Children’s Day 2025: ನಾಳೆ ಮಕ್ಕಳ ದಿನಾಚರಣೆ; ಇದರ ಇತಿಹಾಸ, ಮಹತ್ವ ಏನು ಗೊತ್ತಾ...?

ಬೆಂಗಳೂರು: ಪ್ರತಿ ವರ್ಷ ನವೆಂಬರ್14 ರಂದು ಮಕ್ಕಳ ದಿನವನ್ನು(Children's Day) ಆಚರಣೆ ಮಾಡಲಾಗುತ್ತದೆ. ಮಕ್ಕಳ ಶಿಕ್ಷಣ ಹಾಗೂ ಅವರು ಹಕ್ಕುಗಳ ಅರಿವು ಮೂಡಿಸುವುದೇ ಈ ದಿನವನ್ನು ಆಚರಿಸುವುದರ ಹಿಂದಿರುವ ಮುಖ್ಯ ಉದ್ದೇಶವಾಗಿದ್ದು, ಇದನ್ನು "ಬಾಲ್ ದಿವಸ್" ಎಂದು ಕರೆಯಲಾಗುತ್ತದೆ. ಈ ದಿನ ನಮ್ಮ ಭಾರತದ ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು(Jawaharlal Nehru) ಅವರ ಜನ್ಮದಿನವಾಗಿದ್ದು(Birtday), ನೆಹರೂ ಅವರು ಮಕ್ಕಳ ಬಗ್ಗೆಯೂ ತುಂಬಾ ಒಲವು ಹೊಂದಿದ್ದರು. ಈ ಹಿನ್ನಲೆ ಅವರ ನಿಧನದ ನಂತರ ಅವರ ಜನ್ಮದಿನವನ್ನು ಮಕ್ಕಳ ದಿನಾಚರಣೆಯನ್ನಾಗಿ ಆಚರಿಸಲು ಕರೆ ನೀಡಲಾಯಿತು.

ಶಾಲೆ, ಕಾಲೇಜುಗಳಲ್ಲಿ ಈ ದಿನವನ್ನು ಬಹಳ ವಿಶೇಷವಾಗಿ ಆಚರಿಸಲಾಗುತ್ತದೆ. ಇಂದಿನ ಮಕ್ಕಳೇ ಮುಂದಿನ ಪ್ರಜೆಗಳು ಹಾಗಾಗಿ ಅವರ ಸರ್ವತೋಮುಖ ಅಭಿವೃದ್ಧಿ ನಮ್ಮೆಲ್ಲರ ಜವಾಬ್ದಾರಿ. ಹಾಗಾದ್ರೆ ಮಕ್ಕಳ ದಿನಾಚರಣೆಯ ಇತಿಹಾಸ ಏನು..? ಮಹತ್ವ ಏನು..? ಎಂಬಿತ್ಯಾದಿ ಮಾಹಿತಿ ಇಲ್ಲಿದೆ.

ಪ್ರಾರಂಭವಾಗಿದ್ದು ಯಾವಾಗ...?

ಭಾರತದ ಮೊದಲ ಪ್ರಧಾನಿ ಪಂಡಿತ್ ಜವಾಹರಲಾಲ್ ನೆಹರು (Jawaharlal Nehru) ಅವರ ಜನ್ಮದಿನದ ನೆನಪಿಗಾಗಿ ಭಾರತವು ನವೆಂಬರ್ 14 ರಂದು ಮಕ್ಕಳ ದಿನವನ್ನು (Children’s Day) ಆಚರಿಸುತ್ತದೆ. ಈ ದಿನವು ಭಾರತದ ಅಲಹಾಬಾದ್‌ನಲ್ಲಿ 1889 ರಲ್ಲಿ ಜನಿಸಿದ ಪಂಡಿತ್ ನೆಹರು ಅವರ 135ನೇ ಜನ್ಮದಿನವನ್ನು (Jawaharlal Nehru Birth Anniversary) ಸೂಚಿಸುತ್ತದೆ. ನೆಹರೂ ಅವರ ಮರಣದ ಮೊದಲು ವಿಶ್ವಸಂಸ್ಥೆಯಿಂದ ವಿಶ್ವ ಮಕ್ಕಳ ದಿನವಾಗಿ ನವೆಂಬರ್ 20 ರಂದು ಆಚರಿಸಲ್ಪಟ್ಟಿತು. ಆದಾಗ್ಯೂ, 1964 ರಲ್ಲಿ ನೆಹರು ಅವರ ಮರಣದ ನಂತರ ಅವರ ಜನ್ಮದಿನವನ್ನು ಗುರುತಿಸಲು ಮಕ್ಕಳ ದಿನವನ್ನು ಆಚರಿಸಲು ಅವರ ಜನ್ಮದಿನವನ್ನು (ನವೆಂಬರ್ 14) ಆಯ್ಕೆ ಮಾಡಲಾಯಿತು. ಈ ದಿನವನ್ನು ದೇಶದಲ್ಲಿ ಬಾಲ್ ದಿವಸ್ ಎಂದೂ ಕರೆಯಲಾಗುತ್ತದೆ.

ಈ ಸುದ್ದಿಯನ್ನು ಓದಿ: Children’s Day Speech in Kannada: ಮಕ್ಕಳ ದಿನಾಚರಣೆಗೆ ಈ ರೀತಿ ಭಾಷಣ ಮಾಡಿ! ಟಿಪ್ಸ್ ಇಲ್ಲಿದೆ ಓದಿ

1964ರಲ್ಲಿ ಜವಾಹರಲಾಲ್ ನೆಹರು ಅವರ ಮರಣದ ನಂತರ ಅವರನ್ನು ಗೌರವಿಸಲು ಸಂಸತ್ತಿನಲ್ಲಿ ಒಂದು ನಿರ್ಣಯವನ್ನು ಅಂಗೀಕರಿಸಲಾಯಿತು. ಅವರ ಜನ್ಮದಿನವನ್ನು ಮಕ್ಕಳ ದಿನಾಚರಣೆಯ ಅಧಿಕೃತ ದಿನಾಂಕವೆಂದು ಸಂಸತ್ತಿನಲ್ಲಿ ಘೋಷಿಸಲಾಯಿತು. ಇದಕ್ಕೂ ಮೊದಲು ಭಾರತವು ನವೆಂಬರ್ 20 ರಂದು ಮಕ್ಕಳ ದಿನವನ್ನು ಆಚರಿಸುತ್ತಿತ್ತು. ಏಕೆಂದರೆ ವಿಶ್ವಸಂಸ್ಥೆಯು 1954ರಲ್ಲಿ ಈ ದಿನವನ್ನು ಸಾರ್ವತ್ರಿಕ ಮಕ್ಕಳ ದಿನವೆಂದು ಘೋಷಿಸಿತು. ಇದರ ನಂತರ ಪಂಡಿತ್ ಜವಾಹರ್ ಲಾಲ್ ನೆಹರು ಅವರ ಜನ್ಮದಿನದ ನೆನಪಿಗಾಗಿ ಭಾರತದಲ್ಲಿ ಮಕ್ಕಳ ದಿನವನ್ನು ಆಚರಿಸಲಾಗುತ್ತದೆ. ನೆಹರು ಅವರನ್ನು ಎಲ್ಲಾ ಮಕ್ಕಳು ಪ್ರೀತಿಯಿಂದ ಚಾಚಾ ನೆಹರು ಎಂದು ಕರೆಯುತ್ತಾರೆ. ಆದ್ದರಿಂದ ಈ ದಿನವು ಭಾರತದ ಮೊದಲ ಪ್ರಧಾನ ಮಂತ್ರಿಯವರ ಜನ್ಮ ವಾರ್ಷಿಕೋತ್ಸವವನ್ನು ನೆನಪಿಸಿಕೊಳ್ಳುವ ಸ್ಮರಣೀಯ ದಿನವಾಗಿದೆ.

ಮಕ್ಕಳ ದಿನವನ್ನು ಏಕೆ ಆಚರಿಸಲಾಗುತ್ತದೆ?

ಭಾರತದ ಮೊದಲ ಪ್ರಧಾನಿ ಪಂ. ಜವಾಹರಲಾಲ್ ನೆಹರು ಅವರು 1889ರ ನವೆಂಬರ್ 14ರಂದು ಜನಿಸಿದರು. ಅವರು ಗುಲಾಬಿಗಳನ್ನು ತುಂಬಾ ಇಷ್ಟಪಡುತ್ತಿದ್ದರು ಮತ್ತು ಅವರು ಮಕ್ಕಳನ್ನು ತುಂಬಾ ಪ್ರೀತಿಸುತ್ತಿದ್ದರು. ಮಕ್ಕಳೇ ಈ ದೇಶದ ಭವಿಷ್ಯ ಎಂದು ಜವಾಹರಲಾಲ್ ನೆಹರು ನಂಬಿದ್ದರು. ಮಕ್ಕಳು ಉತ್ತಮ ಶಿಕ್ಷಣ ಪಡೆದರೆ ಅದ್ಭುತಗಳನ್ನು ಸೃಷ್ಟಿಸಬಹುದು. ಭಾರತದ ಎಲ್ಲಾ ವಯಸ್ಸಿನ, ಲಿಂಗ ಮತ್ತು ರಾಜ್ಯಗಳ ಮಕ್ಕಳಿಗೆ ಹೆಚ್ಚಿನ ಶೈಕ್ಷಣಿಕ ಮತ್ತು ಜೀವನ ಸೌಲಭ್ಯಗಳಿಗೆ ದಾರಿ ಮಾಡಿಕೊಟ್ಟದ್ದು ಅವರ ಬಲವಾದ ದೃಷ್ಟಿಯಾಗಿದೆ. ಅವರ ಪ್ರಸಿದ್ಧ ಭಾಷಣವೊಂದರಲ್ಲಿ “ಇಂದಿನ ಮಕ್ಕಳು ನಾಳಿನ ಭಾರತವಾಗುತ್ತಾರೆ, ನಾವು ಅವರನ್ನು ಬೆಳೆಸುವ ರೀತಿ ದೇಶದ ಭವಿಷ್ಯವನ್ನು ನಿರ್ಧರಿಸುತ್ತದೆ” ಎಂದು ಹೇಳಿದರು.