Eye Makeup Tips 2025: ಸಂದರ್ಭಕ್ಕೆ ತಕ್ಕಂತಿರಲಿ ನಿಮ್ಮ ಐ ಮೇಕಪ್
Eye Makeup Tips: ಸೌಂದರ್ಯವನ್ನು ಹೆಚ್ಚಿಸುವ ನಾನಾ ಬಗೆಯ ಐ ಮೇಕಪ್‌ಗಳು ಬಂದಿವೆ. ಇವುಗಳಲ್ಲಿ ಸಂದರ್ಭಕ್ಕೆ ತಕ್ಕಂತೆ ಮಾಡಬಹುದಾದ ಐ ಮೇಕಪ್ ಬಗ್ಗೆ ಬ್ಯೂಟಿ ಎಕ್ಸ್‌ಪರ್ಟ್‌ಗಳು ಸಂಕ್ಷಿಪ್ತ ವಿವರ ನೀಡಿದ್ದಾರೆ. ಟ್ರೈ ಮಾಡಿ ನೋಡಿ.
ಐ ಮೇಕಪ್ ಮಾಡುವ ಮುನ್ನ ಒಂದಿಷ್ಟು ವಿಷಯಗಳನ್ನು ತಿಳಿದುಕೊಳ್ಳಬೇಕಿದ್ದು, ಈ ಕುರಿತ ಕುರಿತ ಮಾಹಿತಿ ಇಲ್ಲಿದೆ. (ಚಿತ್ರಕೃಪೆ: ಪಿಕ್ಸೆಲ್) -
ಐ ಮೇಕಪ್ ಇಡೀ ಮುಖದ ಸೌಂದರ್ಯವನ್ನು ಇಮ್ಮಡಿಗೊಳಿಸುತ್ತದೆ. ಸೀಸನ್‌ಗೆ ತಕ್ಕಂತೆ ಸಂದರ್ಭಕ್ಕೆ ತಕ್ಕಂತೆ ಐ ಮೇಕಪ್ ಮಾಡುವುದರಿಂದ ಆಕರ್ಷಕವಾಗಿ ಕಾಣಬಹುದು.
ಹೌದು, ಪ್ರತಿ ಹೆಣ್ಣಿನ ಕಣ್ಣಿನ ಅಂದವನ್ನು ಟ್ರೆಂಡಿ ಐ ಶ್ಯಾಡೋಸ್‌ನಿಂದ ದುಪ್ಪಟ್ಟು ಮಾಡಬಹುದು. ಅವರವರ ಮುಖದ ಆಕಾರ, ಕಣ್ಣಿನ ಗಾತ್ರ, ಬಣ್ಣಕ್ಕೆ ತಕ್ಕಂತೆ ಅಲಂಕರಿಸಿಕೊಂಡಲ್ಲಿ ಮತ್ತಷ್ಟು ಮೆರಗು ಹೆಚ್ಚಾಗುತ್ತದೆ. ಆದರೆ, ಯಾವುದೇ ಐ ಮೇಕಪ್ ಮಾಡುವ ಮುನ್ನ ಈ ಬಗ್ಗೆ ಒಂದಿಷ್ಟು ವಿಷಯಗಳನ್ನು ತಿಳಿದುಕೊಳ್ಳಬೇಕು ಎನ್ನುತ್ತಾರೆ ಬ್ಯೂಟಿ ಎಕ್ಸ್‌ಪರ್ಟ್ ಮಂಗಲಾ. ಅವರ ಪ್ರಕಾರ, ಐ ಮೇಕಪ್ ಸಂದರ್ಭಕ್ಕೆ ಸೂಟ್ ಆಗುವಂತೆ ಮಾಡುವುದು ಅಗತ್ಯ. ಇಲ್ಲವಾದಲ್ಲಿ ನೋಡುಗರಿಗೆ ಅಭಾಸವಾಗಬಹುದು ಎನ್ನುತ್ತಾರೆ.
ಕಚೇರಿಗಿರಲಿ ಸಿಂಪಲ್ ಐ ಮೇಕಪ್
ಪ್ರತಿನಿತ್ಯ ಆಫೀಸ್‌ಗೆ ಹೋಗುವ ಮಹಿಳೆಯರ ಐ ಮೇಕಪ್ ಸಿಂಪಲ್ ಆಗಿರಲಿ. ಇದಕ್ಕಾಗಿ ಕಾಡಿಗೆ ಹಚ್ಚಿದರೂ ಸಾಕು, ಇಲ್ಲವೇ ಬ್ಲಾಕ್ ಐ ಲೈನರ್ ಹಚ್ಚಿದರೂ ಆಯಿತು ಅಥವಾ ರೆಪ್ಪೆಯ ಮೇಲ್ಭಾಗದಲ್ಲಿ ಉಡುಪಿಗೆ ಮ್ಯಾಚ್ ಆಗುವ ಲೈಟ್ ಐ ಶ್ಯಾಡೋ ತೆಳುವಾಗಿ ಹಚ್ಚಬಹುದು. ಸಿಂಪಲ್ಲಾಗಿ ಕಾಣಿಸುವುದು.
ಸಮಾರಂಭಗಳಿಗೆ ಕಲರ್‌ಫುಲ್ ಬ್ರೈಟ್ ಐ ಮೇಕಪ್
ಗ್ರ್ಯಾಂಡ್ ಮದುವೆ, ಸಭೆ, ಸಮಾರಂಭ ಮುಂತಾದ ಸಮಯದಲ್ಲಿ ಧರಿಸುವ ಡ್ರೆಸ್‌ಕೋಡ್‌ನಷ್ಟೇ ಕಣ್ಣಿನ ಅಂದಕ್ಕೂ ಪ್ರಾಮುಖ್ಯತೆ ನೀಡಬೇಕು. ಉಡುಗೆಯ ಬಣ್ಣಕ್ಕೆ ಹೊಂದುಬವ ಗ್ರ್ಯಾಂಡ್ ಐ ಮೇಕಪ್ ಮಾಡಿ. ಆಕರ್ಷಕವಾಗಿ ಕಾಣಿಸುತ್ತದೆ. ಕ್ಯಾಟ್ ಐ ಲೈನ್ ಬರೆಯಿರಿ. ಮಸ್ಕರಾ ಬಳಸಿ. ಫೇಕ್ ಲ್ಯಾಶೆಸ್ ಧರಿಸಿ, ಐಬ್ರೋ ತೀಡಿ. ಶಿಮ್ಮರ್ ಶೇಡ್ಸ್ ಹಚ್ಚಿ.
ಪಾರ್ಟಿಗಿರಲಿ ಶೈನಿಂಗ್ ಐ ಮೇಕಪ್
ಸಂಜೆ ಮತ್ತು ರಾತ್ರಿಯ ವೇಳೆಯ ಪಾರ್ಟಿಗಳಿಗೆ ಶೈನಿಂಗ್ ಐ ಶೇಡ್ ಹಚ್ಚಿ. ಗೋಲ್ಡ್ ಮತ್ತು ಸಿಲ್ವರ್ ಬಣ್ಣಗಳನ್ನು ಹೆಚ್ಚಾಗಿ ಬಳಸಿ. ಲೈಟಿಂಗ್‌ನಲ್ಲಿ ಕಣ್ಣುಗಳು ಹೊಳೆಯುತ್ತವೆ. ಯಾವುದೇ ಬಣ್ಣಗಳನ್ನು ಹಚ್ಚಿದರೂ ಜತೆಗೆ ಗೋಲ್ಡ್ ಅಥವಾ ಸಿಲ್ವರ್ ಶೇಡ್ ಮಿಕ್ಸ್ ಮಾಡಿ.
ಔಟಿಂಗ್‌ಗೆ ಫಂಕಿ ಮೇಕಪ್
ಔಟಿಂಗ್‌ಗೆ ಹೋಗುವಾಗ ಆದಷ್ಟೂ ಐ ಲೈನರ್ಸ್‌ನಿಂದ ರಿವರ್ಸ್ ಕ್ಯಾಟ್ ಐ ಲೈನ್ ಮಾಡಿ. ಬ್ಲ್ಯೂ, ಗ್ರೀನ್ ಹಾಗೂ ಬ್ಲ್ಯೂ ಕಲರ್ ಪ್ರಯೋಗ ಮಾಡಿ. ಐ ಶ್ಯಾಡೋ ಕಡಿಮೆ ಬಳಸಿ. ಯಾವುದೇ ಕಾರಣಕ್ಕೂ ಗಾಢ ಬಣ್ಣದಿಂದ ಅಲಂಕರಿಸಿಕೊಳ್ಳಬೇಡಿ.
ಹಾಲಿಡೇ ಐ ಮೇಕಪ್
ಲಾಂಗ್ ಜರ್ನಿ ಮಾಡುವಾಗ, ಟ್ರಿಪ್‌ಗೆ ಹೊಗುವಾಗ ಸಾಧ್ಯವಾದಷ್ಟು ವಾಟರ್ ಫ್ರೂಪ್ ಐ ಮೇಕಪ್ ಮಾಡಿ. ನೀರು ತಾಕಿದರೂ ಏನೂ ಆಗದು. ಶ್ಯಾಡೋ ಬಳಕೆ ಬೇಡ. ಲೈನರ್ ಹಾಕಿ. ಫೋಟೋಗಳಲ್ಲಿ ಚೆನ್ನಾಗಿ ಕಾಣುವುದು.
