Viral Photo: ಸೂರ್ಯನನ್ನೇ ಹಾದು ಹೋದ ಸ್ಕೈಡೈವರ್‌- ಅಪರೂಪದ ಕ್ಷಣ ಕ್ಯಾಮರಾದಲ್ಲಿ ಸೆರೆ!

ವಾಷಿಂಗ್ಟನ್: ಸೂರ್ಯನ ಉರಿಯುತ್ತಿರುವ ಮೇಲ್ಮೈಗೆ ಸಂಪೂರ್ಣವಾಗಿ ಹೊಂದಿಕೊಂಡಿರುವ ಬೀಳುವ ಸ್ಕೈಡೈವರ್‌ನ ಅದ್ಭುತ ಛಾಯಾಗ್ರಹಣವನ್ನು ಖಗೋಳ ಛಾಯಾಗ್ರಾಹಕರೊಬ್ಬರು (Astrophotographer) ಸೆರೆಹಿಡಿದಿದ್ದಾರೆ. ಈ ಚಿತ್ರವು, ಗಗನಯಾನ ಸಾಹಸಿಯೊಬ್ಬರು ನಮ್ಮ ಭೂಮಿಯ ಮುಂದೆ ಬಾಹ್ಯಾಕಾಶದ ನಿರ್ವಾತದ ಮೂಲಕ ಉರುಳುತ್ತಿರುವಂತೆ ಭಾಸವಾಗುತ್ತದೆ. ಈ ಫೋಟೋ ಇದೀಗ ವೈರಲ್ (Viral Photo) ಆಗಿದೆ.

ಸೂರ್ಯನ ಛಾಯಾಗ್ರಹಣದಲ್ಲಿ ಪರಿಣತಿ ಹೊಂದಿರುವ ಅರಿಜೋನಾ ಮೂಲದ ಖಗೋಳ ಛಾಯಾಗ್ರಾಹಕ ಆಂಡ್ರ್ಯೂ ಮೆಕಾರ್ಥಿ ಶನಿವಾರ ಈ ಅಸಂಭವ ಫೋಟೋವನ್ನು ಸೆರೆಹಿಡಿದಿದ್ದಾರೆ. ದಿ ಫಾಲ್ ಆಫ್ ಇಕಾರ್ಸ್ ಎಂದು ಎಂದು ಹೆಸರಿಸಿರುವ ಈ ಚಿತ್ರವನ್ನು ಸೆರೆಹಿಡಿಯಲು ಖಂಡಿತವಾಗಿಯೂ ಅತಿಶಯವಾದ ಮಟ್ಟದ ಯೋಜನೆ ಬೇಕಾಗಿತ್ತು. ಇದೊಂದು ರೀತಿಯ ಮೊದಲ ಚಿತ್ರವಾಗಿರಬಹುದು ಎಂದು ಮೆಕಾರ್ಥಿ ಅವರು ಸಾಮಾಜಿಕ ಮಾಧ್ಯಮ ಎಕ್ಸ್‌ನಲ್ಲಿ ಪ್ರಕಟಿಸಿದ ಪೋಸ್ಟ್‌ನಲ್ಲಿ ಬರೆದಿದ್ದಾರೆ.

ಈ ಅಪರೂಪದ ದೃಶ್ಯದ ಸೆರೆಗಾಗಿ ಅಪಾರ ಯೋಜನೆ ಮತ್ತು ತಾಂತ್ರಿಕ ನಿಖರತೆ ಅಗತ್ಯವಿತ್ತು. ನಾನು ನನ್ನ ಸ್ನೇಹಿತ @BlackGryph0n ಅವರನ್ನು ಸ್ಕೈಡೈವ್ ಮಾಡುವಾಗ ಸೂರ್ಯನ ಮುಂದೆ ಹೋಗುತ್ತಿರುವಂತೆ ಸೆರೆಹಿಡಿದೆ. ಬಹುಶಃ ಇದೊಂದು ಈ ರೀತಿಯ ಮೊದಲ ಫೋಟೋ ಆಗಿರಬಹುದು. ಈ ಕ್ಷಣದ ವಿಡಿಯೊವನ್ನು ನೋಡಿ ಎಂದು ಮೆಕಾರ್ಥಿ ಅವರು ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.

ಇದನ್ನೂ ಓದಿ: Viral News: 5 ನಿಮಿಷ ಅಪ್ಪಿಕೊಳ್ಳಿ... 600 ರೂ. ಪೇ ಮಾಡಿ! ಏನಿದು ಹೊಸ ಟ್ರೆಂಡ್‌?

ಇಲ್ಲಿದೆ ಪೋಸ್ಟ್

ಚಿತ್ರದಲ್ಲಿನ ಸ್ಕೈಡೈವರ್ ಯೂಟ್ಯೂಬರ್ ಮತ್ತು ಸಂಗೀತಗಾರ ಗೆಬ್ರಿಯೆಲ್ ಸಿ. ಬ್ರೌನ್ ಆಗಿದ್ದು, ಅವರು ಸುಮಾರು 3,500 ಅಡಿ (1,070 ಮೀಟರ್) ಎತ್ತರದಿಂದ ಸಣ್ಣ ಪ್ರೋಪೆಲರ್ ಯಂತ್ರವಾಹನದಿಂದ ಜಂಪ್ ಮಾಡಿದರು. ಮೆಕಾರ್ಥಿಯ ಕ್ಯಾಮರಾ ಸುಮಾರು 8,000 ಅಡಿ (2,440 ಮೀಟರ್) ದೂರದಲ್ಲಿತ್ತು. ಸ್ಕೈಡೈವ್ ಮಾಡುವಾಗ ಸೂರ್ಯನ ಮುಂಭಾಗದಲ್ಲಿ ಹಾರುತ್ತಿರುವಂತೆ ಕಾಣುತ್ತದೆ. ಬ್ರೌನ್ ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ ಚಿತ್ರೀಕರಣದ ಹಲವಾರು ತೆರೆಮರೆಯ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ.

ತೂಕ ಇಳಿಸಲು ಹೋಗಿ ಪ್ರಾಣಬಿಟ್ಟ ಯುವಕ

ವ್ಯಕ್ತಿಯೊಬ್ಬ ತನ್ನ ಗರ್ಲ್ ಫ್ರೆಂಡ್‌ನ ಪೋಷಕರನ್ನು ಮೆಚ್ಚಿಸಲೆಂದು ತೂಕ ಇಳಿಸಲು ಹೋಗಿ ಮೃತಪಟ್ಟ ಘಟನೆ ಚೀನಾದಲ್ಲಿ ನಡೆದಿದೆ. ಚೀನಾ ದೇಶದ ಹೆನಾನ್ ಪ್ರಾಂತ್ಯದ ಕ್ಸಿನ್ಕ್ಸಿ ಯಾಂಗ್ ನಗರದ ನಿವಾಸಿ 36 ವರ್ಷದ ಲೀ ಜಿಯಾಂಗ್ ಎನ್ನುವವರು ಅತಿಯಾದ ಬೊಜ್ಜಿನ ಸಮಸ್ಯೆಯಿಂದ ಬಳಲುತ್ತಿದ್ದರು. ಹೀಗಾಗಿ ತಾನು ದೇಹದ ತೂಕವನ್ನು ಇಳಿಸಿಕೊಂಡು, ತನ್ನ ಗೆಳತಿಯ ಪೋಷಕರನ್ನು ಮೆಚ್ಚಿಸಬೇಕು ಅನ್ನೋ ಉದ್ದೇಶಕ್ಕೆ ಆತ ಗ್ಯಾಸ್ಟ್ರಿಕ್ ಬೈಪಾಸ್ ಶಸ್ತ್ರಚಿಕಿತ್ಸೆಗೆ ಒಳಗಾಗಿದ್ದಾರೆ. ಆದರೆ, ಶಸ್ತ್ರಚಿಕಿತ್ಸೆ ಬಳಿಕ ಆರೋಗ್ಯ ಸಮಸ್ಯೆಯಿಂದ ಆತ ಸಾವನ್ನಪ್ಪಿದ್ದಾನೆ.

ಲೀ ಅವರ ವೈದ್ಯಕೀಯ ದಾಖಲೆಗಳು ಅವರಿಗೆ ಈ ಹಿಂದಿನಿಂದಲೂ ಆರೋಗ್ಯ ಸಮಸ್ಯೆ ಇತ್ತು ಎಂಬುದನ್ನು ತಿಳಿಸಿದೆ‌. ಅವರು ಜೋರಾಗಿ ಗೊರಕೆ ಹೊಡೆಯುವುದು, ಮೆಟಾಬಾಲಿಕ್ ಸಿಂಡ್ರೋಮ್, ಅಧಿಕ ರಕ್ತದೊತ್ತಡ ಮತ್ತು ಕೊಬ್ಬಿನ ಪಿತ್ತಜನ ಕಾಂಗದ ಕಾಯಿಲೆಯಿಂದ ಬಳಲುತ್ತಿದ್ದರು. ಇಷ್ಟೆಲ್ಲ ಆರೋಗ್ಯ ಹದಗೆಟ್ಟಿದ್ದಾಗಲೇ ತೂಕ ಇಳಿಸಲು ಶಸ್ತ್ರಚಿಕಿತ್ಸೆ ಮಾಡಿಸಿದ್ದು ಅವರ ಸಾವಿಗೆ ಕಾರಣವಾಗಿದೆ.