ಬಾಂಗ್ಲಾದಲ್ಲಿ ಹಿಂದೂಗಳ ದೌರ್ಜನ್ಯಕ್ಕಿಲ್ಲ ಕೊನೆ; ಮತ್ತೊಬ್ಬ ವ್ಯಾಪಾರಿಯ ದಾರುಣ ಹತ್ಯೆ

ಢಾಕಾ: ಬಾಂಗ್ಲಾದೇಶದಲ್ಲಿ ಹಿಂದೂಗಳ (Hindu) ಮೇಲಿನ ದೌರ್ಜನ್ಯ ಕೊನೆಯಾಗುತ್ತಿಲ್ಲ. ಬಾಂಗ್ಲಾದೇಶದ ಕಾಲಿಗಂಜ್ ಪ್ರದೇಶದಲ್ಲಿ ಲಿಟನ್ ಚಂದ್ರ ದಾಸ್ ಎಂಬ ಹಿಂದೂ ವ್ಯಾಪಾರಿಯನ್ನು ಥಳಿಸಿ ಕೊಲೆ ಮಾಡಲಾಗಿದೆ. ಹೋಟೆಲ್ ಮತ್ತು ಸಿಹಿತಿಂಡಿ ಅಂಗಡಿ ಮಾಲೀಕ ದಾಸ್, (Bangladesh) ಸಣ್ಣ ವಾದವು ಕೊಲೆಯಲ್ಲಿ ಅಂತ್ಯಗೊಂಡಿದೆ. ಶನಿವಾರ ಬೆಳಿಗ್ಗೆ ಈ ಘಟನೆ ನಡೆದಿದೆ. ಮೊದಲು ಗ್ರಾಹಕರೊಬ್ಬರು ಮತ್ತು ಲಿಟನ್ ಅಂಗಡಿಯ ಉದ್ಯೋಗಿ ಅನಂತ ದಾಸ್ ನಡುವೆ ವಾಗ್ವಾದ ನಡೆಯಿತು. ಘರ್ಷಣೆ ಹೆಚ್ಚಾದಂತೆ, ಲಿಟನ್ ತನ್ನ ಉದ್ಯೋಗಿಯನ್ನು ರಕ್ಷಿಸಲು ಮಧ್ಯಪ್ರವೇಶಿಸಿದ. ಆದಾಗ್ಯೂ, ಜನರ ಗುಂಪೊಂದು ಅವನನ್ನು ಹೊಡೆಯಲು ಪ್ರಾರಂಭಿಸಿದ್ದಾರೆ.

ಸ್ಥಳೀಯ ಮೂಲಗಳ ಪ್ರಕಾರ, ಕೋಪಗೊಂಡ ಗುಂಪು ಮೊದಲು ದಾಸ್‌ರನ್ನು ಹೊಡೆದು, ಒದ್ದು, ನಂತರ ಸಲಿಕೆಯಿಂದ ಹೊಡೆಯಲು ಪ್ರಾರಂಭಿಸಿತು. ಪೊಲೀಸರು ಮೂವರನ್ನು ಬಂಧಿಸಿದ್ದಾರೆ. ಶವವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಇಂಧನ ಹಾಕಿಸಿ ಹಣ ಕೊಡದಿರುವುದನ್ನು ಪ್ರಶ್ನಿಸಿದ ಪೆಟ್ರೋಲ್‌ ಬಂಕ್‌ನ ಹಿಂದೂ ಸಿಬ್ಬಂದಿಯ ಮೇಲೆ ಕಾರು ಹತ್ತಿಸಿ ಕೊಲೆ ಮಾಡಿದ ಶುಕ್ರವಾರ (ಜನವರಿ 16) ಘಟನೆ ನಡೆದಿದ್ದು, ಆ ದೇಶದ ಅಲ್ಪ ಸಂಖ್ಯಾತರ ಮೇಲಿನ ದೌರ್ಜನ್ಯಕ್ಕೆ ಕಡಿವಾಣವೇ ಇಲ್ಲದಂತಾಗಿದೆ. ಬಾಂಗ್ಲಾದೇಶದ ರಾಜ್‌ಬರಿ ಜಿಲ್ಲೆಯಲ್ಲಿ ಹಿಂದೂ ಯುವಕನನ್ನು ಹತ್ಯೆ ಮಾಡಲಾಗಿದ್ದು, ಮೃತನನ್ನು 30 ವರ್ಷದ ರಿಪನ್‌ ಸಹಾ ಎಂದು ಗುರುತಿಸಲಾಗಿದೆ.

ಸದರ್‌ ಉಪಝಿಲ್ಲಾ ಪೆಟ್ರೋಲ್‌ ಬಂಕ್‌ನ ಉದ್ಯೋಗಿಯಾಗಿದ್ದ ಸಹಾ ಮೇಲೆ ಶುಕ್ರವಾರ ಕಾರು ಹತ್ತಿಸಿ ದುಷ್ಕರ್ಮಿಗಳು ಕೊಲೆ ಮಾಡಿದ್ದಾರೆ. ಸ್ಥಳೀಯ ನಾಯಕ ಅಬುಲ್‌ ಹಶೀಮ್‌ ಮತ್ತು ಆತನ ಚಾಲಕ ಕಮಲ್‌ ಹೊಸೈನ್‌ ಕೊಲೆಗಾರರು ಎಂದು ಗುರುತಿಸಲಾಗಿದ್ದು, ಸದ್ಯ ಬಂಧನಕ್ಕೊಳಗಾಗಿದ್ದಾರೆ.

ಬಾಂಗ್ಲಾದೇಶದಲ್ಲಿ ಮುಂದುವರಿದ ಹಿಂದೂಗಳ ಹತ್ಯಾ ಸರಣಿ; ಮತ್ತೊಬ್ಬ ಯುವಕನ ಕೊಲೆ: ಯೂನುಸ್‌ ಸರ್ಕಾರ ಏನು ಮಾಡ್ತಿದೆ?

ಹಿಂದೂ ಶಿಕ್ಷಕನ ಮೇಲೆ ದಾಳಿ

ಸಿಲ್ಹೆಟ್ ಜಿಲ್ಲೆಯ ಬಹೋರ್ ಗ್ರಾಮದಲ್ಲಿರುವ ಹಿಂದೂ ಶಾಲಾ ಶಿಕ್ಷಕರೊಬ್ಬರ ಮನೆಗೆ ಉದ್ರಿಕ್ತ ಗುಂಪೊಂದು ಬೆಂಕಿ ಹಚ್ಚಿದೆ. ಘಟನೆಯ ಸಮಯದಲ್ಲಿ ಬೀರೇಂದ್ರ ಕುಮಾರ್ ಮತ್ತು ಅವರ ಕುಟುಂಬದ ವೃದ್ಧ ಸದಸ್ಯರು ಮನೆಯ ಒಳಗಡೆಯೇ ಇದ್ದರು. ಈ ಭೀಕರ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡಿತ್ತು. ಕಳೆದ 24 ದಿನಗಳಲ್ಲಿ ಹಿಂದೂ ಸಮುದಾಯದ ಮೇಲೆ ನಡೆದ 9ನೇ ಪ್ರಮುಖ ದಾಳಿ ಇದಾಗಿದೆ. ಡಿಸೆಂಬರ್ 18 ರಂದು ನಡೆದ ಗಾರ್ಮೆಂಟ್ ಕಾರ್ಖಾನೆ ಕಾರ್ಮಿಕ ದೀಪು ಚಂದ್ರ ದಾಸ್ ಅವರ ಭೀಕರ ಹತ್ಯೆಯ ನಂತರ, ಹಿಂಸಾಚಾರದ ಅಲೆ ಎದ್ದಿದೆ.