Dhurandhar 2 teaser: ಧುರಂಧರ್ 2’ ಟೀಸರ್ ಔಟ್‌; ಅಭಿಮಾನಿಗಳಿಗೆ ತೀವ್ರ ನಿರಾಸೆ, ಕಾರಣ ಇದು

ವರ್ಷದ ಅತ್ಯಂತ ನಿರೀಕ್ಷಿತ ಹಿಂದಿ ಚಿತ್ರದ ಕ್ಷಣಗಣನೆ ಅಧಿಕೃತವಾಗಿ ಆರಂಭವಾಗಿದೆ. ಧುರಂಧರ್ 2 ಟೀಸರ್‌ (Dhurandhar 2 teaser) ಔಟ್‌ ಆಗಿದೆ. ಆದರೆ ಹಿಂದಿನ ಚಿತ್ರದ ಕ್ಲೈಮ್ಯಾಕ್ಸ್ ದೃಶ್ಯಗಳನ್ನೇ ಮರುಬಳಕೆ ಮಾಡಿಕೊಂಡಿರುವುದು ಅಭಿಮಾನಿಗಳಿಗೆ (Fans) ತೀವ್ರ ನಿರಾಸೆ ಮೂಡಿಸಿದೆ. ಮೊದಲೇ ಶೂಟಿಂಗ್ ಮುಗಿದಿರುವುದರಿಂದ, ಪೋಸ್ಟ್ ಪ್ರೊಡಕ್ಷನ್ ಕೆಲಸ ನಡೆಸಲಾಗುತ್ತಿದೆ ( fans disappointed ) . ಈಗ ಸಿನಿಮಾದ ರಿಲೀಸ್ ದಿನಾಂಕವನ್ನು ಟೀಸರ್ ಮೂಲಕ ಖಚಿತಪಡಿಸಿಯಾಗಿದೆ.

'ಧುರಂಧರ್ 2' ಟೀಸರ್ ಬಿಡುಗಡೆ

ಮಂಗಳವಾರ ಮಧ್ಯಾಹ್ನದ ನಂತರ ಜಿಯೋ ಸ್ಟುಡಿಯೋಸ್ ಟೀಸರ್ ಅನ್ನು ಹಂಚಿಕೊಂಡಿತು. ಇದು ರಣವೀರ್ ಅವರ ಜಸ್ಕಿರತ್ ಅಕಾ ಹಮ್ಜಾ ತನ್ನ ಧ್ಯೇಯವನ್ನು ಮುಂದಕ್ಕೆ ಕೊಂಡೊಯ್ಯುವುದನ್ನು ತೋರಿಸಿದೆ. ಘೋರವಾದ ಆಕ್ಷನ್-ಪ್ಯಾಕ್ಡ್ ಮಾಂಟೇಜ್ ಲಿಯಾರಿಯ ಭೂಗತ ಲೋಕದಲ್ಲಿ ಅವರ ಉದಯವನ್ನು ತೋರಿಸಿದೆ, ಜೊತೆಗೆ ಸಂಜಯ್ ದತ್, ಮಾಧವನ್ ಮತ್ತು ಅರ್ಜುನ್ ರಾಂಪಾಲ್ ಅವರ ದೃಶ್ಯಗಳನ್ನು ಸಹ ತೋರಿಸಿದೆ.

ಇದನ್ನೂ ಓದಿ: Dhurandhar: ʼಧುರಂಧರ್ʼ ವಿರುದ್ಧ FIR ದಾಖಲು! ಟೀಸರ್‌ ರಿಲೀಸ್‌ ಬೆನ್ನಲ್ಲೇ ಚಿತ್ರತಂಡಕ್ಕೆ ಶಾಕ್‌

ಹೊಸ ದೃಶ್ಯವಿಲ್ಲ!

ಅನೇಕರು ತಮ್ಮ ನಿರಾಶೆಯನ್ನು ಕಾಮೆಂಟ್‌ಗಳಲ್ಲಿ ವ್ಯಕ್ತಪಡಿಸಿದ್ದಾರೆ. "ಇದು ಒಂದೇ. ಹೊಸ ದೃಶ್ಯವಿಲ್ಲ" ಎಂದು ಒಬ್ಬರು ಕಮೆಂಟ್‌ ಮಾಡಿದ್ದಾರೆ.ಆದಿತ್ಯ ಧರ್ ಟೀಸರ್ ಹೆಸರಿನಲ್ಲಿ ನಮಗೆ ವಂಚನೆ ಮಾಡಿದ್ದಾರೆ ಎಂದು ಮತ್ತೊಬ್ಬರು ವ್ಯಂಗ್ಯವಾಡಿದರು. "ಟೀಸರ್‌ನಲ್ಲಿ ಇಡೀ ಚಿತ್ರವನ್ನು ತೋರಿಸದಿರುವುದು ನನಗೆ ಸಂತೋಷವಾಗಿದೆ. ನಾನು ಥಿಯೇಟರ್‌ನಲ್ಲಿ ನೋಡಲು ಬಯಸುತ್ತೇನೆ" ಎಂದು ಇನ್ನೊಬ್ಬರು ವಾದಿಸಿದರು.

ಧುರಂಧರ್ 2’ ಸಿನಿಮಾ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಸೃಷ್ಟಿಸಿದೆ. ಆ ನಿರೀಕ್ಷೆ ತಲುಪಬೇಕು ಎಂದರೆ ಅದಕ್ಕೆ ತಕ್ಕಂತೆ ಟೀಸರ್ ಬಿಡುಗಡೆ ಮಾಡಬೇಕು. ಆದರೆ, ಹಳೆಯ ವಿಷಯವನ್ನೇ ಮತ್ತೆ ತೋರಿಸಿದರೆ ಸಹಜವಾಗಿಯೇ ಬೇಸರ ಆಗಿಯೇ ಆಗುತ್ತದೆ.

ಇದಕ್ಕೂ ಮುನ್ನ, ರಣವೀರ್ ಚಿತ್ರದ ಫಸ್ಟ್ ಲುಕ್ ಅನ್ನು ಅನಾವರಣಗೊಳಿಸಿದರು ಮತ್ತು ಅದರ ಅಧಿಕೃತ ಶೀರ್ಷಿಕೆಯನ್ನು ಬಹಿರಂಗಪಡಿಸಿದರು. ಮಂಗಳವಾರ ಬೆಳಗ್ಗೆ ಇನ್ಸ್ಟಾಗ್ರಾಮ್ನಲ್ಲಿ, ರಣವೀರ್ ಮಳೆಯಲ್ಲಿ ಒದ್ದೆಯಾಗಿ ಕೆಂಪು ದೀಪದಲ್ಲಿ ಸ್ನಾನ ಮಾಡುತ್ತಿರುವುದನ್ನು ತೋರಿಸುವ ಚಿತ್ರದ ಪೋಸ್ಟರ್ ಅನ್ನು ಹಂಚಿಕೊಂಡರು.

ಮಾರ್ಚ್ 19, 2026 ರಂದು ಬಿಡುಗಡೆ

ಚಿತ್ರದ ಬಿಡುಗಡೆ ದಿನಾಂಕವನ್ನು ಸಹ ದೃಢಪಡಿಸಿದರು ಮತ್ತು ಟೀಸರ್ ಇಂದು ಮಧ್ಯಾಹ್ನ 12:12 ಕ್ಕೆ ಬಿಡುಗಡೆಯಾಗಿದೆ. ಮಾರ್ಚ್ 19, 2026 ರಂದು ಹಿಂದಿ, ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ವಿಶ್ವಾದ್ಯಂತ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುತ್ತಿದೆ. ಧುರಂಧರ್’ ಸಿನಿಮಾದಲ್ಲಿ ರಣವೀರ್ ಅವರು ಹಮ್ಜಾ ಅಲಿ ಮಜಾರಿ ಪಾತ್ರ ಮಾಡಿದ್ದಾರೆ. ಜಸ್ಕಿರತ್ ಸಿಂಗ್ ರಂಗಿ ಹೇಗೆ ಹಮ್ಜಾ ಆದರು ಎಂಬ ಜರ್ನಿಯನ್ನು ‘ಧುರಂಧರ್ 2’ ಸಿನಿಮಾದಲ್ಲಿ ಹೇಳಲಾಗುತ್ತಿದೆ ಎನ್ನಲಾಗಿದೆ.

ಇದನ್ನೂ ಓದಿ: Dhurandhar Part 2 : ʻಧುರಂಧರ್ 2ʼ ಹೊಸ ಪೋಸ್ಟರ್‌ ಔಟ್‌! ಇಂದೇ ಟೀಸರ್ ಬಿಡುಗಡೆ

ಆದಿತ್ಯ ಧಾರ್ ನಿರ್ದೇಶನದ ಧುರಂಧರ್ ಡಿಸೆಂಬರ್ 5 ರಂದು ಬಿಡುಗಡೆಯಾದ ಸ್ಪೈ ಥ್ರಿಲ್ಲರ್ ಚಿತ್ರ. ಈ ಚಿತ್ರದಲ್ಲಿ ರಣವೀರ್ ಭಾರತೀಯ ಗೂಢಚಾರನಾಗಿ ಕಾಣಿಸಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಅಕ್ಷಯ್ ಖನ್ನಾ , ಸಂಜಯ್ ದತ್, ಆರ್. ಮಾಧವನ್ ಮತ್ತು ಅರ್ಜುನ್ ರಾಂಪಾಲ್ ಕೂಡ ನಟಿಸಿದ್ದಾರೆ, ಅವರೆಲ್ಲರೂ ಮುಂದಿನ ಭಾಗಕ್ಕಾಗಿ ಮತ್ತೆ ಬರುತ್ತಾರೆ. ಧುರಂಧರ್ ಬಾಲಿವುಡ್ ಇತಿಹಾಸದಲ್ಲಿ ಅತಿ ದೊಡ್ಡ ಹಿಟ್‌ಗಳಲ್ಲಿ ಒಂದಾಗಿ ಹೊರಹೊಮ್ಮಿದ್ದು, ವಿಶ್ವಾದ್ಯಂತ ₹ 1300 ಕೋಟಿಗೂ ಹೆಚ್ಚು ಗಳಿಸಿದೆ.