ʼʼನರೇಂದ್ರ ಮೋದಿ ಟಫ್ ಮ್ಯಾನ್ʼʼ: ಪ್ರಧಾನಿಯನ್ನು ಹೊಗಳಿದ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್
Quad Summit Meet: ಫಿಲಿಪ್ಪೀನ್ಸ್ನ ಮನಿಲಾದಲ್ಲಿ ನಡೆಯುತ್ತಿರುವ ಕ್ವಾಡ್ ಶೃಂಗಸಭೆಯಲ್ಲಿ ನರೇಂದ್ರ ಮೋದಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತೊಮ್ಮೆ ಮುಖಾಮುಖಿಯಾದರು. ಈ ವೇಳೆ ಮೋದಿ ಅವರನ್ನು ಟ್ರಂಪ್ ಹೊಗಳಿದ್ದು, ಜಗತ್ತಿನ ಗಮನ ಸೆಳೆದಿದೆ.
-
ಮನಿಲಾ, ನ. 17: ʼʼನರೇಂದ್ರ ಮೋದಿ ಟಫ್ ಮ್ಯಾನ್ʼʼ (ಗಟ್ಟಿ ಮನುಷ್ಯ)-ಭಾರತದ ಪ್ರಧಾನಿಯನ್ನು ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೊಗಳಿದ ಪರಿ ಇದು. ಫಿಲಿಪ್ಪೀನ್ಸ್ನ ಮನಿಲಾದಲ್ಲಿ ನಡೆಯುತ್ತಿರುವ ಕ್ವಾಡ್ ಶೃಂಗಸಭೆಯಲ್ಲಿ ಭಾಗವಹಿಸಿದ ವೇಳೆ ಟ್ರಂಪ್ ಮತ್ತು ಮೋದಿ ಮುಖಾಮುಖಿಯಾದರು. ಈ ವೇಳೆ ತಮ್ಮ ʼಸ್ನೇಹಿತʼ ಮೋದಿ ಅವರ ಬಗ್ಗೆ ಟ್ರಂಪ್ ಮೆಚ್ಚುಗೆಯ ಮಾತುಗಳನ್ನಾಡಿದರು. ಹಿಂದೆ ಮೋದಿ ಅವರನ್ನು ಉತ್ತಮ ಸ್ನೇಹಿತ ಎಂದು ಟ್ರಂಪ್ ಕರೆದಿದ್ದರು.
ಮೋದಿ ಅವರತ್ತ ಕೈ ತೋರಿಸುತ್ತ, "ಹೇಳಬೇಕೆಂದರೆ, ಇವರು ಬಹಳ ಕಠಿಣ ನಿಲುವಿನ ವ್ಯಕ್ತಿ, ಸುಮ್ಮನೆ ತಿಳಿಸುತ್ತಿದ್ದೇನೆ ಅಷ್ಟೇ" ಎಂದು ಟ್ರಂಪ್ ಹೇಳಿದರು. ಫೋಟೊ ತೆಗೆಸಿಕೊಳ್ಳುವ ಸಂದರ್ಭದಲ್ಲಿ ಜಪಾನ್ ಪ್ರಧಾನಿ ಸನಾಯೆ ತಕೈಚಿ ಮತ್ತು ಆಸ್ಟ್ರೇಲಿಯಾ ಪ್ರಧಾನಿ ಆಂಥೋನಿ ಅಲ್ಬನೀಸ್ ಕೂಡ ಉಪಸ್ಥಿತರಿದ್ದರು. ಜಪಾನ್ ಪ್ರಧಾನಿಯವರತ್ತ ಕೈ ತೋರಿಸಿ "ಇವರು ಇನ್ನೂ ಟಫ್" ಎಂದು ಟ್ರಂಪ್ ನುಡಿದರು. ನಂತರ ತಮಾಷೆಯ ಧಾಟಿಯಲ್ಲಿ ಅಲ್ಬನೀಸ್ ಅವರತ್ತ ನೋಡಿ, "ನಮ್ಮ ನಡುವೆ ಎಲ್ಲವೂ ಸರಿಯಾಗಿದೆ" ಎಂದು ಹೇಳಿದರು.