Jewel Fashion 2026: ಜೆನ್ ಜಿ ದೇಸಿ ಲುಕ್‌ಗೆ ಎಂಟ್ರಿ ಕೊಟ್ಟ ಪ್ರೆಸ್ ಆನ್ ಮೂಗುತಿಗಳು
ಮುಂಬರುವ ಹಬ್ಬದ ಸೀಸನ್‌ಗೆ ಜೆನ್ ಜಿ ಹುಡುಗಿಯರ ಟ್ರೆಡಿಷನಲ್ ಲುಕ್‌ಗೆ ಸಾಥ್ ನೀಡುವಂತಹ ಇಮಿಟೇಷನ್ ಪ್ರೆಸ್ ಆನ್ ಮೂಗುತಿಗಳು ಜ್ಯುವೆಲರಿ ಲೋಕಕ್ಕೆ ಲಗ್ಗೆ ಇಟ್ಟಿವೆ. ವಿವಿಧ ವಿನ್ಯಾಸಗಳಲ್ಲಿ ಆಗಮಿಸಿವೆ. ಈ ಕುರಿತಂತೆ ಇಲ್ಲಿದೆ ವರದಿ.
ಚಿತ್ರಕೃಪೆ: ಪಿಕ್ಸೆಲ್ -
ಮುಂಬರುವ ನವರಾತ್ರಿಗೆ ಜೆನ್ ಜಿ ಹುಡುಗಿಯರ ಟ್ರೆಡಿಷನಲ್ ಲುಕ್‌ಗೆ ಸಾಥ್ ನೀಡುವಂತಹ ಪ್ರೆಸ್ ಆನ್ ಮೂಗುತಿಗಳು ಜ್ಯುವೆಲರಿ ಲೋಕಕ್ಕೆ ಕಾಲಿಟ್ಟಿವೆ.
ಜೆನ್ ಜಿ ಹುಡುಗಿಯರ ಪ್ರೆಸ್ ಆನ್ ಮೂಗುತಿಗಳ ಲವ್
ಜೆನ್ ಜಿ ಯುವತಿಯರು ಮೂಗು ಚುಚ್ಚಿಸದಿದ್ದರೇ ಏನಂತೆ, ಸೀರೆ, ಲಂಗ-ದಾವಣಿ, ಸಲ್ವಾರ್, ಹಾಫ್ ಸೀರೆ, ಲೆಹೆಂಗಾ ಧರಿಸಿದಾಗ ಈ ಪ್ರೆಸ್ ಆನ್ ಮೂಗುತಿಗಳನ್ನು ಇತರೇ ಜ್ಯುವೆಲರಿಗಳೊಂದಿಗೆ ಧರಿಸಿದಲ್ಲಿ ಟ್ರೆಡಿಷನಲ್ ಲುಕ್ ಪಡೆಯಬಹುದು. ಈ ಹಿನ್ನೆಲೆಯಲ್ಲಿ ಇವನ್ನು ಕೊಳ್ಳುವವರ ಸಂಖ್ಯೆಯಲ್ಲಿ ಜೆನ್ ಜಿ ಹುಡುಗಿಯರ ಸಂಖ್ಯೆಯೇ ಹೆಚ್ಚಾಗಿದೆ ಎನ್ನುತ್ತಾರೆ ಜ್ಯುವೆಲರಿ ಸ್ಟೈಲಿಸ್ಟ್ ರಾಜನ್.
ಟ್ರೆಂಡಿಯಾಗಿರುವ ಪ್ರೆಸ್ ಆನ್ ಮೂಗುತಿಗಳು
ಟ್ರೆಡಿಷನಲ್ ಲುಕ್‌ನಲ್ಲಿ ತ್ರಿಶೂಲ, ರಂಗೋಲಿ ಚಿತ್ತಾರ, ಶಂಖ-ಚಕ್ರ, ಕೊಳಲು, ಮಹಾರಾಷ್ಟ್ರೀಯನ್ ಶೈಲಿಯ ಮುತ್ತಿನ ಮೂಗಿನ ರಿಂಗ್, ಪ್ರಿಶಿಯಸ್ ಸ್ಟೋನ್ಸ್ ಇರುವಂತಹ ಕಾಸಗಲದ್ದು, ಎನಮೆಲ್ ಪೇಂಟ್ ಇರುವಂತಹ ಆಂಟಿಕ್ ವಿನ್ಯಾಸದವು, ಕಾಸಗಲದವು, ಏಳು, ಒಂಭತ್ತು ಹಾಗೂ ಹನ್ನೊಂದು ಕಲ್ಲಿನ ಕಿವಿಯೊಲೆಯಂತವು ಹೆಚ್ಚು ಮಾರಾಟವಾಗುತ್ತಿವೆ ಎನ್ನುತ್ತಾರೆ ಮಾರಾಟಗಾರರು.
ಜೆನ್ ಜಿ ಚಾಯ್ಸ್‌ನಲ್ಲಿರುವ ಪ್ರೆಸ್ ಆನ್ ಮೂಗುತಿಗಳಿವು
ಕಮಲ, ಸೂರ್ಯಕಾಂತಿ, ಸೇವಂತಿಗೆ, ಡೇರೆಯಂತಹ ಹೂವಿನ ಎಂಬೋಸಿಂಗ್ ಇರುವಂತವು, ಕುಂದನ್ನಿಂದ ಸಿಂಗರಿಸಲ್ಪಟ್ಟವು, ನವಿಲು, ಪಾರಿವಾಳ, ಗಿಳಿ ಸೇರಿದಂತೆ ನಾನಾ ಹಕ್ಕಿ-ಪಕ್ಷಿಗಳ ಮಿನಿಯೇಚರ್‌ನಂತ ಪ್ರೆಸ್ ಆನ್ ಮೂಗುತಿಗಳು ಬೇಡಿಕೆ ಹೆಚ್ಚಿಸಿಕೊಂಡಿದ್ದು, ಕನಿಷ್ಠ 100 ರೂ.ಗಳಿಂದ ಆರಂಭಗೊಂದು ಸಾವಿರ ರೂ.ಗಳವರೆಗೂ ಬೆಲೆಯನ್ನೊಂದಿವೆ ಎನ್ನುತ್ತಾರೆ ಮಾರಾಟಗಾರರು.
ಪ್ರೆಸ್ ಆನ್ ಮೂಗುತಿ ಧರಿಸುವವರಿಗೆ ಟಿಪ್ಸ್
- ಮೇಕಪ್ ಮುಗಿದ ನಂತರ ಇದನ್ನು ಧರಿಸಿ.
- ನಿಮ್ಮ ಮುಖದ ಆಕಾರಕ್ಕೆ ತಕ್ಕಂತೆ ಮೂಗುತಿ ಸೆಲೆಕ್ಟ್ ಮಾಡಿ.
- ಮೂಗುತಿಗೆ ಇತರೇ ಜ್ಯುವೆಲರಿಗಳು ಹೊಂದಬೇಕು.
- ಫಿನಿಶಿಂಗ್ ಇರುವಂತಹ ಪ್ರೆಸ್ ಆನ್ ಮೂಗುತಿಯನ್ನೇ ಖರೀದಿಸಿ.