OTT Releases: ಜೂನ್ ಕೊನೆ ವಾರದಲ್ಲಿ ಓಟಿಟಿಯಲ್ಲಿ ರಿಲೀಸ್ ಆದ ಸಸ್ಪೆನ್ಸ್ ಥ್ರಿಲ್ಲಿಂಗ್ ಮೂವಿ, ಸಿರೀಸ್ ಲಿಸ್ಟ್ ಇಲ್ಲಿದೆ ನೋಡಿ
ಪ್ರತಿ ತಿಂಗಳ ಕೊನೆಯಲ್ಲಿ ಸಿನಿಮಾ ಹಾಗೂ ವೆಬ್ ಸಿರೀಸ್ಗಳು ಆನ್ಲೈನ್ ಪ್ಲಾಟ್ಫಾರ್ಮ್ ಓಟಿಟಿಗೆ ಲಗ್ಗೆ ಇಡುತ್ತವೆ. ಆ ಮೂಲಕ ವೀಕ್ಷಕರ ಮನ ಗೆಲ್ಲುತ್ತವೆ. ಜೂನ್ ಕೊನೆ ವಾರದಲ್ಲಿ ಕೂಡ ಕೆಲ ಥ್ರಿಲ್ಲಿಂಗ್ ವೆಬ್ ಸೀರಿಸ್ ಹಾಗೂ ಸಿನಿಮಾಗಳು ತೆರೆ ಕಾಣಲಿದೆ. ಸ್ಟ್ರೀಮಿಂಗ್ ಪ್ಲಾಟ್ಫಾರ್ಮ್ಗಳಾದ ನೆಟ್ಫ್ಲಿಕ್ಸ್, ಪ್ರೈಮ್, ಜಿಯೋ ಹಾಟ್ ಸ್ಟಾರ್, ಝೀ 5 ಮುಂತಾದ ಕಡೆ ಯಾವೆಲ್ಲ ಸಿನಿಮಾ ಮತ್ತು ವೆಬ್ ಸಿರೀಸ್ ತೆರೆ ಕಾಣುತ್ತಿವೆ ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.
OTT Releases of the Week -
ʼರೈಡ್ 2ʼ
ಪಾಲಿಟಿಕಲ್ ಥ್ರಿಲ್ಲರ್ ಬಾಲಿವುಡ್ ಸಿನಿಮಾ ʼರೈಡ್ 2ʼ ಜೂನ್ 26ರಂದು ನೆಟ್ಫ್ಲಿಕ್ಸ್ನಲ್ಲಿ ತೆರೆ ಕಂಡಿದೆ. ಅಜಯ್ ದೇವಗನ್, ರಿತೇಶ್ ದೇಶಮುಖ್, ವಾಣಿ ಕಪೂರ್, ಕರಣ್ ವ್ಯಾಸ್ ಮುಂತಾದವರು ಈ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ಅಮಯ್ ಪಟ್ನಾಯಕ್ ಎಂಬ ಐಪಿಎಸ್ ಅಧಿಕಾರಿಯ ತನಿಖೆಯ ಸುತ್ತ ಈ ಕಥೆ ಸಾಗುತ್ತದೆ. ತನಿಖೆ ವೇಳೆ ಕಂಡುಬರುವ ಅನೇಕ ಸವಾಲುಗಳನ್ನು, ಅದರನ್ನು ಎದುರಿಸುವ ಪರಿ ವೀಕ್ಷಕರನ್ನು ಸೆಳೆಯಲಿದೆ.
ʼಸ್ಕ್ವಿಡ್ ಗೇಮ್ ಸೀಸನ್ 3ʼ
ಸೈಕಾಲಜಿಕಲ್ ಥ್ರಿಲ್ಲರ್ ಕೊರಿಯನ್ ವೆಬ್ ಸಿರೀಸ್ ʼಸ್ಕ್ವಿಡ್ ಗೇಮ್ʼನ ಎರಡು ಸೀಸನ್ ಈಗಾಗಲೇ ಪ್ರೇಕ್ಷಕರ ಮನ ಗೆದ್ದಿದೆ. ಇದೀಗ ಸೀಸನ್ 3 ಜೂನ್ 27ರಿಂದ ನೆಟ್ಫ್ಲಿಕ್ಸ್ನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಈ ವೆಬ್ ಸಿರೀಸ್ನಲ್ಲಿ ಲೀ ಜಂಗ್ ಜೇ, ಗ್ರೆಗ್ ಚುನ್, ಟಾಮ್ ಚೋಯ್, ವೈ ಹಾ-ಜೂನ್, ಜೋನ್ ಯಂಗ್-ಸೂ ಮೊದಲಾದವರು ಅಭಿನಯಿಸಿದ್ದಾರೆ.
ʼಪಂಚಾಯತ್ ಸೀಸನ್ 4ʼ
ʼಪಂಚಾಯತ್ ಸೀಸನ್ 4ʼ ಹಿಂದಿ ವೆಬ್ ಸಿರೀಸ್ ಜೂನ್ 24ರಂದು ಅಮೆಜಾನ್ ಪ್ರೈಮ್ ವಿಡಿಯೊದಲ್ಲಿ ರಿಲೀಸ್ ಆಗಿದೆ. ಗ್ರಾಮೀಣ ಭಾಗದ ರಾಜಕೀಯ ವಿಚಾರಗಳ ಮೇಲೆ ಕಥೆ ಕೇಂದ್ರೀಕರಿಸಲಾಗಿದೆ. ಜಿತೇಂದ್ರ ಕುಮಾರ್, ನೀನಾ ಗುಪ್ತಾ, ರಘುಬೀರ್ ಯಾದವ್, ಚಂದನ್ ರಾಯ್, ಫೈಸಲ್ ಮಲಿಕ್ ಮೊದಲಾದವರು ನಟಿಸಿದ್ದಾರೆ.
ʼಮಿಸ್ಟ್ರಿʼ
ʼಮಿಸ್ಟ್ರಿʼ ಎನ್ನುವುದು ಹಿಂದಿಯ ಕಾಮಿಡಿ ಪಾಲಿಟಿಕಲ್ ಕಂಬೈನ್ ವೆಬ್ ಸೀರಿಸ್ ಆಗಿದ್ದು, ಜೂನ್ 27ರಂದು ಜಿಯೋ ಹಾಟ್ ಸ್ಟಾರ್ನಲ್ಲಿ ತೆರೆ ಕಂಡಿದೆ. ಪೊಲೀಸ್ ಅಧಿಕಾರಿ ಅರ್ಮಾನ್ ತನಿಖೆಯು ಪ್ರೇಕ್ಷಕರನ್ನು ಮನರಂಜಿಸುತ್ತದೆ. ರಾಮ್ ಕಪೂರ್, ಮೋನಾ ಸಿಂಗ್, ಅಭಿಜೀತ್ ಚಿತ್ರೆ, ಸಿಖಾ ತಲ್ಸಾನಿಯಾ, ಕ್ಷಿತಿಜ್ ಡೇಟ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ʼವಿರಾಟಪಲೆಂ: ಪಿಸಿ ಮೀನಾ ರಿಪೋರ್ಟಿಂಗ್ʼ
ʼವಿರಾಟಪಲೆಂ: ಪಿಸಿ ಮೀನಾ ರಿಪೋರ್ಟಿಂಗ್ʼ ತೆಲುಗು ವೆಬ್ ಸಿರೀಸ್ ಕ್ರೈಂ ಸಸ್ಪೆನ್ಸ್ ಥ್ರಿಲ್ಲಿಂಗ್ ಕಥೆಯನ್ನು ಆಧರಿಸಿದ್ದು, ಜೂನ್ 27ರಿಂದ ಝೀ5 ಫ್ಲಾಟ್ಫಾರ್ಮ್ನಲ್ಲಿ ಪ್ರಸಾರವಾಗುತ್ತಿದೆ. ಹಳ್ಳಿಯೊಂದರಲ್ಲಿ ನವವಧುಗಳು ಮದುವೆ ರಾತ್ರಿಯಂದೆ ಧಾರುಣವಾಗಿ ಸಾಯುವ 90ರ ದಶಕದಲ್ಲಿ ನಡೆಯುವ ಕಥೆಯನ್ನು ಈ ವೆಬ್ ಸೀರಿಸ್ನಲ್ಲಿ ಹೇಳಲಾಗಿದೆ. ಅಭಿಜ್ಞ ವೂತಲೂರು, ಕ್ಯಾಹ್ರಾನ್ ಲಕ್ಕರಾಜು, ರಾಮರಾಜು, ಲಾವಣ್ಯ ಸಾಹುಕಾರ, ಗೌತಮ್ ರಾಜು ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.
ʼಬಿಭಿಷಣ್ʼ
ʼಬಿಭಿಷಣ್ʼ ಬಂಗಾಳಿ ಸೈಕಲಾಜಿಕಲ್ ಥ್ರಿಲ್ಲರ್ ವೆಬ್ ಸರಣಿಯಾಗಿದ್ದು ಜೂನ್ 27ರಂದು ಝೀ5 ಫ್ಲಾಟ್ಫಾರ್ಮ್ನಲ್ಲಿ ಬಿಡುಗಡೆಯಾಗಿದೆ. ನಟ ಸೋಹಮ್ ಮಜುಂದಾರ್ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಅಭಿನಯಿಸಿದ್ದಾರೆ. ಕಾಡಿನಲ್ಲಿ ಪತ್ತೆಯಾಗುವ ಶವಗಳು ಯಾರದ್ದು ಎಂಬ ಹುಡುಕಾಟದ ಸುತ್ತ ಕಥೆ ಸಾಗಲಿದ್ದು ಪೊಲೀಸ್ ಅಧಿಕಾರಿಯ ತನಿಖೆಯ ವಿವಿಧ ಆಯಾಮಗಳು ಸಖತ್ ಥ್ರಿಲ್ಲಿಂಗ್ ಆಗಿ ಮೂಡಿ ಬಂದಿದೆ. ದೇಬಚಂದ್ರಿಮಾ ಸಿಂಘ ರಾಯ್, ಕಥಾ ನಂದಿ, ಸಾನಿಬ್ ಸರ್ಕಾರ್, ಪ್ರದೀಪ್ ಧರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ʼಕ್ಲೀನರ್ʼ
ಮಾರ್ಟಿನ್ ಕ್ಯಾಂಪ್ಬೆಲ್ ನಿರ್ದೇಶನದ 'ಕ್ಲೀನರ್' ಎನ್ನುವುದು ಬ್ರಿಟಿಷ್ ಆ್ಯಕ್ಷನ್ ಥ್ರಿಲ್ಲರ್ ಸಿನಿಮಾವಾಗಿದ್ದು ಜೂನ್ 27ರಂದು ಲಯನ್ಸ್ಗೇಟ್ ಪ್ಲೇಯಲ್ಲಿ ತೆರೆ ಕಂಡಿದೆ. ಡೈಸಿ ರಿಡ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಮಾಜಿ ಸೈನಿಕನೊಬ್ಬ ಗಾಜಿನ ಕ್ಲೀನರ್ ಆಗುವ ಕಥೆ ಥ್ರಿಲ್ಲಿಂಗ್ನಿಂದ ಕೂಡಿದೆ. ಟಾಜ್ ಸ್ಕೈಲರ್, ರುತ್ ಗೆಮ್ಮೆಲ್, ಮ್ಯಾಥ್ಯೂ ಟಕ್, ರುಫಸ್ ಜೋನ್ಸ್, ಲೀ ಬೋರ್ಡ್ಮನ್ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ.
ʼಐರನ್ಹಾರ್ಟ್ʼ
ʼಐರನ್ ಹಾರ್ಟ್ʼ ಎನ್ನುವುದು ಅಮೆರಿಕನ್ ವೆಬ್ ಸಿರೀಸ್. ಇದು ಜೂನ್ 25ರಂದು ಜಿಯೋ ಹಾಟ್ ಸ್ಟಾರ್ನಲ್ಲಿ ತೆರೆಕಂಡಿದೆ. ಇದೊಂದು ಆ್ಯಕ್ಷನ್ ಫ್ಯಾಂಟಸಿ ಸೀರಿಸ್ ಆಗಿದ್ದು ಡೊಮಿ ನಿಕ್ ಥ್ರೋನ್, ಆಂಥೋನಿ ರಾಮೋಸ್, ಲಿರಿಕ್ ರೋಸ್, ಮ್ಯಾಥ್ಯೂ ಎಲಾಮ್, ಮ್ಯಾನ್ನಿ ಮೊಂಟಾನಾ ಪ್ರಮುಖ ಪಾತ್ರದಲ್ಲಿದ್ದಾರೆ.
ʼಸ್ಮೋಕ್ʼ
ʼಸ್ಮೋಕ್ʼ ಅಮೆರಿಕನ್ ಟಿವಿ ಸಿರೀಸ್ ಪೆಸಿಫಿಕ್ ವಾಯುವ್ಯ ಭಾಗಕ್ಕೆ ಆಗಾಗ ಬೆಂಕಿ ಅನಾಹುತವಾಗುವುದನ್ನು ಪತ್ತೆ ಹಚ್ಚುವ ರೋಚಕ ಸನ್ನಿವೇಶವನ್ನು ಒಳಗೊಂಡಿದೆ. ಜೂನ್ 27ರಿಂದ ಆ್ಯಪಲ್ ಟಿವಿ ಪ್ಲಸ್ನಲ್ಲಿ ಸ್ಟ್ರೀಮಿಂಗ್ ಆಗುತ್ತಿದೆ. ಟ್ಯಾರನ್ ಎಗರ್ಟನ್, ಜುರ್ನಿ ಸ್ಮೊಲೆಟ್, ಜಾನ್ ಲೆಗುಯಿಜಾಮೊ, ರಾಫೆ ಸ್ಪಾಲ್, ಗ್ರೆಗ್ ಕಿನ್ನಿಯರ್, ಎನ್ಟಾರೆ ಮ್ವೈನ್ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.