Raashi Khanna: ಐಎಎಸ್ ಅಧಿಕಾರಿ ಆಗಬೇಕೆಂಬ ಕನಸು ಕಂಡಿದ್ದ ಈಕೆ ಬಹುಭಾಷಾ ನಟಿಯಾಗಿದ್ದು ಹೇಗೆ?
ಸಿನಿಮಾ ರಂಗದಲ್ಲಿ ಮಿಂಚುತ್ತಿರುವ ಅನೇಕ ಸ್ಟಾರ್‌ಗಳು ವಿಶೇಷ ಪ್ರತಿಭೆ ಮೂಲಕ ಜನಪ್ರಿಯರಾಗಿದ್ದಾರೆ. ಡಾಕ್ಟರ್, ಎಂಜಿನಿಯರ್, ಐಎಎಸ್, ಐಪಿಎಸ್ ಆಗಬೇಕೆಂದು ಬಯಸಿದ ಅನೇಕರು ಸಿನಿಮಾರಂಗದಲ್ಲಿ ಮಿಂಚಿ ತಮ್ಮ ಕನಸಿನ ಕ್ಷೇತ್ರವನ್ನೇ ಬದಲಿಸಿದ್ದೂ ಇದೆ. ಅಂತಹ ಸ್ಟಾರ್ ನಟಿಯರಲ್ಲಿ ರಾಶಿ ಖನ್ನಾ ಕೂಡ ಒಬ್ಬರು. ಬಾಲಿವುಡ್ ಮತ್ತು ದಕ್ಷಿಣ ಭಾರತದ ಸಾಕಷ್ಟು ಸಿನಿಮಾಗಳಲ್ಲಿ ಇವರು ಅಭಿನಯಿಸಿದ್ದಾರೆ. ಆದರೆ ಅವರಿಗೆ ತಾನು ಸ್ಟಾರ್ ಸೆಲೆಬ್ರಿಟಿ ಆಗಬೇಕೆಂಬ ಆಕಾಂಕ್ಷೆ ಇರಲಿಲ್ಲ. ಬದಲಾಗಿ ಅವರ ಭವಿಷ್ಯದ ಕನಸು ಬೇರೆಯೇ ಇತ್ತು.
Raashi Khanna -
Pushpa Kumari
Jun 25, 2025 8:28 PM
ನಟಿ ರಾಶಿ ಖನ್ನಾ ದೆಹಲಿ ಮೂಲದವರಾಗಿದ್ದು ಅಲ್ಲಿಯೇ ತಮ್ಮ ಆರಂಭಿಕ ಜೀವನ ಕಳೆದಿದ್ದಾರೆ. ಶಾಲಾ ಶಿಕ್ಷಣವನ್ನು ದೆಹಲಿಯಲ್ಲಿ ಪೂರ್ತಿಗೊಳಿಸಿದ್ದ ಅವರು ಪಿಯುಸಿಯಲ್ಲಿ ಅತ್ಯುತ್ತಮ ಅಂಕ ಗಳಿಸಿದ್ದರು. ಅಲ್ಲದೆ ಇಂಗ್ಲಿಷ್ ಸಾಹಿತ್ಯದಲ್ಲಿ ಪದವಿ ಕೂಡ ಪಡೆದಿದ್ದಾರೆ. ಹೀಗಾಗಿ ಶೈಕ್ಷಣಿಕ ರಂಗದಲ್ಲಿ ಏನಾದರೂ ಸಾಧನೆ ಮಾಡಿ ಉನ್ನತ ಮಟ್ಟದ ಹುದ್ದೆಗೆ ಹೋಗಬೇಕು ಎಂಬುದು ನಟಿ ರಾಶಿ ಖನ್ನಾ ಅವರ ಬಹುದೊಡ್ಡ ಕನಸಾಗಿತ್ತು.
ರಾಶಿ ಖನ್ನಾ ಇತ್ತೀಚಿಗೆ ನೀಡಿದ ಸಂದರ್ಶನವೊಂದರಲ್ಲಿ ತಮ್ಮ ಆರಂಭಿಕ ಶಾಲಾ ದಿನದಲ್ಲಿ ಗಾಯಕಿಯಾಗಬೇಕೆಂದು ಬಯಸಿದ್ದರು ಎನ್ನುವ ವಿಚಾರ ತಿಳಿಸಿದ್ದಾರೆ. ಆದರೆ ಕಾಲೇಜಿಗೆ ಸೇರಿದ ಅನಂತರ ಐಎಎಸ್ ಅಧಿಕಾರಿಯಾಗುವ ಕನಸಿತ್ತು ಎಂದು ತಿಳಿಸಿದ್ದಾರೆ.
ರಾಶಿ ಖನ್ನಾ ಐಎಎಸ್‌ಗಾಗಿ ತಯಾರಿ ನಡೆಸುತ್ತಿರುವಾಗಲೇ ನಟಿಸುವ ಅವಕಾಶ ಲಭ್ಯವಾಗಿತ್ತು. ಈ ವೇಳೆ ಅವರು ಜಾಹೀರಾತು ಏಜೆನ್ಸಿಯೊಂದರಲ್ಲಿ ಬರಹಗಾರ್ತಿಯಾಗಿಯೂ ಕೆಲಸ ಮಾಡುತ್ತಿದ್ದರು. ಜಾನ್ ಅಬ್ರಹಾಂ ನಟನೆಯ ʼಮದ್ರಾಸ್ ಕೆಫೆʼ ಚಿತ್ರದ ಮೂಲಕ ಬಾಲಿವುಡ್‌ಗೆ ಕಾಲಿಟ್ಟರು.
ʼಬೆಂಗಾಲ್ ಟೈಗರ್ʼ, ʼಸುಪ್ರೀಮ್ʼ, ʼಜೈ ಲವ- ಕುಶʼ, ʼತೊಲಿ ಪ್ರೇಮʼ, ʼವೆಂಕಿಮಾಮʼ ಸೇರಿದಂತೆ ಅನೇಕ ತೆಲುಗು,ತಮಿಳು, ಹಿಂದಿ, ಮಲಯಾಳಂ ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕೆಲವೊಂದು ಬಾಕ್ಸ್ ಆಫೀಸ್ ಸಕ್ಸಸ್ ನೀಡಿದ್ದರೆ ಬಹುತೇಕ ಸಿನಿಮಾ ನಿರೀಕ್ಷೆ ಮಟ್ಟಕ್ಕೆ ತಲುಪಿಲ್ಲ. ನಟಿಯಾಗಬೇಕು ಎಂಬ ಯಾವ ಯೋಚನೆಯೂ ಕೂಡ ಅವರಿಗೆ ಇರಲಿಲ್ಲವೆಂದು ಸಂದರ್ಶನದಲ್ಲಿ ತಿಳಿಸಿದ್ದಾರೆ
ಇತ್ತೀಚಿಗೆ ರಾಶಿ ಖನ್ನಾ ಅವರ ಸಿನಿಮಾ ಅಷ್ಟಾಗಿ ಯಶಸ್ಸು ಪಡೆಯುತ್ತಿಲ್ಲ. ಹಾಗಿದ್ದರೂ ಅವಕಾಶಗಲ ಕೊರತೆ ಆಗಿಲ್ಲ. ತಮಿಳಿನ 'ಇಮೈಕ್ಕಾ ನೋಡಿಗಲ್'ನಲ್ಲಿ ನಯನತಾರಾ ಜತೆ ನಟಿಸಿದ್ದಾರೆ. ತಮನ್ನಾ ಅವರೊಂದಿಗೆ ʼಅರಮನೆ 4ʼ ಸಿನಿಮಾದಲ್ಲಿ ನಟಿಸಿದ್ದರು. 2022ರಲ್ಲಿ ತೆರೆಕಂಡ ಕಾರ್ತಿ ಜತೆಗಿನ 'ಸರ್ದಾರ್' ಹಿಟ್ ಆಗಿದೆ. ಇತ್ತೀಚೆಗೆ ಸ್ಟ್ರೀಮಿಂಗ್‌ ಆರಂಭಿಸಿದ ʼಫಾರ್ಜಿʼ ವೆಬ್ ಸೀರಿಸ್‌ನಲ್ಲಿ ಕೂಡ ಅಭಿನಯಿಸಿದ್ದಾರೆ. ಅವರ ಪಾತ್ರಕ್ಕೆ ಪಾಸಿಟಿವ್ ರೆಸ್ಪಾನ್ಸ್ ಕೂಡ ಸಿಕ್ಕಿದೆ.