64ನೇ ಸುಬ್ರೋತೋ ಕಪ್ ನವದೆಹಲಿಯಲ್ಲಿ ಆರಂಭ

ಸುಬ್ರೋತೋ ಕಪ್ ಅಂತಾರಾಷ್ಟ್ರೀಯ ಫುಟ್‌ಬಾಲ್ ಟೂರ್ನಮೆಂಟ್‌ನ 64ನೇ ಆವೃತ್ತಿ ಇಂದು ಐತಿಹಾಸಿಕ ಡಾ. ಬಿ.ಆರ್. ಅಂಬೇಡ್ಕರ್ ಕ್ರೀಡಾಂಗಣದಲ್ಲಿ ಅದ್ದೂರಿಯಾಗಿ ಆರಂಭವಾಯಿತು. ಜೂನಿಯರ್ ಗರ್ಲ್ಸ್ (ಅಂಡರ್-17) ವಿಭಾಗದ ಗ್ರೂಪ್ ‘ಎ’ ಯ ಮುಖ್ಯ ಪಂದ್ಯದಲ್ಲಿ, ಅರುಣಾಚಲ ಪ್ರದೇಶದ ನಾರಿ ಸರ್ಕಾರಿ ಹೈಯರ್ ಸೆಕೆಂಡರಿ ಶಾಲೆ, ಒಡಿಶಾದ ಸಂಬಲಪುರದ ಸೇನಿಕ್ ಶಾಲೆ ಯನ್ನು ಸೋಲಿಸಿತು. ಪಂದ್ಯ 1-0 ಅಂತರದಲ್ಲಿ ಅಂತ್ಯಗೊಂಡಿತು, 9ನೇ ನಿಮಿಷದಲ್ಲಿ ಜೆರ್ಸಿ ನಂ. 9, ಲುಕೀ ಲಿಯಂ ತಮಿನ್ ಗೋಲ್ ಹೊಡೆದು ತಂಡಕ್ಕೆ ಮುನ್ನಡೆ ನೀಡಿದರು.

ಗ್ರ್ಯಾಂಡ್ ಉದ್ಘಾಟನಾ ಸಮಾರಂಭದ ಬಳಿಕ ಟೂರ್ನಮೆಂಟ್ ಅನ್ನು ಮುಖ್ಯ ಅತಿಥಿ ಏರ್ ಮಾರ್ಷಲ್ ಎಸ್. ಶಿವಕುಮಾರ್ ವಿ‌ಎಸ್‌ಎಂ, ಏರ್ ಆಫೀಸರ್-ಇನ್-ಚಾರ್ಜ್ ಆಡಳಿತ ಮತ್ತು ಉಪಾಧ್ಯಕ್ಷ, ಸುಬ್ರೋತೋ ಮುಖರ್ಜಿ ಕ್ರೀಡಾ ಶಿಕ್ಷಣ ಸಮಾಜ ಅವರು ಅಧಿಕೃತವಾಗಿ ಉದ್ಘಾಟಿಸಿ ದರು. ಭಾರತೀಯ ಶೂಟಿಂಗ್ ತಂಡದ ಸದಸ್ಯೆ ಹಾಗೂ ಅರುಣ ಪ್ರಶಸ್ತಿ ಪುರಸ್ಕೃತರಾದ ಅಂಜುಮ್ ಮೊದ್ಗಿಲ್ ವಿಶೇಷ ಅತಿಥಿಯಾಗಿ ಹಾಜರಿದ್ದರು.

ಸಮಾರಂಭವನ್ನು ಏರ್ ವೋರಿಯರ್ಸ್ ಡ್ರಿಲ್ ತಂಡದ ಆಕರ್ಷಕ ಪ್ರದರ್ಶನ ಹಾಗೂ ಏರ್ ಫೋರ್ಸ್ ಬಾಲ್ ಭಾರತಿ ಶಾಲೆಯ ವಿದ್ಯಾರ್ಥಿಗಳ ಸಾಂಸ್ಕೃತಿಕ ಕಾರ್ಯಕ್ರಮಗಳು ಅಲಂಕರಿಸಿ ದವು.

ಇದನ್ನೂ ಓದಿ: Vishweshwar Bhat Column: ವಿಮಾನಗಳು ಡಿಕ್ಕಿಯಾಗದಿರಲು ಕಾರಣ ?

ಉದ್ಘಾಟನಾ ಭಾಷಣದಲ್ಲಿ ಏರ್ ಮಾರ್ಷಲ್ ಎಸ್. ಶಿವಕುಮಾರ್ ವಿ‌ಎಸ್‌ಎಂ ಅವರು ಹೇಳಿದರು:

“64ನೇ ಸುಬ್ರೋತೋ ಕಪ್ ಭಾರತದಲ್ಲಿನ ಫುಟ್‌ಬಾಲ್‌ನ ಶಾಶ್ವತ ಮನೋಭಾವಕ್ಕೆ ಸಾಕ್ಷಿಯಾಗಿದೆ. ಈ ಟೂರ್ನಮೆಂಟ್ ಯುವ ಕ್ರೀಡಾಪಟುಗಳ ಕೌಶಲ್ಯವನ್ನು ಮಾತ್ರವಲ್ಲದೆ ಇನ್ನೂ ಅನೇಕ ಜನರನ್ನು ಈ ಕ್ರೀಡೆಯನ್ನು ಅಳವಡಿಸಿಕೊಳ್ಳಲು ಪ್ರೇರೇಪಿಸುತ್ತದೆ ಎಂದು ನನಗೆ ನಂಬಿಕೆ ಇದೆ. ಈ ಟೂರ್ನಮೆಂಟ್‌ಗೆ ಅರ್ಹತೆ ಪಡೆದ ಎಲ್ಲಾ ತಂಡಗಳನ್ನು ನಾನು ಅಭಿನಂದಿಸುತ್ತೇನೆ ಮತ್ತು ಅವರಿಗೆ ಹಾರೈಕೆಗಳನ್ನು ಕೋರುತ್ತೇನೆ. ಅವರು ಕ್ರೀಡೆಯನ್ನು ನಿಜವಾದ ಕ್ರೀಡಾಸ್ಫೂರ್ತಿಯೊಂದಿಗೆ ಆಡಲಿ.”

ಒಟ್ಟು 31 ತಂಡಗಳು ಎಂಟು ಗುಂಪುಗಳಲ್ಲಿ ವಿಭಜನೆಗೊಂಡು ಜೂನಿಯರ್ ಗರ್ಲ್ಸ್ ವಿಭಾಗದಲ್ಲಿ ಕೀರ್ತಿಗಾಗಿ ಸ್ಪರ್ಧಿಸಲಿವೆ. ಪ್ರತಿ ಗುಂಪಿನ ವಿಜೇತರು ನಾಕ್ಔಟ್ ಹಂತಕ್ಕೆ ಪ್ರವೇಶಿಸಲಿದ್ದು, ಫೈನಲ್ ಆಗಸ್ಟ್ 28, 2025 ರಂದು ಅಂಬೇಡ್ಕರ್ ಕ್ರೀಡಾಂಗಣದಲ್ಲಿ ನಡೆಯಲಿದೆ.

ಅಂಬೇಡ್ಕರ್ ಕ್ರೀಡಾಂಗಣದ ಹೊರತಾಗಿ, ತೇಜಸ್ ಫುಟ್‌ಬಾಲ್ ಮೈದಾನ, ಸುಬ್ರೋತೋ ಪಾರ್ಕ್ ಫುಟ್‌ಬಾಲ್ ಮೈದಾನ ಮತ್ತು ಪಿಂಟೋ ಪಾರ್ಕ್ ಫುಟ್‌ಬಾಲ್ ಮೈದಾನಗಳಲ್ಲಿ ಕೂಡಾ ಜೂನಿಯರ್ ಗರ್ಲ್ಸ್ ಪಂದ್ಯಗಳು ನಡೆಯಲಿವೆ