''ಶಿಲೆಗಳನ್ನಲ್ಲ, ಮೋದಿ-ಯೋಗಿಯನ್ನೇ ಪೂಜಿಸಿʼʼ: ಬಿಜೆಪಿ ಶಾಸಕನಿಂದ ವಿವಾದಾತ್ಮಕ ಹೇಳಿಕೆ

ಲಖನೌ, ಏ. 16: ಕಲ್ಲುಗಳನ್ನಲ್ಲ, ಪ್ರಧಾನಿ ಮೋದಿ (PM Modi)-ಯುಪಿ ಸಿಎಂ ಯೋಗಿ (UP CM Yogi)ಯನ್ನು ಪೂಜಿಸಿ ಎಂದು ಉತ್ತರ ಪ್ರದೇಶದ (Uttar Pradesh) ಬಿಜೆಪಿ ಶಾಸಕ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಹರ್ದೋಯ್ ಜಿಲ್ಲೆಯ ಗೋಪಮೌ ವಿಧಾನಸಭಾ ಕ್ಷೇತ್ರದ ಶಾಸಕ ಶ್ಯಾಮ್ ಪ್ರಕಾಶ್ ವಿಗ್ರಹಾರಾಧನೆಯನ್ನು ಟೀಕಿಸಿ, ಮೋದಿ-ಯೋಗಿಯನ್ನು ಪೂಜಿಸಿ ಎಂದು ಹೇಳಿದ ನಂತರ ರಾಜಕೀಯ ವಿವಾದ ಭುಗಿಲೆದ್ದಿದೆ.

ಹಾರ್ದೋಯ್‌ನಲ್ಲಿ ನಡೆದ ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದ ಪ್ರಕಾಶ್, ಜೀವಂತ ಜನರನ್ನು ದೇವರಂತೆ ಪರಿಗಣಿಸುತ್ತೇನೆ. ಜನರಿಗೆ ಸಹಾಯ ಮಾಡುವ ಸಾಮರ್ಥ್ಯ ಅವರಿಗಿದೆ ಎಂದು ಹೇಳಿದರು. ಕಲ್ಲುಗಳನ್ನು ಪೂಜಿಸುವುದನ್ನು ನಿಲ್ಲಿಸಿ. ಇಂದಿನ ನಿಜವಾದ ದೇವರಾದ ಮೋದಿ ಮತ್ತು ಯೋಗಿಯನ್ನು ಪೂಜಿಸಲು ಪ್ರಾರಂಭಿಸಿ. ಏಕೆಂದರೆ ಅವರು ಮಾತ್ರ ನಮಗೆ ಎಲ್ಲವನ್ನೂ ನೀಡಬಲ್ಲರು ಎಂದು ಅವರು ಹೇಳಿದರು.

ನಂತರ, ಅವರ ಹೇಳಿಕೆಗಳ ಕುರಿತ ಪ್ರಶ್ನೆಗಳಿಗೆ ಉತ್ತರಿಸುತ್ತ, ಆ ಹೇಳಿಕೆ ತಮ್ಮ ವೈಯಕ್ತಿಕ ಅಭಿಪ್ರಾಯಗಳು ಮತ್ತು ಮನೆಗಳಲ್ಲಿ ಇರಿಸಲಾಗಿರುವ ಕಲ್ಲುಗಳನ್ನು ಕುಟುಂಬ ದೇವತೆಗಳೆಂದು ಉಲ್ಲೇಖಿಸುತ್ತಿದ್ದೇನೆ ಎಂದು ಹೇಳಿದರು.

ಇಲ್ಲಿದೆ ಪೋಸ್ಟ್:

ಅಂಬೇಡ್ಕರ್ ಜಯಂತಿ ಕಾರ್ಯಕ್ರಮದಲ್ಲಿ ಮಾತನಾಡಿದ ಶಾಸಕರು, ದಲಿತರ ಪರವಾಗಿ ಮಾತನಾಡುತ್ತೇವೆಂದು ಹೇಳಿಕೊಳ್ಳುವ ನಾಯಕರು ಹೆಚ್ಚಾಗಿ ತಮ್ಮ ಸ್ವಂತ ಹಿತಾಸಕ್ತಿಗಳಿಗಾಗಿ ಕೆಲಸ ಮಾಡುತ್ತಾರೆ ಎಂದು ಆರೋಪಿಸಿದರು. ಯಾವುದೇ ದಲಿತ ನಾಯಕರು ನಿಮ್ಮ ಕಲ್ಯಾಣವನ್ನು ಬಯಸಲ್ಲ. ದೊಡ್ಡ ನಾಯಕರು ಅಧಿಕಾರವನ್ನು ಪಡೆಯಲು ಜನರನ್ನು ದಾರಿ ತಪ್ಪಿಸುತ್ತಾರೆ ಎಂದು ಅವರು ಹೇಳಿದರು.

ವಿಕಸಿತ ಭಾರತಕ್ಕೆ ಪ್ರಧಾನಿ ಮೋದಿ 9 ಸೂತ್ರ; ರಾಗಿ ಮುದ್ದೆ, ಕಾವೇರಿ ನೀರು ನೆನೆದ ಪಿಎಂ

ಶಾಸಕರ ಹೇಳಿಕೆಗಳು ವಿವಾದಕ್ಕೆ ಕಾರಣವಾಗಿದೆ. ಎಐಟಿಸಿ ಈ ಅವಕಾಶವನ್ನು ಬಳಸಿಕೊಂಡು ಬಿಜೆಪಿ ನಾಯಕರ ಹಿಂದಿನ ಹೇಳಿಕೆಗಳನ್ನು ನೆನಪಿಸಿಕೊಂಡಿದೆ. ಇನ್‌ಸ್ಟಾಗ್ರಾಮ್ ಪೋಸ್ಟ್‌ನಲ್ಲಿ, ಎಐಟಿಸಿ ಬಿಜೆಪಿ ಸಂಸದ ಸಂಬಿತ್ ಪಾತ್ರ, ಈ ಹಿಂದೆ ಮಾಡಿದ್ದ ಪೋಸ್ಟ್ ಅನ್ನು ನೆನಪಿಸಿಕೊಂಡಿದೆ. ಇದರಲ್ಲಿ ಅವರು ಮಹಾಪ್ರಭು ಭಗವಾನ್ ಜಗನ್ನಾಥ ಮೋದಿಯ ಭಕ್ತ ಎಂದು ಹೇಳಿದ್ದರು.

ಗೋಪಮೌದ ಬಿಜೆಪಿ ಶಾಸಕ ಶ್ಯಾಮ್ ಪ್ರಕಾಶ್ ಇನ್ನೂ ಮುಂದೆ ಹೋಗಿ, ಕಲ್ಲುಗಳನ್ನು ಪೂಜಿಸುವುದನ್ನು ನಿಲ್ಲಿಸಿ. ಇಂದಿನ ನಿಜವಾದ ದೇವರಾದ ನರೇಂದ್ರ ಮೋದಿ ಮತ್ತು ಯೋಗಿ ಆದಿತ್ಯನಾಥ್ ಅವರನ್ನು ಪೂಜಿಸಲು ಪ್ರಾರಂಭಿಸಿ ಎಂದು ಜನರಿಗೆ ಬಹಿರಂಗವಾಗಿ ಹೇಳಿದ್ದಾರೆ. ಇದು ಅಪಾಯಕಾರಿ ವ್ಯಕ್ತಿತ್ವ ಆರಾಧನೆ. ಇವರು ಹಿಂದೂ ಧರ್ಮದ ರಕ್ಷಕರು ಮತ್ತು ಧರ್ಮ ರಕ್ಷಕರು ಎಂದು ಹೇಳಿಕೊಂಡು ಎದೆ ಬಡಿದುಕೊಳ್ಳುವ ಜನರು. ಬಂಗಾಳ ಈ ಹುಚ್ಚುತನವನ್ನು ಎಂದಿಗೂ ಸ್ವೀಕರಿಸುವುದಿಲ್ಲ ಎಂದು ತಿಳಿಸಿದರು.