Photos: ದಾಂಪತ್ಯ ಬದುಕಿಗೆ ಕಾಲಿಟ್ಟ ನಟಿ ಮೆಹ್ರೀನ್ ಪಿರ್ಝಾದಾ; ಹಿಮಾಚಲ ಪ್ರದೇಶದಲ್ಲಿ ಅರ್ಷ್ ಔಲಕ್ ಜೊತೆ ಅದ್ದೂರಿಯಾಗಿ ನಡೆದ ವಿವಾಹ
ಬಹುಭಾಷಾ ನಟಿ ಮೆಹ್ರೀನ್ ಪಿರ್ಝಾದಾ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಭಾನುವಾರ (ಏಪ್ರಿಲ್ 26) ಅರ್ಷ್ ಔಲಕ್ ಅವರನ್ನು ಮೆಹ್ರೀನ್ ವರಿಸಿದ್ದಾರೆ. ಹಿಮಾಚಲ ಪ್ರದೇಶದಲ್ಲಿ ನಡೆದ ಅದ್ಧೂರಿ ಸಮಾರಂಭದಲ್ಲಿ ಈ ಜೋಡಿ ವಿವಾಹ ಬಂಧನಕ್ಕೆ ಒಳಗಾಗಿದೆ. ಈ ಹಿಂದೆ ಕಾಂಗ್ರೆಸ್ ಯುವ ನಾಯಕ ಭವ್ಯ ಬಿಷ್ಣೋಯ್ ಅವರೊಂದಿಗೆ ಮೆಹ್ರೀನ್ ನಿಶ್ಚಿತಾರ್ಥ ನಡೆದಿತ್ತು. ಇನ್ನೇನು ಮದುವೆ ಆಗಬೇಕು ಎನ್ನುವಷ್ಟರಲ್ಲಿ ನಿಶ್ಚಿತಾರ್ಥ ರದ್ದಾಗಿತ್ತು. ಆದಾಗಿ 4 ವರ್ಷಗಳ ನಂತರ, ಮೆಹ್ರೀನ್ ಅವರು ತಮ್ಮ ಪ್ರಿಯಕರ ಅರ್ಷ್ ಔಲಖ್ ಅವರನ್ನು ಮದುವೆಯಾಗುವ ಮೂಲಕ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಮದುವೆಯ ಸುಂದರ ಕ್ಷಣಗಳನ್ನು ಇನ್ಸ್ಟಾಗ್ರಾಮ್ ಮೂಲಕ ಹಂಚಿಕೊಳ್ಳುವ ಮೂಲಕ ಹೊಸ ಜೀವನದ ಆರಂಭವನ್ನು ಘೋಷಿಸಿದ್ದಾರೆ. ಮೆಹ್ರೀನ್ ತಮ್ಮ ಪ್ರಿ-ವೆಡ್ಡಿಂಗ್ ಸಂಭ್ರಮದ ಫೋಟೋಗಳು ಮತ್ತು ವಿಡಿಯೋಗಳನ್ನು ಇನ್ಸ್ಟಾ ಸ್ಟೋರಿಯಲ್ಲಿ ಹಂಚಿಕೊಂಡಿದ್ದು, ಈ ಸಂದರ್ಭದಲ್ಲಿ ಅಭಿಮಾನಿಗಳು ಮತ್ತು ಚಿತ್ರರಂಗದ ಗಣ್ಯರು ಮೆಹ್ರೀನ್ಗೆ ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ.
-
ಮೆಹ್ರೀನ್ ಪಿರ್ಝಾದಾ ಅವರ ಮದುವೆಯು ಏಪ್ರಿಲ್ 26 ರಂದು ಹಿಮಾಚಲ ಪ್ರದೇಶದ ಚೈಲ್ ಎಂಬಲ್ಲಿ ನೆರವೇರಿತು.
ಕೇವಲ ಕುಟುಂಬದವರು ಮತ್ತು ಆಪ್ತರ ಸಮ್ಮುಖದಲ್ಲಿ ಅತ್ಯಂತ ಸರಳವಾಗಿ ಈ ಮದುವೆ ನಡೆದಿದೆ.
ಸಾಂಪ್ರದಾಯಿಕ 'ಆನಂದ್ ಕಾರಜ್' ವಿಧಿವಿಧಾನದ ಮೂಲಕ ಈ ಜೋಡಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದೆ.
ಮೆಹ್ರೀನ್ ಪಿರ್ಝಾದಾ ಅವರು ತಮ್ಮ ಮದುವೆಗಾಗಿ 'ಪಿಂಕ್ ಮತ್ತು ವೈಟ್' (ಗುಲಾಬಿ ಮತ್ತು ಬಿಳಿ) ಬಣ್ಣದ ವಿಶೇಷ ಥೀಮ್ ಆಯ್ಕೆ ಮಾಡಿಕೊಂಡಿದ್ದರು.
ಲೇಯರ್ಡ್ ಪೋಲ್ಕಿ ನೆಕ್ ಸೆಟ್, ಮಾಂಗ್ ಟಿಕಾ ಮತ್ತು ವಿಶೇಷವಾಗಿ ವಿನ್ಯಾಸಗೊಳಿಸಿದ ಬೆಳ್ಳಿಯ ಕಲೀರಾಗಳು ಮೆಹ್ರೀನ್ ಪಿರ್ಝಾದಾ ಅವರ ಸೌಂದರ್ಯಕ್ಕೆ ಮೆರುಗು ನೀಡಿದ್ದವು.
ವರ ಅರ್ಶ್ ಅವರು ಗುಲಾಬಿ ಬಣ್ಣದ ಶೇರ್ವಾನಿ, ಪೇಟ, ಪೋಲ್ಕಿ ನೆಕ್ಲೇಸ್ ಹಾಗೂ ವಜ್ರದ ಕಲಂಗಿ ಧರಿಸಿದ್ದರು.
ಮೆಹ್ರೀನ್ ಅವರು ತೆಲುಗು, ತಮಿಳು, ಹಿಂದಿ ಮತ್ತು ಪಂಜಾಬಿ ಚಿತ್ರರಂಗದಲ್ಲಿ ಜನಪ್ರಿಯತೆಯನ್ನು ಗಳಿಸಿದ್ಧಾರೆ. ಇವರು ನಟ ಗುರುಫತೇಹ್ ಪಿರ್ಝಾದಾ ಸಹೋದರಿ.
ಮೆಹ್ರೀನ್ ಪಿರ್ಝಾದಾ ಅವರು 'ಪಂಥಂ', 'ಕವಚಂ' ಮತ್ತು 'F2: ಫನ್ ಅಂಡ್ ಫ್ರಸ್ಟ್ರೇಷನ್'. ʻF3ʼ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.
ಮೆಹ್ರೀನ್ ಪಿರ್ಝಾದಾ ಅವರು 2023ರಲ್ಲಿ 'ಸುಲ್ತಾನ್ ಆಫ್ ಡೆಲ್ಲಿ' ಎಂಬ ಕ್ರೈಮ್ ಥ್ರಿಲ್ಲರ್ ವೆಬ್ ಸರಣಿಯಲ್ಲೂ ನಟಿಸಿದ್ದರು.
ಶಿವರಾಜ್ಕುಮಾರ್ ನಟನೆಯ 'ನೀ ಸಿಗುವವರೆಗೂ' ಚಿತ್ರದ ಮೂಲಕ ಮೆಹ್ರೀನ್ ಪಿರ್ಝಾದಾ ಸ್ಯಾಂಡಲ್ವುಡ್ಗೆ ಎಂಟ್ರಿ ಕೊಡುತ್ತಿದ್ದಾರೆ. ಆ ಚಿತ್ರದ ಬಗ್ಗೆ ಸದ್ಯ ಯಾವುದೇ ಅಪ್ಡೇಟ್ ಇಲ್ಲ.