Vishweshwar Bhat Column: ಹೋಲಿ ಗ್ರೇಲ್ ಎಂದರೇನು ?
ಕ್ರೈಸ್ತ ಧರ್ಮದ ನಂಬಿಕೆಗಳ ಪ್ರಕಾರ, ಏಸು ಕ್ರಿಸ್ತ ತಮ್ಮ ಶಿಷ್ಯರೊಂದಿಗೆ ನಡೆಸಿದ ಕೊನೆಯ ಔತಣ ಕೂಟದಲ್ಲಿ (The Last Supper) ದ್ರಾಕ್ಷಾರಸ ಕುಡಿಯಲು ಬಳಸಿದ ಕಪ್ ಅಥವಾ ಪಾತ್ರೆ ಯನ್ನು ‘ಹೋಲಿ ಗ್ರೇಲ್’ ಎಂದು ಕರೆಯಲಾಗುತ್ತದೆ. ಮತ್ತೊಂದು ಪ್ರಬಲ ನಂಬಿಕೆಯ ಪ್ರಕಾರ, ಕ್ರಿಸ್ತರನ್ನು ಶಿಲುಬೆಗೇರಿಸಿ ದಾಗ ಅವರ ದೇಹದಿಂದ ಹರಿದ ಪವಿತ್ರ ರಕ್ತವನ್ನು ಸಂಗ್ರಹಿಸಲು ಜೋಸೆಫ್ ಆಫ್ ಅರಿಮತಿಯಾ ಇದೇ ಪಾತ್ರೆಯನ್ನು ಬಳಸಿದ್ದರು ಎನ್ನಲಾಗುತ್ತದೆ.
-
ಸಂಪಾದಕರ ಸದ್ಯಶೋಧನೆ
ಬಿಡಿಸಲಾಗದ ಒಗಟು ಅಥವಾ ರಹಸ್ಯ ಎಂದು ಹೇಳುವಾಗಲೆಲ್ಲ ’ಹೋಲಿ ಗ್ರೇಲ್’ (Holy Grail) ಎಂಬ ಪದವನ್ನು ಬಳಸುವುದನ್ನು ಗಮನಿಸಿರಬಹುದು. ಹಾಗಾದರೆ ಹೋಲಿ ಗ್ರೇಲ್ ಎಂದರೇನು? ರಹಸ್ಯಕ್ಕೂ, ಇದಕ್ಕೂ ಏನು ಸಂಬಂಧ? ‘ಹೋಲಿ ಗ್ರೇಲ್’ ಎನ್ನುವುದು ಕೇವಲ ಒಂದು ಪಾತ್ರೆ ಅಥವಾ ಕಪ್ ಅಲ್ಲ.
ಇದು ಶತಮಾನಗಳಿಂದ ಮಾನವ ಕುಲವನ್ನು ಕಾಡುತ್ತಿರುವ, ಸಾಹಿತ್ಯ, ಕಲೆ ಮತ್ತು ಸಿನಿಮಾ ರಂಗದಲ್ಲಿ ಅತಿ ಹೆಚ್ಚು ಚರ್ಚೆಗೊಳಗಾಗಿರುವ ಒಂದು ಮಹಾನ್ ರಹಸ್ಯ. ಇದನ್ನು ಪತ್ತೆ ಹಚ್ಚಲು ಸಾವಿರಾರು ವೀರರು, ಸಂಶೋಧಕರು ಮತ್ತು ಇತಿಹಾಸಕಾರರು ತಮ್ಮ ಜೀವನವನ್ನೇ ಮುಡಿಪಾಗಿ ಟ್ಟಿದ್ದಾರೆ.
ಕ್ರೈಸ್ತ ಧರ್ಮದ ನಂಬಿಕೆಗಳ ಪ್ರಕಾರ, ಏಸು ಕ್ರಿಸ್ತ ತಮ್ಮ ಶಿಷ್ಯರೊಂದಿಗೆ ನಡೆಸಿದ ಕೊನೆಯ ಔತಣ ಕೂಟದಲ್ಲಿ (The Last Supper) ದ್ರಾಕ್ಷಾರಸ ಕುಡಿಯಲು ಬಳಸಿದ ಕಪ್ ಅಥವಾ ಪಾತ್ರೆ ಯನ್ನು ‘ಹೋಲಿ ಗ್ರೇಲ್’ ಎಂದು ಕರೆಯಲಾಗುತ್ತದೆ. ಮತ್ತೊಂದು ಪ್ರಬಲ ನಂಬಿಕೆಯ ಪ್ರಕಾರ, ಕ್ರಿಸ್ತರನ್ನು ಶಿಲುಬೆಗೇರಿಸಿದಾಗ ಅವರ ದೇಹದಿಂದ ಹರಿದ ಪವಿತ್ರ ರಕ್ತವನ್ನು ಸಂಗ್ರಹಿಸಲು ಜೋಸೆಫ್ ಆಫ್ ಅರಿಮತಿಯಾ ಇದೇ ಪಾತ್ರೆಯನ್ನು ಬಳಸಿದ್ದರು ಎನ್ನಲಾಗುತ್ತದೆ.
ಇದನ್ನೂ ಓದಿ: Vishweshwar Bhat Column: ಇನ್ನೂರು ವರ್ಷಗಳ ಬಳಿಕ ಸಿಕ್ಕಿತು !
ಈ ಕಾರಣಕ್ಕಾಗಿಯೇ ಇದಕ್ಕೆ ಪವಿತ್ರವಾದ ಮತ್ತು ಅದ್ಭುತ ಶಕ್ತಿಗಳಿರುವ ಪಾತ್ರೆ ಎಂಬ ಗೌರವ ಬಂದಿದೆ. ಹೋಲಿ ಗ್ರೇಲ್ ಎಂಬ ಪರಿಕಲ್ಪನೆಯು 12ನೇ ಶತಮಾನದ ಅಂತ್ಯದಲ್ಲಿ ಮತ್ತು 13ನೇ ಶತಮಾನದ ಆರಂಭದಲ್ಲಿ ಯುರೋಪಿಯನ್ ಸಾಹಿತ್ಯದಲ್ಲಿ ಹೆಚ್ಚು ಪ್ರಸಿದ್ಧಿಯಾಯಿತು.
ಕ್ರೆಟಿಯನ್ ಡಿ ಟ್ರಾಯ್ಸ್ ಬರೆದ ‘ಪರ್ಸೆವಲ್’ ಎಂಬ ಅಪೂರ್ಣ ಕಾವ್ಯದಲ್ಲಿ ಮೊದಲ ಬಾರಿಗೆ ಈ ಗ್ರೇಲ್ ಎಂಬ ಪದ ಬಳಕೆಯಾಯಿತು. ಇಲ್ಲಿ ಇದು ಕೇವಲ ಒಂದು ಚಿನ್ನದ ಪಾತ್ರೆಯಾಗಿತ್ತು. ರಾಬರ್ಟ್ ಡಿ ಬೊರಾನ್ ಈ ಗ್ರೇಲ್ಗೆ ಧಾರ್ಮಿಕ ಆಯಾಮ ನೀಡಿದರು. ಇದನ್ನು ಕ್ರಿಸ್ತರ ಕೊನೆಯ ಔತಣಕೂಟಕ್ಕೆ ಲಿಂಕ್ ಮಾಡಿದವರು ಇವರೇ.
ಬ್ರಿಟಿಷ್ ಜಾನಪದ ಕಥೆಗಳ ಪ್ರಕಾರ, ಕಿಂಗ್ ಆರ್ಥರ್ನ ಆಸ್ಥಾನದ ಶೂರ ಸೈನಿಕರು ಈ ಪವಿತ್ರ ಪಾತ್ರೆಯನ್ನು ಹುಡುಕಲು ಸಾಹಸಯಾತ್ರೆಗಳನ್ನು ಕೈಗೊಳ್ಳುತ್ತಿದ್ದರು. ಅವರಲ್ಲಿ ಸರ್ ಗಲಾಹಾಡ್ ಎಂಬುವವನು ಅತ್ಯಂತ ಪವಿತ್ರ ವ್ಯಕ್ತಿಯಾಗಿದ್ದರಿಂದ ಅವನಿಗೆ ಮಾತ್ರ ಗ್ರೇಲ್ ದರ್ಶನವಾಯಿತು ಎಂಬ ಕಥೆಯಿದೆ. ಹೋಲಿ ಗ್ರೇಲ್ ಹೇಗಿರುತ್ತದೆ ಎಂಬ ಬಗ್ಗೆ ವಿಭಿನ್ನ ಅಭಿಪ್ರಾಯಗಳಿವೆ.
ಅನೇಕರು ಇದು ರತ್ನಖಚಿತವಾದ ಚಿನ್ನದ ಪಾತ್ರೆ ಎಂದು ನಂಬುತ್ತಾರೆ. ಕ್ರಿಸ್ತ ಬಡತನದ ಸಂಕೇತ ವಾಗಿದ್ದರಿಂದ, ಅವರು ಬಳಸಿದ ಕಪ್ ಸಾಮಾನ್ಯ ಮಣ್ಣಿನದ್ದಾಗಿರಬೇಕು ಎಂಬ ತರ್ಕವೂ ಇದೆ (‘ಇಂಡಿಯಾನಾ ಜೋ’ ಸಿನಿಮಾದಲ್ಲಿ ಇದನ್ನು ತೋರಿಸಲಾಗಿದೆ).
ಜರ್ಮನ್ ಕವಿ ವೋಲ್ರಾಮ್ ವಾನ್ ಎಸ್ಚೆನ್ಬಾಚ್ ಪ್ರಕಾರ, ಗ್ರೇಲ್ ಎನ್ನುವುದು ಆಕಾಶದಿಂದ ಬಿದ್ದ ಒಂದು ಅಮೂಲ್ಯವಾದ ಕಲ್ಲು. ಆಧುನಿಕ ಸಂಶೋಧಕರು ಇದು ಭೌತಿಕ ವಸ್ತುವಲ್ಲ, ಬದಲಿಗೆ ಆಂತರಿಕ ಜ್ಞಾನ ಅಥವಾ ಏಸು ಕ್ರಿಸ್ತರ ವಂಶಾವಳಿ ಎಂದು ವಾದಿಸುತ್ತಾರೆ.
‘ದ ವಿನ್ಸಿ ಕೋಡ್’ ಕಾದಂಬರಿಯಲ್ಲಿ ಡಾನ್ ಬ್ರೌನ್ ಇದೇ ಸಿದ್ಧಾಂತವನ್ನು ಮಂಡಿಸಿದ್ದಾರೆ. ಜಾನಪದ ಕಥೆಗಳ ಪ್ರಕಾರ, ಯಾರು ಹೋಲಿ ಗ್ರೇಲ್ ಅನ್ನು ಪತ್ತೆಹಚ್ಚುತ್ತಾರೋ ಅಥವಾ ಅದನ್ನು ಮುಟ್ಟುತ್ತಾರೋ ಅವರಿಗೆ ಎಂದೂ ಸಾವು ಬರುವುದಿಲ್ಲವಂತೆ.
ಗುಣಪಡಿಸಲಾಗದ ಕಾಯಿಲೆಯನ್ನೂ ಇದು ಗುಣಪಡಿಸುತ್ತದಂತೆ. ಇದನ್ನು ಅಕ್ಷಯ ಪಾತ್ರೆ ಎಂದೂ ನಂಬಲಾಗುತ್ತದೆ. ಇದನ್ನು ಹೊಂದಿರುವವರಿಗೆ ಬ್ರಹ್ಮಾಂಡದ ರಹಸ್ಯಗಳನ್ನು ತಿಳಿಯುವ ಶಕ್ತಿ ದೊರೆಯುತ್ತದಂತೆ. ಇಂಗ್ಲೆಂಡ್ʼನ ಗ್ಲ್ಯಾಸ್ಟನ್ಬರಿ ಟಾರ್ನಲ್ಲಿ ಜೋಸೆಫ್ ಅವರು ಇಲ್ಲಿಗೆ ಬಂದು ಗ್ರೇಲ್ ಅನ್ನು ಹೂತು ಹಾಕಿದರು ಮತ್ತು ಅಲ್ಲಿ ‘ಚಾಲಿಸ್ ವೆಲ್’ ಎಂಬ ಬುಗ್ಗೆ ಉಕ್ಕಿಬಂತು ಎಂಬ ನಂಬಿಕೆಯಿದೆ.
ಸ್ಪೇನ್ನಲ್ಲಿರುವ ವೆಲೆನ್ಸಿಯಾ ಕ್ಯಾಥೆಡ್ರಲ್ನಲ್ಲಿ ಒಂದು ಪ್ರಾಚೀನ ಕಪ್ ಇದೆ. ಇದನ್ನು ಅಧಿಕೃತ ವಾಗಿ ಹೋಲಿ ಗ್ರೇಲ್ ಎಂದು ಅನೇಕರು ನಂಬುತ್ತಾರೆ. ಸ್ಕಾಟ್ಲೆಂಡ್ನ ರೋಸ್ಲಿನ್ ಚಾಪೆಲ್ನಲ್ಲಿನ ರಹಸ್ಯ ಸುರಂಗಗಳಲ್ಲಿ ಗ್ರೇಲ್ ಅನ್ನು ಅಡಗಿಸಿಡಲಾಗಿದೆ ಎಂಬ ವದಂತಿಯಿದೆ. ಇಂದು ‘ಹೋಲಿ ಗ್ರೇಲ್’ ಎನ್ನುವ ಪದವನ್ನು ಕೇವಲ ಧಾರ್ಮಿಕವಾಗಿ ಬಳಸುತ್ತಿಲ್ಲ.
ಇದು ಒಂದು ರೂಪಕವಾಗಿ (Metaphor) ಬದಲಾಗಿದೆ. ಕ್ಯಾನ್ಸರ್ ಗೆ ರಾಮಬಾಣ ಪತ್ತೆ ಹಚ್ಚುವು ದನ್ನು ಅಥವಾ ವಿಜ್ಞಾನದ ದೊಡ್ಡ ರಹಸ್ಯ ಭೇದಿಸುವುದನ್ನು Holy Grail of Science ಎನ್ನಲಾಗು ತ್ತದೆ. ಹೋಲಿ ಗ್ರೇಲ್ ಎನ್ನುವುದು ಕೇವಲ ಒಂದು ಐತಿಹಾಸಿಕ ವಸ್ತುವಲ್ಲ, ಅದು ಮನುಷ್ಯನ ನಿರಂತರ ಹುಡುಕಾಟದ ಸಂಕೇತ. ಅದು ಎಲ್ಲಿದೆ ಅಥವಾ ಅದು ನಿಜವಾಗಿಯೂ ಇದೆಯೇ ಎನ್ನುವು ದಕ್ಕಿಂತ, ಅದನ್ನು ಹುಡುಕುವ ಹಾದಿಯಲ್ಲಿ ಸೃಷ್ಟಿಯಾದ ಸಾಹಿತ್ಯ, ಶೌರ್ಯದ ಕಥೆಗಳು ಮತ್ತು ಮಾನವನ ಕುತೂಹಲವೇ ಹೆಚ್ಚು ಅಮೂಲ್ಯವಾದದ್ದು.
