ ಜಗತ್ತಿನ ಟಾಪ್‌ ಹೀರೋ ಚಂದು ಗೌಡ (Chandu Gowda) ಬ್ಲಾಕ್‌ಬಸ್ಟರ್‌ ‘ರಾಬರ್ಟ್‌’ ಸಿನಿಮಾದಲ್ಲಿ ನಟ ದರ್ಶನ್‌ ಎದುರು ತೊಡೆ ತಟ್ಟಿದ್ದರು. ಈಗ ಅವರು ಮತ್ತೆ ‘ದಿ ಡೆವಿಲ್‌' (The Devil Movie) ಸಿನಿಮಾದಲ್ಲಿ ದರ್ಶನ್‌ ಎದುರು ಖಳನಟರಾಗಿ ಮಿಂಚಲು ರೆಡಿಯಾಗಿದ್ದಾರೆ. ಈಗ ವಿಶ್ವವಾಣಿಯ ವಿಶೇಷ ಸಂದರ್ಶನದಲ್ಲಿ ಡೆವಿಲ್‌ ಸಿನಿಮಾ ಜೊತೆಗೆ ಗಿಲ್ಲಿ ಬಗ್ಗೆಯೂ ಹಲವು ವಿಚಾರಗಳನ್ನು ಹಂಚಿಕೊಂಡಿದ್ದಾರೆ.

ಗಿಲ್ಲಿ ಪರ್ಫಾರ್ಮೆನ್ಸ್ ಯಾವತ್ತೂ ಬೆಸ್ಟ್‌!

ಡೆವಿಲ್‌ನಲ್ಲಿ ಗಿಲ್ಲಿಯದ್ದು ಎರಡು ಸೀಕ್ವೆನ್ಸ್‌ ನೋಡಿದೆ ಚೆನ್ನಾಗಿದೆ. ಗಿಲ್ಲಿ ಪರ್ಫಾರ್ಮೆನ್ಸ್ ಯಾವತ್ತೂ ಬೆಸ್ಟ್‌ ಆಗಿಯೇ ಇರುತ್ತೆ. ಗಿಲ್ಲಿ ತುಂಬಾ ನ್ಯಾಚುರಲ್‌ ಫರ್‌ಫಾರ್ಮರ್‌. ಸಿನಿಮಾದಲ್ಲಿ ಸಖತ್‌ ಆಗಿ ಮಾಡಿದ್ದಾನೆ ಎಂದು ಚಂದು ಗೌಡ ಹೇಳಿದರು.

ಇದನ್ನೂ ಓದಿ: Bigg Boss Kannada 12: ಕಾವು ಜೊತೆಗೆ ಮನೆಯವರೆಲ್ಲರೂ ಕಿಚ್ಚನ ಮುಂದೆ ಗಿಲ್ಲಿಯದ್ದೇ ತಪ್ಪು ಅಂದ್ರು! ಗಿಲ್ಲಿ ಕಾಮಿಡಿಗೆ ಬ್ರೇಕ್ ಬೀಳುತ್ತಾ?

ಇನ್ನು ಬಿಗ್‌ ಬಾಸ್‌ ಗಿಲ್ಲಿ ಆಟ ಆಡುತ್ತಿರುವ ಬಗ್ಗೆ ಮಾತನಾಡಿ, ʻಗಿಲ್ಲಿ ಮಾತನಾಡೋದು, ನಡೆದುಕೊಳ್ಳುವ ರೀತಿ ನನಗೆ ತುಂಬಾ ಇಷ್ಟ. ಅವಹೇಳನ ಮಾಡ್ತಾನೆ ಅನ್ನೋದು ಅಲ್ಲ. ಆ ಕ್ಷಣಕ್ಕೆ ಏನು ಇದೆ ಹಾಗೇ ಆಡ್ತಾನೆ. ಅವನು ಶೋ ವಿನ್‌ ಆಗಬೇಕು. ಅವನು ಬಿಟ್ಟರೆ ಧನುಷ್‌ ಇಷ್ಟʼ ಎಂದರು. ʼ

ಧಾರಾವಾಹಿ ಜೊತೆಗೆ ಸಿನಿಮಾ ಬ್ಯಾಲೆನ್ಸ್‌

ಇದೇ ವೇಳೆ ಚಂದನ್‌ ಅವರು ಧಾರಾವಾಹಿ ಕುರಿತಾಗಿಯೂ ಮಾತನಾಡಿದರು. `ನನ್ನ ಜೀವನದಲ್ಲಿ ಎರಡು ಮಹತ್ತರ ತಿರುವು. ಒಂದು ಸೀರಿಯಲ್‌ ಅಲ್ಲಿ ನಟನೆ ಮತ್ತು ಇನ್ನೊಂದು ಡೆವಿಲ್‌ ಸಿನಿಮಾದಲ್ಲಿ ಸಿಕ್ಕ ಅವಕಾಶ. ಒಳ್ಳೆಯ ಪಾತ್ರದ ಮುಖೇನ ಮತ್ತೆ ಬರ್ತಿದ್ದೇನೆ. ಸೀರಿಯಲ್‌ನಿಂದ ಆಡಿಯನ್ಸ್‌ ನನ್ನ ಗುರುತು ಹಿಡಿಯುತ್ತಾರೆ. ಧಾರಾವಾಹಿ ಜೊತೆಗೆ ಸಿನಿಮಾ ಬ್ಯಾಲೆನ್ಸ್‌ ಮಾಡುತ್ತಿದ್ದೇನೆ.

11 ವರ್ಷದಿಂದ ಸೀರಿಯಲ್‌ನಲ್ಲಿ ನಾಯಕನಾಗಿ ಸಿಗುತ್ತಿದೆ. ಯಾವತ್ತೂ ಖಾಲಿ ಆಗಿ ಕುಳಿತಿಲ್ಲ. ದೇವರ ದಯೆ. ನನಗೆ ಸಿನಿಮಾ ದೊಡ್ಡದ್ದು ಸೀರಿಯಲ್‌ ಚಿಕ್ಕದು ಅಂದುಕೊಂಡಿಲ್ಲ. ಎರಡಕ್ಕೂ ಸಮಾನತೆ ಕೊಟ್ಟು ನಟನೆ ಮಾಡಿರುವೆ' ಎಂದರು.

ಡೆವಿಲ್‌ ಸಿನಿಮಾ ಅವಕಾಶ ಸಿಕ್ಕಾಗ ಖುಷಿ ಆಯ್ತು. ರಾಬರ್ಟ್‌ನಲ್ಲೂ ನಟಿಸಿದ್ದೆ. ಡೆವಿಲ್‌ ಅಲ್ಲಿ ಸಾಂಗ್‌, ಫೈಟ್‌., ಸೀನ್‌ನಲ್ಲೂ ಬರ್ತಿನಿ. 16ಡೇಸ್‌ ಶೂಟಿಂಗ್‌ ಇತ್ತು. ಪ್ರತಿದಿನ ದರ್ಶನ್‌ ಅವರನ್ನು ಸೆಟ್‌ನಲ್ಲೇ ನೋಡುದು ಖುಷಿ. ಅವರನ್ನು ನೋಡಿಕೊಂಡು ನಟನೆ ಮಾಡೋದೇ ಖುಷಿ. ಈ ಸಿನಿಮಾ ದರ್ಶನ್‌ ಅವರಿಗೆ ಸೂಪರ್‌ ಹಿಟ್‌ ಆಗುತ್ತೆ. ಹಲವಾರು ಕಲಾವಿದರಿಗೂ ಸಹಾಯ ಆಗುತ್ತೆ. ಶೂಟಿಂಗ್‌ ಸಖತ್‌ ಆಗಿ ಮಾಡಿದ್ದಾರೆ ಎಂದರು.

ಇದನ್ನೂ ಓದಿ: Devil Movie: ಡಿ ಬಾಸ್‌ ಫ್ಯಾನ್ಸ್‌ಗೆ ಡಬಲ್‌ ಧಮಾಕಾ! ಸಾಂಗ್‌ ಬಿಡುಗಡೆ ಬೆನ್ನಲ್ಲೇ ಡೆವಿಲ್‌ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌!

ದಿ ಡೆವಿಲ್‌ʼ ಸಿನಿಮಾ ಒಂದು ಹೈ-ಆಕ್ಷನ್‌ ಥ್ರಿಲ್ಲರ್‌ ಎಂದು ಗ್ಲಿಂಪ್ಲ್‌ ಮೂಲಕ ಗೊತ್ತಾಗಿದೆ. ಸಿನಿಮಾದಲ್ಲಿ ದರ್ಶನ್‌ ಅವರ ಡಾರ್ಕ್‌ ಲುಕ್‌, ಇಂಟೆನ್ಸ್‌ ಆಕ್ಷನ್‌ ಸೀನ್‌ಗಳು ಅಭಿಮಾನಿಗಳನ್ನ ಆಕರ್ಷಿಸಿದೆ.