Bigg Boss Kannada 12: ಕಾವು ಜೊತೆಗೆ ಮನೆಯವರೆಲ್ಲರೂ ಕಿಚ್ಚನ ಮುಂದೆ ಗಿಲ್ಲಿಯದ್ದೇ ತಪ್ಪು ಅಂದ್ರು! ಗಿಲ್ಲಿ ಕಾಮಿಡಿಗೆ ಬ್ರೇಕ್ ಬೀಳುತ್ತಾ?
Gilli Nata: ಈ ವಾರದಲ್ಲಿ ಸಾಕಷ್ಟು ಜಗಳಗಳು ನಡೆದವು. ಮನೆಗೆ ಅತಿಥಿಗಳಾಗಿ ಬಂದ ಮಂಜು, ರಜತ್ ಅತಿಯಾಗಿ ನಡೆದುಕೊಂಡರು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವರು ಗಿಲ್ಲಿಯದ್ದೇ ತಪ್ಪು ಎಂದಿದ್ದಾರೆ. ಸುದೀಪ್ ಈ ಬಗ್ಗೆ ಗಿಲ್ಲಿಗೆ ಕ್ಲಾಸ್‌ ತೆಗೆದುಕೊಂಡಂತಿದೆ. ಅಷ್ಟೇ ಅಲ್ಲ ಮನೆಯವರೆಲ್ಲರೂ ಗಿಲ್ಲಿ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಕಾವ್ಯ ಕೂಡ ಗಿಲ್ಲಿ ವಿರುದ್ಧ ಮಾತನಾಡಿದ್ದು, ಫ್ಯಾನ್ಸ್‌ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಬಿಗ್ ಬಾಸ್ ಕನ್ನಡ -
ಬಿಗ್ ಬಾಸ್ ಕನ್ನಡ ಸೀಸನ್ 12ರ (Bigg Boss Kannada 12) ಈ ವಾರದಲ್ಲಿ ಸಾಕಷ್ಟು ಜಗಳಗಳು ನಡೆದವು. ಮನೆಗೆ ಅತಿಥಿಗಳಾಗಿ ಬಂದ ಮಂಜು (Manju), ರಜತ್ (Rajath) ಅತಿಯಾಗಿ ನಡೆದುಕೊಂಡರು ಎಂದು ಕೆಲವರು ಅಭಿಪ್ರಾಯಪಟ್ಟಿದ್ದಾರೆ. ಇನ್ನೂ ಕೆಲವರು ಗಿಲ್ಲಿಯದ್ದೇ (Gilli Nata) ತಪ್ಪು ಎಂದಿದ್ದಾರೆ. ಸುದೀಪ್ ಈ ಬಗ್ಗೆ ಗಿಲ್ಲಿಗೆ ಕ್ಲಾಸ್‌ ತೆಗೆದುಕೊಂಡಂತಿದೆ. ಅಷ್ಟೇ ಅಲ್ಲ ಮನೆಯವರೆಲ್ಲರೂ ಗಿಲ್ಲಿ ವಿರುದ್ಧ ತಿರುಗಿ ಬಿದ್ದಿದ್ದಾರೆ. ಕಾವ್ಯ (Kavya Shaiva) ಕೂಡ ಗಿಲ್ಲಿ ವಿರುದ್ಧ ಮಾತನಾಡಿದ್ದು, ಫ್ಯಾನ್ಸ್‌ ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.
ಹೊಸ ಪ್ರೋಮೋ ಔಟ್‌ ಆಗಿದೆ. ನೀವು ಎಲ್ಲಾದರೂ ಹೋಟೆಲ್‌ ಹೋದಾಗ ಯಾರಾದರೂ ನಿಮಗೆ ವೇಟರ್‌ ಹೀಗೆ ಮಾತಾಡಿದ್ರೆ ಓಕೆ ಆಗಿರೋದಾ? ಅಂತ ಕಿಚ್ಚ ಕೇಳಿದ್ದಾರೆ. ಕಾವು ಕೂಡ ಮುಂಚೆಯೇ ಗಿಲ್ಲಿ ತಪ್ಪು ಮಾಡಿದ ಎಂದಿದ್ದಾರೆ.
ರಜತ್ ಕೂಡ ಮಾತನಾಡಿ, ಬಿಟ್ಟಿ ತಿನ್ನಕ್ಕೆ ಬಂದಿದ್ದೀರಾ ಅಂತ ಹೇಳಿದ್ರು, ಮಂಜು ಅವರಿಗೆ ಎಷ್ಟನೆ ಮದುವೆ ಅಂತ ಕೇಳಿದ್ರು ಎಂದಿದ್ದಾರೆ. ಆಟ ಅಂತ ನಮಗೆ ತೆಗೆದುಕೊಳ್ಳಲು ಆಗಿಲ್ಲ ಅಂತ ತ್ರಿವಿಕ್ರಮ್‌ ಹೇಳಿದ್ದಾರೆ.
ಸ್ಪಂದನಾ ಕೂಡ, ಏನೋ ಪರ್‌ಫಾರ್ಮ್‌ ಮಾಡೋಕೆ ಹೋಗ್ತಿದ್ದಾನೆ. ಬೇರೆ ಅವರಿಗೆ ನೋವು ಅದಾಗ್ತಿದೆ. ಅದು ನನಗೆ ಇಷ್ಟ ಆಗಿಲ್ಲ ಎಂದಿದ್ದಾರೆ. ಸಾರಿ ಕೇಳ್ತಾನೆ ಮತ್ತೆ ಅದೇ ತಪ್ಪು ಮಾಡ್ತಾನೆ ಎಂದಿದ್ದಾರೆ ರಜತ್. ಒಬ್ಬರ ತಪ್ಪು ಹೈಲೆಟ್‌ ಆಗ್ತಿದೆ ಅಂದಾಗ ಎಲ್ಲರ ಎಫರ್ಟ್‌ ಹಾಳಾಗ್ತಿದೆ ಅಂತ ಅರ್ಥ ಎಂದಿದ್ದಾರೆ ಜಾಹ್ನವಿ.
ಕಲರ್ಸ್‌ ಕನ್ನಡ ಪ್ರೋಮೋ
ಪ್ರೋಮೋದಲ್ಲಿ ಗಿಲ್ಲಿ ಅವರು ಅತಿಥಿಗಳನ್ನ ಕಾಮಿಡಿ ಮಾಡಿರೋದು ಜೊತೆಗೆ ರೋಸ್ಟ್‌ ಮಾಡಿರುವ ದೃಶ್ಯ ಕೂಡ ಇದೆ. ಹೀಗಾಗಿ ಗಿಲ್ಲಿಗಂತೂ ಪಾಠ ಇರೋದು ಫಿಕ್ಸ್‌ ಅಂತ ಕಮೆಂಟ್‌ ಮಾಡಿದ್ದಾರೆ ನೆಟ್ಟಿಗರು. ಯಾವ ಅತಿಥಿಗಳು ಇವರ ತರ ಅತಿರೇಕ ವರ್ತನೆ ಮಾಡುವುದಿಲ್ಲ ಅವರಿಗೂ ಕಿಚ್ಚನ ಕ್ಲಾಸ್‌ ಇರಲಿದೆ ಅಂತ ಕಮೆಂಟ್‌ ಮಾಡುತ್ತಿದ್ದಾರೆ.
ಗಿಲ್ಲಿ ನಟ ಅವರು ಈ ವಾರ ಬಿಗ್ ಬಾಸ್ ಮನೆಯಲ್ಲಿ ಸಾಕಷ್ಟು ಏರಿಳಿತ ಕಂಡರು. ಮನೆಗೆ ಬಂದ ಅತಿಥಿಗಳಿಂದ ತೊಂದರೆ ಅನುಭವಿಸಿದರು. ಈ ವೇಳೆ ಬಿಗ್ ಬಾಸ್ ಮನೆಯಲ್ಲಿ ಯಾರೊಬ್ಬರೂ ಅವರನ್ನು ಬೆಂಬಲಿಸಿಲ್ಲ. ಆದರೆ, ಸ್ಪಂದನಾ ಮಾತ್ರ ಗಿಲ್ಲಿಯ ಬೆಂಬಲಕ್ಕೆ ನಿಂತಿದ್ದರು. ಅವರ ಬಗ್ಗೆಯೂ ಒಳ್ಳೆಯ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಇದನ್ನೂ ಓದಿ: Bigg Boss Kannada 12: ಗೆಸ್ಟ್‌ಗಳ ಈ ನಡೆಯ ಬಗ್ಗೆ ಗಿಲ್ಲಿ ಬೇಸರ; ಧ್ರುವಂತ್‌, ಸೂರಜ್‌ ಬಳಿ ಹೇಳಿದ್ದೇನು?
ಗಿಲ್ಲಿ ನಟ, ಅಶ್ವಿನಿ ಗೌಡ, ಕಾವ್ಯ ಶೈವ, ಮಾಳು ನಿಪನಾಳ, ಜಾಹ್ನವಿ, ಧ್ರುವಂತ್‌ ಮತ್ತು ರಘು ಅವರು ಈ ವಾರ ನಾಮಿನೇಟ್‌ ಆಗಿದ್ದಾರೆ. ರಘು ಅವರನ್ನು ಹೊರತುಪಡಿಸಿ, ಮಿಕ್ಕೆಲ್ಲಾ ಸ್ಪರ್ಧಿಗಳು ಮನೆಯವರಿಂದ ನಾಮಿನೇಟ್‌ ಆಗಿದ್ದರೆ, ರಘು ಅವರನ್ನು ಮಾತ್ರ ಕ್ಯಾಪ್ಟನ್‌ ಆಗಿದ್ದ ಅಭಿಷೇಕ್ ಅವರು ಡೈರೆಕ್ಟ್‌ ನಾಮಿನೇಟ್‌ ಮಾಡಿದ್ದಾರೆ.
