Dilmaar Movie: 'ದಿಲ್ಮಾರ್' ಪ್ರೀ-ರಿಲೀಸ್ ಇವೆಂಟ್ ಗೆ ಶಿವಣ್ಣ ಭಾಗಿ- ಇದೇ 24ರಂದು ಸಿನಿಮಾ ರಿಲೀಸ್!

ಬೆಂಗಳೂರು: ಆ್ಯಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ, ರೋರಿಂಗ್ ಸ್ಟಾರ್ ಶ್ರೀಮುರಳಿ ಸಾಥ್ ಕೊಟ್ಟಿರುವ ದಿಲ್ಮಾರ್ (Dilmaar Movie) ಸಿನಿಮಾಗೀಗ ದೊಡ್ಮನೆ ದೊರೆ ಶಿವಣ್ಣನ ಬೆಂಬಲ ಸಿಕ್ಕಿದೆ. ಇದೇ ತಿಂಗಳ 24ರಂದು ತೆರೆಗೆ ಬರ್ತಿರುವ ಕೆಜಿಎಫ್ ಡೈಲಾಗ್ ರೈಟರ್ ಚಂದ್ರಮೌಳಿಯವರ ಚೊಚ್ಚಲ ಸಿನಿಮಾಗೆ ಶಿವಣ್ಣ ಶುಭ ಹಾರೈಸಿದ್ದಾರೆ. ನಿನ್ನೆ ಬೆಂಗಳೂರಿನ ಎಂಎಂಬಿ ಲೆಗಸಿಯಲ್ಲಿ ನಡೆದ ಪ್ರೀ ರಿಲೀಸ್ ಇವೆಂಟ್ ಗೆ ಶಿವರಾಜ್ ಕುಮಾರ್ (Shiva Rajkumar) ವಿಶೇಷ ಅತಿಥಿಯಾಗಿ ಆಗಮಿಸಿ ಇಡೀ ತಂಡಕ್ಕೆ ಬೆಸ್ಟ್ ವಿಷಸ್ ತಿಳಿಸಿದ್ದಾರೆ.

ಈ ವೇಳೆ ಶಿವರಾಜ್ ಕುಮಾರ್ ಮಾತನಾಡಿ, ರಾಮ್ ಹಾರ್ಡ್ ವರ್ಕ್ ಮಾಡಿ ಮುಂದಿದ್ದಾರೆ. ಎಷ್ಟೋ ಏರುಪೇರು ನೋಡಿ‌ ಬಂದವರು. ಮನುಷ್ಯ ಲವಲವಿಕೆಯಿಂದ ಇದ್ದರೆ ಎಲ್ಲವೂ ಚೆನ್ನಾಗಿ ಆಗಲಿದೆ‌. ಈ ಸಿನಿಮಾ ಚೆನ್ನಾಗಿ ಆಗಲಿದೆ.‌ ಯಾರು ಅಷ್ಟು ಇಸಿಯಾಗಿ ದುಡ್ಡು ಹಾಕಲ್ಲ. ನಿರ್ಮಾ ಪಕರು ಒಳ್ಳೆ ಸಿನಿಮಾ ಮಾಡಿದ್ದಾರೆ. ಈ ರೀತಿ ಸಮಾರಂಭಕ್ಕೆ ಬರಬೇಕು. ನಾವು ಬರದೇ ಇನ್ಯಾರು ಬರುತ್ತಾರೆ. ಟ್ರೇಲರ್ ನೋಡಿದರೆ ಅರ್ಜುನ್ ರೆಡ್ಡಿ ಫೀಲ್ ಕೊಡುತ್ತದೆ. ಅಕ್ಟೋಬರ್ 24 ದೀಪಾವಳಿ ಹಬ್ಬದ ಪ್ರಯುಕ್ತ ಚಿತ್ರ ರಿಲೀಸ್ ಆಗಲಿದೆ. ದೀಪಾವಳಿ ಅಷ್ಟೇ ಬೆಳಕು ಈ ಸಿನಿಮಾಕ್ಕೆ ನೀಡಲಿ ಎಂದು ಹಾರೈಸಿದರು.

ನಟಿ ಅದಿತಿ ಪ್ರಭುದೇವ ಮಾತನಾಡಿ, ಶಿವಣ್ಣ ಕಾರ್ಯಕ್ರಮದಲ್ಲಿ ಇರುವುದು ಬೆಳಕು ಮೂಡಿದ ಹಾಗೇ. ಒಂದು ಪಾಸಿಟಿವಿಟಿ ಇದ್ದಾಗೆ. ರಾಮ್ ಈ ಪಾತ್ರಕ್ಕೆ ಸೂಟೆಬಲ್ ಆಗಿದ್ದಾರೆ. ತುಂಬಾ ಚೆನ್ನಾಗಿ ಆಕ್ಟ್ ಮಾಡಿದ್ದಾರೆ.. ಪ್ರತಿಯೊಬ್ಬರೂ ಥಿಯೇಟರ್ ಗೆ ಬಂದು ಸಿನಿಮಾ ನೋಡಿ ಎಂದರು.

ಇದನ್ನೂ ಓದಿ:Wild Tiger Safari Movie: ʼವೈಲ್ಡ್‌ ಟೈಗರ್‌ ಸಫಾರಿʼ ಚಿತ್ರದ ವಿಲನ್‌ ಪಾತ್ರದ ಫಸ್ಟ್‌ ಲುಕ್‌ ರಿವೀಲ್‌

ನಟ ರಾಮ್ ಮಾತನಾಡಿ, ಇವತ್ತು ಶಿವಣ್ಣ ಬಗ್ಗೆ ಏನೂ ಹೇಳಿದರು ಸಾಲದು. ನಾನು ಕನಸು ಕಟ್ಟಿಕೊಂಡು ಬೆಂಗಳೂರಿಗೆ ಬಂದಾಗ ಸಾಕಷ್ಟು ಕಷ್ಟಪಟ್ಟಿದ್ದಾನೆ. ಶಿವಣ್ಣ ಗೀತಾಕ್ಕ ಶಿವ ಪಾರ್ವತಿ ತರ ಜೊತೆಯಲ್ಲಿ ನಿಂತಿದ್ದಾರೆ ದೊಡ್ಮನೆ ಯಾವತ್ತಿದ್ದರೂ ದೊಡ್ಮನೆನೇ. ನನಗೆ ಮಗನಗಿಂತ ಹೆಚ್ಚಾಗಿ ಜೊತೆಯಾಗಿ ನಿಂತಿದ್ದಾರೆ. ಪ್ರತಿಯೊಬ್ಬರಿಗೂ ಈ ಸಿನಿಮಾ ಇಷ್ಟವಾಗುತ್ತದೆ‌ ಎಂದರು.

ನಿರ್ದೇಶಕ ಚಂದ್ರಮೌಳಿ ಮಾತನಾಡಿ,ನನ್ನ ಲೈಫ್ ನಲ್ಲಿ‌ ಅಂದುಕೊಂಡಿದ್ದು ಎಲ್ಲವೂ ನಡೆದಿದೆ‌. ಅದರಲ್ಲಿ ಒಂದು ದಿಲ್ಮಾರ್. ಈ ಇವೆಂಟ್ ಗೆ ಶಿವಣ್ಣ ಬರುತ್ತಾರೆ ಎಂದು ಅಂದುಕೊಂಡಿರಲಿಲ್ಲ.‌ ಅವರು ಬಂದಿರುವುದು ಖುಷಿ. ನಮ್ಮ ಚಿತ್ರದಲ್ಲಿ ಕಂಟೆಂಟ್ ಇದೆ ಅನ್ನೋದನ್ನು ಟ್ರೇಲರ್ , ಟೀಸರ್ ಮೂಲಕ ತೋರಿಸಿಕೊಟ್ಟಿದ್ದೇವೆ. ಶಿವಣ್ಣ ಅವರ ಸಾಥ್ ಸಿನಿಮಾಗೆ ಸಿಕ್ಕಿದೆ ಎಂದರು.

ಈಗಾಗಲೇ ದಿಲ್ಮಾರ್ ಸಿನಿಮಾದ ಟ್ರೇಲರ್ , ಟೀಸರ್ ಹಿಟ್ ಲಿಸ್ಟ್ ಸೇರಿದೆ.‌ ಇದೀಗ ಚಿತ್ರತಂಡ ಆಕ್ಷನ್ ಪ್ಯಾಕ್ಡ್ ಕ್ಯಾರೆಕ್ಟರ್ ಟ್ರೇಲರ್ ರಿಲೀಸ್ ಆಗಿದೆ. ಸೈಕ್ ಪ್ರೀತಿ ಕಥೆ ಜೊತೆಗೆ ಸಿಳ್ಳೆ ಕೇಕೆ ಹಾಕುವಂತ ಡೈಲಾಗ್ ನ್ನು ಚಂದ್ರಮೌಳಿ ಉಣಬಡಿಸಿದ್ದಾರೆ. ದಿಲ್ಮಾರ್ ಮೂಲಕ ಡೈರೆಕ್ಟರ್ ಕ್ಯಾಪ್ ತೊಟ್ಟಿರುವ ಚಂದ್ರಮೌಳಿ ತಮ್ಮ ಕಥೆ ಮೂಲಕ ಯುವ ಪ್ರತಿಭೆ ರಾಮ್ ಅವರನ್ನು ನಾಯಕನಾಗಿ ಪರಿಚಯಿಸಿ ದ್ದಾರೆ. ಡೈಲಾಗ್ ಕಿಂಗ್ ಸಾಯಿ ಕುಮಾರ್, ಶರತ್ ಲೋಹಿತಾಶ್ವ, ಅಶೋಕ್ ತಾರಾಬಳಗ ಚಿತ್ರ ದಲ್ಲಿದೆ. ತೆಲುಗಿನ ನಟಿ ಡಿಂಪಲ್ ಹಯಾತಿ ಹಾಗೂ ಆದಿತಿ ಪ್ರಭುದೇವ ನಾಯಕಿಯರಾಗಿ ನಟಿಸಿದ್ದಾರೆ.

ಅರ್ಜುನ್ ರೆಡ್ಡಿ ಖ್ಯಾತಿಯ ರಾದನ್ ಸಿನಿಮಾಗೆ ಸಂಗೀತ ನೀಡಿದ್ದು, ತನ್ವಿಕ್ ಅವರ ಛಾಯಾಗ್ರಹಣ, ಶಶಾಂಕ್ ಮುರುಳಿಧರನ್ ಸಂಕಲನ ಚಿತ್ರಕ್ಕಿದೆ. ಕೆ ಮಹೇಶ್ ಮತ್ತು ನಾಗರಾಜ್ ಭದ್ರಾವತಿ ನಿರ್ಮಾಣ ಮಾಡಿದ್ದಾರೆ. ಇದೇ ತಿಂಗಳ 24ಕ್ಕೆ ದಿಲ್ಮಾರ್ ಬೆಳ್ಳಿತೆರೆಯಲ್ಲಿ ಧಮಾಕ ಸೃಷ್ಟಿಸಲು ಸಜ್ಜಾಗಿದೆ.