ಬಿಗ್ ಬಾಸ್ ಕನ್ನಡ ಸೀಸನ್ 11 (Bigg Boss Kannada 11) ಇನ್ನೇನು ನಾಲ್ಕು ದಿನಗಳಲ್ಲಿ ಮುಕ್ತಾಯಗೊಳ್ಳಲಿದೆ. ಇದಾದ ಬಳಿಕ ಕಲರ್ಸ್ ಕನ್ನಡದಲ್ಲಿ ಬಿಗ್ ಬಾಸ್ ಸಮಯಕ್ಕೆ ಹೊಸ ಧಾರಾವಾಹಿ ಶುರುವಾಗಿದೆ. ಅದೇ ಯಜಮಾನ. ಶ್ರೀಮಂತಿಕೆಯ ದರ್ಪ, ಬಡವನ ಕಷ್ಟ ಅನ್ನೋ ಕಾನ್ಸೆಪ್ಟ್‌ನಲ್ಲಿ ಮೂಡಿಬರುತ್ತಿರುವ ಯಜಮಾನ ಸೀರಿಯಲ್​ನ ಪ್ರೊಮೊ ಕೂಡ ಈಗಾಗಲೇ ಬಿಡುಗಡೆ ಆಗಿದೆ. ಹೀಗಿರುವಾಗ ಈ ಧಾರಾವಾಹಿಯ ಮುಖ್ಯ ಪಾತ್ರದಾರಿಗಳು ಅತಿಥಿಯಾಗಿ ದೊಡ್ಮನೆಗೆ ಎಂಟ್ರಿ ಕೊಟ್ಟಿದ್ದಾರೆ.

ಯಜಮಾನ ಸೀರಿಯಲ್​ ತಂಡದ ನಟ ರಾಘವೇಂದ್ರ, ನಟಿ ಝಾನ್ಸಿ ಖಡಕ್​ ಆಗಿ ಬಿಗ್ ಬಾಸ್​ಗೆ ಎಂಟ್ರಿ ಕೊಟ್ಟಿದ್ದಾರೆ. ಬಿಗ್ ​ಬಾಸ್​ ಮನೆಯ ಮುಖ್ಯದ್ವಾರದಿಂದ ಎಂಟ್ರಿ ಕೊಟ್ಟ ​ಯಜಮಾನ ಸೀರಿಯಲ್​ ನಾಯಕ ಹಾಗೂ ನಾಯಕಿಯನ್ನು ನೋಡಿ ಮನೆಮಂದಿ ಶಾಕ್​ ಆಗಿದ್ದಾರೆ. ಬಳಿಕ ಇವರುಗಳ ಜೊತೆ ಎಲ್ಲ ಸ್ಪರ್ಧಿಗಳು ಸಖತ್ ಎಂಜಾಯ್ ಮಾಡಿದ್ದಾರೆ.

ಇದರ ನಡುವೆ ಝಾನ್ಸಿ ಆಡಿದ ಖಡಕ್ ಮಾತಿಗೆ ಮನೆಯ ಗಂಡಸರು ಒಂದು ಕ್ಷಣ ಶಾಕ್ ಗೊಂಡರು. ನನಗೆ ಗಂಡಸರನ್ನು ಕಂಡ್ರೆ ಆಗಲ್ಲ.. ಯಾವ ಗಂಡ್ಸು ನನ್ನ ಎದುರು ತಲೆ ಎತ್ತಿ ನಿಲ್ಲಬಾರದು ಎಂದು ಝಾನ್ಸಿ ಆರ್ಡರ್ ಮಾಡಿದ್ದಾರೆ. ಆಚೆ ಎಲ್ಲ ರೂಲ್ ಮಾಡಾಯಿತು ಈಗ ಇಲ್ಲಿ ಇರೋರನ್ನ ರೂಲ್ ಮಾಡೋಣ ಎಂದು ಝಾನ್ಸಿ ಹೇಳಿದ್ದಾರೆ.

ರಜತ್ ಅವರಿಗೆ ಝಾನ್ಸಿ ಸಖತ್ ಕಾಟ ಕೊಟ್ಟಿದ್ದಾರೆ. ನಾನು ಸ್ವಲ್ಪ ವೀಕ್ ಹುಡುಗಿಯರ ವಿಷಯದಲ್ಲಿ ಎಂದು ರಜತ್ ಹೇಳುತ್ತಾರೆ. ಅದಕ್ಕೆ ಝನ್ಸಿ ಅವರು ನನ್ ಹತ್ರ ಮಾತಾಡೋಕೆ ಮೊದಲು ತಲೆ ತಗ್ಗಿಸಬೇಕು ಎಂದು ಹೇಳಿದ್ದಾರೆ. ಆದ್ರೆ, ತಲೆ ತಗ್ಗಿಸೊ ಕ್ಯಾರಕ್ಟರ್ ನಂದು ಅಲ್ಲ ಕಣಮ್ಮ ಎಂದು ರಜತ್ ಹೇಳಿದ್ದಕ್ಕೆ ಮೂರು ಎಣಿಸ್ತೀನಿ ಅಷ್ಟೆ.. ತಲೆ ತಗ್ಗಿಸಬೇಕು ಎಂದು ಹೇಳಿದ ನಂತರ ಬೇರೆ ದಾರಿಯಿಲ್ಲದೆ ರಜತ್ ಓ ಮೈ ಗಾಡ್ ಎಂದು ಹೇಳಿ ತಲೆ ತಗ್ಗಿಸಿದ್ದಾರೆ.

ಅತ್ತ ತ್ರಿವಿಕ್ರಮ್​ಗೂ ಸಖತ್ ಕ್ಲಾಸ್ ತೆಗೆದುಕೊಂಡ ಝಾನ್ಸಿ, ಈ ಮನೇಲಿ ಇರೋ ತನಕ ತ್ರಿವಿಕ್ರಮ್ ಅವರು ಭವ್ಯಾ ಅವರನ್ನು ನೋಡೋ ಹಾಗಿಲ್ಲ.. ಪಕ್ಕದಲ್ಲಿ ಕೂರೋ ಹಾಗಿಲ್ಲ.. ಮಾತಾಡೋ ಹಾಗಿಲ್ಲ.. ಎಂದು ಕಂಡೀಷನ್ ಹಾಕಿದ್ದಾರೆ. ಸೀರಿಯಲ್​ನಲ್ಲಿರುವ ರೆಬೆಲ್ ಕ್ಯಾರೆಕ್ಟರ್​ನಂತೆಯೇ ಝಾನ್ಸಿ ಇಲ್ಲೂ ಕೂಡ ರೂಲ್ ಮಾಡಿದ್ದಾರೆ.

BBK 11: ಬಿಗ್ ಬಾಸ್ ಮನೆಗೆ ಬಂದ ಯಜಮಾನ ತಂಡ: ಮಸ್ತ್ ಮಜಾ ಮಾಡಿ ಸ್ಪರ್ಧಿಗಳು

ಯಜಮಾನ ಸೀರಿಯಲ್‌ನಲ್ಲಿ ಇನ್‌ಸ್ಟಾಗ್ರಾಮ್ ಇನ್‌ಪ್ಲುಯೆನ್ಸರ್ ಮಧುಶ್ರೀ ಭೈರಪ್ಪ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ನಾಯಕನಾಗಿ ಹರ್ಷ ಬಿ.ಎಸ್ ಇದ್ದಾರೆ. ಧಾರಾವಾಹಿಯಲ್ಲಿ ಅವರು ರಾಘವೇಂದ್ರ ಎಂಬ ಪಾತ್ರ ಮಾಡ್ತಿದ್ದು, ಡೆಲವರಿ ಬಾಯ್ ಆಗಿ ಕಾಣಿಸಿಕೊಂಡಿದ್ದಾರೆ.