ಲಖನೌ: ಗಂಗಾ ಘಾಟ್‌ಗಳು ಒಂದು ಗ್ರಂಥಾಲಯವನ್ನು ತುಂಬುವಷ್ಟು ದುರಂತಗಳನ್ನು ಕಂಡಿವೆ. ಪಶ್ಚಿಮ ಉತ್ತರ ಪ್ರದೇಶದ (Uttar Pradesh) ಸ್ಮಶಾನವೊಂದರಲ್ಲಿ ಕಂಡುಬಂದ ದೃಶ್ಯವೊಂದು ಆಘಾತ ಮೂಡಿಸಿದೆ. ಹಾಪುರ್ ಜಿಲ್ಲೆಯ ಬ್ರಿಜ್‌ಘಾಟ್‌ನಲ್ಲಿ ಗುರುವಾರ ಮಧ್ಯಾಹ್ನದ ಘಟನೆಯೊಂದು ನಡೆದಿದೆ. ಅಂತಿಮ ಸಂಸ್ಕಾರಕ್ಕಾಗಿ (funeral) ಇರಿಸಲಾದ (Viral Video) ಶವ ಮನುಷ್ಯನದಲ್ಲ. ಶವದ ಕವಚದಲ್ಲಿ ಸುತ್ತಿದ ಮನುಷ್ಯಾಕೃತಿಯ ಬೊಂಬೆ ಎಂಬುದು ತಿಳಿದುಬಂತು.
ಪ್ರತ್ಯಕ್ಷದರ್ಶಿಗಳು ಹೇಳುವಂತೆ, ನಾಲ್ವರು ಪುರುಷರು HR-ನೋಂದಾಯಿತ i20 ಕಾರಿನಲ್ಲಿ ಬಂದರು. ಅವರು ಯಾವುದೇ ಅನುಮಾನಕ್ಕೆ ಒಳಗಾಗದೆ ತುಪ್ಪ, ಮರ ಮತ್ತು ಇತರ ಧಾರ್ಮಿಕ ವಸ್ತುಗಳನ್ನು ಖರೀದಿಸಿದರು. ಅಸಂಖ್ಯಾತ ಕುಟುಂಬಗಳಿಗೆ ಅಂತಿಮ ವಿಧಿವಿಧಾನಗಳ ಮೂಲಕ ಮಾರ್ಗದರ್ಶನ ನೀಡಿದ ಸ್ಮಶಾನದ ಕೆಲಸಗಾರ ನಿತಿನ್, ಅಂತ್ಯಕ್ರಿಯೆ ಮಾಡಲು ಸಿದ್ಧತೆ ನಡೆಸುತ್ತಿದ್ದಾರೆ ಎಂದೇ ತಿಳಿದಿದ್ದರು.
ವಿಡಿಯೋ ವೀಕ್ಷಿಸಿ
ಆದರೆ, ಆ ಗುಂಪು ಚಿತೆಯ ಮೇಲೆ ಮುಚ್ಚಿದ ಆಕೃತಿಯನ್ನು ನೇರವಾಗಿ ಇಟ್ಟಾಗ, ಸ್ಥಳೀಯರಿಗೆ ಏನೋ ತಪ್ಪಾಗಿದೆ ಎಂದು ಅನಿಸಲು ಪ್ರಾರಂಭಿಸಿತು. ಮೃತರ ಮುಖವನ್ನು ತೆರೆಯಲು ಪದೇ ಪದೇ ಕೇಳಿಕೊಳ್ಳಲಾಯಿತು. ಆದರೆ, ಇದಕ್ಕೆ ಅವರು ಹಾರಿಕೆಯ ಉತ್ತರ ನೀಡಿದರು. ಇದು ಮತ್ತಷ್ಟು ಅನುಮಾನಗಳಿಗೆ ಕಾರಣವಾಯಿತು. ಜನಸಮೂಹ ಜಮಾಯಿಸಿ ಉದ್ವಿಗ್ನತೆ ಹೆಚ್ಚಾದಾಗ, ಹೆಣದ ಹೊದಿಕೆಯನ್ನು ಕೊನೆಗೂ ತೆಗೆಯಲಾಯಿತು. ನಿರ್ಜೀವ ಮಾನವ ದೇಹದ ಬದಲಿಗೆ, ಪ್ಲಾಸ್ಟಿಕ್ ದೇಹವನ್ನು ಕಂಡು ಜನರು ಹೌಹಾರಿದರು.
ವಿಷಯ ತಿಳಿದ ಕೂಡಲೇ ಸ್ಥಳಕ್ಕೆ ಪೊಲೀಸರು ಬಂದರು. ಈ ವೇಳೆ ನಾಲ್ವರಲ್ಲಿ ಇಬ್ಬರು ಪರಾರಿಯಾಗಿದ್ದರು. ಪೊಲೀಸರು, ದೆಹಲಿ ಮೂಲದ ಇಬ್ಬರು ಉಡುಪು ವ್ಯಾಪಾರಿಗಳನ್ನು ಬಂಧಿಸಿದರು. ಬಂಧಿತರನ್ನು ಕಮಲ್ ಸೋಮಾನಿ ಮತ್ತು ಆಶಿಶ್ ಖುರಾನಾ ಎಂದು ಗುರುತಿಸಲಾಗಿದೆ. ಅವರ ಹುಡುಕಾಟದಲ್ಲಿ ಇನ್ನೂ ಎರಡು ಮನುಷ್ಯಾಕೃತಿಗಳು ಪತ್ತೆಯಾಗಿದ್ದು, ನಿಗೂಢತೆಯನ್ನು ಇನ್ನಷ್ಟು ಹೆಚ್ಚಿಸಿತು.
Viral Video: ಅಯ್ಯಯ್ಯೋ! ಅಂತ್ಯಕ್ರಿಯೆ ವೇಳೆ ಶವಪೆಟ್ಟಿಗೆಯಿಂದ ಜೀವಂತವಾಗಿ ಎದ್ದು ಬಂದ ಮಹಿಳೆ: ವಿಡಿಯೋ ನೋಡಿ
ವಿಚಾರಣೆಯ ಸಮಯದಲ್ಲಿ, ಸೋಮಾನಿ ತಾನು 50 ಲಕ್ಷ ರೂಪಾಯಿ ಸಾಲದಲ್ಲಿ ಮುಳುಗಿದ್ದೇನೆ ಎಂದು ಒಪ್ಪಿಕೊಂಡಿದ್ದಾನೆ ಎಂದು ತನಿಖಾಧಿಕಾರಿಗಳು ತಿಳಿಸಿದ್ದಾರೆ. ವಿಮೆ ಹಣ ಪಡೆಯುವುದಕ್ಕಾಗಿ ಆತ ಈ ಕೃತ್ಯ ಎಸಗಿದ್ದಾನೆ ಎಂದು ತಿಳಿದುಬಂದಿದೆ. ಅನ್ಶುಲ್ ಎಂಬಾತನಿಗೆ ಸೇರಿದ ವೈಯಕ್ತಿಕ ದಾಖಲೆಗಳನ್ನು ಪಡೆದುಕೊಂಡು, ಅದೇ ಮೊತ್ತದ ಟಾಟಾ ಎಐಎಯೊಂದಿಗೆ ಜೀವ ವಿಮಾ ಪಾಲಿಸಿಯನ್ನು ಪಡೆಯಲು ಅವುಗಳನ್ನು ಬಳಸಿದ್ದಾನೆ. ಅದರಲ್ಲಿ ತನ್ನನ್ನು ನಾಮಿನಿ ಎಂದು ಹೆಸರಿಸಿದ್ದಾನೆ. ಅನುಮಾನ ಬರದಂತೆ ಪ್ರೀಮಿಯಂಗಳನ್ನು ನಿಯಮಿತವಾಗಿ ಪಾವತಿಸಲಾಗುತ್ತಿತ್ತು ಎಂದು ತಿಳಿದುಬಂದಿದೆ.
ಆರೋಪಿ ಸೋಮಾನಿಯ ಯೋಜನೆ ಹೇಗಿತ್ತೆಂದರೆ ಅನ್ಶುಲ್‌ನ ಸಾವಿನ ನಕಲಿ ಚಿತ್ರಣವನ್ನು ಸೃಷ್ಟಿಸಿ, ಮನುಷ್ಯಾಕೃತಿಯಿಂದ ಅಂತ್ಯಕ್ರಿಯೆ ನಡೆಸಿ, ಮರಣ ಪ್ರಮಾಣಪತ್ರ ಪಡೆದು, ನಂತರ ವಿಮಾ ಅರ್ಜಿ ಸಲ್ಲಿಸುವುದರ ಮೇಲೆ ಅವಲಂಬಿತವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮನುಷ್ಯಾಕೃತಿಯನ್ನು ತನ್ನದೇ ಆದ ಬಟ್ಟೆ ಅಂಗಡಿಯಿಂದ ತೆಗೆದುಕೊಂಡು ಹೋಗಿ ಆತುರದಿಂದ ಸುತ್ತಿ ನದಿಯ ದಡಕ್ಕೆ ತೆಗೆದುಕೊಂಡು ಹೋಗಲಾಗಿದೆ
ಇದೆಂಥ ಕೃತ್ಯ? ಕೈಕಾಲುಗಳಿಗೆ ಸಂಕೋಲೆ ಬಿಗಿದಿದ್ದರೂ ದುಡಿಯುತ್ತಿರುವ ಕಾರ್ಮಿಕನ ವಿಡಿಯೊ ವೈರಲ್
ಮೃತರ ಗುರುತಿನ ಬಗ್ಗೆ ಕೇಳಿದ ಪ್ರಶ್ನೆಗಳನ್ನು ತಪ್ಪಿಸುತ್ತಾ, ಆರಂಭದಿಂದಲೂ ಗುಂಪು ಆತಂಕದಿಂದ ಕೂಡಿತ್ತು ಎಂದು ಸ್ಮಶಾನದ ಕೆಲಸಗಾರ ನಿತಿನ್ ವಿವರಿಸಿದರು. ಮನುಷ್ಯಾಕೃತಿ ಬಹಿರಂಗವಾದಾಗ, ಅವರು ತಕ್ಷಣವೇ ಪೊಲೀಸರಿಗೆ ಮಾಹಿತಿ ನೀಡಿದರು.
ಪೊಲೀಸರು ಘಟನಾ ಸ್ಥಳದಲ್ಲಿ ದೊರೆತ ಮೊಬೈಲ್ ಫೋನ್ ಬಳಸಿ ಅನ್ಶುಲ್‌ಗೆ ವಿಡಿಯೊ ಕರೆ ಮಾಡಿದರು. ಆ ಯುವಕ ಕಳೆದ ಹಲವು ದಿನಗಳಿಂದ ಪ್ರಯಾಗ್‌ರಾಜ್‌ನಲ್ಲಿರುವ ತನ್ನ ಕುಟುಂಬದ ಮನೆಯಲ್ಲಿದ್ದನೆಂದು ತಿಳಿದುಬಂದಿದೆ. ಈ ವಿಚಾರ ಹೇಳುವವರೆಗೂ ಆತನಿಗೆ ಇದ್ಯಾವುದರ ಬಗ್ಗೆಯೂ ತಿಳಿದಿರಲಿಲ್ಲ.
ವಂಚನೆ, ನಕಲಿ ದಾಖಲೆ ಮತ್ತು ಕ್ರಿಮಿನಲ್ ಪಿತೂರಿ ಆರೋಪದ ಮೇಲೆ ಸೋಮಾನಿ ಮತ್ತು ಖುರಾನಾ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಎಂದು ತನಿಖೆಯ ನೇತೃತ್ವ ವಹಿಸಿರುವ ಇನ್ಸ್‌ಪೆಕ್ಟರ್ ಮನೋಜ್ ಬಲ್ಯಾನ್ ತಿಳಿಸಿದ್ದಾರೆ. ಪರಾರಿಯಾದ ಇತರ ಇಬ್ಬರಿಗಾಗಿ ಹುಡುಕಾಟ ನಡೆಯುತ್ತಿದೆ.