ಹೇಡನ್ ಜತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟು ಹೊಸ ದಾಖಲೆ ಬರೆದ ಆಸ್ಟ್ರೇಲಿಯಾದ ಪ್ರಧಾನಿ ಆಲ್ಬನೀಸ್
ಆಸ್ಟ್ರೇಲಿಯಾ ಪ್ರಧಾನಿ ಆಂಥೋನಿ ಆಲ್ಬನೀಸ್ ಅವರು ಶನಿವಾರ ತಮ್ಮ ಗೆಳತಿ ಹೇಡನ್ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಕ್ಯಾನ್ಬೆರಾದ ದಿ ಲಾಡ್ಜ್ನಲ್ಲಿ ಅವರಿಬ್ಬರು ಕುಟುಂಬ ಮತ್ತು ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ವಿವಾಹವಾದರು. ಈ ಮೂಲಕ ಅಧಿಕಾರದಲ್ಲಿದ್ದಾಗ ವಿವಾಹವಾದ ಮೊದಲ ಆಸ್ಟ್ರೇಲಿಯಾದ ಪ್ರಧಾನಿಯಾಗಿ ಆಂಥೋನಿ ಆಲ್ಬನೀಸ್ ಗುರುತಿಸಿಕೊಂಡಿದ್ದಾರೆ.
(ಸಂಗ್ರಹ ಚಿತ್ರ) -
ಕ್ಯಾನ್ ಬೆರಾ: ಆಸ್ಟ್ರೇಲಿಯಾ ಪ್ರಧಾನಿ (Australian prime minister) ಆಂಥೋನಿ ಆಲ್ಬನೀಸ್ (Anthony Albanese) ಶನಿವಾರ ಹೇಡನ್ (Haydon) ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಈ ಮೂಲಕ ಅಧಿಕಾರದಲ್ಲಿದ್ದಾಗ ಮದುವೆಯಾದ ಆಸ್ಟ್ರೇಲಿಯಾದ ಮೊದಲ ಪ್ರಧಾನಿಯಾಗಿ ಅವರು ಗುರುತಿಸಿಕೊಂಡಿದ್ದಾರೆ. ಕ್ಯಾನ್ಬೆರಾದ (Canberra) ದಿ ಲಾಡ್ಜ್ನಲ್ಲಿ ಶನಿವಾರ ನಡೆದ ಖಾಸಗಿ ಸಮಾರಂಭದಲ್ಲಿ ಗೆಳತಿ ಹೇಡನ್ ಅವರನ್ನು ವಿವಾಹವಾದರು. ಈ ಸಮಾರಂಭದಲ್ಲಿ ದಂಪತಿಯ ಕುಟುಂಬ ಮತ್ತು ಆಪ್ತ ಸ್ನೇಹಿತರು ಮಾತ್ರ ಉಪಸ್ಥಿತರಿದ್ದರು.
ಆಂಥೋನಿ ಆಲ್ಬನೀಸ್ ಅವರು ಶನಿವಾರ ಖಾಸಗಿ ಸಮಾರಂಭದಲ್ಲಿ ಗೆಳತಿ ಹೇಡನ್ ಅವರನ್ನು ಆತ್ಮೀಯರ ಸಮ್ಮುಖದಲ್ಲಿ ವರಿಸಿದ್ದಾರೆ. ಈ ಮೂಲಕ ಅವರು ಅಧಿಕಾರದಲ್ಲಿದ್ದಾಗ ವಿವಾಹವಾದ ಮೊದಲ ಆಸ್ಟ್ರೇಲಿಯಾದ ಪ್ರಧಾನಿಯಾದರು. ಕಳೆದ ವರ್ಷ ಪ್ರೇಮಿಗಳ ದಿನದಂದು ಆಲ್ಬನೀಸ್ ಅವರು ಹೇಡನ್ ಅವರಿಗೆ ಪ್ರಪೋಸ್ ಮಾಡಿದ್ದರು. ಬಳಿಕ ಇವರಿಬ್ಬರ ವಿವಾಹ ಈ ವರ್ಷ ನಡೆಯುವುದಾಗಿ ನಿರೀಕ್ಷಿಸಲಾಗಿತ್ತು. ಆದರೆ ಸಮಾರಂಭದ ಕುರಿತಾದ ಮಾಹಿತಿಗಳನ್ನು ರಹಸ್ಯವಾಗಿಡಲಾಗಿತ್ತು.
ಶ್ವೇತಭವನದ ಬಳಿ ಗುಂಡಿನ ದಾಳಿ: ಎಲ್ಲ ಅಫ್ಘಾನ್ ವೀಸಾಗಳನ್ನು ಸ್ಥಗಿತಗೊಳಿಸಿದ ಅಮೆರಿಕ
ವಿವಾಹದ ಬಳಿಕ ಪತ್ರಿಕಾ ಹೇಳಿಕೆ ಬಿಡುಗಡೆ ಮಾಡಿರುವ ಆಲ್ಬನೀಸ್, ಕುಟುಂಬ ಮತ್ತು ಆತ್ಮೀಯ ಸ್ನೇಹಿತರ ಸಮ್ಮುಖದಲ್ಲಿ ನಾವಿಬ್ಬರು ಒಟ್ಟಿಗೆ ಜೀವನ ಕಳೆಯುವ ನಿರ್ಧಾರ ಮಾಡಿದ್ದೇವೆ. ನಮ್ಮ ಪ್ರೀತಿ ಮತ್ತು ಬದ್ಧತೆಯನ್ನು ಹಂಚಿಕೊಳ್ಳಲು ನಾವು ಸಂಪೂರ್ಣವಾಗಿ ಸಂತೋಷಪಡುತ್ತೇವೆ ಎಂದು ತಿಳಿಸಿದ್ದಾರೆ.
ಇತ್ತೀಚೆಗೆ ಹೇಡನ್ ಅವರು ಹಲವಾರು ಕಾರ್ಯಕ್ರಮಗಳಲ್ಲಿ ಆಲ್ಬನೀಸ್ ಜೊತೆಗಿದ್ದರು. 2022ರಲ್ಲಿ ಅವರ ಚುನಾವಣಾ ಪ್ರಚಾರ ಮತ್ತು ಅವರ ಲೇಬರ್ ಪಕ್ಷ ಬಹುಮತದಿಂದ ಗೆದ್ದಾಗಲೂ ಕೂಡ ಆಲ್ಬನೀಸ್ ಅವರೊಂದಿಗೆ ಕಾಣಿಸಿಕೊಂಡಿದ್ದರು.
Anthony Albanese and his fiancée Jodie Haydon married in a small, family occasion on a warm but gusty afternoon at The Lodge in Canberra on Saturday, making him the first prime minister to be wed while in office. https://t.co/2zk2wvJROL pic.twitter.com/Ho9q5kh6h1
— The Sydney Morning Herald (@smh) November 29, 2025
ಮದುವೆಯಲ್ಲಿ ಹೇಡನ್ ಅವರು ಸಿಡ್ನಿ ವಿನ್ಯಾಸಕ "ರೊಮ್ಯಾನ್ಸ್ ಈಸ್ ಬಾರ್ನ್" ಎಂಬ ಉಡುಪನ್ನು ಧರಿಸಿದ್ದರೆ, ಪ್ರಧಾನಿ ಆಲ್ಬನೀಸ್ ಅವರು ಎಂಜೆ ಬೇಲ್ ಅವರ ಸೂಟ್ ಅನ್ನು ಧರಿಸಿದ್ದರು. ಹೇಡನ್ ಅವರ ಐದು ವರ್ಷದ ಸೋದರ ಸೊಸೆ ಎಲ್ಲಾ ಹೂವಿನ ಹುಡುಗಿ ಮತ್ತು ಪ್ರಧಾನ ಮಂತ್ರಿಯ ನಾಯಿ ಟೊಟೊ ಉಂಗುರ ಹೊತ್ತುಕೊಂಡು ಬಂದರು. ಬಂದಿದ್ದ ಗಣ್ಯರಿಗೆ ವಿಲ್ಲಿ ದಿ ಬೋಟ್ಮ್ಯಾನ್ ತಯಾರಿಸಿದ ವಿಶೇಷ ಕ್ಯಾನ್ನಲ್ಲಿ ಬಿಯರ್ ನೀಡಿ ಗೌರವಿಸಲಾಯಿತು.
ದಂಪತಿ ಮುಂದಿನ ವಾರ ಆಸ್ಟ್ರೇಲಿಯಾದಲ್ಲಿ ಹನಿಮೂನ್ ನಲ್ಲಿರಲಿದ್ದು, ಇದರ ಎಲ್ಲಾ ಖರ್ಚುಗಳನ್ನು ಅಲ್ಬನೀಸ್ ಮತ್ತು ಹೇಡನ್ ಖಾಸಗಿಯಾಗಿ ಭರಿಸಲಿದ್ದಾರೆ ಎಂದು ಪ್ರಧಾನ ಮಂತ್ರಿಯವರ ಕಚೇರಿ ಪ್ರಕಟಣೆ ತಿಳಿಸಿದೆ.
ಆಲ್ಬನೀಸ್ ಅವರು ಈ ಹಿಂದೆ ಕಾರ್ಮೆಲ್ ಟೆಬ್ಬಟ್ ಅವರನ್ನು ವಿವಾಹವಾಗಿದ್ದು, 2019 ರಲ್ಲಿ ವಿಚ್ಛೇದನ ಪಡೆದಿದ್ದರು.