ಸೋನಿಯಾ ಗಾಂಧಿ ಇನ್‌ಸ್ಟಾಗ್ರಾಮ್‌ಗೆ ಗ್ರ್ಯಾಂಡ್‌ ಎಂಟ್ರಿ; ಆತ್ಮಕಥೆಯ ಫಸ್ಟ್‌ ಲುಕ್‌ ಶೇರ್‌ ಮಾಡಿದ ಕಾಂಗ್ರೆಸ್‌ ನಾಯಕಿ

ನವದೆಹಲಿ: 'ಬಿಲಾಂಗಿಂಗ್: ಎ ಜರ್ನಿ ಆಫ್ ಲವ್'ನ (Belonging: A Journey Of Love) ಮೊದಲ ನೋಟದೊಂದಿಗೆ ಕಾಂಗ್ರೆಸ್ ಸಂಸದೀಯ ಪಕ್ಷದ ಅಧ್ಯಕ್ಷೆ (Congress parliamentary party chairperson) ಸೋನಿಯಾ ಗಾಂಧಿ (Sonia Gandhi) ಅವರು ಬುಧವಾರ ಇನ್‌ಸ್ಟಾಗ್ರಾಮ್‌ಗೆ (Instagram) ಪಾದಾರ್ಪಣೆ ಮಾಡಿದರು. ಮೊದಲ ಇನ್‌ಸ್ಟಾಗ್ರಾಮ್‌ ಪೋಸ್ಟ್ ನಲ್ಲಿ ಅವರು ತಮ್ಮ ಆತ್ಮಚರಿತ್ರೆಯನ್ನು "ಪ್ರೀತಿ, ಕರ್ತವ್ಯ, ನಷ್ಟ ಮತ್ತು ಸೇರಲು ಒಂದು ಸ್ಥಳವನ್ನು ಹುಡುಕುವುದು" ಎಂಬ ಕಥೆಯಾಗಿದೆ ಎಂದು ಬಣ್ಣಿಸಿದ್ದಾರೆ. ತಮ್ಮ ಸ್ನೇಹಿತ ಮಂಜು ದುಬೆ ಅವರ ಸಮ್ಮುಖದಲ್ಲಿ ಇದನ್ನು ಹಂಚಿಕೊಂಡಿರುವ ಅವರು ಇದನ್ನು ಓದುಗರೊಂದಿಗೆ ಹಂಚಿಕೊಳ್ಳಲು ಎದುರು ನೋಡುತ್ತಿದ್ದೇನೆ ಎಂದು ಹೇಳಿದರು.

ಸಾಂಪ್ರದಾಯಿಕ ಭಾಷಣ, ಪತ್ರಿಕಾಗೋಷ್ಠಿ ಮತ್ತು ಪಕ್ಷದ ಹೇಳಿಕೆಗಳನ್ನು ಮೀರಿ ಸಂವಹನ ನಡೆಸಲು ಬಯಸುವ ರಾಜಕಾರಣಿಗಳಿಗೆ ಇನ್‌ಸ್ಟಾಗ್ರಾಮ್‌ನ ಒಂದು ಪ್ರಮುಖ ವೇದಿಕೆಯಾಗಿದೆ. ಸೋನಿಯಾ ಗಾಂಧಿ ಅವರ ಇನ್‌ಸ್ಟಾಗ್ರಾಮ್‌ ಪ್ರವೇಶವು ಸಾಮಾಜಿಕ ಮಾಧ್ಯಮಗಳನ್ನೇ ಹೆಚ್ಚಾಗಿ ಬಳಸುವ ಯುವಜನರು ವಿಶೇಷವಾಗಿ ಜೆನ್ ಝೀಗಳನ್ನು ತಲುಪಲು ಮಾಡಿರುವ ಪ್ರಯತ್ನವಾಗಿದೆ. ಈಗಾಗಲೇ ಪ್ರಧಾನಿ ನರೇಂದ್ರ ಮೋದಿ ಮತ್ತು ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರು ಇದರಲ್ಲಿ ನಿರಂತರವಾಗಿ ಯುವಜನರೊಂದಿಗೆ ಸಂವಹನ ನಡೆಸುತ್ತಿದ್ದಾರೆ.

ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿಗೂ ಮುನ್ನ ಶೂಟಿಂಗ್ ಅಭ್ಯಾಸ ಮಾಡಿದ್ದ ಆರೋಪಿಗಳು; ಹೊಟೇಲ್‌ನಲ್ಲಿ ಮಿಸ್‌ಫೈರ್‌ ಆಗಿದ್ದ ಗನ್‌

ಸೋನಿಯಾ ಗಾಂಧಿ ಅವರು ತಮ್ಮ ಮೊದಲ ಪೋಸ್ಟ್‌ನಲ್ಲಿ ಮಗಳು ಮತ್ತು ವಯನಾಡ್ ಸಂಸದ ಪ್ರಿಯಾಂಕಾ ಗಾಂಧಿ ಅವರ ಚಿತ್ರಗಳನ್ನು ಕೂಡ ತೋರಿಸಿದ್ದು, ಎಲ್ಲರಿಗೂ ನಮಸ್ಕಾರ, ಈ ಕ್ಷಣವನ್ನು ನಿಮ್ಮೆಲ್ಲರೊಂದಿಗೆ ಹಂಚಿಕೊಳ್ಳಲು ನಾನು ಕೃತಜ್ಞನಾಗಿದ್ದೇನೆ. ಬಿಲೋಂಗಿಂಗ್: ಎ ಜರ್ನಿ ಆಫ್ ಲವ್‌ನ ಮೊದಲ ನೋಟ ಎಂದು ತಿಳಿಸಿದ್ದಾರೆ.

ಪೆಂಗ್ವಿನ್ ರಾಂಡಮ್ ಹೌಸ್‌ ಮುದ್ರಿಸಿರುವ ಬಿಲೋಂಗಿಂಗ್: ಎ ಜರ್ನಿ ಆಫ್ ಲವ್‌ ಕೃತಿಯು ಸೋನಿಯಾ ಗಾಂಧಿ ಅವರು ಕೇಂಬ್ರಿಡ್ಜ್‌ನಲ್ಲಿದ್ದಾಗ ರಾಜೀವ್ ಗಾಂಧಿಯವರೊಂದಿಗಿನ ಅವರ ಪ್ರಣಯ, ಅತ್ತೆ, ಮಾಜಿ ಪ್ರಧಾನಿ ಇಂದಿರಾ ಗಾಂಧಿ ಮತ್ತು ಅವರ ಪತಿಯ ಹತ್ಯೆಗಳು ಸೇರಿದಂತೆ ಯುದ್ಧಾನಂತರದ ಇಟಲಿಯಲ್ಲಿ ಅವರ ಬಾಲ್ಯದಿಂದ ಭಾರತದಲ್ಲಿನ ಅವರ ಜೀವನದವರೆಗಿನ ಪ್ರಮುಖ ಸಂಗತಿಗಳನ್ನು ಗುರುತಿಸಿದೆ.

ಈ ಕೃತಿಯಲ್ಲಿರುವ ಪ್ರಧಾನಿ ನರೇಂದ್ರ ಮೋದಿ, ರಾಷ್ಟ್ರೀಯ ಸ್ವಯಂಸೇವಕ ಸಂಘ ಮತ್ತು ಚೀನಾದ ಒಳನುಗ್ಗುವಿಕೆಗಳ ಉಲ್ಲೇಖಗಳನ್ನು ಬದಲಾಯಿಸಲು ಅಥವಾ ತೆಗೆದುಹಾಕಲು ಸೋನಿಯಾ ಗಾಂಧಿ ನಿರಾಕರಿಸಿದರು. ಹೀಗಾಗಿ ಈ ಕೃತಿ ಭಾರತದಲ್ಲಿ ಪ್ರಕಟವಾಗುವುದಿಲ್ಲ. ಆತ್ಮಚರಿತ್ರೆಯು ಅವರ ಕಥೆಯಾಗಿದೆ. ಅದನ್ನು ವಿರೂಪಗೊಳಿಸಲು ಅವರು ಬಯಸುವುದಿಲ್ಲ ಎಂದು ಸೋನಿಯಾ ಗಾಂಧಿ ಹೇಳಿದ್ದರು ಎನ್ನಲಾಗಿದೆ.

ಕೇರಳಂನಲ್ಲಿ ಭೂಕುಸಿತ: ಹಳಿ ತಪ್ಪಿದ ಬಿಲಾಸ್‌ಪುರ-ತಿರುನಲ್ವೇಲಿ ಎಕ್ಸ್‌ಪ್ರೆಸ್ ರೈಲು

ಈ ಕೃತಿಯ ಮೂಲಕ ಸೋನಿಯಾ ಗಾಂಧಿಯವರು ಭಾರತದೊಂದಿಗಿನ ಅವರ ಸಂಬಂಧವನ್ನು ರೂಪಿಸಿದ ವೈಯಕ್ತಿಕ ಅನುಭವ ಮತ್ತು ದುರಂತಗಳನ್ನು ಮೆಲುಕು ಹಾಕುತ್ತದೆ. ರಾಷ್ಟ್ರೀಯ ರಾಜಕೀಯದಲ್ಲಿ ಅವರ ದಶಕಗಳ ಉಪಸ್ಥಿತಿಯ ಹೊರತಾಗಿ ಇರುವ ಅವರ ಖಾಸಗಿ ವ್ಯಕ್ತಿತ್ವದ ಮೇಲೆ ಇದು ಬೆಳಕು ಚೆಲ್ಲಲಿದೆ.