ಬೆಂಗಳೂರು, ಫೆ.19: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ (Kempegowda International Airport Bengaluru) ಬ್ರೆಜಿಲ್ ಪ್ರಜೆಯೊಬ್ಬರಿಂದ 23.88 ಕೋಟಿ ರೂ. ಮೌಲ್ಯದ 4.776 ಕಿಲೋಗ್ರಾಂಗಳಷ್ಟು ಕೊಕೇನ್ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಬೆಂಗಳೂರಿನ ಮಾದಕ ದ್ರವ್ಯ ನಿಯಂತ್ರಣ ಬ್ಯೂರೋ (NCB) ದ ಬೆಂಗಳೂರು ಘಟಕವು ಫೆಬ್ರವರಿ 17ರಂದು ವಶಪಡಿಸಿಕೊಂಡಿತು. ಆರೋಪಿಯು ಬಟ್ಟೆಗಳನ್ನು ಕೊಕೇನ್ನಲ್ಲಿ (cocaine) ನೆನೆಸಿದ್ದಳು ಎಂದು ಹೇಳಲಾಗಿದೆ.
ಮೂಲಗಳ ಪ್ರಕಾರ, ಸೋ ಪಾಲೊದಿಂದ ದೋಹಾಗೆ ಮತ್ತು ನಂತರ ಬೆಂಗಳೂರಿಗೆ ಪ್ರಯಾಣಿಸುತ್ತಿದ್ದ ಪ್ರಯಾಣಿಕರೊಬ್ಬರು ಮಾದಕ ದ್ರವ್ಯಗಳನ್ನು ಸಾಗಿಸುತ್ತಿದ್ದಾರೆ ಎಂಬ ಪ್ರಾಥಮಿಕ ಮಾಹಿತಿ ಅಧಿಕಾರಿಗಳಿಗೆ ಸಿಕ್ಕಿತ್ತು. ಮಾಹಿತಿಯ ಮೇರೆಗೆ ಕಾರ್ಯನಿರ್ವಹಿಸಿದ ಪೊಲೀಸರು, ಪ್ರಯಾಣಿಕಳು ವಿಮಾನ ನಿಲ್ದಾಣದಲ್ಲಿ ಇಳಿದ ತಕ್ಷಣ ಆಕೆಯನ್ನು ಬಂಧಿಸಿದರು.
ನಂತರ ಎನ್ಸಿಬಿ (NCB) ಅಧಿಕಾರಿಗಳು ಸಂಪೂರ್ಣ ತಪಾಸಣೆ ನಡೆಸಿ, ಆಕೆಯ ಲಗೇಜುಗಳನ್ನು ಪರಿಶೀಲಿಸಿದರು. ಅವರು ನಾಲ್ಕು ಹ್ಯಾಂಡ್ಬ್ಯಾಗ್ಗಳನ್ನು ಕೂಲಂಕುಶವಾಗಿ ಪರಿಶೀಲಿಸಿದರು. ಬ್ಯಾಗ್ ಒಳಗೆ ಬಹಳಷ್ಟು ಮರೆಮಾಚಿದ್ದ ವಿಭಾಗಗಳಿದ್ದವು. ಅವುಗಳಲ್ಲಿ ಕೋಕೇನ್ ಮಿಶ್ರಿತಗೊಂಡಿರುವ ಹಲವಾರು ಬಟ್ಟೆಯ ತುಂಡುಗಳು ಪತ್ತೆಯಾದವು.
ಪೊಲೀಸ್ ಆಕಾಂಕ್ಷಿಗೆ ಕಂಠ ಪೂರ್ತಿ ಮದ್ಯ ಕುಡಿಸಿ ಬಲವಂತದ ಮದುವೆ ಮಾಡಿದ ವಧುವಿನ ಸಂಬಂಧಿಕರು: ವಿಡಿಯೊ ವೈರಲ್
ಆರೋಪಿಯ ಉದ್ದೇಶ ಮತ್ತು ಸಂಭವನೀಯ ಕಳ್ಳಸಾಗಣೆ ಜಾಲವನ್ನು ಪತ್ತೆಹಚ್ಚಲು ಹೆಚ್ಚಿನ ವಿಚಾರಣೆಗಾಗಿ ವಶಕ್ಕೆ ಪಡೆಯಲಾಗಿದೆ ಎಂದು ಎನ್ಸಿಬಿ ಅಧಿಕಾರಿಗಳು ಹೇಳಿದ್ದಾರೆ. ಆರೋಪಿ ಮಹಿಳೆಯ ವಿರುದ್ಧ ಎನ್ಡಿಪಿಎಸ್ ಕಾಯ್ದೆಯ ಸಂಬಂಧಿತ ನಿಬಂಧನೆಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದ್ದು, ಹೆಚ್ಚಿನ ತನಿಖೆ ನಡೆಯುತ್ತಿದೆ.
ವಿಶ್ವದಲ್ಲೇ ಅತೀ ದೊಡ್ಡ ಮಾದಕ ದ್ರವ್ಯ ದಂಧೆ ನಡೆಸುತ್ತಿದ್ದ ರಾಣಿ ವಿಕ್ಟೋರಿಯಾ
ರಾಣಿ ವಿಕ್ಟೋರಿಯಾ ಮಾದಕ ದ್ರವ್ಯ ಸಾಮ್ರಾಜ್ಯವನ್ನಾಳುತ್ತಿದ್ದಳು. ಅದು ಎಷ್ಟು ವಿಶಾಲವಾಗಿತ್ತೆಂದರೆ ಕೊಲಂಬಿಯಾದ ಮಾದಕವಸ್ತು ದೊರೆ ಪ್ಯಾಬ್ಲೊ ಎಸ್ಕೋಬಾರ್ ಮತ್ತು ಮೆಕ್ಸಿಕನ್ ಕಾರ್ಟೆಲ್ ನಾಯಕ ಜೋಕ್ವಿನ್ ಎಲ್ ಚಾಪೊ ಅವರನ್ನು ಕೆಳಮಟ್ಟದ ಬೀದಿ ವ್ಯಾಪಾರಿಗಳಾಗಿ ಮಾಡಿತ್ತು. ಈ ಬಗ್ಗೆ ಲೇಖಕ ಸ್ಯಾಮ್ ಕೆಲ್ಲಿ ಅವರು ಪುಸ್ತಕವೊಂದರಲ್ಲಿ ಬರೆದಿದ್ದರು. ಇದು ಭಾರಿ ಸುದ್ದಿಯಾಗಿತ್ತು.
ಬ್ರಿಟಿಷ್ ಸಾಮ್ರಾಜ್ಯದ ಸಂಪೂರ್ಣ ಶಕ್ತಿಯ ಬೆಂಬಲದೊಂದಿಗೆ ಇತಿಹಾಸದಲ್ಲೇ ಅತೀ ದೊಡ್ಡ ಮಾದಕ ದ್ರವ್ಯ ಕಾರ್ಯಾಚರಣೆಗಳಲ್ಲಿ ಒಂದನ್ನು ರಾಣಿ ವಿಕ್ಟೋರಿಯಾ ನಡೆಸುತ್ತಿದ್ದಳು. ಇದರಿಂದ ಆಕೆ ಇಡೀ ದೇಶಕ್ಕೆ ಹಣಕಾಸು ಒದಗಿಸುತ್ತಿದ್ದಳು ಎಂದು ಕೆಲ್ಲಿ ಹೇಳಿದ್ದಾರೆ.