ನವದೆಹಲಿ: ನಾಲ್ಕು ತಿಂಗಳಿನಿಂದ ಸಂಬಳ ಬಂದಿಲ್ಲ, ಆಹಾರಕ್ಕೂ ಹಣವಿಲ್ಲ. ಪ್ರತಿಯೊಂದು ಅವಶ್ಯಕತೆಗೂ ಪರದಾಡುವಂತಾಗಿದೆ ಎಂದು ಆಫ್ರಿಕನ್ ದೇಶವಾದ ಟುನೀಶಿಯಾದಲ್ಲಿ (African country of Tunisia) ಸಿಲುಕಿರುವ ಜಾರ್ಖಂಡ್‌ನ (Jharkhand) ನಲವತ್ತೆಂಟು ವಲಸೆ ಕಾರ್ಮಿಕರು ಅಳಲು ತೋಡಿಕೊಂಡಿದ್ದಾರೆ. ಕೂಡಲೇ ತಮಗೆ ಭಾರತಕ್ಕೆ ಮರಳಲು ಅನುಕೂಲ ಮಾಡಿಕೊಡುವಂತೆ ಭಾರತ ಸರ್ಕಾರಕ್ಕೆ ಮನವಿ ಮಾಡಿರುವ ಅವರ ವಿಡಿಯೊ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ (Viral Video) ಹರಿದಾಡುತ್ತಿದೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಬಗೋದರ್ ಶಾಸಕ ನಾಗೇಂದ್ರ ಮಹಾತೋ ಈ ಕುರಿತು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರಿಗೆ ಪತ್ರ ಬರೆಯುವುದಾಗಿ ತಿಳಿಸಿದ್ದಾರೆ.
ಏನಿದೆ ವಿಡಿಯೊದಲ್ಲಿ?
ಉದ್ಯೋಗ ನೀಡಿದ ಕಂಪನಿಯು ನಮ್ಮೊಂದಿಗೆ ವ್ಯವಹರಿಸುತ್ತಿಲ್ಲ. ಕಂಪೆನಿಯಿಂದ ಕೆಲಸ ನೀಡಲಾಗಿದೆ. ಇದಕ್ಕಾಗಿ ಕೆಲಸದ ಸ್ಥಳವನ್ನು ತಲುಪಿದ ಅನಂತರ ಒಪ್ಪಂದದ ಪತ್ರಗಳನ್ನು ನೀಡುವುದಾಗಿ ಮೊದಲು ಹೇಳಲಾಗಿತ್ತು. ಆದರೆ ಅಲ್ಲಿಗೆ ತಲುಪಿದಾಗ ಇದು ಒಪ್ಪಂದದ ಕೆಲಸ ಮತ್ತು ಯಾವುದೇ ಒಪ್ಪಂದದ ಪತ್ರಗಳಿಲ್ಲ ಎಂದು ಹೇಳಲಾಗಿದೆ ಎಂಬುದಾಗಿ ಕಾರ್ಮಿಕನೊಬ್ಬ ವಿಡಿಯೋದಲ್ಲಿ ತಿಳಿಸಿದ್ದಾನೆ.
ಅನಿವಾರ್ಯವಾಗಿ ಇದಕ್ಕೆ ಸೇರಿರುವ ಗುರುಗ್ರಾಮ್ ಮೂಲದ ಪ್ರೇಮ್ ಪವರ್ ಕನ್ಸ್ಟ್ರಕ್ಷನ್ ಪ್ರೈವೇಟ್ ಲಿಮಿಟೆಡ್ ಕಾರ್ಮಿಕರು ಪ್ರತಿದಿನ ಸುಮಾರು 12 ಗಂಟೆಗಳ ಕಾಲ ಕೆಲಸ ಮಾಡುವಂತೆ ಒತ್ತಾಯಿಸಲಾಗುತ್ತಿದೆ. ಪ್ರತಿಯಾಗಿ ಸಂಬಳ ಕೇಳಿದಾಗ ಜೈಲಿಗೆ ಹಾಕುವುದಾಗಿ ಬೆದರಿಕೆ ಹಾಕಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾನೆ.
ಇಲ್ಲಿಂದ ಭಾರತಕ್ಕೆ ಹಿಂತಿರುಗಲು ಸಾಧ್ಯವಾಗುತ್ತಿಲ್ಲ. ಬೆದರಿಕೆಯನ್ನೂ ಹಾಕಲಾಗುತ್ತಿದೆ. ಗಿರಿದಿಹ್, ಹಜಾರಿಬಾಗ್ ಮತ್ತು ಬೊಕಾರೊ ಜಿಲ್ಲೆಗಳಿಂದ ಬಂದ ಹಲವಾರು ಕಾರ್ಮಿಕರೂ ಇದ್ದಾರೆ ಎಂದು ಕಾರ್ಮಿಕ ತಿಳಿಸಿದ್ದಾನೆ.
ನಾಲ್ಕು ತಿಂಗಳಿನಿಂದ ನಮಗೆ ಸಂಬಳ ಬಂದಿಲ್ಲ. ಆಹಾರ ಪಡೆಯಲು ಕೂಡ ಹಣವಿಲ್ಲ ಎಂದು ದೂರಿರುವ ಕಾರ್ಮಿಕ, ನಮ್ಮನ್ನು ಸುರಕ್ಷಿತ ಕರೆಸಿಕೊಳ್ಳಿ ಎಂದು ಮನವಿ ಮಾಡಿದ್ದಾನೆ.
ಹಜಾರಿಬಾಗ್ ಜಿಲ್ಲೆಯ 19 ಕಾರ್ಮಿಕರನ್ನು ಅಮರದೀಪ್ ಚೌಧರಿ, ಜೀವಧನ್ ಮಹತೋ, ಧನೇಶ್ವರ್ ಮಹತೋ, ಜಗೇಶ್ವರ್ ಕುಮಾರ್ ಮಹತೋ, ಗೋವಿಂದ್ ಕುಮಾರ್ ಮಹತೋ, ಖಿರೋಧರ್ ಮಹತೋ, ನಾಗೇಂದ್ರ ಕುಮಾರ್ ಮಹತೋ, ಕೈಲಾಶ್ ಮಹತೋ, ನೀಲಕಂಠ ಮಹತೋ, ಅನಂತ್‌ಲಾಲ್ ಮಹತೋ, ಖುಷ್ಲಾಲ್ ಮಹತೋ, ಜಗತ್ಪಾಲ್ ಮಹತೋ, ಜಗತ್ಪಾಲ್ ಮಹತೋ, ಜಗತ್ಪಾಲ್ ಮಹತೋ, ಜಗತ್ಪಾಲ್ ಮಹತೋ, ಮುಖೇಶ್ ಕುಮಾರ್, ದಿನೇಶ್ ತುರಿ, ದೇವೇಂದ್ರ ಠಾಕೂರ್ ಮತ್ತು ಶಂಕರ್ ಘನಶಿ.
ಗಿರಿದಿಹ್‌ನ ಹದಿನಾಲ್ಕು ಮಂದಿಯನ್ನು ನಂದಲಾಲ್ ಮಹತೋ, ಸಂತೋಷ್ ಮಹತೋ, ಗುರುಚರಣ್ ಮಹತೋ, ಮನೋಜ್ ಕುಮಾರ್ ಮಂಡಲ್, ಖುಬ್ಲಾಲ್ ಮಹತೋ, ಅಶೋಕ್ ಕುಮಾರ್, ಝಂಡು ಮಹತೋ, ಸೇವಾ ಮಹತೋ, ಮುರಳಿ ಮಂಡಲ್, ಸುಖದೇವ್ ಸಿಂಗ್, ದುಮ್ರಿಯ ಸಂಜಯ್ ಕುಮಾರ್, ಸಂಜಯ್ ಕುಮಾರ್ ಮಹತೋ, ಸುನೀಲ್ ತುಡು ಮತ್ತು ಮಿರುಲಾಲ್ ಹಸ್ದಾ.
ಬೊಕಾರೊ ಜಿಲ್ಲೆಯ ಕಾರ್ಮಿಕರಲ್ಲಿ ಅಜಯ್ ಕುಮಾರ್, ಅನಿಲ್ ಕುಮಾರ್, ಗೋಪಾಲ್ ಮಹತೋ, ರಾಜೇಶ್ ಕರ್ಮಾಲಿ, ಲಾಲು ಕರ್ಮಾಲಿ, ಜಗನ್ನಾಥ್ ಮಹತೋ, ರೂಪ್ಲಾಲ್ ಮಹತೋ, ದೀಪಕ್ ಸಿಂಗ್, ಕರು ಸಿಂಗ್, ಜಗನ್ನಾಥ್ ಮಹತೋ, ಬಿರ್ಸಾಹಿ ತುರಿ, ಸುಬೋಧ್ ಮರಾಂಡಿ, ಮನೋಜ್ ಕುಮಾರ್ ರವಿದಾಸ್, ಖೇದನ್ ಸಿಂಗ್ ಮತ್ತು ಸುಖದೇವ್ ಮಹತೋ ಎಂದು ಗುರುತಿಸಲಾಗಿದೆ.
ಇದನ್ನೂ ಓದಿ: Viral Video: ಸಫಾರಿಗೆ ಹೋದ ಮಹಿಳೆಯ ಮಡಿಲಲ್ಲಿ ಮರಿಯನ್ನು ಇಟ್ಟ ಸಿಂಹಿಣಿ: ವೈರಲ್ ವಿಡಿಯೊ ಇಲ್ಲಿದೆ
ಕಾರ್ಮಿಕ ಕಳುಹಿಸಿರುವ ವಿಡಿಯೊಗೆ ಪ್ರತಿಕ್ರಿಯಿಸಿರುವ ಸಾಮಾಜಿಕ ಕಾರ್ಯಕರ್ತ ಸಿಕಂದರ್ ಅಲಿ, ಕಾರ್ಮಿಕರ ಸುರಕ್ಷಿತ ವಾಪಸಾತಿಗೆ ಕ್ರಮ ಕೈಗೊಳ್ಳಬೇಕು. ರಾಜ್ಯ ಮತ್ತು ಕೇಂದ್ರ ಸರ್ಕಾರಗಳು ದೃಢವಾದ ರಾಜತಾಂತ್ರಿಕ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಹೇಳಿದ್ದಾರೆ.
ಬಗೋದರ್ ಶಾಸಕ ನಾಗೇಂದ್ರ ಮಹಾತೋ ಅವರು ಪ್ರತಿಕ್ರಿಯಿಸಿದ್ದು, ಈ ಕುರಿತು ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರಿಗೆ ಪತ್ರ ಬರೆಯುವುದಾಗಿ ಹೇಳಿದ್ದಾರೆ.
ಟುನೀಶಿಯಾದಲ್ಲಿ ಸಿಲುಕಿರುವ ಕಾರ್ಮಿಕರನ್ನು ಸುರಕ್ಷಿತವಾಗಿ ಬಿಡುಗಡೆ ಮಾಡಬೇಕು ಮತ್ತು ಅವರ ವೇತನ ಸಿಗುವಂತೆ ಮಾಡಬೇಕು. ಅವರಿಗೆ ಅಲ್ಲಿ ಭದ್ರತೆಯನ್ನು ಒದಗಿಸಬೇಕು ಎಂದು ಅವರು ಕೇಂದ್ರವನ್ನು ಒತ್ತಾಯಿಸಿದ್ದಾರೆ.