ಮಾಜಿ ಗೆಳತಿಗೆ ಬಲವಂತವಾಗಿ ಮುತ್ತಿಡಲು ಯತ್ನ; ನಾಲಗೆ ಕಚ್ಚಿ ಗಾಯಗೊಳಿಸಿದ ಮಹಿಳೆ

ಲಖನೌ: ಮಾಜಿ ಗೆಳತಿಯನ್ನು ಅಶ್ಲೀಲವಾಗಿ ಸ್ಪರ್ಶಿಸಿ, ಬಲವಂತವಾಗಿ ಮುತ್ತಿಡಲು ಪ್ರಯತ್ನಿಸಿದ ನೀಚನ ನಾಲಗೆಯನ್ನೇ ಮಹಿಳೆ ಕಚ್ಚಿ ಗಾಯಗೊಳಿಸಿರುವ ಘಟನೆ ಉತ್ತರ ಪ್ರದೇಶದಲ್ಲಿ (Uttar Pradesh) ನಡೆದಿದೆ. ಕಾನ್ಪುರದ ಚಂಪಿ ಎಂದು ಗುರುತಿಸಲಾದ ವ್ಯಕ್ತಿ ಗಾಯಗೊಂಡಾತ. ಈತ ವಿವಾಹಿತನಾಗಿದ್ದು, ಆ ಮಹಿಳೆಯೊಂದಿಗೆ ಅಕ್ರಮ ಸಂಬಂಧ ಹೊಂದಿದ್ದಾನೆ ಎಂಬ ಆರೋಪ ಕೇಳಿಬಂದಿದೆ (Crime News).

ಕಾನ್ಪುರದ ನಿವಾಸಿಯಾಗಿರುವ 35 ವರ್ಷದ ಚಂಪಿಗೆ, ಪೋಷಕರು ಆಯ್ಕೆ ಮಾಡಿದ ವ್ಯಕ್ತಿಯೊಂದಿಗೆ ಮಹಿಳೆಯ ವಿವಾಹದ ಬಗ್ಗೆ ಅಸಮಾಧಾನಗೊಂಡಿದ್ದ ಎನ್ನಲಾಗಿದೆ. ವಿವಾಹ ನಿಶ್ಚಯವಾಗಿದ್ದ ಮಹಿಳೆ ಚಂಪಿಯಿಂದ ದೂರವಾಗಿದ್ದಳು. ಇದರಿಂದ ಚಂಪಿ ತೀವ್ರ ಅಸಮಾಧಾನಗೊಂಡಿದ್ದ ಎನ್ನಲಾಗಿದೆ. ಅಲ್ಲದೆ ಅವನು ಅವಳನ್ನು ಆಗಾಗ ಭೇಟಿಯಾಗಲು ಪ್ರಯತ್ನಿಸುತ್ತಿದ್ದನು.

ಬಿಜೆಪಿ ನಾಯಕನ ಪತ್ನಿ ಶವವಾಗಿ ಪತ್ತೆ- ಸಾವಿನ ಹಿಂದೆ ಇದ್ಯಾ ಭಯಾನಕ ಕಹಾನಿ?

ಸೋಮವಾರ ಮಧ್ಯಾಹ್ನ ಅವಳು ಕೊಳದ ಬಳಿಗೆ ಹೋಗಿದ್ದಳು. ಅವಳು ಒಬ್ಬಂಟಿಯಾಗಿರುವುದನ್ನು ನೋಡಿ, ಚಂಪಿ ಅವಳನ್ನು ಹಿಂಬಾಲಿಸಿ ಕೊಳದವರೆಗೆ ಹೋಗಲು ನಿರ್ಧರಿಸಿದನು. ಒಬ್ಬಳೇ ಕುಳಿತಿದ್ದ ಅವಳನ್ನು ಹಿಡಿದು ಲೈಂಗಿಕ ಕಿರುಕುಳ ನೀಡಿದ್ದಾನೆ. ಈ ವೇಳೆ ಮಹಿಳೆ ವಿರೋಧಿಸಿ ಅವನೊಂದಿಗೆ ಹೋರಾಡಲು ಪ್ರಯತ್ನಿಸಿದಳು. ಆದರೆ ಚಂಪಿ ಅವಳ ಮೇಲೆ ಬಲವಂತವಾಗಿ ವರ್ತಿಸುತ್ತಾ ಅವಳನ್ನು ಚುಂಬಿಸಲು ಪ್ರಾರಂಭಿಸಿದನು. ಇದರಿಂದ ಕೆರಳಿದ ಮಹಿಳೆ ಚಂಪಿಯ ನಾಲಿಗೆಯನ್ನು ಬಲವಾಗಿ ಕಚ್ಚಿ, ಅದರ ಒಂದು ಭಾಗವನ್ನು ಕತ್ತರಿಸಿದಳು ಎಂದು ಆರೋಪಿಸಲಾಗಿದೆ.

ಮಹಿಳೆ ಕಚ್ಚಿದ ತೀವ್ರತೆಗೆ ಚಂಪಿ ನೋವಿನಿಂದ ಕೂಗಾಡಿದ್ದಾನೆ. ಅವನಿಗೆ ತೀವ್ರ ರಕ್ತಸ್ರಾವವಾಯಿತು. ಅವನ ಕಿರುಚಾಟವನ್ನು ಕೇಳಿ ಗ್ರಾಮಸ್ಥರು ಓಡಿಬಂದಿದ್ದಾರೆ. ಕೂಡಲೇ ಅವನ ಕುಟುಂಬಕ್ಕೆ ಮಾಹಿತಿ ನೀಡಿದರು. ಸ್ಥಳಕ್ಕೆ ಬಂದ ಕುಟುಂಬ ಸದಸ್ಯರು ಅವನನ್ನು ಸಮುದಾಯ ಆರೋಗ್ಯ ಕೇಂದ್ರಕ್ಕೆ (CHC) ಕರೆದೊಯ್ದರು.

ಆರಂಭಿಕ ಚಿಕಿತ್ಸೆಯ ನಂತರ, ವೈದ್ಯರು ಚಂಪಿಯನ್ನು ಕಾನ್ಪುರದ ದೊಡ್ಡ ಆಸ್ಪತ್ರೆಗೆ ಕರೆದೊಯ್ಯಲು ಶಿಫಾರಸು ಮಾಡಿದರು. ಉಪ ಪೊಲೀಸ್ ಆಯುಕ್ತ ದಿನೇಶ್ ತ್ರಿಪಾಠಿ ಘಟನೆಯನ್ನು ದೃಢಪಡಿಸಿದ್ದು, ಈ ಸಂಬಂಧ ಪ್ರಕರಣ ದಾಖಲಿಸಲಾಗಿದ್ದು, ಮುಂದಿನ ಕಾನೂನು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಹೇಳಿದರು.

ವಿಮೆ ಹಣಕ್ಕಾಗಿ ಸ್ನೇಹಿತನನ್ನೇ ಕೊಂದ

60 ಲಕ್ಷ ರೂ. ವಿಮೆ ಹಣ ದೋಚಲು ವ್ಯಕ್ತಿಯೊಬ್ಬ ತನ್ನ ಸ್ನೇಹಿತನನ್ನೇ ಕೊಲೆಗೈದ ಆಘಾತಕಾರಿ ಘಟನೆ ರಾಜಸ್ಥಾನದಲ್ಲಿ ನಡೆದಿದೆ. ಆರೋಪಿಯು 60 ಲಕ್ಷ ರೂ. ವಿಮಾ ಕ್ಲೇಮ್ ಅನ್ನು ವಶಪಡಿಸಿಕೊಳ್ಳಲು ತನ್ನ ಸ್ನೇಹಿತನನ್ನು ಕೊಂದಿದ್ದ. ಅವನು ತನ್ನ ಸ್ನೇಹಿತನನ್ನು ಕೊಂದು ವಿಮಾ ಕ್ಲೇಮ್ ಅನ್ನು ತನ್ನ ಇತರ ಸಹಚರರೊಂದಿಗೆ ಹಂಚಿಕೊಳ್ಳಲು ಯೋಜಿಸಿದ್ದ. ಆದರೆ ಪೊಲೀಸರಿಗೆ ಅನುಮಾನ ಬಂದಾಗ, ಅವರು ಸಂಪೂರ್ಣ ತನಿಖೆ ನಡೆಸಿ ಇಡೀ ಪ್ರಕರಣವನ್ನು ಬಯಲು ಮಾಡಿದರು.

ಈ ಪ್ರಕರಣದಲ್ಲಿ ಪ್ರಮುಖ ಆರೋಪಿ ಅನಿಲ್ ಖತ್ರಿಗೆ ನ್ಯಾಯಾಲಯ ಜೀವಾವಧಿ ಶಿಕ್ಷೆ ಮತ್ತು 20,000 ರೂಪಾಯಿ ದಂಡ ವಿಧಿಸಿ, ತೀರ್ಪು ಪ್ರಕಟಿಸಿದೆ.