ಮುಂಬೈ: ಭಾರತ ಮಹಿಳಾ ಕ್ರಿಕೆಟ್‌ ತಂಡದ ಆಟಗಾರ್ತಿ ಸ್ಮೃತಿ ಮಂಧಾನ (Smriti Mandhana) ಹಾಗೂ ಸಂಗೀತ ನಿರ್ದೇಶಕ ಪಲಾಶ್ ಮುಚ್ಚಲ್‌ (Palash Muchha) ಅವರ ವಿವಾಹ ಮಹೋತ್ಸವದ ಕುರಿತ ಕೆಲ ಬೆಳವಣಿಗೆಗಳು ತೀರಾ ಚರ್ಚೆಗೆ ಕಾರಣವಾಗಿದ್ದವು. ನವೆಂಬರ್‌ 23 ರಂದು ನಡೆಯಬೇಕಿದ್ದ ವಿವಾಹ ಸಮಾರಂಭ ಮಂಧಾನ ಅವರ ತಂದೆ ಶ್ರೀನಿವಾಸ್‌ ಅವರಿಗೆ ಹೃದಯಘಾತವಾದ ಹಿನ್ನಲೆಯಲ್ಲಿ ವಿವಾಹ ಕಾರ್ಯಕ್ರಮ ಮುಂದೂಡಲಾಗಿತ್ತು. ಎಲ್ಲವೂ ಅಂದುಕೊಂಡಂತೆ ನಡೆದಿದ್ದರೆ ಸ್ಮೃತಿ ಮಂಧಾನ ಹಾಗೂ ಪಲಾಶ್ ವಿವಾಹ ಇಷ್ಟೊತ್ತಿಗಾಗಲೇ ಮುಗಿದಿರಬೇಕಾಗಿತ್ತು. ಆದರೆ ಇದು ಸಾಧ್ಯವಾಗಲಿಲ್ಲ. ಇದರ ನಡುವೆ ಪಲಾಶ್ ಅವರ ವೈಯಕ್ತಿಕ ಜೀವನದ ಕುರಿತು ಕೆಲ ವದಂತಿಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಈ ಎಲ್ಲಾ ಉಹಾಪೋಹಗಳ ನಡುವೆ ಈ ಜೋಡಿ ತಮ್ಮ ಸಾಮಾಜಿಕ ಜಾಲತಾಣದ ಬಯೋದಲ್ಲಿ ನಜರ್‌ ಇಮೋಜಿಯನ್ನು ಬಳಸಿರುವುದು ತೀವ್ರ ಕುತೂಹಲ ಕೆರಳಿಸುತ್ತಿದೆ.
ಈ ಇಮೋಜಿಯನ್ನು ಸಾಮಾನ್ಯವಾಗಿ ದುಷ್ಟರ ಕಣ್ಣಿನಿಂದ ದೂರವಿರಲು ಬಳಸುತ್ತಾರೆ. ಇದೀಗ ಸ್ಮೃತಿ ಮತ್ತು ಪಲಾಶ್ ಈ ಇಮೋಜಿಯನ್ನು ಬಳಸಿರುವುದು ಇಬ್ಬರ ಮಧ್ಯೆ ಯಾವುದೇ ಭಿನ್ನಾಭಿಪ್ರಾಯ ಇಲ್ಲ ಎನ್ನುವುದನ್ನು ಸೂಚಿಸುತ್ತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಅಭಿಪ್ರಾಯಗಳು ಹರಿದಾಡುತ್ತಿವೆ.
Smriti Mandhana; ತಂದೆಗೆ ಹೃದಯಾಘಾತ; ಸ್ಮೃತಿ ಮಂಧಾನ ಮದುವೆ ಮುಂದೂಡಿಕೆ
ಮಂಧಾನ ತಂದೆ ಶ್ರೀನಿವಾಸ್‌ ಮಂಧಾನ ಅವರೊಟ್ಟಿಗೆ ಪಲಾಶ್ ಉತ್ತಮ ಸಂಪರ್ಕ ಮತ್ತು ಸಂಬಂಧ ಹೊಂದಿದ್ದಾರೆ. ಹೀಗಾಗಿ ಶ್ರೀನಿವಾಸ್‌ ಅವರು ಅನಾರೋಗ್ಯಕ್ಕೆ ತುತ್ತಾದ ಹಿನ್ನೆಲೆ ಅವರು ಚೇತರಿಸಿಕೊಳ್ಳುವವರೆಗೆ ವಿವಾಹ ಬೇಡ ಎನ್ನುವ ನಿರ್ಧಾರ ತೆಗೆದುಕೊಂಡಿದ್ದರು. ಶ್ರೀನಿವಾಸ್‌ ಮಂಧಾನ ಅವರು ಸಂಗೀತ ಕಾರ್ಯಕ್ರಮದಂದು ತುಂಬಾ ಹೊತ್ತು ಡ್ಯಾನ್ಸ್‌ ಮಾಡಿದ್ದು, ಇದರಿಂದಾಗಿ ಹೃದಯಾಘಾತಕ್ಕೆ ಒಳಗಾಗಿದ್ದರು ಎಂದು ಮುಚ್ಚಲ್‌ ಅವರ ತಾಯಿ ಮಾಹಿತಿ ನೀಡಿದ್ದರು. ಇನ್ನು ಸ್ಮೃತಿ ಮಂಧಾನ ಅವರ ತಂದೆ ಅನಾರೋಗ್ಯಕ್ಕೆ ತುತ್ತಾದ ಬಳಿಕ ವರ ಪಲಾಶ್ ಅವರ ಆರೋಗ್ಯದಲ್ಲೂ ಕೂಡ ಏರುಪೇರು ಕಾಣಿಸಿಕೊಂಡ ಹಿನ್ನೆಲೆ ಅವರನ್ನೂ ಆಸ್ಪತ್ರೆಗೆ ದಾಖಲಿಸಬೇಕಾಯಿತು.
ಇದಾದ ಬಳಿಕ ಸ್ಮೃತಿ ಅವರ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿದ್ದ ನಿಶ್ಚಿತಾರ್ಥ ಮತ್ತು ಪ್ರಪೋಸಲ್‌ ಫೋಟೋಗಳು ಸೇರಿದಂತೆ ವಿವಾಹಕ್ಕೆ ಸಂಬಂಧಿಸಿದ ಎಲ್ಲಾ ಫೋಸ್ಟ್‌ಗಳನ್ನು ಡಿಲೀಟ್‌ ಮಾಡಿದ್ದರು. ಕ್ರಿಕೆಟ್‌ ಆಟಗಾರ್ತಿಯ ಈ ನಡೆ ತೀವ್ರ ಚರ್ಚೆಗೆ ಕಾರಣವಾಗಿತ್ತು. ಸ್ಮೃತಿ ಮತ್ತು ಪಲಾಶ್ ಅವರ ಸಂಬಂಧದ ಬಿರುಕಿನ ಕುರಿತು ಹಲವು ಉಹಾಪೋಹಗಳು ಹುಟ್ಟಿಕೊಂಡಿದ್ದವು. ಈ ಮಧ್ಯೆ, ಭಾರತ ತಂಡದ ಆಟಗಾರ್ತಿ ಜೆಮಿಮಾ ರೊಡ್ರಿಗಸ್‌, ಮಹಿಳಾ ಬಿಗ್‌ಬಾಶ್‌ ಲೀಗ್‌ನಲ್ಲಿ ಬ್ರಿಸ್ಬೇನ್‌ ಹೀಟ್‌ ತಂಡದ ಪರ ಕಣಕ್ಕಿಳಿಯಲು ವಿದೇಶ ಪ್ರಯಾಣ ಬೆಳೆಸಬೇಕಿತ್ತು.
ಸ್ಮೃತಿ ಮಂಧಾನ ವಿವಾಹ ಸಮಾರಂಭದಲ್ಲಿ ವ್ಯಕ್ತಿಗೆ ಹೃದಯಾಘಾತ; ಮಂಟಪಕ್ಕೆ ಬಂದ ಆಂಬುಲೆನ್ಸ್‌
ಆದರೆ ಅವರು ತಮ್ಮ ಸಹ ಆಟಗಾರ್ತಿ ಮತ್ತು ಆಪ್ತ ಸ್ನೇಹಿತೆ ಮಂಧಾನ ಅವರ ವಿವಾಹ ಮಹೋತ್ಸವದ ಕುರಿತು ಎದ್ದಿರುವ ಗೊಂದಲಗಳ ಕಾರಣ ಅವರು ಇಲ್ಲೇ ಉಳಿದಿದ್ದಾರೆ. ಈ ಕುರಿತು ಜೆಮಿಮಾ ತನ್ನ ಸ್ನೇಹಿತೆಗಾಗಿ ಪಂದ್ಯಾವಳಿಯ ಉಳಿದ ಪಂದ್ಯಗಳಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ ಎಂದು ಮಹಿಳಾ ಬಿಗ್‌ಬಾಶ್‌ ಲೀಗ್‌ ಬ್ರಿಸ್ಬೇನ್‌ ಫ್ರಾಂಚೈಸಿ ತಿಳಿಸಿದೆ.
ಈ ಎಲ್ಲಾ ಗೊಂದಲಗಳ ಮಧ್ಯೆ ಕ್ರಿಕೆಟ್‌ ಅಭಿಮಾನಿಗಳು ಸ್ಟಾರ್‌ ಆಟಗಾರ್ತಿಯ ವಿವಾಹ ಮಹೋತ್ಸವದ ಕುರಿತು ಗೊಂದಲಗಳ ಸುಳಿಗೆ ಸಿಲುಕಿಕೊಂಡಿದ್ದಾರೆ.