Kajol: ತಾಯಿ ತನುಜಾ, ಅತ್ತೆ ವೀಣಾ ದೇವಗನ್ ಜತೆ ಹೃದಯಸ್ಪರ್ಶಿ ಫೋಟೊ ಹಂಚಿಕೊಂಡ ನಟಿ ಕಾಜೋಲ್
ಕಾಜೋಲ್ ಅಭಿನಯದ ಬಹುನಿರೀಕ್ಷಿತ 'ಮಾ' ಚಿತ್ರದ ಪ್ರೀಮಿಯರ್ ಶೋ ಮುಂಬೈಯಲ್ಲಿ ನಡೆದಿದ್ದು ಅನೇಕ ಸೆಲೆಬ್ರಿಟಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಅಂತೆಯೇ ಕಾಜೋಲ್ ತಾಯಿ ತನುಜಾ ಹಾಗೂ ಅತ್ತೆ ವೀಣಾ ದೇವಗಣ್ ಕೂಡ ಭಾಗಿಯಾಗಿದ್ದರು. ನಟಿ ಕಾಜೋಲ್ ಹೃದಯಸ್ಪರ್ಶಿ ಕ್ಷಣದ ಫೋಟೊವನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
Kajol -
ಬಾಲಿವುಡ್ ನಟಿ ಕಾಜೋಲ್ ನಟನೆಯ 'ಮಾ' ಚಿತ್ರ ಬಿಡುಗಡೆಯಾಗಿದೆ. ಈ ಚಿತ್ರದ ಪ್ರೀಮಿಯರ್ ಶೋ ಇತ್ತೀಚೆಗೆ ಮುಂಬೈಯಲ್ಲಿ ನಡೆಇತು. ಈ ಕ್ಷಣದ ಹಲವು ಫೋಟೊಗಳನ್ನು ಕಾಜೋಲ್ ಇನ್ಸ್ಟಾಗ್ರಾಂನಲ್ಲಿ ಶೇರ್ ಮಾಡಿದ್ದಾರೆ. ಕಾಜೋಲ್ ತನ್ನ ತಾಯಿ ತನುಜಾ ಮತ್ತು ಅತ್ತೆ ವೀಣಾ ದೇವಗನ್ ಅವರೊಂದಿಗೆ ಪೋಸ್ ಕೊಟ್ಟಿದ್ದಾರೆ.
ನಟಿ ಈ ಫೋಟೋಗಳನ್ನು ಪ್ರೀತಿ, ನಗು ಮತ್ತು 'ಮಾ' ಚಿತ್ರಕ್ಕೆ ತಾಯಂದಿರ ಆಶೀರ್ವಾದ ಎಂಬ ಶೀರ್ಷಿಕೆಯೊಂದಿಗೆ ಪೋಸ್ಟ್ ಹಂಚಿಕೊಂಡಿದ್ದಾರೆ. ಇದರಲ್ಲಿ ತಾಯಿ ತನುಜಾ ಹಾಗೂ ಅತ್ತೆ ವೀಣಾ ದೇವಗನ್ ಜತೆ ನಗೆ ಬೀರುತ್ತಾ ಫೋಟೊ ಕ್ಲಿಕ್ಕಿಸಿಕೊಂಡಿದ್ದಾರೆ
ಇನ್ನೊಂದು ಫೋಟೊದಲ್ಲಿ ಪತಿ ಅಜಯ್ ದೇವಗನ್, ಮಗ ಯುಗ್, ಸಹೋದರಿ ತನಿಷಾ ಮುಖರ್ಜಿ, ರೇಣುಕಾ ಶಹಾನೆ ಮತ್ತು ಇತರ ಕುಟುಂಬ ಸದಸ್ಯರೊಂದಿಗೆ ಪೋಸ್ ನೀಡಿದ್ದಾರೆ.
ಕಜೋಲ್ ಕ್ರೀಮ್ -ಗೋಲ್ಡ್ ಮಿಶ್ರಿತ ಸೀರೆಯಲ್ಲಿ ಬಹಳ ಮುದ್ದಾಗಿ ಕಾಣಿಸಿಕೊಂಡಿದ್ದು ಇವರ ಫೋಟೊಗಳಿಗೆ ಫ್ಯಾನ್ಸ್ ಫಿದಾ ಆಗಿದ್ದಾರೆ.
ವಿಶಾಲ್ ಫುರಿಯಾ ನಿರ್ದೇಶನದ 'ಮಾ' ಚಿತ್ರದಲ್ಲಿ ಕಾಜೋಲ್ ಜತೆಗೆ ರೋನಿತ್ ರಾಯ್, ಇಂದ್ರನೀಲ್ ಸೇನ್ಗುಪ್ತಾ ಮತ್ತು ಖೇರಿನ್ ಶರ್ಮಾ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇದು ಜೂ. 27ರಂದು ಬಿಡುಗಡೆಯಾಗಿದೆ. ಜಿಯೊ ಸ್ಟುಡಿಯೊ ಹಾಗೂ ದೇವಗನ್ ಫಿಲ್ಮ್ಸ್ ಜಂಟಿಯಾಗಿ ಈ ಸಿನಿಮಾವನ್ನು ನಿರ್ಮಾಣ ಮಾಡಿದೆ.
1992ರಲ್ಲಿ 'ಬೆಕುದಿ' ಎಂಬ ಸಿನಿಮಾ ಮೂಲಕ ಬಾಲಿವುಡ್ ಪ್ರವೇಶಿಸಿದ್ದ ಕಾಜೋಲ್ 'ಬಾಜೀಗರ್', 'ದಿಲ್ವಾಲೆ ದುಲಾನಿಯಾ ಲೆ ಜಾಯೆಂಗೆ', 'ಕರಣ್ ಅರ್ಜುನ್' ಸೇರಿದಂತೆ ಹಲವು ಸೂಪರ್ ಹಿಟ್ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
'ಮಾ' ಚಿತ್ರದಲ್ಲಿ ಹೆಣ್ಣು ಮಗಳ ತಾಯಿ ಪಾತ್ರದಲ್ಲಿ ಕಾಜೋಲ್ ನಟಿಸಿದ್ದಾರೆ. ಸದ್ಯ ʼಸರ್ಜಮೀನ್' ಹಾಗೂ 'ಮಹಾರಂಗಿ: ಕ್ವೀನ್ ಆಫ್ ಕ್ವೀನ್ಸ್' ಎಂಬ ಎರಡು ಸಿನಿಮಾಗಳಲ್ಲಿ ಕಾಜೋಲ್ ಅಭಿನಯಿಸುತ್ತಿದ್ದಾರೆ.