ತಿರುವನಂತಪುರಂ: ಕರ್ನಾಟಕದಲ್ಲಿ ಭಾರೀ ಸದ್ದು ಮಾಡಿದ್ದ ಹಿಜಾಬ್ ಗಲಾಟೆ ಇದೀಗ ಕೇರಳಕ್ಕೂ ಕಾಲಿಟ್ಟಿದೆ. ಕೇರಳದ ಎರ್ನಾಕುಲಂ ಜಿಲ್ಲೆಯ ಚರ್ಚ್ ನಡೆಸುತ್ತಿರುವ ಶಾಲೆಯು ಕಳೆದ ವಾರ ಹಿಜಾಬ್ ಧರಿಸಿದ 8 ನೇ ತರಗತಿಯ ವಿದ್ಯಾರ್ಥಿನಿಗೆ ಪ್ರವೇಶ ನಿರಾಕರಿಸಿದ ನಂತರ ರಾಜಕೀಯ ವಿವಾದಕ್ಕೆ ಸಿಲುಕಿದೆ. ಪಲ್ಲೂರುತಿಯ ಸೇಂಟ್ ರೀಟಾ ಪಬ್ಲಿಕ್ ಶಾಲೆಯ ಅಧಿಕಾರಿಗಳು ಹಿಜಾಬ್ ತನ್ನ 'ಡ್ರೆಸ್ ಕೋಡ್' ಅನ್ನು ಉಲ್ಲಂಘಿಸಿದೆ ಮತ್ತು ಬಾಲಕಿಯನ್ನು ಅದನ್ನು ತೆಗೆದುಹಾಕಲು ಒತ್ತಾಯಿಸಲಾಗಿದೆ ಎಂದು ವರದಿಯಾಗಿದೆ.
ಬಾಲಕಿ ಈ ಕುರಿತು ಮಾತನಾಡಿ, ಈ ಶಾಲೆ ನನಗೆ ಹಿಜಾಬ್ ಧರಿಸಲು ಅವಕಾಶ ನೀಡುತ್ತಿಲ್ಲ. ಅವರು ನನ್ನನ್ನು (ತರಗತಿಯ) ಪ್ರವೇಶದ್ವಾರದಲ್ಲಿ ಹಿಜಾಬ್ ತೆಗೆಯಲು ಹೇಳಿದರು. ಶಿಕ್ಷಕರು ಅಸಭ್ಯವಾಗಿ ವರ್ತಿಸಿದರು. ನಾನು ಇಲ್ಲಿ ಓದುವುದಿಲ್ಲ ಎಂದು ಹೇಳಿದ್ದಾಳೆ. ಆಕೆಯ ಪೋಷಕರು ಶಾಲೆಯ ಆಡಳಿತ ಮಂಡಳಿಯ ಜೊತೆ ವಾಗ್ವಾದ ನಡೆಸಿದ್ದಾರೆ. ಪಿಟಿಎ ಮುಖ್ಯಸ್ಥರು ಪೋಷಕರನ್ನು ಸೋಶಿಯಲ್ ಡೆಮಾಕ್ರಟಿಕ್ ಪಾರ್ಟಿ ಆಫ್ ಇಂಡಿಯಾ ಬೆಂಬಲಿಸಿದೆ ಎಂದು ಹೇಳಿಕೊಂಡಿದ್ದಾರೆ. ಈ ರಾಜಕೀಯ ಪಕ್ಷವು ಇಸ್ಲಾಮಿಕ್ ಪರವಾಗಿದ್ದು, ಈಗ ನಿಷೇಧಿಸಲಾಗಿರುವ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾದೊಂದಿಗೆ ಸಂಪರ್ಕ ಹೊಂದಿದೆ. SDPI ಕಾರ್ಯಕರ್ತರು ಇದರ ಹಿಂದೆ ಇದ್ದಾರೆ. ಅವರ ಪಕ್ಷದ ಸದಸ್ಯರು ಪೋಷಕರಿಗಿಂತ ಶಾಲೆಯ ಮೇಲೆ ಹೆಚ್ಚಿನ ಒತ್ತಡ ಹೇರಿದರು ಎಂದು ಆರೋಪಿಸಿದ್ದಾರೆ.
ಶಾಲೆಯು - ಇತರ ಪೋಷಕರಿಗೆ ಬರೆದ ಪತ್ರದಲ್ಲಿ ಎಲ್ಲಾ ವಿದ್ಯಾರ್ಥಿಗಳಿಗೆ ಸಮಾನವಾದ ಉಡುಗೆಯನ್ನು ಖಚಿತಪಡಿಸಿಕೊಳ್ಳಲು ಕ್ರಮ ಕೈಗೊಳ್ಳಲಾಗಿದೆ ಎಂದು ಹೇಳಿದೆ. ಅಕ್ಟೋಬರ್ 7 ರಂದು ಬಾಲಕಿಯನ್ನು ಮೊದಲ ಬಾರಿಗೆ ಹಿಜಾಬ್ ಧರಿಸದಂತೆ ತಡೆಯಲಾಯಿತು ಎಂದು ವರದಿಯಾಗಿದೆ. ಮೂರು ದಿನಗಳ ನಂತರ ಮತ್ತೆ ಆಕೆಯನ್ನು ತಡೆಯಲಾಯಿತು, ಈ ಬಾರಿ ಕೋಪಗೊಂಡ ತಂದೆ ಮತ್ತು ಎಸ್‌ಡಿಪಿಐ ಎಂದು ಹೇಳಲಾದ ಹಲವಾರು ಸಹಚರರು ಬಂದು ಶಾಲಾ ಅಧಿಕಾರಿಗಳ ಮೇಲೆ ನಿಂದನೆ ಮಾಡಲು ಪ್ರಾರಂಭಿಸಿದರು ಎಂದು ಹೇಳಲಾಗಿದೆ.
ಈ ಸುದ್ದಿಯನ್ನೂ ಓದಿ: Deepika Padukone: ಜಾಹೀರಾತಿಗಾಗಿ ಹಿಜಾಬ್ ಧರಿಸಿದ ದೀಪಿಕಾ ಪಡುಕೋಣೆ; ನೆಟ್ಟಿಗರಿಂದ ಭಾರಿ ವಿರೋಧ
ಶಾಲೆಯ ಪ್ರಾಂಶುಪಾಲರಾದ ಸಿಸ್ಟರ್ ಹೆಲೆನಾ ಈ ಕುರಿತು ಮಾತನಾಡಿ, ವೇಶದ ಸಮಯದಲ್ಲಿ ಎಲ್ಲಾ ಪೋಷಕರಿಗೆ 'ಡ್ರೆಸ್ ಕೋಡ್' ಬಗ್ಗೆ ತಿಳಿಸಲಾಗಿತ್ತು ಮತ್ತು ಹುಡುಗಿ 'ನಾಲ್ಕು ತಿಂಗಳ ಕಾಲ ಶಾಲೆಯ ಡ್ರೆಸ್ ಕೋಡ್ ಅನ್ನು ಅನುಸರಿಸಿದ್ದಳು. ಆದರೆ ಏಕಾಏಕಿ ಒಂದು ದಿನ ಹಿಜಾಬ್ ಧರಿಸಿ ಬಂದಿದ್ದಾಳೆ. ನಾವು ಮೊದಲು ಅವಳನ್ನು ತಡೆದೆವು. ನಂತರ ಆಕೆ ಡ್ರೆಸ್ ಕೋಡ್ ಅನುಸರಿಸಿದ್ದಳು. ಆದರೆ ಬಳಿಕ ಮತ್ತೆ ಇದೇ ರೀತಿ ಮಾಡಿದ್ದಾಳೆ ಎಂದು ಹೇಳಿದರು. ಶಾಲಾ ಆವರಣದಲ್ಲಿ 'ಗದ್ದಲ' ಸೃಷ್ಟಿಸಿದ್ದಕ್ಕಾಗಿ ವಿರೋಧ ಪಕ್ಷ ಭಾರತೀಯ ಜನತಾ ಪಕ್ಷವು ಎಸ್‌ಡಿಪಿಐ ಅನ್ನು ಟೀಕಿಸಿತು. "ಈ ಘಟನೆಯು ನಮ್ಮ ರಾಜ್ಯದ ಜಾತ್ಯತೀತ ರಚನೆಗೆ ಹಾನಿ ಮಾಡಿದೆ ಎಂದು ಹೇಳಿದೆ.