Rashmika Mandanna: ಧನುಷ್, ನಾಗಾರ್ಜುನ್ ಜೊತೆ ಸ್ಟನ್ನಿಂಗ್ ಲುಕ್ನಲ್ಲಿ ಕಾಣಿಸಿಕೊಂಡ ರಶ್ಮಿಕಾ-ಫೋಟೋಸ್ಗೆ ಇಲ್ಲಿ ಕ್ಲಿಕ್ ಮಾಡಿ
ತಮಿಳು ಸೂಪರ್ಸ್ಟಾರ್ ಧನುಷ್, ಖ್ಯಾತ ನಟ ನಾಗಾರ್ಜುನ, ನ್ಯಾಶನಲ್ ಕ್ರಶ್ ರಶ್ಮಿಕಾ ಮಂದಣ್ಣ ಅಭಿನಯದ ಕುಬೇರ ಚಿತ್ರಕ್ಕೆ ಭರ್ಜರಿಯಾಗಿ ಪ್ರಚಾರ ಪ್ರಕ್ರಿಯೆಗಳು ಆರಂಭವಾಗಿವೆ. ಇತ್ತೀಚೆಗಷ್ಟೆ ಚಿತ್ರತಂಡವು ಚೆನ್ನೈನಲ್ಲಿ ಅದ್ಧೂರಿ ಪ್ರಚಾರ ಕಾರ್ಯಕ್ರಮ ಆಯೋಜಿಸಿದ್ದು ಇದಕ್ಕೆ ಇಡೀ ಚಿತ್ರ ತಂಡ ಭಾಗವಹಿಸಿದೆ. ನಟ ನಾಗಾರ್ಜುನ ಮತ್ತು ಧನುಷ್ ಜೊತೆಗಿನ ಫೋಟೊವನ್ನು ಸ್ವತಃ ರಶ್ಮಿಕಾ ಮಂದಣ್ಣ ಅವರೆ ಸೋಶಿಯಲ್ ಮಿಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ಈ ಫೋಟೊಗಳು ಬಹಳಷ್ಟು ವೈರಲ್ ಆಗಿದೆ.
-
ನಟಿ ರಶ್ಮಿಕಾ ಮಂದಣ್ಣ ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಕುಬೇರ ಸಿನಿಮಾದ ಪ್ರಚಾರ ಕಾರ್ಯದಲ್ಲಿ ಭಾಗಿಯಾಗಿದ್ದ ಫೋಟೊ ಶೇರ್ ಮಾಡಿಕೊಂಡಿದ್ದು ಈ ಫೋಟೊಗಳು ಬಹಳಷ್ಟು ಮೆಚ್ಚುಗೆ ಪಡೆಯುತ್ತಿದೆ. ವೈರಲ್ ಆದ ಫೋಟೊ ಒಂದರಲ್ಲಿ ನಟಿ ರಶ್ಮಿಕಾ ಮಂದಣ್ಣ ಅವರು ನಟ ನಾಗಾರ್ಜುನ ಅವರ ಪಾದಗಳಿಗೆ ನಮಸ್ಕರಿಸುವ ದೃಶ್ಯವನ್ನು ಕಾಣಬಹುದು.
ನಟಿ ರಶ್ಮಿಕಾ ಮಂದಣ್ಣ ಅವರು ಇತ್ತೀಚೆಗೆ ಸಿನಿಮಾ ಕಾರ್ಯಕ್ರಮದಲ್ಲಿ ಅತೀ ಹೆಚ್ಚು ಭಾಗಿಯಾಗುತ್ತಿದ್ದ ಕಾರಣ ತಮ್ಮ ಔಟ್ ಫಿಟ್ ಗಳಿಗೂ ಅಷ್ಟೇ ಪ್ರಾತಿನಿಧ್ಯತೆ ನೀಡುತ್ತಿದ್ದಾರೆ. ಮಾಡರ್ನ್ ಲುಕ್ ನಿಂದ ಟ್ರೆಡಿಶನಲ್ ತನಕವೂ ಆಯಾಯ ಕಾರ್ಯ ಕ್ರಮಕ್ಕೆ ತಕ್ಕಂತೆ ಡ್ರಸ್ ತೊಟ್ಟು ಅಭಿಮಾನಿಗಳ ಮನ ಸೆಳೆಯುತ್ತಿದ್ದಾರೆ. ಈ ಬಾರಿ ಕೂಡ ಕ್ಲಾಸಿಕಲ್ ಲುಕ್ ನಲ್ಲಿ ಕುಬೇರ ಸಿನಿಮಾ ತಂಡದ ಜೊತೆಗೆ ಭಾಗಿಯಾಗಿದ್ದು ಈ ಕುರಿತ ಕೆಲ ಫೋಟೊ ವೈರಲ್ ಆಗಿವೆ.
ನಟಿ ರಶ್ಮಿಕಾ ಮಂದಣ್ಣ ಅವರು ಟ್ರೆಡಿಶನಲ್ ಲುಕ್ ಮೂಲಕ ಕಾರ್ಯಕ್ರಮದಲ್ಲಿ ಮಿಂಚಿದ್ದಾರೆ. ಅವರು ಕ್ರೀಂ ಕಲರ್ ಚೂಡಿದಾರ್ ತೊಟ್ಟಿದ್ದು ಅದರ ಶಾಲು ಸ್ಟೋನ್ ನಿಂದ ಕೂಡಿದ್ದ ಕಾರಣ ಗ್ರ್ಯಾಂಡ್ ಲುಕ್ ನೀಡಿದೆ. ಇನ್ನು ಹೇರ್ ಸ್ಟೈಲ್ ಕೂಡ ವಿಭಿನ್ನವಾಗಿ ಮಾಡಿದ್ದು ಅವರಿಗೆ ಡಿಫರೆಂಟ್ ಲುಕ್ ನೀಡಿದೆ. ಬಟ್ಟೆಗೆ ಹೊಂದುವಂತಹ ಆಭರಣ ಹಾಗೂ ಲೈಟ್ ಮೇಕಪ್ ನಿಂದಾಗಿ ನಟಿ ರಶ್ಮಿಕಾ ಮಂದಣ್ಣ ಗ್ಲಾಮರಸ್ ಲುಕ್ನಿಂದ ಕಂಗೊಳಿಸಿದ್ದಾರೆ.
ವೈರಲ್ ಆದ ಇನ್ನೊಂದು ಫೋಟೊದಲ್ಲಿ ನಟ ಧನುಷ್ ಪಕ್ಕ ಕೂತು ಕ್ಯಾಂಡಿಡ್ ಫೋಟೊ ತೆಗೆಸಿಕೊಂಡಿದ್ದಾರೆ. ಇಬ್ಬರು ಪರಸ್ಪರ ಮಾತಾಡಿಕೊಂಡು ನಗುತ್ತಾ ಇರುವ ದೃಶ್ಯವನ್ನು ಫೋಟೊದಲ್ಲಿ ಕಾಣಬಹುದು. ಈ ಫೋಟೊದಲ್ಲಿ ನಟ ಧನುಷ್ ವೈಟ್ ಕಲರ್ ಶರ್ಟ್ ಮತ್ತು ಪಂಜೆ ತೊಟ್ಟು ಮಿಂಚಿದ್ದಾರೆ.
ರಶ್ಮಿಕಾ ಅವರು ಫೋಟೊ ಜೊತೆಗೆ ಕ್ಯಾಪ್ಶನ್ ಅನ್ನು ಹಂಚಿಕೊಂಡಿದ್ದಾರೆ. ಕುಬೇರ ಸಿನಿಮಾದ ಪ್ರಮೋಶನ್ ಕಾರ್ಯ ಕ್ರಮಕ್ಕೆ ಚೆನ್ನೈ ನಲ್ಲಿ ಭಾಗಿಯಾಗಿದ್ದೇವೆ. ನನ್ನ ಬಾಲ್ಯದ ದಿನದಿಂದಲೂ ಚೆನ್ನೈ ನನ್ನ ಅತೀ ಆಪ್ತ ಸ್ಥಳಗಳಲ್ಲಿ ಒಂದಾಗಿದೆ. ಈ ದಿನ ನಾನು ಬಹಳ ಖುಷಿಯ ಕ್ಷಣಗಳನ್ನು ಕಳೆದಿದ್ದೇನೆ. ನಾಗಾರ್ಜುನ ಸರ್ ಮತ್ತು ಧನುಷ್ ಸರ್ ಜೊತೆಗೆ ಸ್ಕ್ರೀನ್ ಹಂಚಿಕೊಳ್ಳುತ್ತಿರುವುದು ಬಹಳ ಖುಷಿ ತಂದುಕೊಟ್ಟಿದೆ. ಕಮುಲಾ ಶೇಕರ್ ಸರ್ ಈ ಸಿನಿಮಾ ನಿರ್ದೇಶನ ಮಾಡುತ್ತಿದ್ದು ವಿಭಿನ್ನ ವಾದ ಕಥೆ ನಿಮ್ಮನ್ನು ರಂಜಿಸಲು ಸಿದ್ಧವಾಗಿದ್ದು ಇದೇ ಜೂನ್ 20ಕ್ಕೆ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲಿದ್ದು ಪ್ರೇಕ್ಷಕರನ್ನು ಮೋಡಿ ಮಾಡಲಿದೆ ಎಂದು ಬರೆದುಕೊಂಡಿದ್ದಾರೆ.
ಕುಬೇರಾ ಚಿತ್ರದಲ್ಲಿ ಮುಂಬೈನ ಧಾರಾವಿ ಕೊಳೆಗೇರಿಗಳ ನಿರಾಶ್ರಿತ ವ್ಯಕ್ತಿ, ಬಳಿಕ ಮಾಫಿಯಾ ನಾಯಕನಾಗುವ ಮಾಸ್ ಕಥೆಗೆ ಧನುಷ್ ಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ನಟ ನಾಗಾರ್ಜುನ ಕೂಡ ಚಿತ್ರದಲ್ಲಿ ಮುಖ್ಯಪಾತ್ರದಲ್ಲಿ ನಟಿಸಿದ್ದಾರೆ. ಮತ್ತೊಂದೆಡೆ ರಶ್ಮಿಕಾ ಮಧ್ಯಮ ವರ್ಗದ ಜೀವನ ಸಾಗಿಸುವ ಮಹಿಳೆಯ ಪಾತ್ರವನ್ನು ನಿರ್ವಹಿಸಿದ್ದಾರೆ. ಈ ಸಿನಿಮಾದ ಬಳಿಕ ರಶ್ಮಿಕಾ ಅವರು ನಟ ಆಯುಷ್ಮಾನ್ ಖುರಾನಾ ಜೊತೆ ಥಮಾ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರ ಇದೇ ವರ್ಷದ ದೀಪಾವಳಿಗೆ ಬಿಡುಗಡೆಯಾಗಲಿದೆ.