ವಾಷಿಂಗ್ಟನ್: ಭಾರತೀಯ ಯುವತಿಯೊಬ್ಬಳು ಬಟ್ಟೆ ಅಂಗಡಿಯಿಂದ ಪುರುಷರ ವಸ್ತುಗಳು ಸೇರಿದಂತೆ ಬಟ್ಟೆಗಳನ್ನು ಕಳ್ಳತನ ಮಾಡುತ್ತಿದ್ದಾಗ ಸಿಕ್ಕಿಬಿದ್ದಿರುವ ಘಟನೆ ಅಮೆರಿಕದಲ್ಲಿ (America) ನಡೆದಿದೆ. ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವ ವಿಡಿಯೊದಲ್ಲಿ (Viral Video), ಯುವತಿಯೂ ತನ್ನನ್ನು ಕ್ಷಮಿಸಿಬಿಡಿ ಎಂದು ಅಂಗಲಾಚುತ್ತಿರುವುದನ್ನು ನೋಡಬಹುದು. ಹಣ ನೀಡದೆ ಬಟ್ಟೆಗಳನ್ನು ತೆಗೆದುಕೊಂಡು ಎಸ್ಕೇಪ್ ಆಗಲು ಯತ್ನಿಸಿದ ಆರೋಪದ ಮೇಲೆ ಆಕೆಯನ್ನು ಪೊಲೀಸರು ಪ್ರಶ್ನಿಸಿದಾಗ, ಅಧಿಕಾರಿಗಳಿಗೆ ಅಳುತ್ತಾ ಕ್ಷಮೆಯಾಚಿಸುತ್ತಿರುವುದು ಕಂಡುಬಂದಿದೆ.
ಭಾರತದಲ್ಲಿರುವ ತನ್ನ ಸಹೋದರನಿಗಾಗಿ ಈ ವಸ್ತುಗಳನ್ನು ಖರೀದಿಸಿದ್ದಾಗಿ ಆಕೆ ಪೊಲೀಸರಿಗೆ ತಿಳಿಸಿದ್ದಾಳೆ. ಸಹೋದರನಿಗೆ ಮೇಡ್ ಇನ್ ಯುಎಸ್ಎ ಉತ್ಪನ್ನಗಳ ಬಗ್ಗೆ ಒಲವಿತ್ತು. ಹೀಗಾಗಿ ಬಟ್ಟೆ ಖರೀದಿಸಲು ಮುಂದಾದೆ. ತಾನು ತೆಗೆದುಕೊಂಡ ವಸ್ತುಗಳಿಗೆ ಹಣ ನೀಡಲು ಮರೆತಿದ್ದೇನೆ ಎಂದು ಆಕೆ ಹೇಳಿಕೊಂಡಳು. ಪೊಲೀಸರಲ್ಲಿ ಮನವಿ ಮಾಡಿದ ಆಕೆ, ತನ್ನ ಕೈಗೆ ಕೋಳ ಹಾಕಬೇಡಿ ಎಂದು ಬೇಡಿಕೊಂಡಳು. ತನಗೆ ಒಂದು ಅವಕಾಶ ಕೊಡುವಂತೆ ಬೇಡಿಕೊಂಡಳು.
ವಿಡಿಯೊ ವೀಕ್ಷಿಸಿ:
ವಿಡಿಯೊದಲ್ಲಿ, ಪೊಲೀಸ್ ಅಧಿಕಾರಿಗಳು ಅವಳನ್ನು ಪದೇ ಪದೇ ತಿರುಗುವಂತೆ ಕೇಳುತ್ತಿರುವುದು ಕಂಡುಬರುತ್ತದೆ. ಆದರೆ ಅವಳು ಸೂಚನೆಗಳನ್ನು ಪಾಲಿಸಲು ನಿರಾಕರಿಸುತ್ತಾ ಅಳುತ್ತಲೇ ಇದ್ದಳು. ಇಲ್ಲ ಸರ್, ಕ್ಷಮಿಸಿ. ದಯವಿಟ್ಟು ತನ್ನನ್ನು ಕ್ಷಮಿಸಿ ಎನ್ನುತ್ತಾ ತನ್ನ ಕೈಗಳನ್ನು ಮಡಚಿ ಅಳುತ್ತಿದ್ದಳು. ನಂತರ ಕೈಗೆ ಕೋಳ ಹಾಕಿದ ನಂತರ ಏನಾಗುತ್ತದೆ ಎಂದು ಅವಳು ಕೇಳಿದಳು. ಪೊಲೀಸ್ ಅಧಿಕಾರಿಯೊಬ್ಬರು ಅವಳನ್ನು ಪೊಲೀಸ್ ಠಾಣೆಗೆ ಕರೆದೊಯ್ದು ಬಿಡುಗಡೆ ಮಾಡಲಾಗುವುದು ಎಂದು ವಿವರಿಸಿದರು. ಇಡೀ ಪ್ರಕ್ರಿಯೆಯು ಒಂದೆರಡು ಗಂಟೆಗಳನ್ನು ತೆಗೆದುಕೊಳ್ಳುತ್ತದೆ ಎಂದು ಅವರು ಅವಳಿಗೆ ಹೇಳಿದರು.
ಇದನ್ನೂ ಓದಿ: Viral Video: ಯುವತಿಯನ್ನು ಕೂರಿಸಿಕೊಂಡು ಡೆಡ್ಲಿ ವ್ಹೀಲಿಂಗ್! ಈ ಹುಚ್ಚಾಟದ ವಿಡಿಯೊ ಇಲ್ಲಿದೆ
ಕೊನೆಗೆ ಇಷ್ಟವಿಲ್ಲದಿದ್ದರೂ ಆ ಮಹಿಳೆಯ ಕೈಗಳಿಗೆ ಬೇಡಿ ಹಾಕಿ ಪೊಲೀಸ್ ಠಾಣೆಗೆ ಕರೆದೊಯ್ಯಲಾಯಿತು. ಆಕೆಯ ಗುರುತು, ಅಂಗಡಿಯ ನಿಖರವಾದ ಸ್ಥಳ ಮತ್ತು ಕದ್ದ ವಸ್ತುಗಳ ಮೌಲ್ಯ ಮುಂತಾದ ವಿವರಗಳನ್ನು ಅಧಿಕೃತವಾಗಿ ದೃಢಪಡಿಸಲಾಗಿಲ್ಲ. ಅಧಿಕಾರಿಗಳು ಪ್ರಸ್ತುತ ಪ್ರಕರಣದ ತನಿಖೆ ನಡೆಸುತ್ತಿದ್ದಾರೆ. ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ, ಆಕೆಯ ಕೃತ್ಯವನ್ನು ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಖಂಡಿಸಲಾಗಿದೆ.
ಅಮೆರಿಕದಿಂದ ಮತ್ತು ಅವರು ಪ್ರಯಾಣಿಸುವ ಇತರ ದೇಶಗಳಿಂದ ಏಕೆ ಕದಿಯುತ್ತಾರೆ. ಅವರು 5 ಸ್ಟಾರ್ ಹೋಟೆಲ್‌ಗಳು, ಸೂಪರ್‌ಮಾರ್ಕೆಟ್‌ಗಳು ಮತ್ತು ಆಭರಣ ಅಂಗಡಿಗಳಿಂದಲೂ ಕದಿಯುತ್ತಾರೆ. ಇವರು ವಿದೇಶಿ ಶಿಕ್ಷಣ ಮತ್ತು ವಿದೇಶಿ ಪ್ರಯಾಣವನ್ನು ನಿಭಾಯಿಸಬಲ್ಲ ಉನ್ನತ ಶಿಕ್ಷಣ ಪಡೆದ ಶೇಕಡಾ 1ರಷ್ಟು ಭಾರತೀಯರು ಎಂದು ಬಳಕೆದಾರರೊಬ್ಬರು ಬರೆದಿದ್ದಾರೆ. ವಿದೇಶಗಳಲ್ಲಿ ಅಂಗಡಿ ಕಳ್ಳತನ ಮಾಡುವಾಗ ಸಿಕ್ಕಿಬಿದ್ದ ಭಾರತೀಯರ ಪ್ರಕರಣಗಳು ಸಾಮಾಜಿಕ ಮಾಧ್ಯಮದಲ್ಲಿ ಭಾರಿ ಆಕ್ರೋಶವನ್ನು ಹುಟ್ಟುಹಾಕಿವೆ. ಇಂತಹ ಕೃತ್ಯಗಳು ಇಡೀ ವಲಸೆಗಾರರ ಖ್ಯಾತಿಗೆ ಹಾನಿ ಮಾಡುತ್ತವೆ ಎಂದು ಮತ್ತೊಬ್ಬ ಬಳಕೆದಾರರು ಕಾಮೆಂಟ್ ಮಾಡಿದ್ದಾರೆ.
ಈ ವರ್ಷದ ಆರಂಭದಲ್ಲಿ, ಅಮೆರಿಕದ ಅಂಗಡಿಯೊಂದರಲ್ಲಿ ಕಳ್ಳತನ ಮಾಡುತ್ತಿದ್ದಾಗ ಭಾರತೀಯ ಮಹಿಳೆಯೊಬ್ಬರು ಸಿಕ್ಕಿಬಿದ್ದರು. ಅಧಿಕಾರಿಗಳು ವಿಚಾರಣೆ ನಡೆಸಲು ಪ್ರಯತ್ನಿಸುತ್ತಿದ್ದಾಗ, ತನ್ನನ್ನು ಗುಜರಾತಿ ಎಂದು ಪರಿಚಯಿಸಿಕೊಂಡ ಆ ಮಹಿಳೆ ನಡುಗುತ್ತಾ, ಅಳುತ್ತಿದ್ದರು. ಜನವರಿ 15 ರಂದು ಈ ವಿಡಿಯೊ ವೈರಲ್ ಆಗಿತ್ತು. ಮಹಿಳೆ ಸಿಕ್ಕಿಬಿದ್ದ ನಂತರ ಪೊಲೀಸರ ಮುಂದೆ ಭಯಭೀತಳಾಗಿದ್ದಳು ಮತ್ತು ಸರಿಯಾಗಿ ಮಾತನಾಡಲು ಅಸಮರ್ಥಳಾಗಿದ್ದಳು.