Alia Bhatt: ಅಬ್ಬಾ....ಆಲಿಯಾ ಭಟ್‌ನ ಈ ಲುಕ್‌ಗೆ ಮನಸೋಲದವರುಂಟೇ?ಫೋಟೋಗಳು ಇಲ್ಲಿವೆ ನೋಡಿ
ಕೇನ್ಸ್ ಅಂತಾರಾಷ್ಟ್ರೀಯ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಭಾಗಿಯಾದ ನಂತರ ನಟಿ ಆಲಿಯಾ ಭಟ್ ಅವರು ತಮ್ಮ ಬಾಲ್ಯದ ಗೆಳತಿಯ ವಿವಾಹ ಕಾರ್ಯಕ್ರಮದಲ್ಲಿ ಬ್ಯುಸಿಯಾಗಿದ್ದಾರೆ. ಆಲಿಯಾ ಭಟ್ ಗೆಳತಿ ತಾನ್ಯಾ ಸಹಗುಪ್ತ ಅವರ ವಿವಾಹವು ಸ್ಪೇನ್ ನಲ್ಲಿ ಆಯೋಜಿಸಲಾಗಿದ್ದು ಈ ಅದ್ಧೂರಿ ಸಮಾರಂಭದಲ್ಲಿ ಆಲಿಯಾ ಭಟ್ ಕೂಡ ಬಹಳ ಖುಷಿಯಿಂದ ಪಾಲ್ಗೊಂಡಿದ್ದಾರೆ. ಆತ್ಮೀಯ ಗೆಳೆತಿಯ ವಿವಾಹದ ಫೋಟೋಗಳನ್ನು ಆಲಿಯಾ ಭಟ್ ತಮ್ಮ ಇನ್‌ಸ್ಟಾಗ್ರಾಮ್‌ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ..
Pushpa Kumari
Jun 5, 2025 4:28 PM
ಬಾಲಿವುಡ್ ಬೆಡಗಿ ನಟಿ ಆಲಿಯಾ ಭಟ್ ಅವರು ತಮ್ಮ ಗೆಳತಿ ತಾನ್ಯಾ ಸಹ ಗುಪ್ತ ಅವರ ಮದುವೆ ಕಾರ್ಯಕ್ರಮಕ್ಕಾಗಿ ಸ್ಪೇನ್ ಗೆ ತೆರಳಿದ್ದಾರೆ. ನಟಿ ಆಲಿಯಾ ಭಟ್ ಅವರು ಬ್ಲ್ಯಾಕ್ ಕಲರ್ ಮಾಡರ್ನ್ ಗೌನ್ ಧರಿಸಿದ್ದಾರೆ. ಇದು ಶೋಲ್ಡರ್ ಲೆಸ್ಆದ ಕಾರಣ ನಟಿಗೆ ಗ್ಲಾಮರಸ್ ಲುಕ್ ನೀಡಿದಂತಿದೆ. ಗೆಳತಿ ತಾನ್ಯಾ ಸಹಾ ಗುಪ್ತಾ ಅವರಿಗೆ ಮುತ್ತಿಡುವಂತೆ ಫೋಟೊಗೆ ಪೋಸ್ ನೀಡಿದ್ದಾರೆ.
ವೈರಲ್ ಆದ ಇನ್ನೊಂದು ಫೋಟೊದಲ್ಲಿ ನಟಿ ಆಲಿಯಾ ಭಟ್ ಅವರು ತಮ್ಮ ಉಳಿದ ಗೆಳತಿಯರ ಜೊತೆಗೆ ಕ್ಯಾಂಡಿಡ್ ಫೋಟೊ ತೆಗೆಸಿಕೊಂಡಿದ್ದಾರೆ. ಮದುಮಗಳು ತಾನ್ಯಾ ಸಹಾ ಗುಪ್ತಾ ಅವರು ವೈಟ್ ವೆಡ್ಡಿಂಗ್ ಟ್ರಾನ್ಫರೆಂಟ್ ಗೌನ್ ನಲ್ಲಿ ಪ್ರಿಟಿಯಾಗಿ ಕಂಡಿದ್ದಾರೆ. ಉಳಿದ ಗೆಳತಿಯರು ಬ್ಲ್ಯಾಕ್ ಕಲರ್ ನ ವಿವಿಧ ವಿನ್ಯಾಸದ ಗೌನ್ ತೊಟ್ಟು ಮದುವೆ ಸಂಭ್ರಮದಲ್ಲಿ ತೊಡಗಿದ್ದಾರೆ.
ಇನ್ನೊಂದು ಫೋಟೊದಲ್ಲಿ ನಟಿ ಆಲಿಯಾ ಭಟ್ ಅವರು ವಧು ತಾನ್ಯಾ ಸಹಾ ಗುಪ್ತಾ ಅವರ ಜೊತೆಗೆ ಕ್ಲಾಸಿಕಲ್ ಲುಕ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. ತಾನ್ಯ ಅವರು ಪೀಚ್ ಕಲರ್ ಲೆಹೆಂಗಾದಲ್ಲಿ ಪ್ರಿನ್ಸೆಸ್ ನಂತೆ ಕಂಗೊಳಿಸಿದ್ದಾರೆ. ಇನ್ನು ಆಲಿಯಾ ಭಟ್ ಅವರು ಮಾಡರ್ನ್ ಲಂಗ ದಾವಣಿಯ ಮೇಲೆ ವೈಟ್ ಓವರ್ ಕೋಟ್ ಧರಿಸಿದ್ದು ನೋಡುಗರ ಗಮನ ಸೆಳೆಯುವಂತೆ ಮಾಡಿದೆ.
ಸ್ಪೇನ್ ಅರಮನೆಯ ಮುಂಭಾಗದಲ್ಲಿ ನಟಿ ಆಲಿಯಾ ಭಟ್ ಮತ್ತು ತಾನ್ಯಾ ಸಹ ಗುಪ್ತ ಅವರು ಗ್ರೂಪ್ ಫೋಟೊ ತೆಗಿಸಿ ಕೊಂಡಿದ್ದಾರೆ. ಗ್ರೇ, ವೈಟ್, ಕ್ರೀಮ್ ಕಲರ್ ಬಟ್ಟೆಯನ್ನೇ ಹೆಚ್ಚಾಗಿ ತೊಟ್ಟ ಕಾರಣ ಈ ಫೋಟೊ ಹೆಚ್ಚು ಹೈಲೈಟ್ ಆಗಿದೆ. ನಟಿ ಆಲಿಯಾಭಟ್ ಓವರ್ ಕೋಟ್ ಧರಿಸಿದ್ದ ಕಾರಣ ಅವರ ಡ್ರೆಸ್ ಉಳಿದವರಿಗಿಂತ ಬಹಳ ವಿಭಿನ್ನವಾಗಿ ಕಂಡಿದೆ.
ಮತ್ತೊಂದು ಫೋಟೋದಲ್ಲಿ ಗೆಳತಿಯರಾದ ತಾನ್ಯಾ ಸಹ ಗುಪ್ತ ಮತ್ತು ಆಕಾಂಶಾ ರಂಜನ್ ಕಪೂರ್ ಜೊತೆ ನಟಿ ಆಲಿಯಾ ಭಟ್ ಮುದ್ದು ಮುದ್ದಾಗಿ ಕಂಡಿದ್ದಾರೆ. ಲೆಹೆಂಗಾದಲ್ಲಿ ನಟಿ ಆಲಿಯಾ ಭಟ್ ವಿಭಿನ್ನ ಲುಕ್ ನಲ್ಲಿ ಕ್ಯೂಟ್ ಆಗಿ ಕಂಡಿದ್ದಾರೆ. ತಲೆಗೆ ನೀಲಿ ಕಲರ್ ಸ್ಕಾರ್ಫ್ ತೊಟ್ಟಿದ್ದು ಮೇಕಪ್ ಇಲ್ಲದೆ ಸಿಂಪಲ್ ಆಗಿ ನಟಿ ಆಲಿಯಾ ಭಟ್ ಕಂಗೊಳಿಸಿದ್ದಾರೆ.