FIFA World Cup 2026: ಸ್ಪೇನ್ ಎದುರು ಸೋಲಿನ ಬೆನ್ನಲ್ಲೆ ಮೈದಾನದಲ್ಲಿಯೇ ಕಣ್ಣೀರಾಕಿದ ಕ್ರಿಸ್ಟಿಯಾನೊ ರೊನಾಲ್ಡೊ!
ಪೋರ್ಚುಗೀಸ್ ಫುಟ್ಬಾಲ್ ತಂಡ 2026ರ ಫಿಫಾ ವಿಶ್ವಕಪ್ ಟೂರ್ನಿಯಿಂದ ಹೊರಬಿದ್ದಿದೆ. ಪೋರ್ಚುಗಲ್ ತಂಡ ಅಂತಿಮ 16ರ ಸುತ್ತಿನ ಪಂದ್ಯದಲ್ಲಿ ಸ್ಪೇನ್ ತಂಡವನ್ನು ಎದುರಿಸಿತು. 2010 ರ ಚಾಂಪಿಯನ್ ಆಗಿದ್ದ ಸ್ಪೇನ್ ಈ ಪಂದ್ಯವನ್ನು 1-0 ಅಂತರದಿಂದ ಗೆದ್ದುಕೊಂಡಿತು. ಈ ಸೋಲಿನೊಂದಿಗೆ, ಪೋರ್ಚುಗಲ್ ಮತ್ತು ಕ್ರಿಸ್ಟಿಯಾನೊ ರೊನಾಲ್ಡೊ ಫಿಫಾ ವಿಶ್ವಕಪ್ ಗೆಲ್ಲುವ ಕನಸು ಮತ್ತೊಮ್ಮೆ ಭಗ್ನವಾಯಿತು.
ಸ್ಪೇನ್ ಎದುರು ಸೋಲಿನ ಬೆನ್ನಲ್ಲೆ ಕಣ್ಣೀರಾಕಿದ ಕ್ರಿಸಿಯಾನೊ ರೊನಾಲ್ಡೊ. -
ಕಣ್ಣೀರು ಹಾಕಿದ ಕ್ರಿಸ್ಟಿಯಾನೊ ರೊನಾಲ್ಡೊ
ಸ್ಪೇನ್ ವಿರುದ್ಧ ಪೋರ್ಚುಗಲ್ ಸೋತ ನಂತರ ಸ್ಟಾರ್ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ತನ್ನ ಭಾವನೆಗಳನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ. ಪಂದ್ಯದ ಅಂತಿಮ ಶಿಳ್ಳೆ ಹೊಡೆದ ನಂತರ ರೊನಾಲ್ಡೊ ಅವರ ಕಣ್ಣುಗಳಲ್ಲಿ ನೀರು ತುಂಬಿತ್ತು. ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ.
ರೊನಾಲ್ಡೊರ ಫಿಫಾ ವಿಶ್ವಕಪ್ ಕನಸು ಭಗ್ನ
ಕ್ರಿಸ್ಟಿಯಾನೊ ರೊನಾಲ್ಡೊ ಅವರ ವೃತ್ತಿಜೀವನದ ಆರನೇ ಫಿಫಾ ವಿಶ್ವಕಪ್ ಟೂರ್ನಿ ಇದಾಗಿದೆ. ಅವರು ಒಮ್ಮೆಯೂ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗಲಿಲ್ಲ. 41ರ ವಯಸ್ಸಿನ ಅವರು ಇದೇ ತನ್ನ ಕೊನೆಯ ಫಿಫಾ ವಿಶ್ವಕಪ್ ಟೂರ್ನಿ ಎಂದು ಹೇಳಿದ್ದಾರೆ.
2006ರಲ್ಲಿ ಸೆಮಿಫೈನಲ್ನಲ್ಲಿ ಆಡಿದ್ದ ರೊನಾಲ್ಡೊ
ರೊನಾಲ್ಡೊ ಆರು ವಿಶ್ವಕಪ್ ಟೂರ್ನಿಗಳಲ್ಲಿ ಆಡಿದ್ದಾರೆ. ಅವರ ಅತ್ಯುತ್ತಮ ಫಲಿತಾಂಶ, 2006ರಲ್ಲಿ ಅವರ ಚೊಚ್ಚಲ ಟೂರ್ನಿಯಲ್ಲಿ ಬಂದಿತು, ಆಗ ಪೋರ್ಚುಗೀಸ್ ತಂಡ ಸೆಮಿಫೈನಲ್ ತಲುಪಿತ್ತು. ಆ ಹಂತದಲ್ಲಿ ಅವರು ಫ್ರಾನ್ಸ್ ವಿರುದ್ಧ ಸೋಲನ್ನು ಅನುಭವಿಸಿದ್ದರು.
ಹೆಚ್ಚುವರಿ ಸಮಯದಲ್ಲಿ ದಾಖಲಾಗಿದ್ದ ಗೋಲು
ಸ್ಪೇನ್ ಮತ್ತು ಪೋರ್ಚುಗಲ್ ನಡುವಿನ ಪಂದ್ಯವು ಹೆಚ್ಚುವರಿ ಸಮಯದತ್ತ ಸಾಗಿತು. 90 ನಿಮಿಷಗಳ ನಂತರ ಸ್ಕೋರ್ 0-0 ಆಗಿತ್ತು, ಆದರೆ ಸ್ಟಾಪ್ಪೇಜ್ ಸಮಯದಲ್ಲಿ ಸ್ಪ್ಯಾನಿಷ್ ಬದಲಿ ಆಟಗಾರ ಮೈಕಲ್ ಮೆರಿನೊ ಮ್ಯಾಚ್ ವಿನ್ನಿಂಗ್ ಗೋಲು ಗಳಿಸಿದರು.
ರೊನಾಲ್ಡೊ ವಿಶ್ವಕಪ್ ಗೋಲುಗಳು
ಪೋರ್ಚುಗಲ್ ನಾಯಕ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು 2006ರಿಂದ ಇಲ್ಲಿಯವರೆಗೂ ಆಡಿದ ಆರು ಫಿಫಾ ವಿಶ್ವಕಪ್ ಟೂರ್ನಿಗಳಲ್ಲಿ ಆಡಿದ 27 ಪಂದ್ಯಗಳಿಂದ 11 ಗೋಲುಗಳನ್ನು ದಾಖಲಿಸಿದ್ದಾರೆ.