ಇಂದೋರ್‌, ಅ. 11: ವೆಸ್ಟ್ ವಿಂಡೀಸ್‌ ವಿರುದ್ಧ ಭಾನುವಾರ ನಡೆದ 3ನೇ ಟಿ20 ಪಂದ್ಯದಲ್ಲಿ 14 ರನ್‌ಗಳಿಂದ ಟೀಂ ಇಂಡಿಯಾ ಜಯ ಸಾಧಿಸಿದೆ. ಈ ಗೆಲುವಿನೊಂದಿಗೆ ಶ್ರೇಯಸ್‌ ಅಯ್ಯರ್‌ ನೇತೃತ್ವದ ಭಾರತ ತಂಡ ಸರಣಿಯಲ್ಲಿ 2-1 ಮುನ್ನಡೆ ಕಾಯ್ದುಕೊಂಡಿದೆ. ಟಾಸ್‌ ಗೆದ್ದ ವೆಸ್ಟ್ ಇಂಡೀಸ್ ಬೌಲಿಂಗ್‌ ಆಯ್ದುಕೊಂಡಿತು. ಬ್ಯಾಟಿಂಗ್‌ ಆಹ್ವಾನ ಪಡೆದ ಭಾರತ, ಅಭಿಷೇಕ್‌ ಶರ್ಮ ಅವರ ಅರ್ಧಶತಕದ ನೆರವಿನಿಂದ ಭರ್ತಿ 20 ಓವರ್‌ಗೆ 223 ರನ್‌ ಗಳಿಸಿ ಆಲೌಟ್‌ ಆಯಿತು. ಜವಾಬಿತ್ತ ವೆಸ್ಟ್ ಇಂಡೀಸ್ ನಿಗದಿತ 20 ಓವರ್‌ನಲ್ಲಿ 7 ವಿಕೆಟ್‌ಗೆ 209 ರನ್‌ ಗಳಿಸಲಷ್ಟೇ ಶಕ್ತವಾಯಿತು. ಭಾರತ ಪರ ಅರ್ಷದೀಪ್‌ ಸಿಂಗ್‌ 3 ಮತ್ತು ನಮನ್ ಧಿರ್‌ 2 ವಿಕೆಟ್‌ ಕಿತ್ತು ವೆಸ್ಟ್ ಇಂಡೀಸ್‌ನ ಬೆನ್ನುಲುಬು ಮುರಿದರು.
ಮೊದಲು ಬ್ಯಾಟಿಂಗ್‌ ನಡೆಸಿದ ಭಾರತ ಆರಂಭದಲ್ಲೇ ಆಘಾತ ಎದುರಿಸಿತು. ಸಂಜು ಸ್ಯಾಮ್ಸನ್‌(3) ವಿಕೆಟ್‌ ಕಳೆದುಕೊಂಡಿತು. ಶಮಾರ್ ಜೋಸೆಫ್ 150.8 ಕಿಮೀ ವೇಗದಲ್ಲಿ ಚೆಂಡೆಸೆದು ಈ ವಿಕೆಟ್‌ ಕಿತ್ತರು. ಆ ಬಳಿಕ ಬಂದ ಇಶಾನ್‌ ಕಿಶನ್‌ ಬಿರುಸಿನ ಆಟಕ್ಕೆ ಮುಂದಾಗಿ ಬಡಬಡನೆ ಬೌಂಡರಿ ಬಾರಿಸಿದರು. ಆದರೆ ಅವರ ಆಟ ಹೆಚ್ಚು ಹೊತ್ತು ಸಾಗಲಿಲ್ಲ. 37 ರನ್‌ಗೆ ವಿಕೆಟ್‌ ಕಳೆದುಕೊಂಡರು. ನಾಯಕ ಶ್ರೇಯಸ್‌ ಅಯ್ಯರ್‌ (1) ಮತ್ತು ನಮನ್ ಧೀರ್ (10) ಪೆವಿಲಿಯನ್‌ ಪರೇಟ್‌ ನಡೆಸಿದರು.
ವಿಂಡೀಸ್‌ ವಿರುದ್ಧದ 3ನೇ ಟಿ20 ಪಂದ್ಯ ಗೆದ್ದ ಭಾರತ:
ಒಂದೆಡೆ ವಿಕೆಟ್‌ ಬೀಳುತ್ತಿದ್ದರೂ ಮತ್ತೊಂದು ತುದಿಯಲ್ಲಿ ಅಬ್ಬರಿಸಿದ ಅಭಿಷೇಕ್‌ ಅರ್ಧಶತಕ ಸಿಡಿಸಿ ಮಿಂಚಿದರು. ಮಾತ್ರವಲ್ಲದೆ ತಂಡದ ಮೊತ್ತವನ್ನು ಸರಾಸರಿ 10ರಂತೆ ಕೊಂಡೊಯ್ದರು. 30 ವರ್ಷ ಎದುರಿಸಿದ ಅವರು 6 ಬೌಂಡರಿ ಮತ್ತು 5 ಸಿಕ್ಸರ್‌ ಸಿಡಿಸಿ 69 ರನ್‌ ಬಾರಿಸಿದರು. 6 ಸಿಕ್ಸರ್‌ ಬಾರಿಸುವ ಮೂಲಕ ಕ್ಯಾಲೆಂಡರ್‌ ವರ್ಸದಲ್ಲಿ ಅತ್ಯಧಿಕ ಸಿಕ್ಸರ್‌ ಬಾರಿಸಿದ ಸೂರ್ಯಕುಮಾರ್‌ ಯಾದವ್‌(68 ಸಿಕ್ಸರ್‌) ಅವರ ದಾಖಲೆ ಸರಿಗಟ್ಟಿದರು.
ಜೋ ರೂಟ್ ಟೆಸ್ಟ್ ದಾಖಲೆ ಮುರಿದು ಇತಿಹಾಸ ನಿರ್ಮಿಸಿದ ಸ್ಟೀವ್ ಸ್ಮಿತ್
18 ಎಸೆತಗಳಲ್ಲಿ ಅರ್ಧಶತಕ ಸಿಡಿಸುವ ಮೂಲಕ ವೆಸ್ಟ್ ಇಂಡೀಸ್ ವಿರುದ್ಧ ಅತಿ ವೇಗದ ಟಿ20 ಅರ್ಧಶತಕ ಬಾರಿಸಿದ ವಿಶ್ವದ 5ನೇ ಬ್ಯಾಟರ್‌ ಎನಿಸಿಕೊಂಡರು. ದಾಖಲೆ ದಕ್ಷಿಣ ಆಫ್ರಿಕಾದ ಕ್ವಿಂಟನ್‌ ಡಿ ಕಾಕ್‌(15 ಎಸೆತ) ಹೆಸರಿನಲ್ಲಿದೆ.
ಅಭಿಷೇಕ್‌ ವಿಕೆಟ್‌ ಪತನದ ಬಳಿಕ ಕೆಲ ಕ್ರಮಾಂಕದಲ್ಲಿ ಜತೆಯಾದ ತಿಲಕ್‌ ವರ್ಮಾ ಮತ್ತು ಅಕ್ಷರ್‌ ಪಟೇಲ್‌ ಕೆಲ ಕಾಲ ಜಿದ್ದಿಗೆ ಬಿದ್ದವರಂತೆ ಬ್ಯಾಟ್‌ ಬೀಸಿದರು. ಈ ವೇಳೆ ತಿಲಕ್‌ ರನೌಟ್‌ ಸಂಕಟ್ಟಕ್ಕೆ ಸಿಲುಕಿ ವಿಕೆಟ್‌ ಕಳೆದುಕೊಂಡರು. ತಿಲಕ್‌ 28 ರನ್‌ ಗಳಿಸಿದರು. ಈ ಜೋಡಿಯ ಜತೆಯಾಟಕ್ಕೆ ಬ್ರೇಕ್‌ ಬಿದ್ದ ಬಳಿಕ ತಂಡದ ಮೊತ್ತವೂ ಕುಂಠಿತಗೊಂಡಿತು. ಅಕ್ಷರ್‌(20) ಕೂಡ ರನೌಟ್‌ ಆದರು. ವಿಂಡೀಸ್‌ ಪರ ರೋಸ್ಟನ್ ಚೇಸ್( 38ಕ್ಕೆ 2), ಶಮಾರ್ ಜೋಸೆಫ್(54ಕ್ಕೆ 2) ಮತ್ತು ಶಮಾರ್ ಸ್ಪ್ರಿಂಗರ್(50 ಕ್ಕೆ 2) ವಿಕೆಟ್‌ ಕಿತ್ತರು.