ಜೈಪುರ: ಇದೀಗ ಮದುವೆ (wedding) ಸೀಸನ್ ಸಮೀಪಿಸುತ್ತಿದೆ. ವಿವಾಹಕ್ಕೆ ಸಿದ್ಧರಾದ ನವ ವಧು-ವರರ ಕುಟುಂಬಗಳು ಭರ್ಜರಿ ಸಿದ್ಧತೆಯಲ್ಲಿ ತೊಡಗಿವೆ. ಸಾಮಾನ್ಯವಾಗಿ ದೇವುತಾನಿ ಏಕಾದಶಿಯ ನಂತರ ವಿವಾಹಗಳು ಪ್ರಾರಂಭವಾಗುತ್ತವೆ. ಈ ಸಮಯದಲ್ಲಿ, ಜನರು ಮದುವೆ ಆಮಂತ್ರಣ ಪತ್ರಿಕೆಗಳನ್ನು ಮುದ್ರಿಸಲು ಪ್ರಾರಂಭಿಸುತ್ತಾರೆ. ವಿನ್ಯಾಸ ಮತ್ತು ವಿಶೇಷ ಸಂದೇಶಗಳನ್ನು ಮುಂಚಿತವಾಗಿ ನಿರ್ಧರಿಸಿ, ಮುದ್ರಿಸುತ್ತಾರೆ. ಇದೀಗ ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಒಂದು ವೈರಲ್ (Viral News) ಆಗಿದೆ.
ಇತ್ತೀಚೆಗೆ, ಮದುವೆಯ ಕಾರ್ಡ್‌ನ ಆಮಂತ್ರಣ ಪತ್ರಿಕೆಯು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಮದ್ಯ ಸೇವಿಸುವ ಅನೇಕ ಅತಿಥಿಗಳನ್ನು ನಿರಾಶೆಗೊಳಿಸಿತು. ಇದರಿಂದಾಗಿ ಅವರು ತಮ್ಮ ಹಾಜರಾತಿಯನ್ನು ಮರುಪರಿಶೀಲಿಸುವ ಸಾಧ್ಯತೆಯಿದೆ. @official_rajsa_sisodiya ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಪೋಸ್ಟ್ ಮಾಡಲಾದ ಫೋಟೋ ವಿವಾದಾತ್ಮಕವಾಗಿಸಿದೆ.
ಇಲ್ಲಿದೆ ವೈರಲ್ ಪೋಸ್ಟ್:
ರಾಜಸ್ಥಾನದ ಸಿಕಾರ್‌ನ ಅಜಿತ್‌ ಸಿಂಗ್ ಶೇಖಾವತ್ ಅವರ ಕುಟುಂಬಕ್ಕೆ ಸೇರಿದ ಈ ಮದುವೆ ಕಾರ್ಡ್‌ ಪೋಸ್ಟ್‌ಗೆ ಮಿಶ್ರ ಪ್ರತಿಕ್ರಿಯೆಗಳು ಬಂದವು. ಇದು ಸಂಪೂರ್ಣ ಮದ್ಯ ನಿಷೇಧವನ್ನು ಘೋಷಿಸಿತು. ಹೀಗಾಗಿ ಇದು ಕೆಲವು ಅತಿಥಿಗಳನ್ನು ನಿರಾಶೆಗೊಳಿಸಿತು. ಸಂಗ್ರಾಮ್ ಸಿಂಗ್, ಪೂಜಾ ಅವರನ್ನು ನವೆಂಬರ್ 2, 2025 ರಂದು ವಿವಾಹವಾದರೆ, ಯುವರಾಜ್ ಸಿಂಗ್, ಹರ್ಷಿತಾ ರಾಥೋಡ್ ಅವರನ್ನು ನವೆಂಬರ್ 7, 2025 ರಂದು ವಿವಾಹವಾದರು. ಇವರ ವಿವಾಹದ ಆಮಂತ್ರಣ ಪತ್ರಿಕೆಯಲ್ಲಿ ವರದಕ್ಷಿಣೆ ರಹಿತ ವಿವಾಹ ಮತ್ತು ಮಾಂಸ ಹಾಗೂ ಮದ್ಯ ನಿಷೇಧವನ್ನು ಸಹ ಹೈಲೈಟ್ ಮಾಡಿತ್ತು.
ಇದನ್ನೂ ಓದಿ: Viral Video: ಪೊಲೀಸರ ಎದುರೇ ಸಮ್ಮುಖದಲ್ಲಿಯೇ 3,000 ಕೆಜಿ ಪ್ರಸಾದ ಲೂಟಿ- ಇಲ್ಲಿದೆ ನೋಡಿ ವಿಡಿಯೊ
ಸಾಮಾನ್ಯವಾಗಿ, ಅನೇಕ ಅತಿಥಿಗಳು ಮದುವೆಗಳಲ್ಲಿ ಮದ್ಯ ಸೇವಿಸುತ್ತಾರೆ. ಕೆಲವೊಮ್ಮೆ ಮದುವೆಗೆ ಹಾಜರಾಗುವ ಮೊದಲು, ಅತಿಥಿಗಳು ತಮ್ಮ ಕಾರುಗಳಲ್ಲಿ ಮದ್ಯವನ್ನಿಟ್ಟು ಸೇವಿಸುತ್ತಾರೆ. ಹೀಗಾಗಿ ಮದುವೆ ಕಾರ್ಡ್‌ನಲ್ಲಿ ಅಂತಹ ಸಂದೇಶವನ್ನು ಸೇರಿಸಿದ್ದರಿಂದ ಅನೇಕರು ಶ್ಲಾಘಿಸಿದ್ದಾರೆ. ಆದರೆ, ಮದ್ಯಪಾನ ಮಾಡುವವರಿಗೆ ಮಾತ್ರ ಮದುವೆಗೆ ಹಾಜರಾಗುವ ಅವರ ಆಸಕ್ತಿಯನ್ನು ಕಡಿಮೆ ಮಾಡಬಹುದು.
ಈ ಫೋಸ್ಟ್ 50,000ಕ್ಕೂ ಹೆಚ್ಚು ಲೈಕ್‌ಗಳು ಮತ್ತು ಹಲವಾರು ಕಾಮೆಂಟ್‌ಗಳನ್ನು ಗಳಿಸಿದೆ. ಒಬ್ಬ ಬಳಕೆದಾರರು ಸಂದೇಶವು ಸಮಾಜಕ್ಕೆ ಪ್ರಯೋಜನಕಾರಿ ಎಂದು ಹೊಗಳಿದರೆ, ಇನ್ನೊಬ್ಬರು ಪ್ರತಿ ಕುಟುಂಬವೂ ಈ ಹೆಜ್ಜೆಯನ್ನು ಅಳವಡಿಸಿಕೊಳ್ಳಬೇಕು ಎಂದು ಸೂಚಿಸಿದ್ದಾರೆ. ಕೆಲವರು ಇದರ ಅನುಷ್ಠಾನದ ಬಗ್ಗೆ ಸಂದೇಹ ವ್ಯಕ್ತಪಡಿಸಿದರೆ, ಇನ್ನು ಕೆಲವರು ಇದನ್ನು ಸಮಾಜಕ್ಕೆ ಉತ್ತಮ ಸಂದೇಶ ಎಂದು ಹೇಳಿದರು.