ಬಿಗ್ ಬಾಸ್ ಸೀಸನ್ 12 (Bigg Boss Kannada 12) ಫಿನಾಲೆಗೆ ಕೆಲವೇ ದಿನಗಳು ಇದೆ. ಸ್ಪರ್ಧಿಗಳ ಮಧ್ಯೆ ಪೈಪೋಟಿ ಜೋರಾಗಿದೆ. ಈ ವಾರ ಬಿಗ್ಬಾಸ್ ಮನೆಗೆ ಸ್ಪರ್ಧಿಗಳ ಕುಟುಂಬಸ್ಥರು ಆಗಮಿಸಿದ್ದು ರಾಶಿಕಾ (Rashika Shetty) ಅವರ ತಾಯಿ ಮತ್ತು ಸೋದರ ಎಂಟ್ರಿ ಕೊಟ್ಟರೆ, ಅನಿರೀಕ್ಷಿತವಾಗಿ ತನ್ನ ತಾಯಿಯನ್ನು ಕಂಡು ಸೂರಜ್ (Sooraj) ಭಾವುಕರಾಗಿದ್ದಾರೆ. ಆದ್ರೆ ಪ್ರೋಮೋದಲ್ಲಿ ಗಿಲ್ಲಿ ಎಲ್ಲಾ ಸ್ಪರ್ಧಿಗಳಿಗೆ ಬೇಸರ ಮಾಡಿಸಿದ್ದಾರೆ ಎಂಬರ್ಥದಲ್ಲಿಯೇ ರಾಶಿಕಾ ತಾಯಿ (Rashika Shetty Mother) ಹೇಳಿದಂತೆ ತೋರಿಸಲಾಗಿದೆ.
ರಾಶಿಕಾ ಸೋದರ ಹೆಲ್ಮೆಟ್ ಧರಿಸಿಕೊಂಡು ಮನೆಯೊಳಗೆ ಬಂದಿದ್ದಾರೆ. ಸ್ಪರ್ಧಿಗಳೆಲ್ಲರೂ ಹಿಡಿದು ಹೆಲ್ಮೆಟ್ ಕಳಚಿದಾಗ ಬಂದಂತಹ ವ್ಯಕ್ತಿ ರಾಶಿಕಾ ಸೋದರ ಅಂತ ಗೊತ್ತಾಗಿದೆ. ತದ ನಂತರ ರಾಶಿಕಾ ತಾಯಿ ಎಂಟ್ರಿ ಕೊಟ್ಟಿದ್ದಾರೆ. ಈ ವೇಳೆ ಗಿಲ್ಲಿ ಅವರು ಐವರು ಪುರುಷ ಸ್ಪರ್ಧಿಗಳಲ್ಲಿ ನಿಮಗ್ಯಾರು ಇಷ್ಟ ಅಂತ ಕೇಳಿದ್ದಾರೆ. ಈ ಉತ್ತರ ಬಗ್ಗೆ ಪ್ರೋಮೋದಲ್ಲಿ ಇಲ್ಲ. ಆದರೆ ಕೊನೆಯಲ್ಲಿ ರಾಶಿಕಾ ತಾಯಿ ಸ್ವಲ್ಪ ಬೇಸರದಲ್ಲಿಯೇ ಮಾತನಾಡಿದಂತಿದೆ.
ಇದನ್ನೂ ಓದಿ: Bigg Boss Kannada 12: ಗಿಲ್ಲಿ ವರ್ತನೆಯಿಂದ ಕಾವ್ಯಾಗೆ ಕಿರಿಕಿರಿ ; ಮುಲಾಜಿಲ್ಲದೇ ಮಾನ, ಮರ್ಯಾದೆ ಇಲ್ಲ ಎಂದ ಕಾವು!
ಸೂರಜ್ ಭಾವುಕ
ಇನ್ನು ಮನೆಗೆ ಸೂರಜ್ ತಾಯಿ ಕೂಡ ಬಂದಿದ್ದಾರೆ. ಇನ್ನು ಸೂರಜ್ ತಾಯಿ ಅವರ ಲೆಟರ್ ಕೂಡ ಬಂದಿದೆ. ನೀನು ಇಲ್ಲದೇ ಅಡುಗೆ ಮಾಡಲು ಮನಸ್ಸು ಬರ್ತಿಲ್ಲ. ಏನಾದರೂ ಅಡುಗೆ ಮಾಡಿ ಕಳುಹಿಸಿಕೊಡು ಎಂದು ಬಾಕ್ಸ್ ಜೊತೆಗೆ ಲೆಟರ್ ಕೂಡ ಕಳುಹಿಸಿಕೊಟ್ಟಿದ್ದಾರೆ. ಇದಾದ ಬಳಿಕವೇ ತಾತಿಗೋಸ್ಕರ ಅಡುಗೆ ಮಾಡಿ ಬಾಕ್ಸ್ನಲ್ಲಿ ತುಂಬಿಸಿ ಕನ್ಫೆಷನ್ ರೂಮ್ನಲ್ಲಿರಿಸಲು ಹೋದಾಗ ತಾಯಿಯನ್ನ ನೋಡಿ ಭಾವುಕರಾಗುತ್ತಾರೆ ಸೂರಜ್.
ಕಲರ್ಸ್ ಕನ್ನಡ ಪ್ರೋಮೋ
ಯಾರೆಲ್ಲ ನಾಮಿನೇಟ್?
ಈ ವಾರ ಗಿಲ್ಲಿ, ರಾಶಿಕಾ, ಸ್ಪಂದನಾ, ಅಶ್ವಿನಿ, ಧ್ರುವಂತ್, ಧನುಷ್, ಮಾಳು, ರಘು, ರಕ್ಷಿತಾ ನಾಮಿನೇಟ್ ಆಗಿದ್ದಾರೆ. ಈ ವಾರ ಕಾವ್ಯ ಶೈವ ಅವರು ಕ್ಯಾಪ್ಟನ್ ಆಗಿದ್ದಾರೆ. ಹಾಗಾಗಿ ಅವರು ನಾಮಿನೇಷನ್ನಿಂದ ಬಚಾವ್ ಆಗಿದ್ದಾರೆ.
ಇದನ್ನೂ ಓದಿ: Bigg Boss Kannada 12: ಬಿಗ್ಬಾಸ್ ಮನೆಯಿಂದ ಹೊರಬಂದ ಚೈತ್ರಾ, ರಜತ್
ಆದರೆ ಗಿಲ್ಲಿ ನಟ ಅವರು ನಾಮಿನೇಟ್ ಆಗಿದ್ದಾರೆ. ಕ್ಯಾಪ್ಟನ್ ಆಗಿರುವ ಕಾವ್ಯ ಅವರು ಅಶ್ವಿನಿ ಗೌಡ ಮತ್ತು ರಕ್ಷಿತಾ ಶೆಟ್ಟಿಯನ್ನು ನೇರವಾಗಿ ನಾಮಿನೇಟ್ ಮಾಡಿದ್ದಾರೆ. ದಿನದಿಂದ ದಿನಕ್ಕೆ ಬಿಗ್ ಬಾಸ್ ಆಟದ ಪೈಪೋಟಿ ಜೋರಾಗುತ್ತಿದೆ.