ಫ್ರಾನ್ಸ್ ಬಳಿಕ ಹೊತ್ತಿ ಉರಿದ ಗ್ರೀಸ್; ವೇತನ, ಉತ್ತಮ ಸೌಲಭ್ಯಕ್ಕಾಗಿ ಆಗ್ರಹಿಸಿ ದೇಶಾದ್ಯಂತ ಬೀದಿಗಿಳಿದ ವಿದ್ಯಾರ್ಥಿಗಳು, ಶಿಕ್ಷಕರು
ಶಾಲೆಗಳಲ್ಲಿನ ಅವ್ಯವಸ್ಥೆ ಕುರಿತು ವಿದ್ಯಾರ್ಥಿಗಳು ಆರಂಭಿಸಿದ ಪ್ರತಿಭಟನೆ ಫ್ರಾನ್ಸ್ ನಲ್ಲಿ ಹಿಂಸಾತ್ಮಕ ರೂಪ ಪಡೆದ ಬೆನ್ನಲ್ಲೇ ಇದೀಗ ಗ್ರೀಸ್ ನಲ್ಲಿ ವೇತನ, ಉತ್ತಮ ಸೌಲಭ್ಯಕ್ಕಾಗಿ ಆಗ್ರಹಿಸಿ ಸಾವಿರಾರು ವಿದ್ಯಾರ್ಥಿಗಳು, ಶಿಕ್ಷಕರು ಬೀದಿಗಿಳಿದಿದ್ದಾರೆ. ಈ ಮೂಲಕ ಫ್ರಾನ್ಸ್ ಮತ್ತು ಯುರೋಪಿನ ಇತರೆಡೆಗಳಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳಿಗೆ ಬೆಂಬಲ ವ್ಯಕ್ತಪಡಿಸಿದ್ದಾರೆ.
ಸಂಗ್ರಹ ಚಿತ್ರ -
ಅಥೆನ್ಸ್: ಶಿಕ್ಷಣ (education) ಕ್ಷೇತ್ರದಲ್ಲಿನ ಅವ್ಯವಸ್ಥೆಯನ್ನು ವಿರೋಧಿಸಿ ಗ್ರೀಸ್‌ನಾದ್ಯಂತ (Greece) ಸಾವಿರಾರು ವಿದ್ಯಾರ್ಥಿಗಳು, ಶಿಕ್ಷಕರು (Greek students and teachers) ಬೀದಿಗಿಳಿದಿದ್ದಾರೆ. ಈ ಮೂಲಕ ಫ್ರಾನ್ಸ್ (france) ಮತ್ತು ಯುರೋಪಿನ (europ) ಇತರೆಡೆಗಳಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳಿಗೆ (protest) ಬೆಂಬಲ ವ್ಯಕ್ತಪಡಿಸಿದ್ದಾರೆ. ಹೆಚ್ಚಿನ ಹಣಕಾಸು, ಉತ್ತಮ ಸೌಲಭ್ಯ ಮತ್ತು ಕಡಿಮೆ ವಿದ್ಯಾರ್ಥಿಗಳನ್ನು ಹೊಂದಿರುವ ತರಗತಿ ಕೊಠಡಿಗಳಿಗಾಗಿ ಆಗ್ರಹಿಸಿ ಬುಧವಾರ ಗ್ರೀಸ್‌ನಾದ್ಯಂತ ಸುಮಾರು 10,000ಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಪ್ರತಿಭಟನೆ ನಡೆಸಿದರು.
ಶಾಲೆ, ವಿಶ್ವವಿದ್ಯಾಲಯದ ವಿದ್ಯಾರ್ಥಿಗಳು ಸೇರಿದಂತೆ ಪ್ರತಿಭಟನಾಕಾರರು ಮಧ್ಯ ಅಥೆನ್ಸ್ ಮತ್ತು ಉಪನಗರಗಳಲ್ಲಿ ಶಾಂತಿಯುತವಾಗಿ ರಾಲಿ ನಡೆಸಿದರು. ಇದಕ್ಕೆ ಬೆಂಬಲವಾಗಿ ದೇಶಾದ್ಯಂತದ ನಗರಗಳಲ್ಲಿ ರಾಲಿಗಳನ್ನು ನಡೆಸಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.
Tension in Athens! During a protest yesterday, police fired stun grenades at agitators! Greek police had to take firm action to disperse the crowd. #AthensProtest #Greece #Athens https://t.co/RIC08PiwfH
— Siraj Noorani (@sirajnoorani) October 22, 2026
ಫ್ರಾನ್ಸ್‌ನಲ್ಲಿ ಹಿಂಸಾಚಾರ: ಐಷಾರಾಮಿ ಅಂಗಡಿಗಳು ಲೂಟಿ, ಬೃಹತ್ ಕಟ್ಟಡಗಳಿಗೆ ಬೆಂಕಿ, 1,200ಕ್ಕೂ ಹೆಚ್ಚು ಜನರ ಬಂಧನ
ನಿಶ್ಚಲವಾದ ವೇತನ, ಹೆಚ್ಚಿನ ಬಾಡಿಗೆ, ಇಂಧನ ವೆಚ್ಚಗಳೊಂದಿಗೆ ಹೋರಾಡುತ್ತಿರುವಾಗ ಗ್ರೀಸ್ ನಲ್ಲಿ 2027ರ ಮಧ್ಯದಲ್ಲಿ ಚುನಾವಣೆ ನಡೆಯಲಿದೆ. ಸಮಸ್ಯೆಗಳೊಂದಿಗೆ ಈಗ ನಡೆಯುತ್ತಿರುವ ಪ್ರತಿಭಟನೆಗಳು ಪ್ರಧಾನಿ ಕಿರಿಯಾಕೋಸ್ ಮಿಟ್ಸೋಟಾಕಿಸ್ ಅವರ ನೇತೃತ್ವದ ಕೇಂದ್ರ ಸರ್ಕಾರದ ಮೇಲೆ ಒತ್ತಡವನ್ನು ಹೆಚ್ಚಿಸಿದೆ.
ಮೆರವಣಿಗೆಗೆ ಮುಂಚಿತವಾಗಿ ಅಥೆನ್ಸ್‌ನ ಸಿಂಟಾಗ್ಮಾ ಚೌಕದಲ್ಲಿ ಡೇರೆಗಳನ್ನು ಸ್ಥಾಪಿಸಿ ರಾತ್ರಿಯಿಡೀ ಪ್ರತಿಭಟನೆ ನಡೆಸಿರುವ ವಿದ್ಯಾರ್ಥಿಗಳು "ಗ್ರೀಸ್‌ನಿಂದ ಫ್ರಾನ್ಸ್‌ವರೆಗೆ, ನಮಗೆ ಸಾರ್ವಜನಿಕ, ಉಚಿತ ಶಿಕ್ಷಣ ಬೇಕು" ಎಂದು ಘೋಷಣೆಗಳನ್ನು ಕೂಗಿದರು. ಕೆಲವು ಪ್ರಾಥಮಿಕ ಶಾಲಾ ಶಿಕ್ಷಕರು ಮತ್ತು ವೈದ್ಯರು ವೇತನ ಮತ್ತು ಸಿಬ್ಬಂದಿ ಕೊರತೆಯನ್ನು ವಿರೋಧಿಸಿ ಪ್ರತಿಭಟನೆ ನಡೆಸಿದರು.ಇದರಿಂದ ಶಾಲಾ ಮತ್ತು ಆಸ್ಪತ್ರೆ ಕಾರ್ಯಾಚರಣೆಗಳಿಗೆ ಅಡ್ಡಿಯುಂಟಾಗಿತ್ತು.
ಶಿಕ್ಷಣ ಸಚಿವೆ ಸೋಫಿಯಾ ಜಚರಕಿ ಅವರು ಪ್ರತಿಕ್ರಿಯಿಸಿ, ವಿದ್ಯಾರ್ಥಿಗಳ ಬೇಡಿಕೆಗಳನ್ನು ಆಲಿಸುತ್ತಿರುವುದಾಗಿ ತಿಳಿಸಿದರು. 2009-2018ರ ಸಾಲ ಬಿಕ್ಕಟ್ಟಿನಿಂದ ಚೇತರಿಸಿಕೊಳ್ಳುತ್ತಿರುವ ಗ್ರೀಸ್ ನಲ್ಲಿ ವಸತಿ ವೆಚ್ಚಗಳು ಹೆಚ್ಚಾಗಿವೆ ಎಂಬುದನ್ನು ಕೂಡ ಅವರು ಒಪ್ಪಿಕೊಂಡರು.
ಹೊರ್ಮುಜ್ ಜಲಸಂಧಿ, ರೊಮೇನಿಯಾದಲ್ಲಿ ಟ್ಯಾಂಕರ್‌ಗಳ ಮೇಲೆ ದಾಳಿ: 24 ಭಾರತೀಯ ನಾವಿಕರು ಸುರಕ್ಷಿತ
ಅಥೆನ್ಸ್‌ನಲ್ಲಿ ನಡೆದ ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದ ವಿದ್ಯಾರ್ಥಿನಿ ಜಾರ್ಜಿಯಾ ಫೌಕಿಡೌ ಅವರು ನೀಡಿರುವ ಮಾಹಿತಿ ಪ್ರಕಾರ, ಇಲ್ಲಿ ಬದುಕು ನಡೆಸುವುದು ಬಹಳ ಕಷ್ಟವಾಗಿದೆ. ಬಾಡಿಗೆ ತುಂಬಾ ಹೆಚ್ಚಿದೆ ಮತ್ತು ಮನೆಗಳು ತುಂಬಾ ಚಿಕ್ಕದಾಗಿವೆ. ನಮ್ಮ ಬಾಡಿಗೆ, ವಿದ್ಯುತ್ ಬಿಲ್ ಮತ್ತು ಇಲ್ಲಿನ ಜೀವನ ನಿರ್ವಹಣೆಯ ವೆಚ್ಚವನ್ನು ಭರಿಸಲು ನಮ್ಮ ಪೋಷಕರಿಗೆ ಸಾಧ್ಯವಾಗುತ್ತಿಲ್ಲ ಎಂದು ಹೇಳಿದರು.