ಪ್ರಾಣವನ್ನೇ ಪಣಕ್ಕಿಟ್ಟು ಮುಳುಗುತ್ತಿದ್ದ ಕಾರು ಚಾಲಕನನ್ನು ರಕ್ಷಿಸಿದ ವ್ಯಕ್ತಿ; ವಿಡಿಯೊ ವೈರಲ್‌

ಲಖನೌ, ನ. 29: ನೀರಿನಲ್ಲಿ ಮುಳುಗುತ್ತಿದ್ದ ಎಸ್‌ಯುವಿಯೊಳಗೆ ಸಿಲುಕಿದ್ದ ಚಾಲಕನನ್ನು ವ್ಯಕ್ತಿಯೊಬ್ಬ ತನ್ನ ಪ್ರಾಣವನ್ನೇ ಪಣಕ್ಕಿಟ್ಟು ರಕ್ಷಿಸಿದ ಘಟನೆ ಉತ್ತರ ಪ್ರದೇಶದ (Uttar Pradesh) ಪಿಲಿಭಿತ್‌ನಲ್ಲಿ ನಡೆದಿದೆ. ಎಸ್‌ಯುವಿ ಚಾಲನೆ ಮಾಡುತ್ತಿದ್ದ ಶುಭಂ ತಿವಾರಿ, ಹಠಾತ್ತನೆ ರಸ್ತೆಗೆ ಬಂದ ಮಗುವಿಗೆ ಡಿಕ್ಕಿ ಹೊಡೆಯುವುದನ್ನು ತಪ್ಪಿಸಲು ಪ್ರಯತ್ನಿಸುವಾಗ ಕಾರು ಸಹಿತ ಕೆರೆಗೆ ಹೋಗಿ ಬಿದ್ದಿದ್ದಾರೆ. ಚಾಲಕನನ್ನು ರಕ್ಷಿಸುತ್ತಿರುವ ದೃಶ್ಯದ ವಿಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ (Viral Video) ಆಗಿದೆ.

ವಾಹನವು ನೀರಿಗೆ ಬಿದ್ದು ಮುಳುಗಲು ಪ್ರಾರಂಭಿಸುತ್ತಿದ್ದಂತೆ, ಹತ್ತಿರದಲ್ಲಿದ್ದ ಸ್ಥಳೀಯ ನಿವಾಸಿ ಫೈಜಲ್ ಎಂಬುವವರು ಕೂಡಲೇ ಕಾರ್ಯಪ್ರವೃತ್ತರಾದರು. ಒಂದು ಕ್ಷಣವೂ ವ್ಯರ್ಥ ಮಾಡದೆ, ಮುಳುಗುತ್ತಿದ್ದ ಎಸ್‌ಯುವಿ ಕಡೆಗೆ ತನ್ನ ದೋಣಿಯನ್ನು ಚಲಾಯಿಸಿ, ಕೊಳಕ್ಕೆ ಹಾರಿದ ತಿವಾರಿ ಅವರನ್ನು ತಲುಪಿದರು.

25 ಸಾವಿರ ರೂ.ಗೆ ಎಐ ಶಿಕ್ಷಕಿ ಸೃಷ್ಟಿಸಿದ 17 ವರ್ಷದ ವಿದ್ಯಾರ್ಥಿ; ರೋಬೋಟ್ ಉಪನ್ಯಾಸದ ವಿಡಿಯೊ ವೈರಲ್

ಫೈಜಲ್ ನೀರಿನ ಪ್ರವಾಹ ಮತ್ತು ವಾಹನದ ಭಾರವನ್ನು ಲೆಕ್ಕಿಸದೆ ಹೋರಾಡುತ್ತ ಚಾಲಕನನ್ನು ಸಕಾಲದಲ್ಲಿ ಹೊರ ತೆಗೆದದಿದ್ದಾರೆ. ಅವರ ತ್ವರಿತ ಮತ್ತು ನಿರ್ಭೀತ ಕ್ರಮಗಳು ತಿವಾರಿ ಅವರನ್ನು ನೀರಿನಲ್ಲಿ ಮುಳುಗದಂತೆ ರಕ್ಷಿಸಿದವು. ಮಾರಕ ದುರಂತವಾಗಬಹುದಾಗಿದ್ದ ಅಪಘಾತವನ್ನು ಪವಾಡ ಸದೃಶವಾಗಿ ಪಾರು ಮಾಡಿದರು. ರಕ್ಷಣಾ ಕಾರ್ಯಾಚರಣೆಯ ವಿಡಿಯೊ ವೈರಲ್ ಆಗಿದ್ದು, ಸಾಮಾಜಿಕ ಮಾಧ್ಯಮ ಬಳಕೆದಾರರು ಫೈಜಲ್ ಅವರ ಅಸಾಧಾರಣ ಧೈರ್ಯವನ್ನು ಶ್ಲಾಘಿಸಿದ್ದಾರೆ. ಅನೇಕರು ಅವರ ಶೌರ್ಯ ಕಾರ್ಯವನ್ನು ಅಧಿಕೃತವಾಗಿ ಗುರುತಿಸುವಂತೆ ಒತ್ತಾಯಿಸಿದ್ದಾರೆ.

ವಿಡಿಯೊ ವೀಕ್ಷಿಸಿ:

ಈ ವ್ಯಕ್ತಿಯ ಉದಾತ್ತ ಧೈರ್ಯವನ್ನು ಪಿಲಿಭಿಟ್ ಪೊಲೀಸರು ಮೆಚ್ಚಬೇಕು ಎಂದು ವಿನಂತಿಸುತ್ತಿದ್ದೇನೆ. ಗಮನಿಸದೆ ಬಿಡಬಾರದ ಅಪರೂಪದ ಧೈರ್ಯದ ಕೃತ್ಯ ಎಂದು ಒಬ್ಬ ಬಳಕೆದಾರರು ಬರೆದಿದ್ದಾರೆ. ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ, ಫೈಜಲ್ ಅವರಿಗೆ ಶೌರ್ಯ ಪ್ರಶಸ್ತಿ ನೀಡಬೇಕೆಂಬ ಕೂಗುಗಳು ಜೋರಾಗುತ್ತಿವೆ. ನೆಟ್ಟಿಗರು ಅವರನ್ನು ನಿಜ ಜೀವನದ ನಾಯಕ ಎಂದು ಶ್ಲಾಘಿಸುತ್ತಿದ್ದಾರೆ. ಅವರ ನಿಸ್ವಾರ್ಥ ಕಾರ್ಯವು ಅಧಿಕೃತ ಗೌರವಕ್ಕೆ ಅರ್ಹವಾಗಿದೆ.

ಮಹಾರಾಷ್ಟ್ರದಲ್ಲಿ ಭೀಕರ ಅಪಘಾತಕ್ಕೆ 6 ಬಲಿ

ಮಹಾರಾಷ್ಟ್ರದ ಸಂಭಾಲ್‌ನಲ್ಲಿ ಭೀಕರ ಅಪಘಾತ ಸಂಭವಿಸಿದ್ದು, ಕಾರು-ಪಿಕಪ್ ಡಿಕ್ಕಿಯಾಗಿ ಒಂದೇ ಕುಟುಂಬದ ಆರು ಮಂದಿ ಮೃತಪಟ್ಟಿದ್ದಾರೆ. ದುರ್ಘಟನೆಯಲ್ಲಿ ನಾಲ್ವರ ಸ್ಥಿತಿ ಗಂಭೀರವಾಗಿದೆ. ಹಯಾತ್‌ನಗರ ಪೊಲೀಸ್ ಠಾಣೆ ಪ್ರದೇಶದ ರಸೂಲ್‌ಪುರ ಧಾತ್ರ ಗ್ರಾಮದ ಬಳಿ ಗಂಗಾ ಎಕ್ಸ್‌ಪ್ರೆಸ್‌ವೇಯಲ್ಲಿ ತರಕಾರಿ ತುಂಬಿದ ಪಿಕಪ್ ಟ್ರಕ್ ಮತ್ತು ಆಲ್ಟೊ ಕಾರು ಮುಖಾಮುಖಿ ಡಿಕ್ಕಿ ಹೊಡೆದು ಈ ದುರಂತ ಸಂಭವಿಸಿದೆ.

ಅಮ್ರೋಹಾದ ಆದಂಪುರ ನಿವಾಸಿ ರೋಹಿತ್ ಎಂಬವರು ಅಪಘಾತದಲ್ಲಿ ದುರ್ಮರಣಕ್ಕೀಡಾಗಿದ್ದಾರೆ. ಅವರ ಪತ್ನಿ ರೇಣು (35), ಮಗ ಭಾಸ್ಕರ್ (7), ಮಗಳು ರಿಯಾ (10), ಸಹೋದರಿ ದೇವವತಿ (40), ಸೊಸೆ ಗೀತಾ (28) ಮತ್ತು ಸೋದರ ಮಾವ ಕಿಶನ್ ಅವರ ಮಗ ಕಪಿಲ್ (12) ಮೃತಪಟ್ಟಿದ್ದಾರೆ. ಮತ್ತಿಬ್ಬರ ಸ್ಥಿತಿ ಚಿಂತಾಜನಕವಾಗಿದೆ. ಪಿಕಪ್ ಟ್ರಕ್‌ನ ಚಾಲಕ ಮತ್ತು ಕಂಡಕ್ಟರ್ ಕೂಡ ಗಂಭೀರ ಸ್ಥಿತಿಯಲ್ಲಿದ್ದಾರೆ.