ತಿರುವನಂತಪುರ: ವಿಲಕ್ಷಣ ಹಾವೊಂದು ಸೈಕಲ್ನ ಹ್ಯಾಂಡಲ್ ಮೇಲೆ ಕುಳಿತಿರುವ ಫೋಟೊವೊಂದನ್ನು ಸಾಮಾಜಿಕ ಮಾಧ್ಯಮ ರೆಡ್ಡಿಟ್‍ನಲ್ಲಿ ಹಂಚಿಕೊಳ್ಳಲಾಗಿದ್ದು, ವೈರಲ್ ಆಗಿದೆ. ಈ ವೈರಲ್ ಫೋಟೋ (Viral Photo) ಹಲವು ಬಳಕೆದಾರರ ಗಮನ ಸೆಳೆದಿದ್ದು, ಸಾಕಷ್ಟು ಕಮೆಂಟ್‌ ಬಂದಿದೆ.
ರೆಡ್ಡಿಟ್ ಬಳಕೆದಾರರೊಬ್ಬರು ಸೈಕಲ್ನ ಹ್ಯಾಂಡಲ್ ಮೇಲೆ ಒಂದು ವಿಚಿತ್ರ ಹಾವು ಕುಳಿತಿರುವ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಈ ದೃಶ್ಯ ಕಂಡು ಬಂದಿದ್ದು ನೆರೆಯ ಕೇರಳದಲ್ಲಿ. ಈ ವೇಳೆ ಬಳಕೆದಾರ, ಈ ಹಾವಿನ ಬಗ್ಗೆ ಯಾರಿಗಾದರೂ ತಿಳಿದಿದೆಯೇ? ಎಂದು ಕೇಳಿದ್ದಾರೆ. ಬಳಕೆದಾರರು ಹಾವಿನ ಜಾತಿಯನ್ನು ಗುರುತಿಸಲು ಪ್ರಯತ್ನಿಸಿದಾಗ, ಕೆಲವರು ಹಾಸ್ಯ ಮಾಡಿದ್ದಾರೆ. ಅನೇಕರು ಹೊಸ ಸೈಕಲ್ನ ಮಾಲೀಕರು ಬಂದಿದ್ದಾರೆ ಎಂದು ತಮಾಷೆ ಮಾಡಿದ್ದಾರೆ. ಸೈಕಲ್ನ ಹ್ಯಾಂಡಲ್‍ನಲ್ಲಿ ಹಾವು ಸುಂದರವಾಗಿ ಕಾಣುತ್ತಿದೆ ಎಂದು ತಮಾಷೆ ಮಾಡಿದ್ದಾರೆ.
ರೆಡ್ಡಿಟ್ ಪೋಸ್ಟ್‌ ಇಲ್ಲಿದೆ:
ಹಾಸ್ಯವನ್ನು ಮೀರಿ, ಚರ್ಚೆ ಬೆಳೆದಂತೆ ಹಲವಾರು ಬಳಕೆದಾರರು ಅದನ್ನು ಗಂಭೀರವಾಗಿ ಪರಿಗಣಿಸಿದ್ದಾರೆ. ಒಬ್ಬ ಬಳಕೆದಾರರು ChatGPT ಬಳಿ ಯಾವ ಹಾವೆಂದು ಕೇಳಲು ನಿರ್ಧರಿಸಿ ಅದರ ಸ್ಕ್ರೀನ್‌ಶಾಟ್ ಹಂಚಿಕೊಂಡಿದ್ದಾರೆ. ಈ ಹಾವು ಭಾರತದಾದ್ಯಂತ ಸಾಮಾನ್ಯವಾಗಿ ಕಂಡುಬರುವ ವಿಷಕಾರಿಯಲ್ಲದ ಕೆರೆ ಹಾವು, ಚೆಕ್ಕರ್ಡ್ ಕೀಲ್‌ಬ್ಯಾಕ್ ಅನ್ನು ಹೋಲುತ್ತದೆ ಎಂದು ಎಐ ಸೂಚಿಸಿದೆ.
ಒಂದೇ ಮನೆಯ ಮೂವರು ಮಕ್ಕಳಿಗೆ ಕಡಿದ ಹಾವು; ಪ್ರಾಣಾಪಾಯದಿಂದ ಕಾಪಾಡಿದ ನಾಟಿ ವೈದ್ಯ
ಕೆಲವರು ಇದನ್ನು ಎಐ ರಚಿತ ಚಿತ್ರ ಎಂದು ಕರೆದಿದ್ದಾರೆ. ಆದರೆ ಸ್ವತಃ ಎಐ ಈ ಹಾವು ಯಾವುದು ಎಂದು ತಿಳಿಸಿದಾಗ ನೆಟ್ಟಿಗರು ನಿಜ ಹಾವೆಂದು ನಿರ್ಧರಿಸಿದ್ದಾರೆ. ಏಷಿಯಾಟಿಕ್ ವಾಟರ್ ಸ್ನೇಕ್ ಎಂದೂ ಕರೆಯಲ್ಪಡುವ ಚೆಕ್ಕರ್ಡ್ ಕೀಲ್‌ಬ್ಯಾಕ್ ಏಷ್ಯಾದಾದ್ಯಂತ ಸಿಹಿನೀರಿನ ಆವಾಸಸ್ಥಾನಗಳಲ್ಲಿ ಕಂಡುಬರುವ ಸಾಮಾನ್ಯ, ವಿಷಕಾರಿಯಲ್ಲದ ಹಾವು. ಇದು ಮಧ್ಯಮ ಗಾತ್ರದ್ದಾಗಿದ್ದು, ಕಂದು, ಹಸಿರು ಅಥವಾ ಹಳದಿ ದೇಹದ ಮೇಲೆ ಕಪ್ಪು ತೇಪೆಗಳ ಮಾದರಿಯನ್ನು ಹೊಂದಿರುತ್ತದೆ.
ಕೈಯಲ್ಲಿ ಹಾವು ಹಿಡಿದುಕೊಂಡು ಬಂದು ರೈಲಿನಲ್ಲಿ ಭಿಕ್ಷೆ ಬೇಡಿದ ಭೂಪ
ಚಲಿಸುತ್ತಿರುವ ಕಾರಿನ ಮಿರರ್‌ನಲ್ಲಿ ಹಾವೊಂದು ಹೊರಬಂದಿರುವ ವಿಡಿಯೊ ಇತ್ತೀಚೆಗೆ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ತಮಿಳುನಾಡಿನ ನಮಕ್ಕಲ್-ಸೇಲಂ ರಸ್ತೆಯಲ್ಲಿ ಈ ಘಟನೆ ನಡೆದಿತ್ತು. ತನ್ನ ಕಾರಿನ ಕನ್ನಡಿಯಲ್ಲಿ ಹಾವು ಅಡಗಿಕೊಂಡಿರುವುದನ್ನು ಕಂಡ ಚಾಲಕ ಅವಕ್ಕಾಗಿದ್ದಾನೆ. ಹೆದ್ದಾರಿಯಲ್ಲಿ ವೇಗವಾಗಿ ಕಾರು ಚಲಾಯಿಸುತ್ತಿದ್ದಾಗ, ಕಾರಿನ ಕನ್ನಡಿಯಲ್ಲಿ ಏನೋ ಹೊರಗೆ ಬರುತ್ತಿರುವುದು ಕಾಣಿಸಿದೆ. ಅದೇನೆಂದು ಸರಿಯಾಗಿ ಗಮನಿಸಿದಾಗ ಚಾಲಕ ಶಾಕ್ ಆಗಿದ್ದಾನೆ.
ಮಿರರ್ ಒಳಗಿದ್ದ ಹಾವು ಹೊರಬರಲು ಪ್ರಯತ್ನಿಸುತ್ತಿತ್ತು. ಆದರೆ ಸಾಧ್ಯವಾಗದೆ ಪರದಾಡುತ್ತಿತ್ತು. ಕೊನೆಗೆ ಚಾಲಕನು ವನ್ಯಜೀವಿ ರಕ್ಷಕರಿಗೆ ಮಾಹಿತಿ ನೀಡಿದ ನಂತರ, ಸ್ಥಳಕ್ಕೆ ಬಂದ ರಕ್ಷಕ ಸಿಬ್ಬಂದಿ ಹಾವನ್ನು ಹಿಡಿದು, ಅದನ್ನು ಅರಣ್ಯ ಪ್ರದೇಶಕ್ಕೆ ಬಿಟ್ಟು ಬಂದರು.