Viral Video: ಕಾಲೇಜಿನಲ್ಲಿ ವಿದೇಶಿ ಮಹಿಳೆಯರ ಬೆಲ್ಲಿ ಡ್ಯಾನ್ಸ್; ಕಾರ್ಯಕ್ರಮದಿಂದ ಹೊರನಡೆದ ಅತಿಥಿಗಳು

ಚಂಡೀಗಢ: ಹರಿಯಾಣದ ಫರಿದಾಬಾದ್‌ನ ಬಲ್ಲಭಗಢದಲ್ಲಿರುವ ಅಗರ್‌ವಾಲ್ ಕಾಲೇಜಿನಲ್ಲಿ ವಿದೇಶಿ ನೃತ್ಯಗಾರರು ಪ್ರದರ್ಶನ ನೀಡುತ್ತಿರುವ ವಿಡಿಯೊ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ (Viral Video) ಆಗಿವೆ. ಕಾಲೇಜಿನ ಅಂತಾರಾಷ್ಟ್ರೀಯ ಸಾಂಸ್ಕೃತಿಕ ಜಾಗೃತಿ ಕಾರ್ಯಕ್ರಮದಲ್ಲಿ 16 ದೇಶಗಳ ಮಹಿಳಾ ಮಾಡೆಲ್‌ಗಳು ಮತ್ತು ನರ್ತಕರು ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ, ವಿದೇಶಿ ಪ್ರದರ್ಶಕರು ಬೆಲ್ಲಿ ಡ್ಯಾನ್ಸ್ (Belly Dance) ಪ್ರದರ್ಶಿಸಿದರು.

ವಿಶೇಷ ಅತಿಥಿಗಳಾಗಿ ಮುಂಭಾಗದ ಸೋಫಾದಲ್ಲಿ ಕುಳಿತಿದ್ದ ಡಿಸಿ ವಿಕ್ರಮ್ ಸಿಂಗ್ ಮತ್ತು ಜಂಟಿ ಪೊಲೀಸ್ ಆಯುಕ್ತ (ಜೆಸಿಪಿ) ರಾಜೇಶ್ ದುಗ್ಗಲ್ ಎದ್ದು ನಿಂತು ಕಾರ್ಯಕ್ರಮದಿಂದ ಹೊರನಡೆದರು. ಬೆಲ್ಲಿ ಡ್ಯಾನ್ಸ್‌ನ ವಿಡಿಯೊ ವೈರಲ್ ಆದ ನಂತರ, ಅಭಿವಕ್ತ ಏಕ್ತಾ ಮಂಚ್ ಈ ಪ್ರದರ್ಶನಕ್ಕೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿತು. ಇಂಥವು ಕಲಿಕೆಯ ದೇವಾಲಯದಲ್ಲಿ ನಡೆಯಬಾರದು. ಇದು ಸಹ-ಶಿಕ್ಷಣ ಕಾಲೇಜು. ಅಲ್ಲಿ ಹುಡುಗರು ಮತ್ತು ಹುಡುಗಿಯರ ಮುಂದೆ ಅಂತಹ ನೃತ್ಯ ನಡೆಯುತ್ತಿತ್ತು ಎಂದು ಹರಿಯಾಣ ಏಕ್ತಾ ಅಭಿವಕ್ತ ಮಂಚ್‌ನ ಪ್ರಧಾನ ಕಾರ್ಯದರ್ಶಿ ಕೈಲಾಶ್ ಶರ್ಮಾ ಹೇಳಿದರು.

ವಿಡಿಯೊ ವೀಕ್ಷಿಸಿ:

ಈ ವಿಡಿಯೊ 24 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ 103.6Kಕ್ಕೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ. ಭಾರತ, ರಷ್ಯಾ, ಕಿರ್ಗಿಸ್ತಾನ್, ಕಝಾಕಿಸ್ತಾನ್, ಈಜಿಪ್ಟ್, ನ್ಯೂಜಿಲೆಂಡ್, ಎಸ್ಟೋನಿಯಾ, ಕೊರಿಯಾ, ಅಮೆರಿಕ ಸೇರಿದಂತೆ 16 ದೇಶಗಳ ಕಲಾವಿದರು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ಕಾರ್ಯಕ್ರಮದ ಆರಂಭದಲ್ಲಿ, ರೂಪದರ್ಶಿಗಳು ಮತ್ತು ನರ್ತಕರು ವೇದಿಕೆಯಲ್ಲಿ ಪ್ರದರ್ಶನ ನೀಡಿದರು. ವಿದೇಶಿ ರೂಪದರ್ಶಿಯೊಬ್ಬರು ಹರಿಯಾಣವಿ ಘಾಗ್ರ ತೊಟ್ಟು ʼ52 ಗಜ್ ಕಾ ದಮನ್ʼ ಹಾಡಿಗೆ ರ‍್ಯಾಂಪ್ ವಾಕ್ ಮಾಡಿದರು.

ಇದನ್ನೂ ಓದಿ: Viral Video: ನಿತ್ಯ ತುಂಬಿ ತುಳುಕೋ ಲೋಕಲ್‌ ರೈಲು- ಒಳಗೆ ಹತ್ತಲು ಮಹಿಳೆಯರ ನೂಕುನುಗ್ಗಲು! ವಿಡಿಯೊ ನೋಡಿ

ಕಝಾಕಿಸ್ತಾನದ ನರ್ತಕಿಯೊಬ್ಬರು ಕೆಂಪು ಉಡುಪಿನಲ್ಲಿ ಬೆಲ್ಲಿ ಡ್ಯಾನ್ಸ್ ಮಾಡಲು ಪ್ರಾರಂಭಿಸುವವರೆಗೂ ಎಲ್ಲವೂ ಸರಾಗವಾಗಿ ನಡೆಯಿತು. ಇದರ ನಂತರ, ಕುಳಿತಿದ್ದ ಕಾಲೇಜು ವಿದ್ಯಾರ್ಥಿಗಳು ಜೋರಾಗಿ ನೃತ್ಯ ಮಾಡಲು ಮತ್ತು ಹುರಿದುಂಬಿಸಲು ಪ್ರಾರಂಭಿಸಿದರು. ಇದು ಶೀಘ್ರದಲ್ಲೇ ಅವ್ಯವಸ್ಥೆಗೆ ಕಾರಣವಾಯಿತು. ಕೆಲವು ವಿದ್ಯಾರ್ಥಿಗಳು ಕೆಲವರನ್ನು ಹೆಗಲ ಮೇಲೆ ಹತ್ತಿ ನೃತ್ಯ ಮಾಡಲು ಪ್ರಾರಂಭಿಸಿದರು. ಇನ್ನು ಕೆಲವರು ವೇದಿಕೆಯ ಏರಲು ಪ್ರಯತ್ನಿಸಿದರು. ಪೊಲೀಸರು ಜನಸಂದಣಿಯನ್ನು ನಿಯಂತ್ರಿಸಲು ಹೆಣಗಾಡುತ್ತಿರುವುದು ಕಂಡುಬಂತು. ಪೊಲೀಸ್ ಅಧಿಕಾರಿಗಳು ಯುವಕರನ್ನು ತಮ್ಮ ಆಸನಗಳಲ್ಲಿ ಕುಳಿತುಕೊಳ್ಳುವಂತೆ ಕೇಳಿಕೊಳ್ಳುವುದನ್ನು ಸಹ ವಿಡಿಯೊದಲ್ಲಿ ಕಂಡು ಬಂದಿದೆ.