ಕ್ರೀಡಾಪಟುಗಳು ಮತ್ತು ಫಿಟ್‌ನೆಸ್ ಪ್ರಿಯರಿಗೆ ಕೇವಲ ಕಠಿಣ ತರಬೇತಿಯಷ್ಟೇ ಸಾಲದು; ಗಾಯಗಳಿಂದ ಶೀಘ್ರವಾಗಿ ಚೇತರಿಸಿಕೊಳ್ಳುವುದು (ರಿಕವರಿ), ಗಾಯಗಳ ಸಮರ್ಪಕ ನಿರ್ವಹಣೆ, ಕೀಲುಗಳ ಸಂರಕ್ಷಣೆ ಮತ್ತು ದೀರ್ಘಾವಧಿಯ ದೈಹಿಕ ಸಾಮರ್ಥ್ಯವನ್ನು ಕಾಯ್ದುಕೊಳ್ಳುವುದು ಅತ್ಯಂತ ಅಗತ್ಯವಾಗಿದೆ. ಬಾಲಿವುಡ್‌ನ ಖ್ಯಾತ ನಟ ಹಾಗೂ ಫಿಟ್‌ನೆಸ್ ಐಕಾನ್ ಟೈಗರ್ ಶ್ರಾಫ್ (Tiger Shroff) ಮತ್ತು ಪ್ರಖ್ಯಾತ ಕ್ರೀಡಾ ವೈದ್ಯಕೀಯ ಹಾಗೂ ಪುನರುತ್ಪಾದಕ ಮೂಳೆ ತಜ್ಞ ಡಾ. ವೆಂಕಟೇಶ್ ಮೊವ್ವ ನಡುವೆ ಇತ್ತೀಚೆಗೆ ನಡೆದ ವಿಶೇಷ ಪಾಡ್‌ಕ್ಯಾಸ್ಟ್ ಸಂವಾದದಲ್ಲಿ ಈ ಎಲ್ಲಾ ಮಹತ್ವದ ಅಂಶಗಳ ಕುರಿತು ವಿಸ್ತೃತ ಚರ್ಚೆ ನಡೆಯಿತು. ಈ ಸಂಭಾಷಣೆಯನ್ನು ಟೈಗರ್ ಶ್ರಾಫ್ ತಮ್ಮ ಅಧಿಕೃತ ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದು, ದೈಹಿಕ ಕ್ಷಮತೆ, ಪೌಷ್ಟಿಕಾಂಶ, ಸ್ನಾಯುಗಳ ಕ್ಷಮತೆ, ಗಾಯಗಳ ತಡೆಗಟ್ಟುವಿಕೆ ಮತ್ತು ಶಸ್ತ್ರಚಿಕಿತ್ಸೆಯಿಲ್ಲದ ಆಧುನಿಕ ಮೂಳೆ ಚಿಕಿತ್ಸಾ ಪದ್ಧತಿಗಳ ಬಗ್ಗೆ ಹೇಳಿಕೊಂಡಿದ್ದಾರೆ,
ಸ್ಟೆಮ್ ಸೆಲ್ ಚಿಕಿತ್ಸೆ
ಈ ಸಂವಾದದಲ್ಲಿ ರೀಜನರೇಟಿವ್ ಮೆಡಿಸಿನ್ ಕುರಿತಾಗಿ ತಮ್ಮ ವೈಯಕ್ತಿಕ ಅನುಭವವನ್ನು ಹಂಚಿಕೊಂಡ ಟೈಗರ್ ಶ್ರಾಫ್, ತಮ್ಮ ದೈಹಿಕ ಚೇತರಿಕೆ ಹಾಗೂ ಉನ್ನತ ಕಾರ್ಯಕ್ಷಮತೆಯನ್ನು ಕಾಯ್ದುಕೊಳ್ಳಲು ಡಾ. ಮೊವ್ವ ಅವರಿಂದ ಪ್ಲೇಟ್‌ಲೆಟ್-ರಿಚ್ ಪ್ಲಾಸ್ಮಾ ಮತ್ತು ಸ್ಟೆಮ್ ಸೆಲ್ ಚಿಕಿತ್ಸೆಯನ್ನು ಪಡೆದುಕೊಳ್ಳುತ್ತಿರುವುದಾಗಿ ತಿಳಿಸಿದರು.
ಇದನ್ನೂ ಓದಿ: Bigg Boss Kannada 13: ಸೌಂದರ್ಯ ಕ್ವಾಟ್ಲೆಗೆ ಗಗನ್ ತಲೆ 'ಗಿರ ಗಿರ'!
ಈ ವೇಳೆ ಮಾತನಾಡಿದ ಡಾ. ವೆಂಕಟೇಶ್ ಮೊವ್ವ, ರೋಗಿಯ ಸ್ವಂತ ಮೂಳೆ ಮಜ್ಜೆಯಿಂದ ಪಡೆದ ಜೀವಕೋಶಗಳನ್ನು ಹಾಗೂ ಪಿಆರ್‌ಪಿ ಥೆರಪಿಯನ್ನು ಬಳಸಿಕೊಂಡು ಸ್ನಾಯು ಮತ್ತು ಮೂಳೆ ಸಂಬಂಧಿತ ಗಾಯಗಳನ್ನು ಶಸ್ತ್ರಚಿಕಿತ್ಸೆಯಿಲ್ಲದೆ ಹೇಗೆ ಗುಣಪಡಿಸಬಹುದು ಎಂಬುದನ್ನು ವಿವರಿಸಿದರು. ಇಂತಹ ಸುಧಾರಿತ ಚಿಕಿತ್ಸಾ ಪದ್ಧತಿಗಳು ಅಂಗಾಂಶಗಳು ನೈಸರ್ಗಿಕವಾಗಿ ಹೀಲಿಂಗ್ ಮತ್ತು ಕೀಲುಗಳ ದೀರ್ಘಕಾಲೀನ ಸಂರಕ್ಷಣೆಗೆ ಸಹಕಾರಿಯಾಗಿವೆ ಎಂದು ಅವರು ಅಭಿಪ್ರಾಯಪಟ್ಟರು.
ಒಮ್ಮತದ ಅಭಿಪ್ರಾಯ
ಯಾವುದೇ ಮೂಳೆ ಅಥವಾ ಕೀಲುಗಳ ಸಮಸ್ಯೆಗೆ ಶಸ್ತ್ರಚಿಕಿತ್ಸೆಯೊಂದೇ ಅಂತಿಮ ಪರಿಹಾರವಲ್ಲ ಎಂದು ಸ್ಪಷ್ಟಪಡಿಸಿದ ಡಾ. ಮೊವ್ವ, ಗಾಯಗಳನ್ನು ಆರಂಭಿಕ ಹಂತದಲ್ಲೇ ಗುರುತಿಸಿ ಚಿಕಿತ್ಸೆ ನೀಡುವುದರ ಮಹತ್ವವನ್ನು ಒತ್ತಿ ಹೇಳಿದರು. ಶಸ್ತ್ರಚಿಕಿತ್ಸೆಗೆ ಮುನ್ನ ಇಂತಹ ಪುನರುತ್ಪಾದಕ ವಿಧಾನಗಳು ತಮ್ಮ ಸಮಸ್ಯೆಗೆ ಸೂಕ್ತವೇ ಎಂಬುದನ್ನು ತಜ್ಞರೊಂದಿಗೆ ಸಮಾಲೋಚಿಸುವುದು ಒಳಿತು ಎಂದರು. ಕ್ರೀಡಾಪಟುಗಳು, ಪ್ರದರ್ಶನ ಕಲಾವಿದರು ಹಾಗೂ ನಿರಂತರ ದೈಹಿಕ ಚಟುವಟಿಕೆಯಲ್ಲಿ ತೊಡಗಿಸಿಕೊಳ್ಳುವವರಿಗೆ ನೈಸರ್ಗಿಕ ಕೀಲುಗಳು ಮತ್ತು ಅಂಗಾಂಶಗಳನ್ನು ಉಳಿಸಿಕೊಳ್ಳುವುದು ಭವಿಷ್ಯದ ದೃಷ್ಟಿಯಿಂದ ಅತ್ಯಂತ ಮುಖ್ಯವಾಗಿದೆ ಎಂದು ಇಬ್ಬರೂ ಒಮ್ಮತದ ಅಭಿಪ್ರಾಯ ವ್ಯಕ್ತಪಡಿಸಿದರು.
ಡಾ. ವೆಂಕಟೇಶ್ ಮೊವ್ವ ನೇತೃತ್ವದ 'ರೀಜನ್‌ಆರ್ಥೋಸ್ಪೋರ್ಟ್' ಸಂಸ್ಥೆಯು ಭಾರತ ಮತ್ತು ಅಮೆರಿಕದಲ್ಲಿ ಕ್ಲಿನಿಕ್‌ಗಳನ್ನು ಹೊಂದಿದ್ದು, ಶಸ್ತ್ರಚಿಕಿತ್ಸೆಯಿಲ್ಲದ ಮೂಳೆ ಚಿಕಿತ್ಸೆ ಹಾಗೂ ಕ್ರೀಡಾ ಪುನರ್ವಸತಿಯಲ್ಲಿ ಮುಂಚೂಣಿಯಲ್ಲಿದೆ.
ಇದನ್ನೂ ಓದಿ: Saraswati Chandra Serial: ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಹೊಚ್ಚ ಹೊಸ ಧಾರಾವಾಹಿ; ನಾಯಕ, ನಾಯಕಿ ಇವರೇ!
ಫಿಟ್‌ನೆಸ್ ಎಂದರೆ ಕೇವಲ ತಕ್ಷಣದ ಸಾಮರ್ಥ್ಯ ಪ್ರದರ್ಶನವಲ್ಲ, ಬದಲಾಗಿ ದೀರ್ಘಾವಧಿಯ ಆರೋಗ್ಯ ಮತ್ತು ಕೀಲುಗಳ ರಕ್ಷಣೆ ಎಂಬ ವಿಶಾಲ ದೃಷ್ಟಿಕೋನವನ್ನು ಈ ಸಂವಾದ ತೆರೆದಿಟ್ಟಿದೆ. ಈ ಕುರಿತ ಹೆಚ್ಚಿನ ವಿವರಗಳಿಗೆ ‘RegenOrthoSport’ ಜಾಲತಾಣವನ್ನು ಸಂಪರ್ಕಿಸಬಹುದಾಗಿದೆ.