Photos: ನಟಿ ಶರ್ಮಿಳಾ ಮಾಂಡ್ರೆ ಈಗ ʻಮಿಸಸ್ ಸುಂದರಂʼ; ತಮಿಳು ನಿರ್ಮಾಪಕನ ಜೊತೆ ಕನ್ನಡ ನಟಿಯ ಮದುವೆಯ ಸುಂದರ ಕ್ಷಣಗಳು
ಸ್ಯಾಂಡಲ್ವುಡ್ ನಟಿ ಶರ್ಮಿಳಾ ಮಾಂಡ್ರೆ ಈಚೆಗೆ ತಮಿಳು ನಿರ್ಮಾಪಕ ಸುಧನ್ ಸುಂದರಂ ಅವರನ್ನ ಮದುವೆಯಾದರು. ಜೈಪುರದಲ್ಲಿ ಅದ್ದೂರಿಯಾಗಿ ಇವರಿಬ್ಬರ ಕಲ್ಯಾಣ ಮಹೋತ್ಸವ ನಡೆದಿತ್ತು. ಇದೀಗ ತಮ್ಮ ಮದುವೆಯ ಅದ್ದೂರಿ ಫೋಟೋಗಳನ್ನ ಸೋಶಿಯಲ್ ಮೀಡಿಯಾದಲ್ಲಿ ಶರ್ಮಿಳಾ ಮಾಂಡ್ರೆ ಶೇರ್ ಮಾಡಿಕೊಂಡಿದ್ದಾರೆ. "From Ms Mandre to Mrs Sundaram" ಎಂದು ಕ್ಯಾಪ್ಷನ್ ಬರೆದುಕೊಂಡಿದ್ದಾರೆ. ಇಲ್ಲಿವೆ ನೋಡಿ ಅವರ ಮದುವೆಯ ಸುಂದರ ಫೋಟೋಗಳು.
-
ಕನ್ನಡದ ಖ್ಯಾತ ನಟಿ ಶರ್ಮಿಳಾ ಮಾಂಡ್ರೆ ಹಾಗೂ ತಮಿಳು ಚಿತ್ರರಂಗದ ಯಶಸ್ವಿ ನಿರ್ಮಾಪಕ ಸುಧನ್ ಸುಂದರಂ ಅವರ ವಿವಾಹ ಮಹೋತ್ಸವವು ರಾಜಸ್ಥಾನದ ಜೈಪುರದಲ್ಲಿ ದಕ್ಷಿಣ ಭಾರತದ ವೈದಿಕ ಆಚರಣೆಗಳ ಪ್ರಕಾರ ಅತ್ಯಂತ ವೈಭವದಿಂದ ಜರುಗಿತು.
ಜುಲೈ 9 ರಂದು ಜೈಪುರ ತಲುಪಿದ್ದ ಕುಟುಂಬಸ್ಥರು, ಜುಲೈ 11 ರಂದು ಹಳದಿ, ಮೆಹಂದಿ ಹಾಗೂ ಸಂಗೀತ ಸಮಾರಂಭಗಳನ್ನು ನೆರವೇರಿಸಿದರು. ಜುಲೈ 12 ರ ಭಾನುವಾರ ಮುಂಜಾನೆ ಮದುವೆ ಹಾಗೂ ಸಂಜೆ ಭವ್ಯ ರಿಸೆಪ್ಷನ್ ಕಾರ್ಯಕ್ರಮಗಳು ನಡೆದವು.
ಈ ತಾರಾ ಜೋಡಿಯ ಮದುವೆಯ ಸಂಭ್ರಮಕ್ಕೆ ಸ್ಯಾಂಡಲ್ವುಡ್ ಕ್ವೀನ್ ರಮ್ಯಾ ಸೇರಿದಂತೆ ದಕ್ಷಿಣ ಭಾರತೀಯ ಚಿತ್ರರಂಗದ ಪ್ರಮುಖ ಗಣ್ಯರು ಮತ್ತು ಸಿನಿಮಾ ತಾರೆಗಳು ಸಾಕ್ಷಿಯಾಗಿದ್ದರು.
ಮದುವೆಗೂ ಮುನ್ನ ಜೂನ್ 25 ರಂದು ಬೆಂಗಳೂರಿನ ತಾರಾ ಹೋಟೆಲ್ನಲ್ಲಿ ಇವರ ಸರಳ ನಿಶ್ಚಿತಾರ್ಥ ನಡೆದಿತ್ತು. ಸುಧನ್ ಅವರ ಸರಳತೆ ಹಾಗೂ ಇಬ್ಬರ ನಡುವಿನ ಗಟ್ಟಿಯಾದ ಸ್ನೇಹವೇ ಈ ಸುಂದರ ಸಂಬಂಧಕ್ಕೆ ಬುನಾದಿ ಎಂದು ಶರ್ಮಿಳಾ ಹೇಳಿಕೊಂಡಿದ್ದಾರೆ.
ಶರ್ಮಿಳಾ ಅವರ ಕೈಹಿಡಿದ ಸುಧನ್ ಸುಂದರಂ ಅವರು ತಮಿಳಿನ ಹೆಸರಾಂತ 'ಪ್ಯಾಷನ್ ಸ್ಟುಡಿಯೋಸ್' ಮಾಲೀಕರಾಗಿದ್ದು, ಇತ್ತೀಚಿನ ಬ್ಲಾಕ್ಬಸ್ಟರ್ ಚಿತ್ರಗಳಾದ 'ಮಹಾರಾಜ' ಮತ್ತು ರಾಷ್ಟ್ರ ಪ್ರಶಸ್ತಿ ವಿಜೇತ 'ಪಾರ್ಕಿಂಗ್' ಸಿನಿಮಾಗಳನ್ನು ನಿರ್ಮಿಸಿದ್ದಾರೆ.
2007ರಲ್ಲಿ 'ಸಜನಿ' ಚಿತ್ರದ ಮೂಲಕ ನಾಯಕಿಯಾಗಿ ಪರಿಚಯವಾದ ಶರ್ಮಿಳಾ ಮಾಂಡ್ರೆ ಅವರು ಕೃಷ್ಣ, ನವಗ್ರಹ, ಗಾಳಿಪಟ 2 ನಂತಹ ಸೂಪರ್ ಹಿಟ್ ಚಿತ್ರಗಳಲ್ಲಿ ನಟಿಸಿದ್ದು, ಪ್ರಸ್ತುತ ತಮಿಳು ಹಾಗೂ ಕನ್ನಡದ ಚಿತ್ರಗಳಲ್ಲಿ ನಟಿಯಾಗಿ ಮತ್ತು ಸಹ-ನಿರ್ಮಾಪಕಿಯಾಗಿ ಬ್ಯುಸಿಯಾಗಿದ್ದಾರೆ.