ನವದೆಹಲಿ, ಮಾ.3: 2026ರ ಟಿ20 ವಿಶ್ವಕಪ್ನ ನಾಕೌಟ್(T20 World Cup 2026 semifinal) ಹಂತಗಳಿಗೆ ವೇದಿಕೆ ಸಜ್ಜಾಗಿದೆ. ಸ್ಪರ್ಧೆಯ ಎರಡು ಸೆಮಿಫೈನಲ್ಗಳು ನ್ಯೂಜಿಲೆಂಡ್-ದಕ್ಷಿಣ ಆಫ್ರಿಕಾ ಮತ್ತು ಭಾರತ-ಇಂಗ್ಲೆಂಡ್ ನಡುವೆ ನಡೆಯಲಿವೆ. ಪಂದ್ಯಾವಳಿಯ ಮೊದಲ ಸೆಮಿಫೈನಲ್ ಮಾರ್ಚ್ 4 ರಂದು ನಡೆಯಲಿದ್ದು, ಎರಡನೇ ಸೆಮಿಫೈನಲ್ ಮಾರ್ಚ್ 5 ರಂದು ನಡೆಯಲಿದೆ. ಎರಡು ನಿರ್ಣಾಯಕ ಪಂದ್ಯಗಳಿಗೆ ಮುಂಚಿತವಾಗಿ, ಐಸಿಸಿ (ಅಂತರರಾಷ್ಟ್ರೀಯ ಕ್ರಿಕೆಟ್ ಮಂಡಳಿ) ಸೆಮಿಫೈನಲ್ಗಳಲ್ಲಿ ಹಾಜರಿರುವ ಅಂಪೈರ್ಗಳು ಮತ್ತು ಪಂದ್ಯ ಅಧಿಕಾರಿಗಳ ಪಟ್ಟಿಯನ್ನು ಮಂಗಳವಾರ ಪ್ರಕಟಿಸಿತು.
ಮಾರ್ಚ್ 4, ಬುಧವಾರ ನಡೆಯುವ ನ್ಯೂಜಿಲೆಂಡ್ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಮೊದಲ ಸೆಮಿಫೈನಲ್ ಪಂದ್ಯಕ್ಕೆ ರಿಚರ್ಡ್ ಇಲ್ಲಿಂಗ್ವರ್ತ್ ಮತ್ತು ಅಲೆಕ್ಸ್ ವಾರ್ಫ್ ಆನ್-ಫೀಲ್ಡ್ ಅಂಪೈರ್ಗಳಾಗಿ ಕಾರ್ಯನಿರ್ವಹಿಸಲಿದ್ದಾರೆ. ಭಾರತದ ನಿತಿನ್ ಮೆನನ್ ಮೂರನೇ ಅಂಪೈರ್ ಆಗಿ, ರಾಡ್ ಟಕರ್ ನಾಲ್ಕನೇ ಅಂಪೈರ್ ಆಗಿ ಮತ್ತು ಜಾವಗಲ್ ಶ್ರೀನಾಥ್ ಮ್ಯಾಚ್ ರೆಫರಿಯಾಗಿ ನೇಮಕಗೊಂಡಿದ್ದಾರೆ.
ಟಿ20 ವಿಶ್ವಕಪ್ನ ಎರಡನೇ ಸೆಮಿಫೈನಲ್ ಭಾರತ ಮತ್ತು ಇಂಗ್ಲೆಂಡ್ ನಡುವೆ ನಡೆಯಲಿದ್ದು, ಮಾರ್ಚ್ 5 ರಂದು ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ಎರಡೂ ತಂಡಗಳು ಪರಸ್ಪರ ಸೆಣಸಾಡಲಿದೆ. ಈ ಪಂದ್ಯಕ್ಕೆ ಕ್ರಿಸ್ ಗಫಾನಿ ಮತ್ತು ಅಲ್ಲಾಹುದ್ದೀನ್ ಪಾಲೇಕರ್ ಆನ್-ಫೀಲ್ಡ್ ಅಂಪೈರ್ಗಳಾಗಿರುತ್ತಾರೆ. ಆಡ್ರಿಯನ್ ಹೋಲ್ಡ್ಸ್ಟಾಕ್ ಮೂರನೇ ಅಂಪೈರ್, ಮತ್ತು ಪಾಲ್ ರೀಫೆಲ್ ನಾಲ್ಕನೇ ಅಂಪೈರ್ ಆಗಿರುತ್ತಾರೆ. ಆಂಡಿ ಪೈಕ್ರಾಫ್ಟ್ ಮ್ಯಾಚ್ ರೆಫರಿ ಆಗಿರುತ್ತಾರೆ.
ಎರಡು ಸೆಮಿಫೈನಲ್ಗಳಿಗೆ ಪಂದ್ಯದ ಅಧಿಕಾರಿಗಳು
ಸೆಮಿಫೈನಲ್ 1: ಕೋಲ್ಕತ್ತಾ, ಬುಧವಾರ 4 ಮಾರ್ಚ್ 2026
ದಕ್ಷಿಣ ಆಫ್ರಿಕಾ vs ನ್ಯೂಜಿಲೆಂಡ್
ಆನ್-ಫೀಲ್ಡ್ ಅಂಪೈರ್ಗಳು: ರಿಚರ್ಡ್ ಇಲಿಂಗ್ವರ್ತ್ ಮತ್ತು ಅಲೆಕ್ಸ್ ವಾರ್ಫ್
ಮೂರನೇ ಅಂಪೈರ್: ನಿತಿನ್ ಮೆನನ್
ನಾಲ್ಕನೇ ಅಂಪೈರ್: ರಾಡ್ ಟಕರ್
ಪಂದ್ಯದ ರೆಫರಿ: ಜಾವಗಲ್ ಶ್ರೀನಾಥ್
ನಾಳೆ ಮೊದಲ ಸೆಮಿಫೈನಲ್; ಪಿಚ್ ರಿಪೋರ್ಟ್, ಸಂಭಾವ್ಯ ತಂಡ, ಮುಖಾಮುಖಿ ದಾಖಲೆ ಹೀಗಿದೆ
ಸೆಮಿಫೈನಲ್ 2: ಮುಂಬೈ, ಗುರುವಾರ 5 ಮಾರ್ಚ್ 2026
ಭಾರತ vs ಇಂಗ್ಲೆಂಡ್
ಆನ್-ಫೀಲ್ಡ್ ಅಂಪೈರ್ಗಳು: ಕ್ರಿಸ್ ಗಫಾನಿ ಮತ್ತು ಅಲ್ಲಾಹುದ್ದೀನ್ ಪಾಲೇಕರ್
ಮೂರನೇ ಅಂಪೈರ್: ಆಡ್ರಿಯನ್ ಹೋಲ್ಡ್ಸ್ಟಾಕ್
ನಾಲ್ಕನೇ ಅಂಪೈರ್: ಪಾಲ್ ರೀಫೆಲ್
ಪಂದ್ಯದ ರೆಫರಿ: ಆಂಡಿ ಪೈಕ್ರಾಫ್ಟ್