ಗ್ರಾಹಕರಿಗೆ ಮತ್ತೊಂದು ಶಾಕ್‌; ಹಾಲಿನ ಬೆಲೆ ಹೆಚ್ಚಿಸಿದ ಅಮೂಲ್‌
ಅಮೂಲ್‌ ಹಾಲಿನ ಬೆಲೆ ಹೆಚ್ಚಿಸಿದ್ದು, ಪರಿಷ್ಕೃತ ದರ ನವೆಂಬರ್‌ 12ರಿಂದಲೇ ಜಾರಿಗೆ ಬರಲಿದೆ. ಅಂದರೆ ನಾಳೆಯಿಂದ ಅಮೂಲ್‌ ಹಾಲಿನ ಬೆಲೆ ಲೀಟರ್‌ಗೆ 2-4 ರೂಪಾಯಿ ಹೆಚ್ಚಾಗಲಿದೆ.
-
Ramesh Ballamoole
Nov 11, 2026 7:11 PM
ದೆಹಲಿ, ನ. 11: ಬೆಲೆ ಏರಿಕೆಯಿಂದ ತತ್ತರಿಸಿರುವ ಗ್ರಾಹಕರಿಗೆ ಅಮೂಲ್‌ ಮತ್ತೊಂದು ಹೊಡೆತ ನೀಡಿದೆ. ಹಾಲಿನ ಬೆಲೆ ಹೆಚ್ಚಿಸಿದ್ದು, ಪರಿಷ್ಕೃತ ದರ ನವೆಂಬರ್‌ 12ರಿಂದಲೇ ಜಾರಿಗೆ ಬರಲಿದೆ. ಶೇಕಡಾ 4–5ರಷ್ಟು ಬೆಲೆ ಹೆಚ್ಚಿಸಲಾಗಿದೆ ಎಂದು ಅಮೂಲ್‌ ತಿಳಿಸಿದೆ. ಆ ಮೂಲಕ ಲೀಟರ್‌ ಹಾಲು 2-4 ರೂಪಾಯಿ ದುಬಾರಿಯಾಗಲಿದೆ. ಈಗಾಗಲೇ ನಂದಿನಿ ಹಾಲು ಮತ್ತು ಹಾಲಿನ ಉತ್ಪನ್ನಗಳ ಬೆಲೆ ಏರಿಕೆಯಿಂದ ಗ್ರಾಹಕರು ಕಂಗಾಲಾಗಿರುವ ಮಧ್ಯೆ ಈ ನಿರ್ಧಾರ ಹೊರ ಬಿದ್ದಿದೆ.