Bollywood Couples: ಶೂಟಿಂಗ್ ಸೆಟ್ನಲ್ಲಿ ಲವ್ ಆಗಿ ಮದುವೆ ಆದ ಖ್ಯಾತ ಬಾಲಿವುಡ್ ಸೆಲೆಬ್ರಿಟಿಗಳು ಇವರೇ...!
ಸಿನಿಮಾದಲ್ಲಿ ಜೊತೆಯಾಗಿ ನಟಿಸಿದ್ದ ಅದೆಷ್ಟೋ ಸೆಲೆಬ್ರಿಟಿಗಳು ರಿಯಲ್ ಲೈಫ್ ನಲ್ಲೂ ಜೋಡಿಯಾಗಿದ್ದಾರೆ. ಇಂತಹ ಬಹುತೇಕ ಕ್ಯೂಟ್ ಜೋಡಿಗಳಿಗೆ ಅಭಿಮಾನಿಗಳೇ ಸೂಪರ್ ಪೇರ್ ಎಂದು ಘೋಷಿಸಿ ಬಳಿಕ ಮದುವೆಯಾಗಿದ್ದು ಇದೆ. ಇನ್ನು ಕೆಲವು ಸೆಲೆ ಬ್ರಿಟಿಗಳಿಗೆ ಶೂಟಿಂಗ್ ಸೆಟ್ನಲ್ಲಿ ಪ್ರೇಮಾಂಕುರವಾಗಿದ್ದು ಇದೆ. ಒಟ್ಟಿಗೆ ಸಿನಿಮಾ ಚಿತ್ರೀಕರಣದಲ್ಲಿ ಭಾಗಿಯಾಗಿ ರೀಲ್ ಜೋಡಿ ರಿಯಲ್ ಜೋಡಿ ಆದ ಜನಪ್ರಿಯ ಬಾಲಿವುಡ್ ಜೋಡಿಗಳ ಮಾಹಿತಿ ಇಲ್ಲಿದೆ.
-
ಬಾಲಿವುಡ್ನ ಖ್ಯಾತ ನಟ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಬಾಲಿವುಡ್ನ ಅತ್ಯಂತ ಪವರ್ ಜೋಡಿಗಳಲ್ಲಿ ಒಂದಾಗಿದ್ದಾರೆ. ರಾಮ್ ಲೀಲಾ ಸಿನಿಮಾದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾಗ ದೀಪಿಕಾ ಮತ್ತು ರಣವೀರ್ ಸಿಂಗ್ ನಡುವೆ ಪ್ರೀತಿ ಉಂಟಾಗಿತ್ತು. ಇಬ್ಬರ ಅಭಿನಯದ ಚಿತ್ರ ಗಳು ಬಾಕ್ಸ್ ಆಫೀಸ್ ಹಿಟ್ ಕೂಡ ಆಗಿತ್ತು. ಬಳಿಕ 2018ರಲ್ಲಿ ಅವರು ಅದ್ಧೂರಿಯಾಗಿ ವಿವಾಹವಾದರು.
ಬಾಲಿವುಡ್ ನಟ ಅಜಯ್ ದೇವಗನ್ ಮತ್ತು ಕಾಜೋಲ್ ಕೂಡ ಅನೇಕ ಸಿನಿಮಾದಲ್ಲಿ ಒಟ್ಟಿಗೆ ಕಾಣಿಸಿಕೊಂಡು ತೆರೆ ಮೇಲೆ ಮಿಂಚಿದ್ದರು. ಇಷ್ಕ್, ಪ್ಯಾರ್ ತೋ ಹೋನಾ ಹಿ ಥಾ, ದಿಲ್ ಕ್ಯಾ ಕರೇ ಇತರೆ ಚಿತ್ರಗಳಲ್ಲಿ ಒಟ್ಟಿಗೆ ಕೆಲಸ ಮಾಡಿ ತೆರೆ ಮೇಲಿನ ಹಿಟ್ ಪೇರ್ ಎಂಬ ಖ್ಯಾತಿ ಪಡೆದಿದ್ದರು. ಇಬ್ಬರ ನಡುವಿನ ಸ್ನೇಹ ಪ್ರೀತಿಗೆ ತಿರುಗಿ ಬಳಿಕ ಸ್ವಲ್ಪ ಸಮಯದವರೆಗೆ ಡೇಟಿಂಗ್ ಮಾಡಿದ್ದಾರೆ. ಬಳಿಕ ಇಬ್ಬರು 1999ರಲ್ಲಿ ವಿವಾಹವಾದರು.
ಬಾಲಿವುಡ್ ಖ್ಯಾತ ನಟ ಅಮಿತಾ ಬಚ್ಚನ್ ಪುತ್ರ ಅಭಿಷೇಕ್ ಬಚ್ಚನ್ ಅವರು ವಿಶ್ವ ಸುಂದರಿ, ಖ್ಯಾತ ನಟಿ ಐಶ್ವರ್ಯಾ ಅವರನ್ನು ವಿವಾಹವಾಗಿದ್ದು ಇವರಿಬ್ಬರದ್ದು ಕೂಡ ಲವ್ ಮ್ಯಾರೇಜ್ ಆಗಿದೆ. ಇವರಿಬ್ಬರು ಜೊತೆಯಾಗಿ ಗುರು, ಧೂಮ್ 2, ಕುಚ್ ನಾ ಕಹೋ ಚಿತ್ರಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದರು. 2006ರಲ್ಲಿ ತೆರೆಕಂಡ ಉಮ್ರಾನ್ ಜಾನ್ ಸಿನಿಮಾದ ಶೂಟಿಂಗ್ ಸಂದರ್ಭದಲ್ಲಿ ಇಬ್ಬರ ನಡುವೆ ಪ್ರೀತಿಯಾಗಿದೆ. ಈ ಮೂಲಕ 2007ರಂದು ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದರು.
ಬಾಲಿವುಡ್ನ ಅತ್ಯಂತ ಮುದ್ದಾದ ಜೋಡಿಗಳಲ್ಲಿ ರಿತೇಶ್ ದೇಶಮುಖ್ ಮತ್ತು ಜೆನಿಲಿಯಾ ಡಿಸೋಜಾ ಕೂಡ ಒಂದು. ಅವರಿಬ್ಬರು ಜೊತೆಯಾಗಿ ತುಜೆ ಮೇರಿ ಕಸಮ್ ಚಿತ್ರದಲ್ಲಿ ಅಭಿನಯಿಸಿದ್ದು ಆಗಲೇ ಅವರಿಬ್ಬರ ನಡುವೆ ಪ್ರೀತಿಯಾಗಿದೆ. ಇಬ್ಬರ ನಡುವೆ ಸಾಕಷ್ಟು ವಯಸ್ಸಿನ ಅಂತರವಿದ್ದು ಅಷ್ಟು ಮಾತ್ರವಲ್ಲದೆ ರಿತೇಶ್ ಅವರು ಮಹಾರಾಷ್ಟ್ರದ ಮಾಜಿ ಮುಖ್ಯ ಮಂತ್ರಿ ವಿಲಾಸ್ರಾವ್ ದೇಶಮುಖ್ ಅವರ ಮಗ ಎಂಬ ಕಾರಣಕ್ಕೆ ಜೆನೆಲಿಯಾ ಹಿಂಜರಿದರು. ಆದರೆ ಅಂತಿಮವಾಗಿ ಅವರು 2012ರಲ್ಲಿ ವಿವಾಹವಾದರು.
ಬಾಲಿವುಡ್ ಖ್ಯಾತ ನಟ ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಅವರು ಜೊತೆಯಾಗಿ ಬ್ರಹ್ಮಾಸ್ತ್ರ ಸಿನಿಮಾದಲ್ಲಿ ಅಭಿನಯಿಸಿದ್ದು ಇಬ್ಬರ ನಡುವೆ ಪ್ರೀತಿ ಉಂಟಾಗಿತ್ತು. ಅವರ ಮೊದಲ ಚಿತ್ರ ಬ್ಲಾಕ್ಬಸ್ಟರ್ ಆಗಿತ್ತು. ಈ ಮೂಲಕ 2022ರಲ್ಲಿ ಮುಂಬೈನಲ್ಲಿ ಈ ಜೋಡಿ ಅದ್ಧೂರಿಯಾಗಿ ವಿವಾಹವಾದರು.
ಖ್ಯಾತ ಹಿರಿಯ ನಟ ಧರ್ಮೇಂದ್ರ ಮತ್ತು ಹೇಮಾ ಮಾಲಿನಿ ಅವರದ್ದು ಕೂಡ ಲವ್ ಮ್ಯಾರೇಜ್ ಆಗಿದೆ. ಇಬ್ಬರು ಜೊತೆ ಯಾಗಿ ಸೀತಾ ಔರ್ ಗೀತಾ, ಶೋಲೆಯಂತಹ ಐಕಾನಿಕ್ ಚಿತ್ರಗಳಲ್ಲಿ ಅಭಿನಯಿಸಿದ್ದರು. ಈ ಮೂಲಕ 1980ರಲ್ಲಿ ಈ ಜೋಡಿ ವಿವಾಹವಾದರು.