ಮುಖದ ಕಾಂತಿ ನೈಸರ್ಗಿಕವಾಗಿ ಹೆಚ್ಚಿಸಬೇಕೇ? ಈ ಟಿಪ್ಸ್ ಪಾಲಿಸಿ!

ನವದೆಹಲಿ,ಆ. 16: ಪ್ರತಿಯೊಬ್ಬರಿಗೂ ಆರೋಗ್ಯಕರ ಚರ್ಮದ ಬಗ್ಗೆ ಕಾಳಜಿ ಇರುತ್ತದೆ. ಕೆಲವೊಬ್ಬರು ಚರ್ಮದ ಕಾಂತಿಗಾಗಿ (Face Glow) ಮಾರುಕಟ್ಟೆಯಲ್ಲಿ ಸಿಗುವ ವಿವಿಧ ಬ್ಯೂಟಿ ಪ್ರಾಡಕ್ಟ್ ಹಚ್ಚಿ ಹರಸಹಾಸ ಪಡುತ್ತಾರೆ. ಆದರೆ ಇದಕ್ಕಿಂತ ಹೆಚ್ಚಾಗಿ ನಮ್ಮ ಚರ್ಮದ ಕೋಶಗಳು ಎಷ್ಟು ಆ್ಯಕ್ಟೀವ್ ಆಗಿ ಇರುತ್ತದೆ ಎನ್ನುವುದರ ಮೇಲೆ ಚರ್ಮದ ಆರೋಗ್ಯ ಸುಧಾರಿಸುತ್ತದೆ. ಬೆಳಗ್ಗೆ ಎದ್ದ ತಕ್ಷಣಕ್ಕೆ ಕೆಲವೊಂದಿಷ್ಟು ಬದಲಾವಣೆ ಮಾಡುವ ಮೂಲಕ ನಿಮ್ಮ ಮುಖದ ಅಂದವನ್ನು ಹೆಚ್ಚಿಸಬಹುದು ಎಂದು ತಜ್ಞರು ಸಲಹೆ ನೀಡಿದ್ದಾರೆ.

​ತಣ್ಣೀರಿನ ಸಿಂಪಡಣೆ:

ಬೆಳಿಗ್ಗೆ ಎದ್ದ ತಕ್ಷಣ ತಣ್ಣೀರಿನಿಂದ ಮುಖ ತೊಳೆಯುವುದರಿಂದ ರಕ್ತಸಂಚಾರವನ್ನು ಚುರುಕು ಮಾಡುತ್ತವೆ. ನಿಮ್ಮಮುಖದ ರಕ್ತನಾಳಗಳ ಕಾರ್ಯ ವೈಖರಿಗೆ ಇದು ನೆರವಾಗುತ್ತದೆ. ಅಷ್ಟೇ ಅಲ್ಲದೆ ಪೋಷಕಾಂಶಗಳನ್ನು ತಲುಪಿಸುವಲ್ಲಿ ಮತ್ತು ತ್ಯಾಜ್ಯ ಉತ್ಪನ್ನಗಳನ್ನು ತೆಗೆದುಹಾಕುವಲ್ಲಿ ಹೆಚ್ಚು ಪರಿಣಾಮಕಾರಿ ಯಾಗುತ್ತವೆ. ಉತ್ತಮ ಫಲಿತಾಂಶಗಳಿಗಾಗಿ, ತಣ್ಣೀರು ಮತ್ತು ಉಗುರುಬೆಚ್ಚಗಿನ ನೀರಿನಲ್ಲಿ ಮುಖ ತೊಳೆಯಿರಿ.

ತಕ್ಷಣ ನೀರು ಕುಡಿಯುವುದು:

ರಾತ್ರಿ ನಿದ್ರೆಯ ಸಮಯದಲ್ಲಿ ದೇಹವು ನೀರಿನಂಶವನ್ನು ಕಡಿಮೆ ಮಾಡುತ್ತದೆ.. ಆದ್ದರಿಂದ ಬೆಳಿಗ್ಗೆ ಎದ್ದ ತಕ್ಷಣ ಕನಿಷ್ಠ 2-3 ಲೋಟ ಉಗುರುಬೆಚ್ಚಗಿನ ನೀರು ಕುಡಿಯುವುದರಿಂದ ಜೀವಕೋಶಗಳು ಅಭಿವೃದ್ಧಿಯಾಗಿ ತ್ಯಾಜ್ಯ ಹೊರಹೋಗುತ್ತದೆ. ರಾತ್ರಿಯ ನಿರ್ಜಲೀಕರಣವು ನಿಮ್ಮ ಚರ್ಮ ಸೇರಿದಂತೆ ನಿಮ್ಮ ದೇಹದಾದ್ಯಂತ ಸೆಲ್ಯುಲಾರ್ ಪ್ರಕ್ರಿಯೆಗಳನ್ನು ನಿಧಾನಗೊಳಿಸುತ್ತದೆ.

Health Tips: ನೇರಳೆ ಹಣ್ಣು ತಿಂದ ತಕ್ಷಣ ಹಾಲು ಕುಡಿಯುತ್ತೀರಾ? ಹೊಟ್ಟೆ ಸಮಸ್ಯೆಗೆ ಕಾರಣವಾಗಬಹುದು!

​ಮೃದುವಾದ ಮುಖದ ಮಸಾಜ್:

ಬೆಳಿಗ್ಗೆ 3 ರಿಂದ 5 ನಿಮಿಷಗಳ ಕಾಲ ಬೆರಳುಗಳು ಅಥವಾ ರೋಲರ್ ಬಳಸಿ ಮುಖಕ್ಕೆ ಮಸಾಜ್ ಮಾಡುವುದರಿಂದ ರಕ್ತ ಸಂಚಾರ ಸುಲಭವಾಗುತ್ತದೆ. ಅಷ್ಟೇ ಅಲ್ಲದೆ ಮುಖದ ಊತ ಹಾಗೂ ಸುಕ್ಕು ಕಡಿಮೆಯಾಗಿ ಚರ್ಮದ ಕಾಂತಿ ಹೆಚ್ಚು ಮಾಡಬಹುದು.

ವಿಟಮಿನ್ ಸಿ ಸೀರಮ್ ಅಪ್ಲಿಕೇಶನ್:

ನಿಮ್ಮ ಚರ್ಮವು ಸುಕ್ಕು ಗಟ್ಟಿದ್ದರೆ ವಿಟಮಿನ್ ಸಿ ಸೀರಮ್ ಅನ್ನು ಅನ್ವಯಿಸಿ. ವಿಟಮಿನ್ ಸಿ ಒಂದು ಶಕ್ತಿಶಾಲಿ ಉತ್ಕರ್ಷಣ ನಿರೋಧಕವಾಗಿದ್ದು,ರಾತ್ರಿಯ ಸೆಲ್ಯುಲಾರ್ ಚಯಾಪಚಯ ಕ್ರಿಯೆ ಮತ್ತು ಉತ್ಪತ್ತಿಯಾಗುವ ಸ್ವತಂತ್ರ ರಾಡಿಕಲ್‌ಗಳನ್ನು ತಟಸ್ಥಗೊಳಿಸುತ್ತದೆ.ಇದು ಮುಖದ ಕಲೆಗಳನ್ನು ಕಡಿಮೆ ಗೊಳಿಸಿ ನೈಸರ್ಗಿಕವಾಗಿ ಮುಖದ ಕಾಂತಿ ಹೆಚ್ಚು ಮಾಡುತ್ತದೆ.

ತಿಂಡಿಗೆ ಮುನ್ನ ವ್ಯಾಯಾಮ ಮಾಡಿ:

ಬೆಳಿಗ್ಗೆ 10-15 ನಿಮಿಷಗಳ ಯೋಗ, ವಾಕಿಂಗ್ ಮಾಡು ವುದರಿಂದ ದೇಹದ ತಾಪಮಾನ ಹೆಚ್ಚಿ, ಬೆವರಿನ ಮೂಲಕ ವಿಷಕಾರಿ ಅಂಶಗಳು ಹೊರಹೋಗುತ್ತವೆ. ಹಾಗೂ ಮಾನಸಿಕ ಒತ್ತಡಗಳು ಕೂಡ ನಿವಾರಣೆಯಾಗಿ ಚರ್ಮದ ಕೋಶ ಆ್ಯಕ್ಟೀವ್ ಇರುತ್ತವೆ

ಗ್ರೀನ್ ಟೀ ಸೇವನೆ:

ಬೆಳಗಿನ ಕಾಫಿಯ ಬದಲು ಗ್ರೀನ್ ಟೀ ಅಥವಾ ಗಿಡ ಮೂಲಿಕೆಗಳ ಕಷಾಯ ಕುಡಿಯುವುದರಿಂದ ಚರ್ಮದ ರಕ್ಷಣೆಗೆ ಸಹಕಾರಿಯಾಗುತ್ತದೆ.

​ಸನ್‌ಸ್ಕ್ರೀನ್ ಬಳಕೆ ಮಾಡಿ:

ದಿನನಿತ್ಯದಲ್ಲಿ ಹೊರಗೆ ಹೋಗುವಾಗ ಸೂರ್ಯನ ಹಾನಿಕಾರಕ ಯುವಿ ಚರ್ಮಕ್ಕೆ ಹಾನಿ ಮಾಡುತ್ತದೆ. ಹೀಗಾಗಿ ಕೊಲ್ಯಾಜೆನ್ ಹಾಳಾಗದಂತೆ ತಡೆಯಲು ಸನ್‌ಸ್ಕ್ರೀನ್ ಬಳಸಿ.